ཀླུ་སྨྱོན་གྱི་སྙན་ངག་གསར་བ། གཟན་དམར་པོ་ཞིག་བོར་བའི་གཏམ་རྒྱུད།

ཀླུ་སྨྱོན་ཧེ་རུ་ཀ མཆོད་མེ་བོད་ཀྱི་རྩོམ་རིག་དྲ་བ། 2015-11-13


རི་སྐེད་སྨུག་པ་འཕྱུར་བའི་རྫ་ལུང་ན།།
རྫི་མོའི་ལ་གཞས་སྙན་པའི་ཡང་ལུང་ན།།
གཞོན་ནུའི་བརྩེ་དུང་འཁྱིལ་བའི་ཨ་ལུང་ན།།
ཨ་ལགས་ལོ་ཆུང་ཞིག་གི་གཏམ་རྒྱུད་བཞུར།།
མདང་ནུབ་ཆར་བ་བབས་པའི་སྨུག་རླངས་ཀྱིས།།
ད་ནངས་མེ་ཏོག་སྟོང་གི་འདབ་མ་བཀྲུས།།
འབྲི་མོའི་འོ་ཞོའི་དྲི་ངད་མངར་མོ་ཡིས།།
འབྲོག་མོའི་བཞོ་ལུང་སིལ་སྒྲ་ཤག་སེ་ཤག།
ལག་པར་ལྕི་འདམ་ལྕང་མའི་དྲི་བསུང་ཅན།།
མིག་གི་ཆ་ག་ཆགས་པའི་རི་མོ་ཅན།།
བྲང་གི་ནུ་འབུར་ཚི་ལེན་འོད་ཁྲ་ཅན།།
ཞི་མོ་ཁྱོད་ཀྱང་ཚེ་སྔོན་ལན་ཆགས་ཏེ།།
གཟན་ཤམ་དམར་པོ་འདི་ཡིས་མི་ཁོག་པའི།།
ཏིང་འཛིན་བརྟན་པོ་འདི་ཡིས་མི་སྤོང་བའི།།
ཆགས་པ་ཞེས་བྱ་འཁོར་བའི་ལྕགས་ཀྱུ་འདིས།།
འདོད་པའི་ཉ་མོ་དེ་དག་སྔངས་པར་བྱས།།
དགོན་ཆེན་གསེར་ཏོག་ཉི་མའི་གཟི་བརྗིད་ཅན།།
མུན་པའི་རྒྱལ་ཁམས་འཇིག་པའི་འཕྲུལ་འཁོར་ཡང་།།
གཟན་ཤམ་དམར་པོ་སྦར་བའི་འདོད་ཆགས་མེས།།
ཐལ་བའི་རྡུལ་དུ་བསྲེགས་འདི་ཀྱེ་མ་ཧོ།།
སྟོན་པ་ཞེས་བྱ་རྒྱང་རིང་སྐར་མ་ཁྱོད།།
སངས་རྒྱས་ཞེས་གྲགས་འོད་ཀྱི་ཡིག་འབྲུ་ཁྱོད།།
སུ་དང་གང་ལ་མ་སྣང་འདོད་པའི་རོ།།
མྱང་བའི་བཀའ་ལུང་སྒྲོགས་ཤིག་རིགས་ཀྱི་བུ།།
འདོད་ཆགས་ཆུ་བོ་འདི་ཡི་ཕ་མཐའ་ན།།
སྲིད་པའི་གྲོང་ཁྱེར་ཆེན་པོའི་ཚུ་རོལ་ན།།
གཟན་ཤམ་དམར་པོ་བོར་བའི་སེམས་མཐའ་ན།།
སྡུག་བསྔལ་སྟོང་གི་ལྡེབས་རིས་ཆེན་པོ་བཞེངས།།
ནགས་ཚལ་ཤིག་ཤིག་འདར་བའི་དབེན་པ་འདིར།།
དབུ་སྐྲ་རླུང་གིས་ཉིལ་བའི་མུན་ཁྲོད་འདིར།།
འདོད་པའི་བདེ་བ་རྒུན་ཆང་ངར་མའི་རོ།།
མྱོང་བར་གྱིས་ཤིག་འདོད་བརྩེའི་རས་པ་དག། 

 

(མཆོད་མེའི་པར་དབང་གཞན་གྱིས་དགོལ་མི་རུང)

 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཀླུ་སྨྱོན་གྱི་སྙན་ངག་གསར་བ། གཟན་དམར་པོ་ཞིག་བོར་བའི་གཏམ་རྒྱུད།

2015-11-13 ཀླུ་སྨྱོན་ཧེ་རུ་ཀ ཀློག་གྲངས། མཆན ཡོད།


རི་སྐེད་སྨུག་པ་འཕྱུར་བའི་རྫ་ལུང་ན།།
རྫི་མོའི་ལ་གཞས་སྙན་པའི་ཡང་ལུང་ན།།
གཞོན་ནུའི་བརྩེ་དུང་འཁྱིལ་བའི་ཨ་ལུང་ན།།
ཨ་ལགས་ལོ་ཆུང་ཞིག་གི་གཏམ་རྒྱུད་བཞུར།།
མདང་ནུབ་ཆར་བ་བབས་པའི་སྨུག་རླངས་ཀྱིས།།
ད་ནངས་མེ་ཏོག་སྟོང་གི་འདབ་མ་བཀྲུས།།
འབྲི་མོའི་འོ་ཞོའི་དྲི་ངད་མངར་མོ་ཡིས།།
འབྲོག་མོའི་བཞོ་ལུང་སིལ་སྒྲ་ཤག་སེ་ཤག།
ལག་པར་ལྕི་འདམ་ལྕང་མའི་དྲི་བསུང་ཅན།།
མིག་གི་ཆ་ག་ཆགས་པའི་རི་མོ་ཅན།།
བྲང་གི་ནུ་འབུར་ཚི་ལེན་འོད་ཁྲ་ཅན།།
ཞི་མོ་ཁྱོད་ཀྱང་ཚེ་སྔོན་ལན་ཆགས་ཏེ།།
གཟན་ཤམ་དམར་པོ་འདི་ཡིས་མི་ཁོག་པའི།།
ཏིང་འཛིན་བརྟན་པོ་འདི་ཡིས་མི་སྤོང་བའི།།
ཆགས་པ་ཞེས་བྱ་འཁོར་བའི་ལྕགས་ཀྱུ་འདིས།།
འདོད་པའི་ཉ་མོ་དེ་དག་སྔངས་པར་བྱས།།
དགོན་ཆེན་གསེར་ཏོག་ཉི་མའི་གཟི་བརྗིད་ཅན།།
མུན་པའི་རྒྱལ་ཁམས་འཇིག་པའི་འཕྲུལ་འཁོར་ཡང་།།
གཟན་ཤམ་དམར་པོ་སྦར་བའི་འདོད་ཆགས་མེས།།
ཐལ་བའི་རྡུལ་དུ་བསྲེགས་འདི་ཀྱེ་མ་ཧོ།།
སྟོན་པ་ཞེས་བྱ་རྒྱང་རིང་སྐར་མ་ཁྱོད།།
སངས་རྒྱས་ཞེས་གྲགས་འོད་ཀྱི་ཡིག་འབྲུ་ཁྱོད།།
སུ་དང་གང་ལ་མ་སྣང་འདོད་པའི་རོ།།
མྱང་བའི་བཀའ་ལུང་སྒྲོགས་ཤིག་རིགས་ཀྱི་བུ།།
འདོད་ཆགས་ཆུ་བོ་འདི་ཡི་ཕ་མཐའ་ན།།
སྲིད་པའི་གྲོང་ཁྱེར་ཆེན་པོའི་ཚུ་རོལ་ན།།
གཟན་ཤམ་དམར་པོ་བོར་བའི་སེམས་མཐའ་ན།།
སྡུག་བསྔལ་སྟོང་གི་ལྡེབས་རིས་ཆེན་པོ་བཞེངས།།
ནགས་ཚལ་ཤིག་ཤིག་འདར་བའི་དབེན་པ་འདིར།།
དབུ་སྐྲ་རླུང་གིས་ཉིལ་བའི་མུན་ཁྲོད་འདིར།།
འདོད་པའི་བདེ་བ་རྒུན་ཆང་ངར་མའི་རོ།།
མྱོང་བར་གྱིས་ཤིག་འདོད་བརྩེའི་རས་པ་དག། 

 

(མཆོད་མེའི་པར་དབང་གཞན་གྱིས་དགོལ་མི་རུང)

 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།