སྐད་གྲགས་ཡོད་པའི་ལག་སྤོལ་རྩེད་མོ་བ་Allen Iverson ཨ་ལེན་འེ་ཝེར་སོན་ངོ་སྤྲོད་ཐུང་ཙམ་བྱ། ཁོ་ནི་༡༩༧༥ ལོར་ཨ་རིའི་Hampton Virginia རུ་ཁྱིམ་ཚང་དབུལ་པོ་ཞིག་ལ་སྐྱེས་ཤིང་ཆུང་དུས་ནས་ཨ་ཕས་ཁོ་བདག་པོ་བརྒྱབས་མེད། ལག་ཆགས་ནས་མཐོ་སློབ་དང་སློབ་ཆེན་འགྲིམ་སྐབས་རྐང་སྤོལ་དང་ལག་སྤོལ་རྩེད་མཁན་སྟོབས་དང་བདེ་རྩལ་དོད་ཤོས་སུ་བརྩིས་པར་མ་ཟད་སློབ་གྲྭའི་ལག་སྤོལ་འགྲན་བསྡུར་རིམ་པར་རྒྱལ་ཁ་མི་ཉུང་བ་བླངས་པ་གསར་འགྱུར་བརྒྱུད་ལམ་དུ་སླེབས། ཁོའི་ཨ་མས་ཁོར་རྐང་སྤོལ་རྩེད་མོ་བར་ཐོ་འགོད་བྱེད་པར་ནན་བསྐུལ་བྱས་ཀྱང་། ཁོ་ལག་སྤོལ་ཕྱོགས་ལ་དང་དོད་དང་གདེང་ཚོད་྄རྙེད་པས་དེར་ཤུགས་བརྒྱབས། ༡༩༩༣ལོར་ཁོ་ལག་སྤོལ་རྩེད་མོ་བ་རྒྱལ་ཡོངས་སྐར་ཆེན་དུ་ཆགས། ༡༩༩༦ལོར་ཁོ་NBA སྟེ་རྒྱལ་ཡོངས་ལག་སྤོལ་མཐུན་ཚོགས་ནང་བདམས་ཀྱང་སྐབས་དེར་རྩེད་མོ་བ་རྩོད་རྙོག་ཚ་ཤོས་སུ་འགྱུར་པ་སུས་དྲན། ལན་ཅིག་རྩེད་ཐང་དུ་མི་རིགས་དཀར་པོའི་གསར་ཕྲུག་འགས་འེ་ཝེར་སོན་དང་ཁོའི་གྲོགས་པོའི་ཕྱོགས་ལ་བརྙས་བཅོས་ཀྱིས་འཁྲུག་འཛིང་ཤོར་སྐབས་ལ་ལས་ཟེར་ན་ཁོས་བུད་མེད་ཅིག་ལ་རྐུབ་བཀྱགས་གིས་གཞུས་རབས་བཤད། གང་ལྟར་ཁ་མཆུ་དེའི་རྐྱེན་པས་ཁོ་ལོ་ལྔའི་བཙོན་འཇུག་གི་ཁྲིམས་ཐག་བཅད་མོད། སྟབས་ལེགས་པ་ཞིག་ལ་གསར་འགྱུར་ལས་ཁུངས་ཁག་དང་མི་མང་གི་རྒྱབ་སྐྱོར་ལས་ཟླ་བཞི་མ་གཏོགས་བཙོན་མའི་འཚོ་བ་རོལ་མ་དགོས། ཁོ་ནི་༡༩༩༦ལོ་ནས་ལག་སྤོལ་རྩེད་མོ་བ་གྲགས་ཆེན་དེ་རེད་ལ། ཁོས་༢༠༠༡-༢༠༠༥བར་བྱ་དགའ་མ་འདྲ་བ་མང་པོ་བླངས། ཁོ་ནི་ལག་སྤོལ་རྩེད་མོ་བའི་ནང་མི་རྣམས་དགའ་སྡང་གི་ཕྱོགས་གཉི་ག་མང་ཤོས་དེ་ཡིན་སྐད། གཞན་༢༠༠༤ལོར་ཨོ་ལིམ་ཕིག་ཁྲོད་ལག་སྤོལ་བརྩེས་ཤིང་རྟགས་མ་བླངས།༢༠༠༡ལོར་ལག་སྤོལ་རྩེད་མོ་བ་གོང་ཚད་མཐོ་ཤོས་དང་། ཁོས་NBAནང་རྩེད་མོ་བརྩེས་རིང་ཨ་སྒོར་ས་ཡ་བརྒྱ་དང་ལྔ་བཅུ་བླངས་འདུག བརྒྱ་བཤད་ཚིག་གི་རྩ་བ་ངས་ཁོ་ལ་དོ་སྣང་སྤྲོད་དོན་རང་རེའི་ཕ་སྐད་ཀྱི་ཡིག་འབྲུ་གཅིག་ཁོའི་དཔུང་བ་གཡོན་མར་བཙགས་ཡོད་པས་ཡིན། ཁོ་སློབ་ཆེན་ནས་NBA ནང་དང་ཐོག་འཛུལ་སྐབས་ཁོའི་ལུས་ན་བཙགས་རིས་bulldog སྟེ་ཁོའི་གསང་མིང་གཅིག་མ་གཏོགས་མེད་ཀྱང་ད་ཆ་བཙགས་རིས་ཉི་ཤུ་ལྷག་ཡོད། དེ་དག་རེ་རེས་ཁོ་བོའི་ལྐོག་གྱུར་གྱི་མི་ཚེའི་བགྲོད་ལམ་དག་མཚོན་ཟེར། བོད་ཡིག་གི་སྟོབས་དེས། བཀླག་མི་ཐུབ་པ་ནས་མི་སེར་དཀྱུས་མར་ཆགས་པ་དང་། བསམ་ཚུལ་གསར་བཏོན་ལས་ཁ་མིག་ཡར་ལྟའམ་སྤྲོ་སྣང་བ་ཡང་མཚོན་ཟེར། མི་རྣམས་ཀྱི་བཙགས་རིས་དག་ལ་གོ་རྒྱུ་ཟབ་མོ་རེ་ཡོད་ངེས་ལ། དཔེར་ན་རེ་འགས་ཡིད་ཆེས་དང་། ཉམས་མྱོང་། དྭོགས་ཟོན། ཕུགས་བསམ། མ་མཐའ་ཡང་སེམས་ནང་གི་སྐད་ཆ་ཞིག་འཛམ་གླིང་མི་མང་ལ་ཤོད་འདོད་ཀྱི་ཡོད་ཟེར།

རྩོམ་ཁུངས། ངེད་དྲ་བ།