བཤེར་འཚོལ།
གསུམ་བརྒྱད་བུད་མེད་དུས་ཆེན་བསུ།
ལུས་ཀྱི་གར་སྟབས་ཅུང་ཙམ་འགུལ་བ་ན། །
བ་སྤུའི་རྩེ་མོ་མི་འདུག་གྱེན་དུ་གཟིངས། །
ཡིད་ལ་འཚམ་པའི་ཉམས་དགུའི་གར་མཁན་མར། །
བདུད་རྩི་འཁྱིལ་བའི་མཆོད་ཆང་ཧུབ་གང་འདྲེན། །
སྔོན་བསགས་ལས་ཀྱིས་སྨོན་པ་བཏབ་ཚུལ་གྱིས། །
ལྡེམ་ལྡེམ་འཁྱུག་པའི་ལང་ཚོའི་པད་མ་མངོན། །
འཇམ་སྙན་གྲེ་བའི་ལང་ཚོའི་རྩལ་རྫོགས་པ། །
མཐོང་བའི་མོད་ལ་གློ་སྙིང་འབྲིད་པར་བྱེད། །
ཐུགས་ལ་འཇགས་པའི་དུས་ཚོད་སྐར་ཆའི་ནང་། །
ཟག་མེད་བདེ་བའི་ནོམ་པ་ཅི་ཡང་སྟེར། །
མ་བསྐུལ་བུང་བ་ངང་གིས་འཁོར་བ་ཡི། །
སེམས་ཀྱི་བུ་མོ་རིན་ཆེན་མེ་ཏོག་ཡིན། །
སྐུ་ཆའི་ལུས་ལ་འཇོ་སྒེག་ལང་ཚོ་སྨིན། །
འཛུམ་པའི་ཚེ་ན་མུ་ཏིག་སོ་ཕྲེང་དཀར། །
གང་གིས་མཐོང་ན་མི་མཐུན་མེད་པ་ཡི། །
ཉ་གང་ཟླ་བའི་མདངས་བཞིན་རབ་ཏུ་གསལ། །
ཁྱོད་ཀྱི་ལང་ཚོ་སྙན་མོ་མགུར་ལ་གྱེར། །
མགུར་ལ་གྱེར་ནས་རིག་བྱེད་སྙིང་པོ་ལེན། །
སྙིང་པོ་བླངས་ནས་བརྩེ་དགའི་སྣང་སྲིད་ལ། །
ཁྱོད་ཀྱིས་བསླུས་པའི་འཇིག་རྟེན་ཆ་ཚང་འབྲི། །
ནང་སེམས་ཆར་བ་ཤུགས་ཀྱིས་འགོག་པའི་རྗེས། །
ཁྱེད་རང་ད་དུང་ཆར་བའི་ནང་ན་ཡོད། །
མི་འདོད་རྡུལ་གྱི་ཆར་བ་འཚུབ་དང་ལྷན། །
ཡིད་ཀྱི་ཤོག་ཁྲའི་ཚོན་གྱི་སྣེ་ཁ་རུབ། །
དེ་ཡང་ཁྱོད་ནི་རྟ་བདུན་ནུབ་དང་ལྷན། །
བཞད་པའི་རི་དྭགས་མཚན་མ་བཞིན་དུ་གསལ། །
མཚན་ལ་བགྲོད་པའི་ཆུ་ཤྭའི་སྟེང་ཤོད་དུ། །
ཅི་བཞིན་མཐོང་བའི་འོད་ཀྱི་མེ་ཁ་ཕྱེས། །
གནག་སྣུམ་སྐྲ་ལོའི་འོད་དཀར་གྱེན་དུ་ལངས། །
ཚོགས་དྲུག་སྣང་བ་སྐྲ་ཉག་རེ་རེར་འཕྱན། །
འཛུམ་བག་རྒོད་པའི་སྙིང་ཐུབ་བྱམས་པ་ལ། །
བརྩེ་འདང་འོ་ཟ་སེམས་ནས་ཁོལ་ཁོལ་བྱེད། །
འཁོར་འདས་ཀློང་ནས་ཟ་ཟིའི་སྨག་རུམ་རྒོད། །
ཁྱོད་ནི་ཡུལ་གྱར་ཁེར་རྐྱང་ཉུལ་ལ་དགའ། །
མི་མེད་ནགས་ལ་བགྲོད་པའི་དུས་སྐབས་རེར། །
ཁྱེད་རང་བསམ་ནས་མཚན་ཐུན་ཆག་པ་མང་། །
ནམ་ཞིག་མཐིང་གའི་པད་མ་སུ་ཡིས་ལེན། །
ཉ་རྒྱས་ཟླ་བའི་བྱད་བཞིན་སུ་ལ་སྟོན། །
མིག་ཟུང་བཙུམ་པའི་རྗེས་ལ་ཆགས་པ་ཡི། །
རིག་བྱེད་བུ་མོའི་སྐྲ་བདག་སུ་ཞིག་ཡིན། །
པད་དཀར་བློ་ཡི་གསེབ་ལ་ལྷུན་གྱིས་ཆགས། །
ལྡེམ་ལྡེམ་འཁྱུག་པའི་བྲོ་གར་རབ་ཏུ་མཛེས། །
དྲི་ཟའི་དབྱངས་ལ་དབྱངས་ཅན་གྲེ་བ་རྫོགས། །
ཉམས་དགའི་བུ་མོའི་མཛེས་པ་ལྷ་ལ་མཆོད། །
རྩོམ་སྒྲིག་པ། གངས་དགའ།
བ་སྤུའི་རྩེ་མོ་མི་འདུག་གྱེན་དུ་གཟིངས། །
ཡིད་ལ་འཚམ་པའི་ཉམས་དགུའི་གར་མཁན་མར། །
བདུད་རྩི་འཁྱིལ་བའི་མཆོད་ཆང་ཧུབ་གང་འདྲེན། །
སྔོན་བསགས་ལས་ཀྱིས་སྨོན་པ་བཏབ་ཚུལ་གྱིས། །
ལྡེམ་ལྡེམ་འཁྱུག་པའི་ལང་ཚོའི་པད་མ་མངོན། །
འཇམ་སྙན་གྲེ་བའི་ལང་ཚོའི་རྩལ་རྫོགས་པ། །
མཐོང་བའི་མོད་ལ་གློ་སྙིང་འབྲིད་པར་བྱེད། །
ཐུགས་ལ་འཇགས་པའི་དུས་ཚོད་སྐར་ཆའི་ནང་། །
ཟག་མེད་བདེ་བའི་ནོམ་པ་ཅི་ཡང་སྟེར། །
མ་བསྐུལ་བུང་བ་ངང་གིས་འཁོར་བ་ཡི། །
སེམས་ཀྱི་བུ་མོ་རིན་ཆེན་མེ་ཏོག་ཡིན། །
སྐུ་ཆའི་ལུས་ལ་འཇོ་སྒེག་ལང་ཚོ་སྨིན། །
འཛུམ་པའི་ཚེ་ན་མུ་ཏིག་སོ་ཕྲེང་དཀར། །
གང་གིས་མཐོང་ན་མི་མཐུན་མེད་པ་ཡི། །
ཉ་གང་ཟླ་བའི་མདངས་བཞིན་རབ་ཏུ་གསལ། །
ཁྱོད་ཀྱི་ལང་ཚོ་སྙན་མོ་མགུར་ལ་གྱེར། །
མགུར་ལ་གྱེར་ནས་རིག་བྱེད་སྙིང་པོ་ལེན། །
སྙིང་པོ་བླངས་ནས་བརྩེ་དགའི་སྣང་སྲིད་ལ། །
ཁྱོད་ཀྱིས་བསླུས་པའི་འཇིག་རྟེན་ཆ་ཚང་འབྲི། །
ནང་སེམས་ཆར་བ་ཤུགས་ཀྱིས་འགོག་པའི་རྗེས། །
ཁྱེད་རང་ད་དུང་ཆར་བའི་ནང་ན་ཡོད། །
མི་འདོད་རྡུལ་གྱི་ཆར་བ་འཚུབ་དང་ལྷན། །
ཡིད་ཀྱི་ཤོག་ཁྲའི་ཚོན་གྱི་སྣེ་ཁ་རུབ། །
དེ་ཡང་ཁྱོད་ནི་རྟ་བདུན་ནུབ་དང་ལྷན། །
བཞད་པའི་རི་དྭགས་མཚན་མ་བཞིན་དུ་གསལ། །
མཚན་ལ་བགྲོད་པའི་ཆུ་ཤྭའི་སྟེང་ཤོད་དུ། །
ཅི་བཞིན་མཐོང་བའི་འོད་ཀྱི་མེ་ཁ་ཕྱེས། །
གནག་སྣུམ་སྐྲ་ལོའི་འོད་དཀར་གྱེན་དུ་ལངས། །
ཚོགས་དྲུག་སྣང་བ་སྐྲ་ཉག་རེ་རེར་འཕྱན། །
འཛུམ་བག་རྒོད་པའི་སྙིང་ཐུབ་བྱམས་པ་ལ། །
བརྩེ་འདང་འོ་ཟ་སེམས་ནས་ཁོལ་ཁོལ་བྱེད། །
འཁོར་འདས་ཀློང་ནས་ཟ་ཟིའི་སྨག་རུམ་རྒོད། །
ཁྱོད་ནི་ཡུལ་གྱར་ཁེར་རྐྱང་ཉུལ་ལ་དགའ། །
མི་མེད་ནགས་ལ་བགྲོད་པའི་དུས་སྐབས་རེར། །
ཁྱེད་རང་བསམ་ནས་མཚན་ཐུན་ཆག་པ་མང་། །
ནམ་ཞིག་མཐིང་གའི་པད་མ་སུ་ཡིས་ལེན། །
ཉ་རྒྱས་ཟླ་བའི་བྱད་བཞིན་སུ་ལ་སྟོན། །
མིག་ཟུང་བཙུམ་པའི་རྗེས་ལ་ཆགས་པ་ཡི། །
རིག་བྱེད་བུ་མོའི་སྐྲ་བདག་སུ་ཞིག་ཡིན། །
པད་དཀར་བློ་ཡི་གསེབ་ལ་ལྷུན་གྱིས་ཆགས། །
ལྡེམ་ལྡེམ་འཁྱུག་པའི་བྲོ་གར་རབ་ཏུ་མཛེས། །
དྲི་ཟའི་དབྱངས་ལ་དབྱངས་ཅན་གྲེ་བ་རྫོགས། །
ཉམས་དགའི་བུ་མོའི་མཛེས་པ་ལྷ་ལ་མཆོད། །
རྩོམ་སྒྲིག་པ། གངས་དགའ།
རྩོམ་ཁུངས། ངེད་དྲ་བ།