སྙན་ངག་ཅིག་བཀླགས་རྗེས།(ཞར་བཀོད་གཉིས་ཡོད)

སྤྱན་ཡངས།(མགོ་ལོག) མཆོད་མེ་བོད་ཀྱི་རྩོམ་རིག་དྲ་བ། 2021-06-22
ཚིག་གི་ཆར་བ་འདི་དག་མཁའ་ནས་འབབ།།
སྟོང་པའི་ངོ་བོ་ནབ་པའི་མཁའ་ནས་འབབ།།
འཁྲུལ་བའི་འཇའ་ཚོན་རྡོལ་བཞིན་མཁའ་ནས་འབབ།།
སྒྱུ་མའི་རང་བཞིན་རྩལ་གྱིས་སྤྲུག་ནས་འབབ།།

རྡུལ་གྱི་ཕུང་པོ་སྣ་ཚོགས་ཆག་ཆག་བཏབ།།
སྐེམ་པའི་རྩད་པ་གྱོང་པོ་ངང་གིས་བརླན།།
སམ་སིམ་འཐོར་ཞིང་ཤག་ཤག་འཇོ་བ་ལ།།
ལོ་ལེགས་སྙེ་མ་སེམས་ཀྱི་གཤིན་སར་ལྡེམ།།

ང་ནི་ཟས་ཀྱིས་འགྲངས་ཀྱང་སྔར་བཞིན་བཀྲེས།།
རྣམ་རྟོག་ཡ་མ་བླ་ཡིས་རྟག་ཏུ་མནར།།
སྡུག་པའི་ཆ་རེ་ནབ་པའི་ཡིག་འབྲུ་རེས།།
བཙལ་བ་གང་ཞིག་བསྩལ་དང་གཉིས་མ་མཆིས།།

མཛེས་པ་དངོས་ནི་ཡིད་ལ་སིམ་དག་མཛེས།།
སྟོང་བའི་འཕལ་ག་གང་ལ་འཕྲོད་དེ་མཛེས།།
མི་ཆེ་མི་ཆུང་ཁྲིག་ཁྲིག་ཚད་དེ་མཛེས།།
ང་ཡི་ཚབ་ཏུ་བྲིས་འདྲའི་ཚིག་དག་མཛེས།།

སྣ་ཚོགས་མཛེས་པ་གཟུགས་སུ་མ་མཆིས་ཀྱང་།།
སེམས་ཀྱི་མིག་ཟུང་དང་པས་བཟི་ནས་འགྲོ།།
གཉུག་མའི་མདངས་དང་བཅོས་མའི་ཉམས་འགྲེལ་བའི།།
སྲོག་གི་ནང་མ་སྐྱོབ་པའི་ཚིག་དག་ཨང་།།
                
རྙེད་པ།
                            
དོན་ལེགས་སྟོན་གྱི་མཛུབ་མོ་གེར་བར།།
ཚིག་འཁྲུལ་མེད་ཀྱི་སྦྱོར་བ་སྡེབ་བྱེད།།
བརྡ་སྐད་ཆ་ཡི་རུ་བ་ཆུང་ཆུང་།།
མིང“རྙེད་པ”འདིའི་ངོ་གདོང་བསེད་ན།།
རྒྱུ་བདག་མེད་ཅིག་ལག་ཏུ་རག་དང་།།
དངོས་གང་རུང་ཞིག་སྟོར་བ་ལོན་དང་།།
ནོར་ལོངས་སྤྱོད་ཀྱི་དོན་ལ་འཇུག་ཅིང་།།
བགོས་ཐོབ་སྐལ་གྱི་ནོར་ལ་ཡང་འཇུག །
བྱ་ཡངས་དོག་གི་འབྲས་བུ་སྣ་གཉིས།།
ལས་ཐོབ་ཤོར་གྱི་ལེགས་ཆར་འཇུག་གོ །

མཐའ་དཔག་མེད་ཀྱི་ཚིག་གི་རྒྱ་མཚོར།།
འབྲུ་ནས་རྡོག་གི་བོངས་ཙམ་ངེས་པའི།།
བརྡ“རྙེད་པ”ཡི་བརྗོད་བྱའི་དོན་ཉིད།།
དུས་ངེས་མེད་ཀྱི་རླུང་འཚུབ་ནང་བཞིན།།
མི་གང་ཡིན་གྱི་སེམས་ནས་འཚུབ་ཏེ།།
དོན་རགས་ཞིབ་ཀྱི་ཀ་དག་བསྒྲུབ་སོང་།།
ཚོན་སྡེབ་འཕྱུག་གི་རི་མོ་ནང་བཞིན།།
མདོག་དཀར་ནག་གི་དབྱེ་མཚམས་རུབས་ནས།
ལུགས་ཡོ་འཛོལ་གྱི་ལམ་བུ་བཏོད་བྱུང་།།
རླུང་འཇགས་མེད་ཀྱི“རྙེད་པས”བསྒུལ་བའི།།
ཁམས་སྣོད་བཅུད་ཀྱི་ཆོས་ཀུན་ཡམ་ཡོམ།།
            ༢༠༢༠–༨–༥ཉིན་གྲུབ།
   
མཛེས་པའི་གཏན་བྲལ་འདི་དག


མཇུག་མཐའི་ཉི་ནུབ་འདི་ཡང་མོ་རླུང་བཞིན་ལྕི།།
སྣང་བའི་ལྡེབ་ངོས་སུ་གྲང་མོ་ཆུ་བཞིན་ལྷུང་།།
སཱ་ཧཱའི་བྱེ་ཐང་དུ་སྐྱེས་པའི་མེ་ཏོག་ལྟར ། །
མཐའ་མེད་ཁེར་རྐྱང་གི་མཛེས་པ་རབ་སྲུང་བའི།།
ང་ཡི་སྒྲུང་ནང་གི་བུ་མོ་འདས་ནས་ཐལ།།

ཁོ་མོས་ཞེན་ཆགས་ཀྱི་ཕྱིར་མིག་སེམས་ནས་འཕངས།།
སེམས་པའི་ཕྱི་ནང་གི་ཉེ་རིང་ཀུན་ལ་འཕངས།།
ཞེ་ཡིས་མ་ཐེག་པའི་སྐད་ཆ་ཤོག་གུར་སྤུངས་།།
དྲན་པ་གནས་མེད་ཀྱི་གདུང་བའི་ཁལ་ཁུར་བའི།།
སྲབ་མོའི་ཤོག་ལྷེ་དེ་གོར་མོ་རྡོ་ལས་ལྕི།།

སྲོད་ཀྱི་ཡོལ་བ་འདི་དུས་ཀྱིས་འཐེན་ནས་འོང་།།
རེ་བའི་སང་ལོ་ཞིག་ཁད་ཀྱིས་བསུ་དགོས་བྱུང་།།
ཚིག་དང་བརྩེ་བ་ཡི་སྒྱུ་མའི་འཕྲུལ་མཛེས་པའི།།
སྒྲུང་འདིའི་སྡེབ་བུ་གཅིག་ཕར་ལ་བསྒྱུར་བའི་རྗེས།།
ལོ་མགོའི་སྐྱ་རེངས་དང་རྟོགས་འཆར་མཉམ་གསལ་ཤོག།

མཇུག་མཐའི་ཉི་ནུབ་དང་ས་སྲོད་གཉོམ་པོ་འདི།།
སྒྲུང་ནང་བུ་མོ་ཡི་ཚེ་སྲོག་ནང་བཞིན་དུ།།
སེམས་ཀྱི་ག་ཤེད་དུ་སྟོན་མཐའི་མེ་ཏོག་ལྟར།།
མཛེས་པའི་ཆ་ཀུན་གྱིས་ཕངས་པའི་རླབས་བསྐྱིལ་བཞིན།།
དུས་ཀྱི་གཙང་གཞུང་དུ་སྤྲིན་བཞིན་དྭངས་ཤིང་རྫོགས།།
           ༢༠༡༩-༡༢-༣༠ཉིན《ཇ་ཤིང་མེ་ཏོག་མ》ཀློག་གིན་ལོ་མཇུག་གི་ཉི་ནུབ་སྐྱེལ་སྐབས་སུ་ཤར་མར་བྲིས།


རྩོམ་སྒྲིག་པ། དབང་མོ།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག   བཤེར་འཚོལ།བཤེར་འཚོལ།

སྙན་ངག་ཅིག་བཀླགས་རྗེས།(ཞར་བཀོད་གཉིས་ཡོད)

2021-06-22 སྤྱན་ཡངས།(མགོ་ལོག) ཀློག་གྲངས། མཆན ཡོད།
ཚིག་གི་ཆར་བ་འདི་དག་མཁའ་ནས་འབབ།།
སྟོང་པའི་ངོ་བོ་ནབ་པའི་མཁའ་ནས་འབབ།།
འཁྲུལ་བའི་འཇའ་ཚོན་རྡོལ་བཞིན་མཁའ་ནས་འབབ།།
སྒྱུ་མའི་རང་བཞིན་རྩལ་གྱིས་སྤྲུག་ནས་འབབ།།

རྡུལ་གྱི་ཕུང་པོ་སྣ་ཚོགས་ཆག་ཆག་བཏབ།།
སྐེམ་པའི་རྩད་པ་གྱོང་པོ་ངང་གིས་བརླན།།
སམ་སིམ་འཐོར་ཞིང་ཤག་ཤག་འཇོ་བ་ལ།།
ལོ་ལེགས་སྙེ་མ་སེམས་ཀྱི་གཤིན་སར་ལྡེམ།།

ང་ནི་ཟས་ཀྱིས་འགྲངས་ཀྱང་སྔར་བཞིན་བཀྲེས།།
རྣམ་རྟོག་ཡ་མ་བླ་ཡིས་རྟག་ཏུ་མནར།།
སྡུག་པའི་ཆ་རེ་ནབ་པའི་ཡིག་འབྲུ་རེས།།
བཙལ་བ་གང་ཞིག་བསྩལ་དང་གཉིས་མ་མཆིས།།

མཛེས་པ་དངོས་ནི་ཡིད་ལ་སིམ་དག་མཛེས།།
སྟོང་བའི་འཕལ་ག་གང་ལ་འཕྲོད་དེ་མཛེས།།
མི་ཆེ་མི་ཆུང་ཁྲིག་ཁྲིག་ཚད་དེ་མཛེས།།
ང་ཡི་ཚབ་ཏུ་བྲིས་འདྲའི་ཚིག་དག་མཛེས།།

སྣ་ཚོགས་མཛེས་པ་གཟུགས་སུ་མ་མཆིས་ཀྱང་།།
སེམས་ཀྱི་མིག་ཟུང་དང་པས་བཟི་ནས་འགྲོ།།
གཉུག་མའི་མདངས་དང་བཅོས་མའི་ཉམས་འགྲེལ་བའི།།
སྲོག་གི་ནང་མ་སྐྱོབ་པའི་ཚིག་དག་ཨང་།།
                
རྙེད་པ།
                            
དོན་ལེགས་སྟོན་གྱི་མཛུབ་མོ་གེར་བར།།
ཚིག་འཁྲུལ་མེད་ཀྱི་སྦྱོར་བ་སྡེབ་བྱེད།།
བརྡ་སྐད་ཆ་ཡི་རུ་བ་ཆུང་ཆུང་།།
མིང“རྙེད་པ”འདིའི་ངོ་གདོང་བསེད་ན།།
རྒྱུ་བདག་མེད་ཅིག་ལག་ཏུ་རག་དང་།།
དངོས་གང་རུང་ཞིག་སྟོར་བ་ལོན་དང་།།
ནོར་ལོངས་སྤྱོད་ཀྱི་དོན་ལ་འཇུག་ཅིང་།།
བགོས་ཐོབ་སྐལ་གྱི་ནོར་ལ་ཡང་འཇུག །
བྱ་ཡངས་དོག་གི་འབྲས་བུ་སྣ་གཉིས།།
ལས་ཐོབ་ཤོར་གྱི་ལེགས་ཆར་འཇུག་གོ །

མཐའ་དཔག་མེད་ཀྱི་ཚིག་གི་རྒྱ་མཚོར།།
འབྲུ་ནས་རྡོག་གི་བོངས་ཙམ་ངེས་པའི།།
བརྡ“རྙེད་པ”ཡི་བརྗོད་བྱའི་དོན་ཉིད།།
དུས་ངེས་མེད་ཀྱི་རླུང་འཚུབ་ནང་བཞིན།།
མི་གང་ཡིན་གྱི་སེམས་ནས་འཚུབ་ཏེ།།
དོན་རགས་ཞིབ་ཀྱི་ཀ་དག་བསྒྲུབ་སོང་།།
ཚོན་སྡེབ་འཕྱུག་གི་རི་མོ་ནང་བཞིན།།
མདོག་དཀར་ནག་གི་དབྱེ་མཚམས་རུབས་ནས།
ལུགས་ཡོ་འཛོལ་གྱི་ལམ་བུ་བཏོད་བྱུང་།།
རླུང་འཇགས་མེད་ཀྱི“རྙེད་པས”བསྒུལ་བའི།།
ཁམས་སྣོད་བཅུད་ཀྱི་ཆོས་ཀུན་ཡམ་ཡོམ།།
            ༢༠༢༠–༨–༥ཉིན་གྲུབ།
   
མཛེས་པའི་གཏན་བྲལ་འདི་དག


མཇུག་མཐའི་ཉི་ནུབ་འདི་ཡང་མོ་རླུང་བཞིན་ལྕི།།
སྣང་བའི་ལྡེབ་ངོས་སུ་གྲང་མོ་ཆུ་བཞིན་ལྷུང་།།
སཱ་ཧཱའི་བྱེ་ཐང་དུ་སྐྱེས་པའི་མེ་ཏོག་ལྟར ། །
མཐའ་མེད་ཁེར་རྐྱང་གི་མཛེས་པ་རབ་སྲུང་བའི།།
ང་ཡི་སྒྲུང་ནང་གི་བུ་མོ་འདས་ནས་ཐལ།།

ཁོ་མོས་ཞེན་ཆགས་ཀྱི་ཕྱིར་མིག་སེམས་ནས་འཕངས།།
སེམས་པའི་ཕྱི་ནང་གི་ཉེ་རིང་ཀུན་ལ་འཕངས།།
ཞེ་ཡིས་མ་ཐེག་པའི་སྐད་ཆ་ཤོག་གུར་སྤུངས་།།
དྲན་པ་གནས་མེད་ཀྱི་གདུང་བའི་ཁལ་ཁུར་བའི།།
སྲབ་མོའི་ཤོག་ལྷེ་དེ་གོར་མོ་རྡོ་ལས་ལྕི།།

སྲོད་ཀྱི་ཡོལ་བ་འདི་དུས་ཀྱིས་འཐེན་ནས་འོང་།།
རེ་བའི་སང་ལོ་ཞིག་ཁད་ཀྱིས་བསུ་དགོས་བྱུང་།།
ཚིག་དང་བརྩེ་བ་ཡི་སྒྱུ་མའི་འཕྲུལ་མཛེས་པའི།།
སྒྲུང་འདིའི་སྡེབ་བུ་གཅིག་ཕར་ལ་བསྒྱུར་བའི་རྗེས།།
ལོ་མགོའི་སྐྱ་རེངས་དང་རྟོགས་འཆར་མཉམ་གསལ་ཤོག།

མཇུག་མཐའི་ཉི་ནུབ་དང་ས་སྲོད་གཉོམ་པོ་འདི།།
སྒྲུང་ནང་བུ་མོ་ཡི་ཚེ་སྲོག་ནང་བཞིན་དུ།།
སེམས་ཀྱི་ག་ཤེད་དུ་སྟོན་མཐའི་མེ་ཏོག་ལྟར།།
མཛེས་པའི་ཆ་ཀུན་གྱིས་ཕངས་པའི་རླབས་བསྐྱིལ་བཞིན།།
དུས་ཀྱི་གཙང་གཞུང་དུ་སྤྲིན་བཞིན་དྭངས་ཤིང་རྫོགས།།
           ༢༠༡༩-༡༢-༣༠ཉིན《ཇ་ཤིང་མེ་ཏོག་མ》ཀློག་གིན་ལོ་མཇུག་གི་ཉི་ནུབ་སྐྱེལ་སྐབས་སུ་ཤར་མར་བྲིས།


རྩོམ་སྒྲིག་པ། དབང་མོ།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།