དུས་ཆེན་སུམ་འཛོམས་ཉིན་མོར་སླར་ཡང་བོད་ལ་བལྟས་པ།

ཀླུ་ཚང་སྨྱུག་རྩེན།(རྩེ་ཁོག) མཆོད་མེ་བོད་ཀྱི་རྩོམ་རིག་དྲ་བ། 2021-05-26
ཀ་ཡིག་དབྱངས་གསལ་སོ་བཞིའི་གྲངས་ལྡན་གྱིས།།
ཁ་བའི་ལྗོངས་ཀྱི་ཟུར་ཙམ་འབྲི་འདོད་སྐྱེས།།
ག་ཤེད་ཅིག་ནས་འོངས་པའི་ཚོར་བ་འདི།།
ང་ལ་ཚངས་དབྱངས་ལྷ་མོས་བརྡ་རུ་སྦྲན།།

ཅ་ཅོའི་གཏམ་ལ་ཆ་འཇོག་ཅི་ཡང་མེད།།
ཆ་ལུགས་གང་དགར་སྒྱུར་ལ་ངོ་ཚ་མེད།།
ཇ་ཆང་གང་ནས་རེག་ན་དེ་ནས་སྐྱིད།།
ཉ་མོ་འདི་འདྲ་ང་ཚོའི་བོད་ན་མང་།།

ཏ་ལེན་ཁུར་ནས་ཚོང་ར་འགྲིམ་མཁན་དང་།།
ཐ་སྙད་བརྩད་ནས་ཆོས་ར་འགྲིམས་མཁན་གཉིས།།
ད་ལྟའི་དུས་འདིར་འཚམས་མིན་གང་ལྟར་ཡང་།།
ན་ནིང་དོ་ཚིགས་ཇེ་མང་ཇེ་མང་རེད།།

པ་ཕའི་བརླ་བརྡུངས་བྱེད་པའི་བུ་རལ་གཅིག།
ཕ་མེས་རིག་གཞུང་འཚོང་བའི་ཟོག་པོ་གཉིས།།
བ་གླང་ལྟ་བུའི་བླུན་ཞིང་རྨོངས་པ་གསུམ།།
མ་གྱུར་སེམས་ཅན་ཟེར་བའི་བོད་ན་མང་།།

ཙ་རིའི་གནས་སྐོར་བྱེད་པའི་དད་ལྡན་མང་།།
ཚ་གྲང་གང་ལ་མི་འཛེམས་རོང་འབྲོག་མང་།།
ཛ་ཡའི་གསུང་རབ་ཀློག་པའི་དགེ་འདུན་མང་།།
ཝ་ལེར་བསམ་ཚེ་བོད་ན་ཅི་ཡང་མང་།།

ཞྭ་ལྟར་བཀུར་ན་རྐང་གི་ལྷམ་ཡང་འདོད།།
ཟ་གཉིད་ཁོ་ན་ལྷ་ཡིས་གནང་བར་འདོད།།
འ་ཅག་ཚང་མ་མྱུར་མོར་སངས་རྒྱས་ཞེས།།
ཡ་མཚན་སྒྲོག་མཁན་དག་ཀྱང་བོད་ན་མང་།།

ར་ལུག་བཙོང་ནས་ཁེ་ཕོག་མ་ལོན་ཞིང་།།
ལ་ལུང་མྱུལ་ནས་རང་ཁ་མ་སོས་ཀྱང་།།
ཤ་གཟན་གདོང་དམར་བོད་ཀྱི་རྒྱུད་པ་ཞེས།།
ས་སྟེང་འུར་གྱིས་སྒྲོག་མཁན་བོད་ན་མང་།།

ཧ་ཅང་མང་ན་ཧ་ཅང་ཧམ་པར་འགྱུར།།
ཧ་བོ་ཟེར་ནས་རྒྱུགས་མཁན་མང་ཡང་སྲིད།།
ཨ་ལ་ཀུ་རེ་ཙམ་ཡིན་ཨ་རོགས་ཚོ།།
ཨ་བོའི་གཏམ་ལ་ཚིག་པ་མ་ཟ་ཨང་།།
       ༢༠༢༡ ༥ ༢༦ ཉིན་ཟི་ལིང་།
རྩོམ་སྒྲིག་པ། དབང་མོ།
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག   བཤེར་འཚོལ།བཤེར་འཚོལ།

དུས་ཆེན་སུམ་འཛོམས་ཉིན་མོར་སླར་ཡང་བོད་ལ་བལྟས་པ།

2021-05-26 ཀླུ་ཚང་སྨྱུག་རྩེན།(རྩེ་ཁོག) ཀློག་གྲངས། མཆན ཡོད།
ཀ་ཡིག་དབྱངས་གསལ་སོ་བཞིའི་གྲངས་ལྡན་གྱིས།།
ཁ་བའི་ལྗོངས་ཀྱི་ཟུར་ཙམ་འབྲི་འདོད་སྐྱེས།།
ག་ཤེད་ཅིག་ནས་འོངས་པའི་ཚོར་བ་འདི།།
ང་ལ་ཚངས་དབྱངས་ལྷ་མོས་བརྡ་རུ་སྦྲན།།

ཅ་ཅོའི་གཏམ་ལ་ཆ་འཇོག་ཅི་ཡང་མེད།།
ཆ་ལུགས་གང་དགར་སྒྱུར་ལ་ངོ་ཚ་མེད།།
ཇ་ཆང་གང་ནས་རེག་ན་དེ་ནས་སྐྱིད།།
ཉ་མོ་འདི་འདྲ་ང་ཚོའི་བོད་ན་མང་།།

ཏ་ལེན་ཁུར་ནས་ཚོང་ར་འགྲིམ་མཁན་དང་།།
ཐ་སྙད་བརྩད་ནས་ཆོས་ར་འགྲིམས་མཁན་གཉིས།།
ད་ལྟའི་དུས་འདིར་འཚམས་མིན་གང་ལྟར་ཡང་།།
ན་ནིང་དོ་ཚིགས་ཇེ་མང་ཇེ་མང་རེད།།

པ་ཕའི་བརླ་བརྡུངས་བྱེད་པའི་བུ་རལ་གཅིག།
ཕ་མེས་རིག་གཞུང་འཚོང་བའི་ཟོག་པོ་གཉིས།།
བ་གླང་ལྟ་བུའི་བླུན་ཞིང་རྨོངས་པ་གསུམ།།
མ་གྱུར་སེམས་ཅན་ཟེར་བའི་བོད་ན་མང་།།

ཙ་རིའི་གནས་སྐོར་བྱེད་པའི་དད་ལྡན་མང་།།
ཚ་གྲང་གང་ལ་མི་འཛེམས་རོང་འབྲོག་མང་།།
ཛ་ཡའི་གསུང་རབ་ཀློག་པའི་དགེ་འདུན་མང་།།
ཝ་ལེར་བསམ་ཚེ་བོད་ན་ཅི་ཡང་མང་།།

ཞྭ་ལྟར་བཀུར་ན་རྐང་གི་ལྷམ་ཡང་འདོད།།
ཟ་གཉིད་ཁོ་ན་ལྷ་ཡིས་གནང་བར་འདོད།།
འ་ཅག་ཚང་མ་མྱུར་མོར་སངས་རྒྱས་ཞེས།།
ཡ་མཚན་སྒྲོག་མཁན་དག་ཀྱང་བོད་ན་མང་།།

ར་ལུག་བཙོང་ནས་ཁེ་ཕོག་མ་ལོན་ཞིང་།།
ལ་ལུང་མྱུལ་ནས་རང་ཁ་མ་སོས་ཀྱང་།།
ཤ་གཟན་གདོང་དམར་བོད་ཀྱི་རྒྱུད་པ་ཞེས།།
ས་སྟེང་འུར་གྱིས་སྒྲོག་མཁན་བོད་ན་མང་།།

ཧ་ཅང་མང་ན་ཧ་ཅང་ཧམ་པར་འགྱུར།།
ཧ་བོ་ཟེར་ནས་རྒྱུགས་མཁན་མང་ཡང་སྲིད།།
ཨ་ལ་ཀུ་རེ་ཙམ་ཡིན་ཨ་རོགས་ཚོ།།
ཨ་བོའི་གཏམ་ལ་ཚིག་པ་མ་ཟ་ཨང་།།
       ༢༠༢༡ ༥ ༢༦ ཉིན་ཟི་ལིང་།
རྩོམ་སྒྲིག་པ། དབང་མོ།
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།