ཚིག་གི་ཟེགས་མ།

མགོ་ལོག་ཆུ་ཐིགས། མཆོད་མེ་བོད་ཀྱི་རྩོམ་རིག་དྲ་བ། 2015-09-24


ཚིག་གི་བྱ་ཁྲ་རྟོག་པའི་དབྱིངས་ན་འཕུར།།
འཇའ་ཡི་གཤོག་ཟུང་སྲིད་པའི་དཔུང་ལ་བརྐྱངས།།
ངག་གི་གཏེར་མཛོད་གནམ་སའི་མལ་དུ་སྦས།།
འོད་ཀྱི་དཔུང་ཡ་ཆར་བའི་ཁྲུས་ལ་རོལ།།

སྲོད་ཁའི་བགྲེས་པོས་འོ་མའི་མིག་ཆུ་འཇོ།།
ལ་མགོའི་ཟེར་ལ་སྐྲ་ལོས་སྐྱེལ་མ་བྱས།།
སྤྱན་ཟུང་ཉི་ཟླ་ཡིན་པའི་ཨ་མྱེ་དེས།།
འཁོར་བའི་ཆོས་ལ་འོད་ཀྱི་ཐམ་ག་གླན།།

སྣང་བའི་གཤིན་སའི་སྨག་གི་བང་སོ་ན།།
སྒྲོན་མེ་ཐོགས་པའི་རྣམ་ཤེས་རལ་བོ་ཞིག།
ཚིག་སྒྲོམ་ཁུར་ནས་བར་དོར་འགྲིམས་པ་དེ།།
སྨྱུ་གུ་འཆང་བའི་ངག་གི་བྱེད་པོ་ཡིན།།

གཙང་བོ་ཡིན་པའི་ཚོར་བའི་རླབས་སྒྲ་དེ།།
སྨུག་པའི་མེ་ལོང་ངོ་ལ་བྱིལ་བྱིལ་བྱེད།།
དབྱངས་གསལ་ཚིག་གི་མཛོད་ཁང་བཀྲུ་བར་བྱས།།
ངག་གི་དཔལ་ཡོན་མཐའ་དག་དབང་ལ་འབྱོར།།

                 2015.5.2

(མཆོད་མེའི་པར་དབང་གཞན་གྱིས་དགོལ་མི་རུང)

 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཚིག་གི་ཟེགས་མ།

2015-09-24 མགོ་ལོག་ཆུ་ཐིགས། ཀློག་གྲངས། མཆན ཡོད།


ཚིག་གི་བྱ་ཁྲ་རྟོག་པའི་དབྱིངས་ན་འཕུར།།
འཇའ་ཡི་གཤོག་ཟུང་སྲིད་པའི་དཔུང་ལ་བརྐྱངས།།
ངག་གི་གཏེར་མཛོད་གནམ་སའི་མལ་དུ་སྦས།།
འོད་ཀྱི་དཔུང་ཡ་ཆར་བའི་ཁྲུས་ལ་རོལ།།

སྲོད་ཁའི་བགྲེས་པོས་འོ་མའི་མིག་ཆུ་འཇོ།།
ལ་མགོའི་ཟེར་ལ་སྐྲ་ལོས་སྐྱེལ་མ་བྱས།།
སྤྱན་ཟུང་ཉི་ཟླ་ཡིན་པའི་ཨ་མྱེ་དེས།།
འཁོར་བའི་ཆོས་ལ་འོད་ཀྱི་ཐམ་ག་གླན།།

སྣང་བའི་གཤིན་སའི་སྨག་གི་བང་སོ་ན།།
སྒྲོན་མེ་ཐོགས་པའི་རྣམ་ཤེས་རལ་བོ་ཞིག།
ཚིག་སྒྲོམ་ཁུར་ནས་བར་དོར་འགྲིམས་པ་དེ།།
སྨྱུ་གུ་འཆང་བའི་ངག་གི་བྱེད་པོ་ཡིན།།

གཙང་བོ་ཡིན་པའི་ཚོར་བའི་རླབས་སྒྲ་དེ།།
སྨུག་པའི་མེ་ལོང་ངོ་ལ་བྱིལ་བྱིལ་བྱེད།།
དབྱངས་གསལ་ཚིག་གི་མཛོད་ཁང་བཀྲུ་བར་བྱས།།
ངག་གི་དཔལ་ཡོན་མཐའ་དག་དབང་ལ་འབྱོར།།

                 2015.5.2

(མཆོད་མེའི་པར་དབང་གཞན་གྱིས་དགོལ་མི་རུང)

 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།