བཤེར་འཚོལ།
ངག་དབང་དབྱངས་ཅན་ལྷ་མོར་ཕུལ་བའི་སྙན་ཚིག་བུམ་པ་ཁ་འབྱེད།
ལན་ཅིག་ཚུར་ལ་གཟིགས་དང་དབྱངས་ཅན་ཨེ།།
སྤྱན་གྱི་འཁོར་ཕྱོགས་ཁྱོད་ལ་ལན་སྟོང་དུ།།
བལྟས་ཤིང་བལྟས་པས་བརྩེ་བའི་ལན་བུ་བསླེས།།
བརྩེ་བའི་སྨུག་པ་གྱོན་པའི་སྤྲེའུ་ཆུང་གིས།།
བས་མཐའི་ནགས་ཚལ་ཁྲོད་ནས་ཁྱོད་རང་དྲན།།
ཁྱོད་རང་དགོད་ན་འདབ་ཆགས་རྣམས་ཀྱང་དགོད།།
ཁྱོད་རང་སྡུག་ན་ཉི་ཟླ་གཉིས་ཀྱང་སྡུག།
མཇོ་སྒེག་རྫོགས་པའི་ལང་ཚོ་མ་རྙིངས་པའི།།
མཁའ་འགྲོའི་ཕོ་བྲང་ནང་གི་དབྱངས་ཅན་ལ།།
དགའ་བའི་སེམས་པས་སེམས་ལ་རེག་དགོས་བྱུང་།།
དབྱངས་ཅན་ཁྱོད་ནི་གཅིག་པུར་གང་དུ་འགྲོ།།
མིག་ཆུ་མང་བའི་བུ་ཆུང་ཤུལ་དུ་བསྐྱུར།།
ཡིད་ཀྱི་ཀོ་གྲུ་བསྐོར་ཏེ་རྗེས་སུ་འདེད།།
རྣམ་ཤེས་སོ་སོར་བཏུབས་ཏེ་གཙང་བོ་བརྒལ།།
གཟན་སྣེ་ཁ་ཚར་ཤིག་ཤིག་རླུང་དང་བསྡེབས།།
མཆུ་སྒྲོས་འཛུམ་མདངས་ལྷུག་ལྷུག་ཚུར་ཚུར་རྒྱུག།
ཨུཏྤལ་མིག་ཅན་མ་ལ་དམ་པོར་འཁྱུད།།
བྱམས་དུངས་ཤིང་གི་གླེགས་བུ་མ་འཐོར་བའི།།
ཞེ་འདང་ཐིག་རེའི་སྟེང་ལ་འཇའ་ཚོན་འཆར།།
འཇའ་ཐོག་བདག་ནི་ལས་ཀྱི་ངལ་གསོ་རོལ།།
མུན་པས་གཞིས་ཀ་གཏིབས་ཀྱང་འོད་ཟེར་འདྲེན།།
སྙིང་གཏམ་མཚར་སྒྲུང་ཆད་ཀྱང་སྐར་མ་རྩི།།
ཡིད་སེམས་གློ་བུར་སྨྲེང་ན་བཤུམ་ན་ཤུམས།།
མི་སེམས་ཁ་རོག་དགའ་ན་བགད་ན་དགོད།།
བདག་ནི་ཅི་རུང་ཆུ་སྤྲིན་གུར་ཁང་ནང་།།
སྒྱུ་མའི་མེ་ཏོག་བཀྲམ་སྟེ་ཁྱོད་ལ་ལྟ།།
བྱིས་པའི་ངང་ཚུལ་སྲུང་གིན་ཧད་དེ་ལྟ།།
དེ་ལྟ་ལགས་ཏེ་ཀྱེ་ཀྱེ་དབྱངས་ཅན་ཨེ།།
ཆགས་པའི་རླུང་བུ་གཡུག་པ་ག་རེ་རེད།།
རླུང་བུས་མཚོ་མོ་སྐྱོམ་པ་ཅི་ཞིག་རེད།།
མཚོ་མོས་ཁུར་བའི་འཁྲེང་སེམས་བསྐམ་མི་འགྱུར།།
དུས་ཀྱི་སོར་རྩེས་བྲེགས་ནས་མ་འཐོར་ན།།
ང་ཡི་སྙིང་སྡུག་དབྱངས་ཅན་ཁྱོད་རང་ལ།།
རྣམ་པར་དག་པའི་དགའ་བས་དྲོད་ཁོལ་སྦྱིན།།
སྙན་པའི་བརྡ་གླུ་བཞེངས་དང་དབྱངས་ཅན་ཨེ།།
རྒྱུད་མངས་ཐེངས་ཤིག་ཁྲོལ་དང་དབྱངས་ཅན་ཨེ།།
ཞེ་འཛིན་ཨ་འཐས་རོལ་མོ་རྡུང་ནུས་པའི།།
བདག་ནི་ངག་གི་སྐྱོ་དབྱངས་གསིལ་མཁན་ལགས།།
ད་ནི་དབྱངས་ཅན་སྒྱུ་མའི་བརྡ་གླུ་ལ།།
ཨམ་འབྱོག་ཀྲོང་ངེ་གཏད་དེ་མཉན་པར་བྱ།།
དབྱངས་ཅན་ཁྱོད་ཀྱིས་དང་དུ་ལེན་རོགས་གནང་།།
ཞེན་པ་ལང་ཤོར་མ་འདི་བག་ཕེབས་ཆེད།།
མཁའ་འགྲོའི་རྒྱལ་ས་དེ་ནས་ཉམས་གླུ་ཞིག།
མགྲིན་པའི་ཨོལ་མདུད་གྲོལ་ཕྱིར་ཚུར་ལ་དེངས།།
དབྱངས་ཀྱི་འགྲོས་ལ་སིམ་པའི་རྣམ་ཤེས་ནི།།
ཉམས་པ་མི་མངའ་དགྱེས་པའི་དཔལ་དུ་སྤྲོ།།
རྟག་ཏུ་རོལ་བའི་སྐལ་བ་རྙེད་པའི་ཚེ།།
བློ་འདས་མི་གཡོ་ཏིང་འཛིན་རང་སར་འཇོག།
རིག་བྱེད་ཚིག་གི་བདུད་རྩི་ཅིར་ཡང་མཆོད།།
གསང་བའི་ནམ་མཁའ་འབྱེད་ལ་བདག་ཀྱང་བརྙེས།།
ཨེ་མ་དབྱངས་ཅན་ལྟོས་དང་ཟླ་བ་ལ།།
ཚོགས་དྲུག་ཐང་དུ་འཚེར་བའི་ཟླ་བར་ལྟོས།།
ཟླ་བའི་དཔེ་རུ་དབྱངས་ཅན་ར་མདའ་མངག།
ཚིག་གི་སྒྲོག་གུ་བརྟོལ་ལ་མངའ་དབང་འབྱོར།།
སྐྱེ་བོའི་ཚོགས་ཀྱི་ཡིད་ནི་བརྟན་པ་འཕྲོག།
ཡིད་འཕྲོག་སྔོ་བསང་མ་ཡི་བཟི་ཉམས་ཀྱིས།།
ཆགས་ལྡན་ཚོགས་ལ་འདོད་པའི་ཕུ་ཡང་འདེབས།།
ཡིད་འོང་རྣམ་འགྱུར་རེ་རེའི་ཕུག་པ་ན།།
ང་ནི་སྐབས་རེར་ངུས་ལ་ལན་རེར་འཛུམ།།
ཐུགས་རྗེའི་ཕྱག་གིས་དངོས་གྲུབ་བསྩལ་ཏུ་གསོལ།།
རྗེས་ཆགས་བྱིན་རླབས་འོད་སྣང་སྤྲོས་པར་ཤོག།
བག་ཡངས་ཐུགས་རྗེས་འཛིན་ལ་བཞུགས་པར་མཛོད།།
སྙན་དངགས་དགོས་འབྱུང་ནོར་བུའི་གཏེར་བརྙེས་པས།།
ལྷ་མོ་དབྱངས་ཅན་བཞུགས་པའི་དགའ་ཚལ་ནས།།
ཚོར་བའི་ཆར་ནི་ཟིམ་ཟིམ་ངང་གིས་བསྙིལ།།
རིང་ནས་གོམས་པའི་ཁྱོད་ཀྱི་གསང་གསུམ་ནི།།
མཐོང་ཐོས་དྲན་རེག་ཡུལ་དུ་གྱུར་པ་གང་།།
ཕུན་ཚོགས་མཚན་དཔེའི་རི་མོས་གཏམས་པར་བྱེད།།
དབྱངས་སྙན་རྣ་བར་འཇེབས་པ་མཁའ་འགྲོའི་གསུང་།།
སྒྲ་དབྱངས་རྟ་ལྗང་ཅན་དེ་ང་ལ་གཏོད།།
ཚངས་སྲས་ལྷ་ཡི་བུ་མོ་མཆོང་འོངས་ཏེ།།
སྙན་ཚིག་ནུ་ཞོ་བསྣུན་པའི་ལས་ལ་བྲེལ།།
མ་བཅོས་ངག་དང་བཅོས་མའི་གཤིས་སོགས་ཀྱིས།།
བདག་ནི་འདི་ནས་ཁྲིད་དེ་ཕར་ཕར་འགྲོ།།
རབ་འབྱམས་གཞོམ་གཞིག་བྲལ་བའི་འཆར་ཡན་དུ།།
དགའ་བདེའི་མེ་ཏོག་ཁྱེར་ཏེ་ཡོང་བས་ན།།
ཐ་སྙད་སྒྱུ་མའི་མཚོ་མོ་སྐམ་ན་སྐམ།།
སྒྲ་སྙན་རྒྱུད་སྐུད་ཕྲ་མོ་ཆད་ན་ཆད།།
མཚར་སྡུག་དབང་གཞི་བཀྲ་བའི་དབྱངས་ཅན་ལགས།།
ཚོར་རྟོག་ཚིག་གིས་བརྟོལ་བའི་རྒྱལ་ཁམས་ཀྱང་།།
ལག་མཐིལ་བ་མོ་བཞིན་དུ་མ་འཇིག་བར།།
དེ་སྲིད་སྙན་པའི་སྒྲ་ཡང་ཁྲི་མ་འབུམ།།
སྲིད་པའི་ཟླ་ཤེལ་ངོས་སུ་ཡང་ཡང་སྤུངས།།
སྟོང་ཉིད་གླུ་ཆུང་ལེན་པ་ཐོས་ལགས་སམ།།
ཡིད་ཀྱི་གདུང་བ་སེལ་མཁན་དགེ་མ་ཡིས།།
རྣ་བ་བླགས་ཏེ་ཉན་པའི་སྟན་ཐོག་ཏུ།།
ལེགས་བཤད་དབྱངས་ཀྱི་དགའ་སྟོན་ཅིར་ཡང་འགྱེད།།
སུ་དང་གང་གིས་དབང་ལྔའི་བགོ་སྐལ་ལ།།
ཚོར་བ་སྣ་ཚོགས་གྲུབ་པ་ཨེ་མ་རྨད།།
གསེར་ལྡན་ཁྱོན་ལ་བཤུམ་པའི་སྤྱན་ཆབ་དང་།།
སྲིད་པ་སྒུལ་བའི་སྒྲ་དབྱངས་རེ་རེ་ནི།།
སྒྱུ་མའི་གླིང་བུ་བཞིན་དུ་གང་སར་གྲགས།།
ཞི་བའི་དབྱངས་རྟ་རེ་ཡིས་བོགས་ཀྱང་འདོན།།
དབྱངས་ཀྱི་ཟབ་ཚད་འདི་ཞེས་མི་རྙེད་དོ།།
ཚོར་བའི་ཆུ་ཟིལ་འཇིངས་སུ་འཐིམ་པའང་།།
མིག་ཏུ་གནམ་ས་ཤོང་ལྟར་མི་ཡོང་ངོ་།།
ལེགས་བཤད་གསེར་གྱི་ངག་དབང་བསྐུར་དུ་གསོལ།།
དགའ་དད་འོ་ཆུ་གཅིག་ཏུ་འདྲེས་པའི་སར།།
དགེ་མ་གཅིག་པུ་ཁྱོད་ལས་གཉིས་གསུམ་སོགས།།
ཚེ་མཐའ་མ་གཏོང་བར་དུ་མི་འཚོལ་ལོ།།
འདྲིས་ཤིང་ལོབས་པ་ཁྱོད་རང་གཅིག་པུའོ།།
འཇིག་རྟེན་འཇིག་ན་མཉམ་དུ་འཇིག་ཆོག་མོད།།
ན་སོ་རྒས་ན་མཉམ་དུ་རྒས་ཆོག་མོད།།
སྔོན་འདྲིས་བག་ཆགས་ཟབ་མོས་ལོས་ཡིན་ཏེ།།
ང་ཡིས་སྙན་ངག་བྲིས་ཚེ་ཁྱོད་ཉིད་ཀྱིས།།
རྟག་ཏུ་གྲོགས་དན་མཛད་ཅིང་སེམས་གསོ་བྱེད།།
ཚོར་བའི་སྲིད་ཁམས་ཉུལ་བའི་བློ་མིག་དང་།།
རྟེན་དང་འབྲེལ་བ་ངེས་པའི་ཆོས་ཉིད་བཅས།།
དབྱངས་ཅན་བུ་མོའི་པང་དུ་གསལ་བར་བྱ།།
དབྱངས་ཅན་མཛངས་མའི་འཕྱོར་སྒེག་ངོམ་པ་ན།།
སྙན་ཚིག་འཇིག་རྟེན་གསོན་པོའི་ཆོ་ག་བསྐྲུན།།
ངག་གི་ལྗོན་པ་འགུལ་བའི་ཚན་ཁ་འབར།།
གྲངས་མེད་སེམས་ཅན་རྣམས་ཀྱང་དགའ་ཀྲོག་ཀྲོག།
རང་བྱུང་ཆོས་ཀྱི་གར་ལ་སྤྲོ་བ་སྐྱེད།།
ཡིད་མཐུན་སྙིང་སྡུག་དབྱངས་ཅན་ཁ་མི་སྐྱེངས།།
མཛའ་གཅུགས་གསེར་གྱི་ཟམ་པ་བརྟན་པོར་སྲུང་།།
སྙན་འཇེབས་ཚིག་གི་གླེགས་ཐག་བཀྲོལ་ནས་བལྟ།།
གང་ཚེ་ལས་ཀྱི་མྱོང་སྣང་རྒུད་ངེས་ཀྱང་།།
ཚེ་ཡི་དུར་སའི་ནང་ནས་དབྱངས་ཅན་འབོད།།
དགའ་དུངས་མདུད་པ་དགུ་སྒྲིལ་དམ་པོར་བཏང་།།
དབྱངས་ཅན་གླུ་ལ་ཚངས་སྲས་བཞད་སྒྲ་ལྷུང་།།
སྙན་པའི་ངག་གི་ལྷ་མོ་བདག་ཉིད་ཁམས།།
རྣམ་པར་མི་ལྡོག་བཞུགས་པས་དཔའ་སྤོབས་སྟེར།།
དྲིན་གཟོ་ཚིག་གི་མཆོད་པ་གཏོར་ཙམ་པོ།།
བརྗོད་འདོད་སྙིང་གཏམ་ལགས་པས་གསོན་མཛོད་དང་།།
ས་གསུམ་མཛེས་པའི་རྒྱན་དུ་ཕུལ་བ་དང་།།
ཡིད་ཀྱི་རྟོག་འགྱུས་སྒུམ་པའི་གླེགས་བམ་མོ།།
དབྱངས་ཅན་བག་མར་བསུ་བའི་ལེའུ་འོ།།
༢༠༢༡ ༡ ༡༤
སྤྱན་གྱི་འཁོར་ཕྱོགས་ཁྱོད་ལ་ལན་སྟོང་དུ།།
བལྟས་ཤིང་བལྟས་པས་བརྩེ་བའི་ལན་བུ་བསླེས།།
བརྩེ་བའི་སྨུག་པ་གྱོན་པའི་སྤྲེའུ་ཆུང་གིས།།
བས་མཐའི་ནགས་ཚལ་ཁྲོད་ནས་ཁྱོད་རང་དྲན།།
ཁྱོད་རང་དགོད་ན་འདབ་ཆགས་རྣམས་ཀྱང་དགོད།།
ཁྱོད་རང་སྡུག་ན་ཉི་ཟླ་གཉིས་ཀྱང་སྡུག།
མཇོ་སྒེག་རྫོགས་པའི་ལང་ཚོ་མ་རྙིངས་པའི།།
མཁའ་འགྲོའི་ཕོ་བྲང་ནང་གི་དབྱངས་ཅན་ལ།།
དགའ་བའི་སེམས་པས་སེམས་ལ་རེག་དགོས་བྱུང་།།
དབྱངས་ཅན་ཁྱོད་ནི་གཅིག་པུར་གང་དུ་འགྲོ།།
མིག་ཆུ་མང་བའི་བུ་ཆུང་ཤུལ་དུ་བསྐྱུར།།
ཡིད་ཀྱི་ཀོ་གྲུ་བསྐོར་ཏེ་རྗེས་སུ་འདེད།།
རྣམ་ཤེས་སོ་སོར་བཏུབས་ཏེ་གཙང་བོ་བརྒལ།།
གཟན་སྣེ་ཁ་ཚར་ཤིག་ཤིག་རླུང་དང་བསྡེབས།།
མཆུ་སྒྲོས་འཛུམ་མདངས་ལྷུག་ལྷུག་ཚུར་ཚུར་རྒྱུག།
ཨུཏྤལ་མིག་ཅན་མ་ལ་དམ་པོར་འཁྱུད།།
བྱམས་དུངས་ཤིང་གི་གླེགས་བུ་མ་འཐོར་བའི།།
ཞེ་འདང་ཐིག་རེའི་སྟེང་ལ་འཇའ་ཚོན་འཆར།།
འཇའ་ཐོག་བདག་ནི་ལས་ཀྱི་ངལ་གསོ་རོལ།།
མུན་པས་གཞིས་ཀ་གཏིབས་ཀྱང་འོད་ཟེར་འདྲེན།།
སྙིང་གཏམ་མཚར་སྒྲུང་ཆད་ཀྱང་སྐར་མ་རྩི།།
ཡིད་སེམས་གློ་བུར་སྨྲེང་ན་བཤུམ་ན་ཤུམས།།
མི་སེམས་ཁ་རོག་དགའ་ན་བགད་ན་དགོད།།
བདག་ནི་ཅི་རུང་ཆུ་སྤྲིན་གུར་ཁང་ནང་།།
སྒྱུ་མའི་མེ་ཏོག་བཀྲམ་སྟེ་ཁྱོད་ལ་ལྟ།།
བྱིས་པའི་ངང་ཚུལ་སྲུང་གིན་ཧད་དེ་ལྟ།།
དེ་ལྟ་ལགས་ཏེ་ཀྱེ་ཀྱེ་དབྱངས་ཅན་ཨེ།།
ཆགས་པའི་རླུང་བུ་གཡུག་པ་ག་རེ་རེད།།
རླུང་བུས་མཚོ་མོ་སྐྱོམ་པ་ཅི་ཞིག་རེད།།
མཚོ་མོས་ཁུར་བའི་འཁྲེང་སེམས་བསྐམ་མི་འགྱུར།།
དུས་ཀྱི་སོར་རྩེས་བྲེགས་ནས་མ་འཐོར་ན།།
ང་ཡི་སྙིང་སྡུག་དབྱངས་ཅན་ཁྱོད་རང་ལ།།
རྣམ་པར་དག་པའི་དགའ་བས་དྲོད་ཁོལ་སྦྱིན།།
སྙན་པའི་བརྡ་གླུ་བཞེངས་དང་དབྱངས་ཅན་ཨེ།།
རྒྱུད་མངས་ཐེངས་ཤིག་ཁྲོལ་དང་དབྱངས་ཅན་ཨེ།།
ཞེ་འཛིན་ཨ་འཐས་རོལ་མོ་རྡུང་ནུས་པའི།།
བདག་ནི་ངག་གི་སྐྱོ་དབྱངས་གསིལ་མཁན་ལགས།།
ད་ནི་དབྱངས་ཅན་སྒྱུ་མའི་བརྡ་གླུ་ལ།།
ཨམ་འབྱོག་ཀྲོང་ངེ་གཏད་དེ་མཉན་པར་བྱ།།
དབྱངས་ཅན་ཁྱོད་ཀྱིས་དང་དུ་ལེན་རོགས་གནང་།།
ཞེན་པ་ལང་ཤོར་མ་འདི་བག་ཕེབས་ཆེད།།
མཁའ་འགྲོའི་རྒྱལ་ས་དེ་ནས་ཉམས་གླུ་ཞིག།
མགྲིན་པའི་ཨོལ་མདུད་གྲོལ་ཕྱིར་ཚུར་ལ་དེངས།།
དབྱངས་ཀྱི་འགྲོས་ལ་སིམ་པའི་རྣམ་ཤེས་ནི།།
ཉམས་པ་མི་མངའ་དགྱེས་པའི་དཔལ་དུ་སྤྲོ།།
རྟག་ཏུ་རོལ་བའི་སྐལ་བ་རྙེད་པའི་ཚེ།།
བློ་འདས་མི་གཡོ་ཏིང་འཛིན་རང་སར་འཇོག།
རིག་བྱེད་ཚིག་གི་བདུད་རྩི་ཅིར་ཡང་མཆོད།།
གསང་བའི་ནམ་མཁའ་འབྱེད་ལ་བདག་ཀྱང་བརྙེས།།
ཨེ་མ་དབྱངས་ཅན་ལྟོས་དང་ཟླ་བ་ལ།།
ཚོགས་དྲུག་ཐང་དུ་འཚེར་བའི་ཟླ་བར་ལྟོས།།
ཟླ་བའི་དཔེ་རུ་དབྱངས་ཅན་ར་མདའ་མངག།
ཚིག་གི་སྒྲོག་གུ་བརྟོལ་ལ་མངའ་དབང་འབྱོར།།
སྐྱེ་བོའི་ཚོགས་ཀྱི་ཡིད་ནི་བརྟན་པ་འཕྲོག།
ཡིད་འཕྲོག་སྔོ་བསང་མ་ཡི་བཟི་ཉམས་ཀྱིས།།
ཆགས་ལྡན་ཚོགས་ལ་འདོད་པའི་ཕུ་ཡང་འདེབས།།
ཡིད་འོང་རྣམ་འགྱུར་རེ་རེའི་ཕུག་པ་ན།།
ང་ནི་སྐབས་རེར་ངུས་ལ་ལན་རེར་འཛུམ།།
ཐུགས་རྗེའི་ཕྱག་གིས་དངོས་གྲུབ་བསྩལ་ཏུ་གསོལ།།
རྗེས་ཆགས་བྱིན་རླབས་འོད་སྣང་སྤྲོས་པར་ཤོག།
བག་ཡངས་ཐུགས་རྗེས་འཛིན་ལ་བཞུགས་པར་མཛོད།།
སྙན་དངགས་དགོས་འབྱུང་ནོར་བུའི་གཏེར་བརྙེས་པས།།
ལྷ་མོ་དབྱངས་ཅན་བཞུགས་པའི་དགའ་ཚལ་ནས།།
ཚོར་བའི་ཆར་ནི་ཟིམ་ཟིམ་ངང་གིས་བསྙིལ།།
རིང་ནས་གོམས་པའི་ཁྱོད་ཀྱི་གསང་གསུམ་ནི།།
མཐོང་ཐོས་དྲན་རེག་ཡུལ་དུ་གྱུར་པ་གང་།།
ཕུན་ཚོགས་མཚན་དཔེའི་རི་མོས་གཏམས་པར་བྱེད།།
དབྱངས་སྙན་རྣ་བར་འཇེབས་པ་མཁའ་འགྲོའི་གསུང་།།
སྒྲ་དབྱངས་རྟ་ལྗང་ཅན་དེ་ང་ལ་གཏོད།།
ཚངས་སྲས་ལྷ་ཡི་བུ་མོ་མཆོང་འོངས་ཏེ།།
སྙན་ཚིག་ནུ་ཞོ་བསྣུན་པའི་ལས་ལ་བྲེལ།།
མ་བཅོས་ངག་དང་བཅོས་མའི་གཤིས་སོགས་ཀྱིས།།
བདག་ནི་འདི་ནས་ཁྲིད་དེ་ཕར་ཕར་འགྲོ།།
རབ་འབྱམས་གཞོམ་གཞིག་བྲལ་བའི་འཆར་ཡན་དུ།།
དགའ་བདེའི་མེ་ཏོག་ཁྱེར་ཏེ་ཡོང་བས་ན།།
ཐ་སྙད་སྒྱུ་མའི་མཚོ་མོ་སྐམ་ན་སྐམ།།
སྒྲ་སྙན་རྒྱུད་སྐུད་ཕྲ་མོ་ཆད་ན་ཆད།།
མཚར་སྡུག་དབང་གཞི་བཀྲ་བའི་དབྱངས་ཅན་ལགས།།
ཚོར་རྟོག་ཚིག་གིས་བརྟོལ་བའི་རྒྱལ་ཁམས་ཀྱང་།།
ལག་མཐིལ་བ་མོ་བཞིན་དུ་མ་འཇིག་བར།།
དེ་སྲིད་སྙན་པའི་སྒྲ་ཡང་ཁྲི་མ་འབུམ།།
སྲིད་པའི་ཟླ་ཤེལ་ངོས་སུ་ཡང་ཡང་སྤུངས།།
སྟོང་ཉིད་གླུ་ཆུང་ལེན་པ་ཐོས་ལགས་སམ།།
ཡིད་ཀྱི་གདུང་བ་སེལ་མཁན་དགེ་མ་ཡིས།།
རྣ་བ་བླགས་ཏེ་ཉན་པའི་སྟན་ཐོག་ཏུ།།
ལེགས་བཤད་དབྱངས་ཀྱི་དགའ་སྟོན་ཅིར་ཡང་འགྱེད།།
སུ་དང་གང་གིས་དབང་ལྔའི་བགོ་སྐལ་ལ།།
ཚོར་བ་སྣ་ཚོགས་གྲུབ་པ་ཨེ་མ་རྨད།།
གསེར་ལྡན་ཁྱོན་ལ་བཤུམ་པའི་སྤྱན་ཆབ་དང་།།
སྲིད་པ་སྒུལ་བའི་སྒྲ་དབྱངས་རེ་རེ་ནི།།
སྒྱུ་མའི་གླིང་བུ་བཞིན་དུ་གང་སར་གྲགས།།
ཞི་བའི་དབྱངས་རྟ་རེ་ཡིས་བོགས་ཀྱང་འདོན།།
དབྱངས་ཀྱི་ཟབ་ཚད་འདི་ཞེས་མི་རྙེད་དོ།།
ཚོར་བའི་ཆུ་ཟིལ་འཇིངས་སུ་འཐིམ་པའང་།།
མིག་ཏུ་གནམ་ས་ཤོང་ལྟར་མི་ཡོང་ངོ་།།
ལེགས་བཤད་གསེར་གྱི་ངག་དབང་བསྐུར་དུ་གསོལ།།
དགའ་དད་འོ་ཆུ་གཅིག་ཏུ་འདྲེས་པའི་སར།།
དགེ་མ་གཅིག་པུ་ཁྱོད་ལས་གཉིས་གསུམ་སོགས།།
ཚེ་མཐའ་མ་གཏོང་བར་དུ་མི་འཚོལ་ལོ།།
འདྲིས་ཤིང་ལོབས་པ་ཁྱོད་རང་གཅིག་པུའོ།།
འཇིག་རྟེན་འཇིག་ན་མཉམ་དུ་འཇིག་ཆོག་མོད།།
ན་སོ་རྒས་ན་མཉམ་དུ་རྒས་ཆོག་མོད།།
སྔོན་འདྲིས་བག་ཆགས་ཟབ་མོས་ལོས་ཡིན་ཏེ།།
ང་ཡིས་སྙན་ངག་བྲིས་ཚེ་ཁྱོད་ཉིད་ཀྱིས།།
རྟག་ཏུ་གྲོགས་དན་མཛད་ཅིང་སེམས་གསོ་བྱེད།།
ཚོར་བའི་སྲིད་ཁམས་ཉུལ་བའི་བློ་མིག་དང་།།
རྟེན་དང་འབྲེལ་བ་ངེས་པའི་ཆོས་ཉིད་བཅས།།
དབྱངས་ཅན་བུ་མོའི་པང་དུ་གསལ་བར་བྱ།།
དབྱངས་ཅན་མཛངས་མའི་འཕྱོར་སྒེག་ངོམ་པ་ན།།
སྙན་ཚིག་འཇིག་རྟེན་གསོན་པོའི་ཆོ་ག་བསྐྲུན།།
ངག་གི་ལྗོན་པ་འགུལ་བའི་ཚན་ཁ་འབར།།
གྲངས་མེད་སེམས་ཅན་རྣམས་ཀྱང་དགའ་ཀྲོག་ཀྲོག།
རང་བྱུང་ཆོས་ཀྱི་གར་ལ་སྤྲོ་བ་སྐྱེད།།
ཡིད་མཐུན་སྙིང་སྡུག་དབྱངས་ཅན་ཁ་མི་སྐྱེངས།།
མཛའ་གཅུགས་གསེར་གྱི་ཟམ་པ་བརྟན་པོར་སྲུང་།།
སྙན་འཇེབས་ཚིག་གི་གླེགས་ཐག་བཀྲོལ་ནས་བལྟ།།
གང་ཚེ་ལས་ཀྱི་མྱོང་སྣང་རྒུད་ངེས་ཀྱང་།།
ཚེ་ཡི་དུར་སའི་ནང་ནས་དབྱངས་ཅན་འབོད།།
དགའ་དུངས་མདུད་པ་དགུ་སྒྲིལ་དམ་པོར་བཏང་།།
དབྱངས་ཅན་གླུ་ལ་ཚངས་སྲས་བཞད་སྒྲ་ལྷུང་།།
སྙན་པའི་ངག་གི་ལྷ་མོ་བདག་ཉིད་ཁམས།།
རྣམ་པར་མི་ལྡོག་བཞུགས་པས་དཔའ་སྤོབས་སྟེར།།
དྲིན་གཟོ་ཚིག་གི་མཆོད་པ་གཏོར་ཙམ་པོ།།
བརྗོད་འདོད་སྙིང་གཏམ་ལགས་པས་གསོན་མཛོད་དང་།།
ས་གསུམ་མཛེས་པའི་རྒྱན་དུ་ཕུལ་བ་དང་།།
ཡིད་ཀྱི་རྟོག་འགྱུས་སྒུམ་པའི་གླེགས་བམ་མོ།།
དབྱངས་ཅན་བག་མར་བསུ་བའི་ལེའུ་འོ།།
༢༠༢༡ ༡ ༡༤
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།