བཤེར་འཚོལ།
ངག་རིག་དབྱངས་ཀྱི་མཆོད་པ།
༧རྨེ་་སྤྲུལ་རིན་པོ་ཆེ་ལུང་རྟོགས་བསྟན་འཛིན་རྒྱ་མཚོའི་འཁྲུངས་སྐར་ལ་ཕུལ་བ།
རྟེན་འབྱུང་སྒྱུ་མའི་ལང་ཚོ་མ་རྙིང་ཞིང་། །
ཚོགས་གཉིས་དཔལ་གྱི་ཆུ་གཏེར་བསྲུབ་པའི་མོད། །
ཟབ་ཡངས་ཆོས་ཀྱི་དེ་ཉིད་སྟོན་མཛད་པའི། །
རྨད་བྱུང་སྤྲུལ་བའི་སྐུ་ལ་སྙིང་ནས་གུས། །
གང་གི་ལེགས་གསུང་ཆོས་ཀྱི་སྒྲ་དབྱངས་ཀྱིས། །
སྔ་འགྱུར་བསྟན་པའི་ཉི་མ་གསལ་ནུས་པའི། །
དབང་བཞིའི་ཆུ་བོ་རྫོགས་པའི་འདྲེན་པ་ཆེ། །
མཚུངས་མེད་རིགས་ཀྱི་བདག་པོའི་འཁྲུངས་སྐར་བསུ། །
ལེགས་གསུང་ཆོས་ཀྱི་སྒྲ་དབྱངས་གཡས་སུ་འཁྱིལ། །
ལེགས་བཤད་བདུད་རྩིའི་ཟེགས་མ་གཅིག་གིས་ཀྱང་། །
བགྲང་ཡས་སྐྱེ་བོའི་བློ་སྣ་འགུགས་ནུས་པའི། །
སྨྲ་བའི་མཆོག་གྱུར་ཁྱེད་ཀྱི་འཁྲུངས་སྐར་བསུ། །
ངག་ལ་དབང་འབྱོར་ངག་དབང་ལྷ་མོ་ཡིས། །
ངག་གི་དངོས་གྲུབ་བརྙེས་པའི་སྙན་ངག་མཁན། །
ངག་རིག་མགྲིན་པའི་རོལ་མོ་འཁྲོལ་མཁས་པའི། །
རྨད་བྱུང་སྒྱུ་རྩལ་མཁན་པོའི་འཁྲུངས་སྐར་བསུ། །
སྡེ་གསུམ་ཀློང་དགུའི་མཛོད་ལ་དབང་འབྱོར་ཞིང་། །
བརྒྱུད་གསུམ་རིག་འཛིན་གོང་མའི་བུ་རྒྱུད་དངོས། །
ངེས་གསང་བསྟན་པའི་རྒྱན་གཅིག་ཁྱེད་ཉིད་ཙམ། །
དོན་མཐུན་སྤྲུལ་བའི་སྐུ་ཡིས་འཁྲུངས་སྐར་བསུ། །
བཀའ་གཏེར་བསྟན་པ་རྒྱ་མཚོའི་ཟབ་གནད་ཀུན། །
མ་འདྲེས་གསལ་བར་འཆད་ལ་ཟླ་བྲལ་བ། །
ཐུབ་བསྟན་གངས་དཀར་ལྷུན་པོ་མཛེས་བྱེད་པའི། །
རྒྱན་གཅིག་གངས་ཀྱི་སེངྒེའི་འཁྲུངས་སྐར་བསུ། །
ཕ་ནོར་གཏེར་གྱི་བུམ་བཟང་འདི་ཉིད་ཀྱིས། །
ཡོངས་སུ་གསོས་པས་ལུས་སྟོབས་རབ་རྒྱས་ནས། །
རྒྱལ་བསྟན་གདུགས་དཀར་འདེབས་པའི་ཀ་བ་རུ། །
ལྗོངས་འདིར་མཚན་དཔེ་བཞད་པའི་འཁྲུངས་སྐར་བསུ། །
སྔ་འགྱུར་རིག་འཛིན་བརྒྱུད་པའི་ཚོགས་གྲལ་ན། །
དབྱིངས་རིག་མ་བུ་འདྲེས་པའི་བརྡ་གླུ་སྙན། །
འགྲོ་རྣམས་སྡུག་ལས་སྐྱོབ་ཕྱིར་ནང་གསལ་ལས། །
ཕྱི་གསལ་སྤྲུལ་བའི་གར་བསྒྱུར་ལྗོངས་འདིར་བྱོན། །
ཟབ་དོན་མཐའ་དག་ཐུགས་ཀྱི་བཅུད་དུ་བསྐྱིལ། །
ཐ་སྙད་རིག་པའི་རྣམ་བཞག་པ་མ་ལུས་པར། །
བློ་གྲོས་མཁའ་ལྟར་ཡངས་བའི་དྲང་སྲོང་ཆེ། །
ས་ཆེན་མཛེས་བྱེད་ཁྱེད་ལ་སྙིང་ནས་གུས། །
གཞུང་ལུགས་གདམས་པར་ཤར་བའི་རིག་རྩལ་གྱིས། །
སྣ་ཚོགས་ཤེས་བྱའི་ཐང་ཆེན་རབ་བགྲོད་ནས། །
མཚོ་འཁྲུངས་རྒྱལ་བ་གཉིས་པའི་ལམ་བཟང་འདི། །
མི་ནུབ་སྲིད་མཐའི་བར་དུ་འཛིན་ནུས་ཤོག །
རྟེན་འབྱུང་སྒྱུ་མའི་ལང་ཚོ་མ་རྙིང་ཞིང་། །
ཚོགས་གཉིས་དཔལ་གྱི་ཆུ་གཏེར་བསྲུབ་པའི་མོད། །
ཟབ་ཡངས་ཆོས་ཀྱི་དེ་ཉིད་སྟོན་མཛད་པའི། །
རྨད་བྱུང་སྤྲུལ་བའི་སྐུ་ལ་སྙིང་ནས་གུས། །
གང་གི་ལེགས་གསུང་ཆོས་ཀྱི་སྒྲ་དབྱངས་ཀྱིས། །
སྔ་འགྱུར་བསྟན་པའི་ཉི་མ་གསལ་ནུས་པའི། །
དབང་བཞིའི་ཆུ་བོ་རྫོགས་པའི་འདྲེན་པ་ཆེ། །
མཚུངས་མེད་རིགས་ཀྱི་བདག་པོའི་འཁྲུངས་སྐར་བསུ། །
ལེགས་གསུང་ཆོས་ཀྱི་སྒྲ་དབྱངས་གཡས་སུ་འཁྱིལ། །
ལེགས་བཤད་བདུད་རྩིའི་ཟེགས་མ་གཅིག་གིས་ཀྱང་། །
བགྲང་ཡས་སྐྱེ་བོའི་བློ་སྣ་འགུགས་ནུས་པའི། །
སྨྲ་བའི་མཆོག་གྱུར་ཁྱེད་ཀྱི་འཁྲུངས་སྐར་བསུ། །
ངག་ལ་དབང་འབྱོར་ངག་དབང་ལྷ་མོ་ཡིས། །
ངག་གི་དངོས་གྲུབ་བརྙེས་པའི་སྙན་ངག་མཁན། །
ངག་རིག་མགྲིན་པའི་རོལ་མོ་འཁྲོལ་མཁས་པའི། །
རྨད་བྱུང་སྒྱུ་རྩལ་མཁན་པོའི་འཁྲུངས་སྐར་བསུ། །
སྡེ་གསུམ་ཀློང་དགུའི་མཛོད་ལ་དབང་འབྱོར་ཞིང་། །
བརྒྱུད་གསུམ་རིག་འཛིན་གོང་མའི་བུ་རྒྱུད་དངོས། །
ངེས་གསང་བསྟན་པའི་རྒྱན་གཅིག་ཁྱེད་ཉིད་ཙམ། །
དོན་མཐུན་སྤྲུལ་བའི་སྐུ་ཡིས་འཁྲུངས་སྐར་བསུ། །
བཀའ་གཏེར་བསྟན་པ་རྒྱ་མཚོའི་ཟབ་གནད་ཀུན། །
མ་འདྲེས་གསལ་བར་འཆད་ལ་ཟླ་བྲལ་བ། །
ཐུབ་བསྟན་གངས་དཀར་ལྷུན་པོ་མཛེས་བྱེད་པའི། །
རྒྱན་གཅིག་གངས་ཀྱི་སེངྒེའི་འཁྲུངས་སྐར་བསུ། །
ཕ་ནོར་གཏེར་གྱི་བུམ་བཟང་འདི་ཉིད་ཀྱིས། །
ཡོངས་སུ་གསོས་པས་ལུས་སྟོབས་རབ་རྒྱས་ནས། །
རྒྱལ་བསྟན་གདུགས་དཀར་འདེབས་པའི་ཀ་བ་རུ། །
ལྗོངས་འདིར་མཚན་དཔེ་བཞད་པའི་འཁྲུངས་སྐར་བསུ། །
སྔ་འགྱུར་རིག་འཛིན་བརྒྱུད་པའི་ཚོགས་གྲལ་ན། །
དབྱིངས་རིག་མ་བུ་འདྲེས་པའི་བརྡ་གླུ་སྙན། །
འགྲོ་རྣམས་སྡུག་ལས་སྐྱོབ་ཕྱིར་ནང་གསལ་ལས། །
ཕྱི་གསལ་སྤྲུལ་བའི་གར་བསྒྱུར་ལྗོངས་འདིར་བྱོན། །
ཟབ་དོན་མཐའ་དག་ཐུགས་ཀྱི་བཅུད་དུ་བསྐྱིལ། །
ཐ་སྙད་རིག་པའི་རྣམ་བཞག་པ་མ་ལུས་པར། །
བློ་གྲོས་མཁའ་ལྟར་ཡངས་བའི་དྲང་སྲོང་ཆེ། །
ས་ཆེན་མཛེས་བྱེད་ཁྱེད་ལ་སྙིང་ནས་གུས། །
གཞུང་ལུགས་གདམས་པར་ཤར་བའི་རིག་རྩལ་གྱིས། །
སྣ་ཚོགས་ཤེས་བྱའི་ཐང་ཆེན་རབ་བགྲོད་ནས། །
མཚོ་འཁྲུངས་རྒྱལ་བ་གཉིས་པའི་ལམ་བཟང་འདི། །
མི་ནུབ་སྲིད་མཐའི་བར་དུ་འཛིན་ནུས་ཤོག །
༧རྨེ་་སྤྲུལ་རིན་པོ་ཆེ་ལུང་རྟོགས་བསྟན་འཛིན་རྒྱ་མཚོའི་འཁྲུངས་སྐར་ལ། དམ་པ་གང་གི་མདུན་ནས་དབང་ལུང་མན་ངག་གི་རྒྱུན་མང་ཙམ་ཐོབ་པར་མ་ཟད། ཁོང་གི་གསང་གསུམ་གྱི་ཡོན་ཏན་མཐའ་དག་ལ་མོས་གུས་ཀྱི་བློ་མི་དམན་པ་གུས་འབངས་ཡེ་ཤེས་ཟླ་བ་ནས།༢༠༢༤/༢/༡༦ཉིན།
རྩོམ་སྒྲིག་པ། དབང་མོ།
རྩོམ་སྒྲིག་པ། དབང་མོ།
རྩོམ་ཁུངས། ངེད་དྲ་བ།