2023-11-07 དབུ་འཇིགས་མེད།(དཔལ་ཡུལ) ཀློག་གྲངས། མཆན ཡོད།

འདི་སྣང་འཁོར་བའི་རྨི་ལམ་བརྒྱ་སྟོང་།།
ཚེ་རབས་ཕྲེང་བའི་འོད་ཟེར་གསལ་མ།།
སྐྱེ་འཆི་འགྱུར་བག་ཆོས་ཉིད་བཙན་པོ།།
དགའ་སྐྱོ་ཆགས་སྡང་ཉིན་སྲིབ་གསར་བ།།
ཚིག་གིས་བཏབ་པའི་སྙན་ངག་མཚོན་ཡོད།།

རྒྱང་ལ་ཕྱིན་པའི་ངག་རིག་དབྱངས་ཅན།།
མགུར་མའི་ཟླ་བ་སྤྲིན་གྱིས་བསྒྲིབས་སོང་།།
མཐའ་མེད་དྲན་ཤིང་ཟབ་མོའི་འོད་ཟེར།།
ཞེ་ལ་ཐོཊ་པའི་འཁོར་བར་འཁྱམས་སོང་།།
ཚིག་གིས་བཏབ་པའི་སྙན་ངག་མཚོན་ཡོད།།

སྟོང་ཞིང་འཁྱག་པའི་མཐའ་མེད་འཁོར་བ།།
རྨི་ལམ་ཁེར་རྐྱང་སྒྲུང་གཏམ་གསར་མ།།
སེམས་ཀྱི་དུངས་སེམས་མགུར་གླུ་རིང་མོ།།
དྲན་པའི་ཡོན་ཆབ་རྒྱང་དུ་འཐོར་ཡོད།།
ཚིག་གིས་བཏབ་པའི་སྙན་ངག་མཚོན་ཡོད།།

ཚོར་བའི་ཤུགས་རིང་ཚིག་ལ་བཏགས་ཡོད།།
སྙན་ངག་སྣང་བ་འཇའ་ཚོན་བསྲེས་ཡོད།།
འདི་སྣང་བདེན་པ་ཚིག་གིས་དྲངས་ཡོད།།
རྟོག་བཏགས་སྒྱུ་མའི་ཚོན་གྱིས་བསྒྱུར་ཡོད།།
ཚིག་གིས་བཏབ་པའི་སྙན་ངག་མཚོན་ཡོད།།
         ༢༠༢༢༣.༩.༣ཉིན་བརྩམས།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

རུས་མིང་།

གསང་ཨང་། མིང་མི་འགོད་པར་སྤེལ།

ར་སྤྲོད་ཨང་།

དཔྱད་མཆན།