དྲན་པའི་ལེའུ།

ཆེས་གདོད་མ་ལྟ་བུའི་ས་སྲོད་ཀྱི་རྩིག་ལྡེབས་ངོས་སུ
ཁྱེད་རང་དྭངས་གཙང་གི་མེ་ལོང་བཞིན་གསལ་འོངས་ཚེ
མཁའ་དབྱིངས་ན་གང་འདོད་དུ་རྒྱུ་བའི་མཚམས་སྤྲིན་རབ་རིབ་དག་གིས་ཁྱེད་ཀྱི་འགྲོ་ལམ་ཕྱེས་ཤིང
སྐར་མའི་ཚོགས་ཀྱིས་སྙན་ངག་ལྟ་བུའི་མིག་ཟུང་བགྲད་དེ་ཁྱེད་ལ་འཆར་ཡན་གྱི་སྨོན་འདུན་ཞུ
དེ་དུས ས་སྟེང་གི་སྐྱེས་དངོས་དག་ལ་ཚེ་སྲོག་གསར་བ་རྒྱས་ནས་ཁྱེད་ཀྱི་འོད་སྣང་ལ་ཚིམས་མེད་རོལ་ཅིང
བདག་གིས མཐའ་མེད་པའི་མཁའ་དབྱིངས་ལ་ལྟ་བཞིན
ཆུ་ནང་གི་ལྡོག་གཟུགས་དེར་ཀུ་མུད་ཀྱི་འཁྲུངས་རབས་གླེང
ངས ད་ལྟ་དཀྲོལ་བཞིན་པའི་རོལ་དབྱངས་ནི་ཁྱེད་ཡིན
ངས ད་ལྟ་འབྲི་བཞིན་པའི་སྙན་ངག་ནི་ཁྱེད་ཡིན

བསྐལ་བ་འཇིག་ལ་ཉེ་བའི་རྨི་ལམ་གྱི་སྔ་ལྟས་རེ་རེས
བདག་གི་མིག་ཟུང་མུན་པ་དང་འོད་སྣང་གིས་བསྒྲིབས་ཤིང
ཞི་དྲག་དང་དཀར་ནག མཛེས་བཙོག་དང་སྐྱེས་འཆིའི་གོ་རིམ་འཆོལ་ཏེ
རང་ཉིད་ཀྱིས་བདག་པོ་བརྒྱབ་ཆོག་པའི་ཆུ་ཚོད་ཉེར་བཞིའི་ཁྲོད་ཀྱི་སྐར་ཆ་ཁ་ཤས་ཀྱང་བོར་བརླག་ཐེབས་
སུ་བཅུག
མཚན་ཉིད་རིག་པ་བས་“སྙིགས་མའི”ཆོ་ལོ་བསྩལ་མྱོང་བའི་དུས་རབས་འདིའི་ནང
ཁྱེད་གཅིག་བུས་ངའི་ཁོར་ཡུག་གི་ས་རྡུལ་ཞོད་འཇགས་སུ་བཏང་སྟེ
ངའི་འཇིག་རྟེན་གྱི་མཁའ་དབུགས་ཡང་བསྐྱར་སྙོམས་སྒྲིག་བྱས་སོང

ཁྱེད་ཀྱིས བདག་གི་བྱང་ཐང་ལ་མེ་ཏོག་གི་མཛེས་སྡུག་བསྣན་བྱུང
ཁྱེད་ཀྱིས བདག་གི་མི་ཡུལ་ལ་སྙན་ངག་གི་དག་ཞིང་བསྐྲུན་སོང

ཁྱེད་ཀྱི་བྱམས་པ་དང་བརྩེ་བ་ཚ་གྲང་བཞིན་མཁའ་དབྱིངས་ནས་འཐབ་སྟེ
ངའི་དབྱར་དགུན་གྱི་དུས་ཚིགས་གཉིས་པོར་ཁ་ཆར་གྱི་དངོས་གྲུབ་བསྟུད་མར་བསྩལ
ཡིན་ནའང དཀོན་མཆོག་གི་བཀོད་འདོམས་བཞིན་གནམ་གཤིས་ལ་འགྱུར་བ་ཐེབས་དུས
ཁྱེད་རང་དུས་ཚོད་ཀྱི་སྐར་ཆ་རེ་རེ་དང་འགྲོག་ནས་དམིགས་མེད་སྟོང་དབྱིངས་སུ་འཐིམ་གྱིན་འདུག
དེ་བས ཛ་དྲག་དང་བྲེལ་འཚུབ་ཀྱི་རོལ་དབྱངས་བསྟུད་མར་གྲག་བཞིན་པའི་ཁྲོད་དུ
དབྱར་ཁ་སླེབས་ཐེངས་རེར། ངས་ཡལ་བཞིན་པའི་འཇའ་ཚོན་དེ་བསྙེགས་ནས་ཁྱེད་ཀྱི་རྣམ་ཤེས་ཀྱི་འགྲུལ་བཞུད་བཀླགས་ཤིང
དགུན་ཁ་ཐོན་དུས་རེ་རེར། ང་ཞུ་བཞིན་པའི་གངས་རི་དེའི་མདུན་དུ་འགྲེང་སྟེ་ཁྱེད་ཀྱི་བླ་སྲོག་གི་ཉམས་ཉེན་གླེང

བདག་གིས སྤྲིན་པ་མཁའ་དབྱིངས་སུ་རྒྱུ་ཚུལ་ལས་ཚེ་སྲོག་གི་མཛེས་སྡུག་མཐོང་གི
བདག་གིས དུས་བཞིའི་རང་བྱུང་ཁམས་ཆེན་མོའི་འཕོ་འགྱུར་ལས་འཁོར་བའི་དར་རྒུད་རྟོགས་ཀི

ཁྱེད་ནི་མཁའ་དབྱིངས་ནས་མཆེད་ཅིང་མཁའ་དབྱིངས་སུ་ཐིམ་པའི་གློག་ཞགས་འཁྱུག་ཐེངས་ཤིག་ཡིན་ནམ
ཁྱེད་ནི་མཚོ་ཀློང་ན་འཕྱོ་ཞིང་རང་འཇགས་མཚོ་ཀློང་དུ་ཐིམ་པའི་རྦ་རླབས་འཕྱུར་ཐེངས་ཤིག་ཡིན་ནམ
ཁྱེད་ནི་མྱུ་གུ་རྩྭ་ཐང་ནས་འབུས་ཤིང་འདབ་ལོ་རྩྭ་ཐང་དུ་འཐོར་གྱིན་པའི་མེ་ཏོག་རྐང་གཅིག་ཡིན་ནམ
ཁྱེད་ནི་རྟེན་འབྱུང་གིས་དབུ་བརྩམས་ཤིང་རྟེན་འབྱུང་གིས་མཇུག་བསྡུས་པའི་མཐར་ཐུག་གི་གནས་ལུགས་དེ་ཡིན་ནམ

གང་ལྟར ངས དཔྱིད་འགོའི་མེ་ཏོག་བཞད་སྟངས་ལས་ཁྱོད་རང་མཐོང་གི
གང་ལྟར ངས སྟོན་ཁའི་ལོ་འདབ་འཐོར་ཚུལ་ལས་ཁྱོད་རང་དྲན་གི
                      ༢༠༠༥ལོའི་དཔྱིད་ཀར་བྲིས།
 

 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

དྲན་པའི་ལེའུ།

2008-11-06 གཟི་མིག་གསུམ་པ། ཀློག་གྲངས། མཆན ཡོད།

ཆེས་གདོད་མ་ལྟ་བུའི་ས་སྲོད་ཀྱི་རྩིག་ལྡེབས་ངོས་སུ
ཁྱེད་རང་དྭངས་གཙང་གི་མེ་ལོང་བཞིན་གསལ་འོངས་ཚེ
མཁའ་དབྱིངས་ན་གང་འདོད་དུ་རྒྱུ་བའི་མཚམས་སྤྲིན་རབ་རིབ་དག་གིས་ཁྱེད་ཀྱི་འགྲོ་ལམ་ཕྱེས་ཤིང
སྐར་མའི་ཚོགས་ཀྱིས་སྙན་ངག་ལྟ་བུའི་མིག་ཟུང་བགྲད་དེ་ཁྱེད་ལ་འཆར་ཡན་གྱི་སྨོན་འདུན་ཞུ
དེ་དུས ས་སྟེང་གི་སྐྱེས་དངོས་དག་ལ་ཚེ་སྲོག་གསར་བ་རྒྱས་ནས་ཁྱེད་ཀྱི་འོད་སྣང་ལ་ཚིམས་མེད་རོལ་ཅིང
བདག་གིས མཐའ་མེད་པའི་མཁའ་དབྱིངས་ལ་ལྟ་བཞིན
ཆུ་ནང་གི་ལྡོག་གཟུགས་དེར་ཀུ་མུད་ཀྱི་འཁྲུངས་རབས་གླེང
ངས ད་ལྟ་དཀྲོལ་བཞིན་པའི་རོལ་དབྱངས་ནི་ཁྱེད་ཡིན
ངས ད་ལྟ་འབྲི་བཞིན་པའི་སྙན་ངག་ནི་ཁྱེད་ཡིན

བསྐལ་བ་འཇིག་ལ་ཉེ་བའི་རྨི་ལམ་གྱི་སྔ་ལྟས་རེ་རེས
བདག་གི་མིག་ཟུང་མུན་པ་དང་འོད་སྣང་གིས་བསྒྲིབས་ཤིང
ཞི་དྲག་དང་དཀར་ནག མཛེས་བཙོག་དང་སྐྱེས་འཆིའི་གོ་རིམ་འཆོལ་ཏེ
རང་ཉིད་ཀྱིས་བདག་པོ་བརྒྱབ་ཆོག་པའི་ཆུ་ཚོད་ཉེར་བཞིའི་ཁྲོད་ཀྱི་སྐར་ཆ་ཁ་ཤས་ཀྱང་བོར་བརླག་ཐེབས་
སུ་བཅུག
མཚན་ཉིད་རིག་པ་བས་“སྙིགས་མའི”ཆོ་ལོ་བསྩལ་མྱོང་བའི་དུས་རབས་འདིའི་ནང
ཁྱེད་གཅིག་བུས་ངའི་ཁོར་ཡུག་གི་ས་རྡུལ་ཞོད་འཇགས་སུ་བཏང་སྟེ
ངའི་འཇིག་རྟེན་གྱི་མཁའ་དབུགས་ཡང་བསྐྱར་སྙོམས་སྒྲིག་བྱས་སོང

ཁྱེད་ཀྱིས བདག་གི་བྱང་ཐང་ལ་མེ་ཏོག་གི་མཛེས་སྡུག་བསྣན་བྱུང
ཁྱེད་ཀྱིས བདག་གི་མི་ཡུལ་ལ་སྙན་ངག་གི་དག་ཞིང་བསྐྲུན་སོང

ཁྱེད་ཀྱི་བྱམས་པ་དང་བརྩེ་བ་ཚ་གྲང་བཞིན་མཁའ་དབྱིངས་ནས་འཐབ་སྟེ
ངའི་དབྱར་དགུན་གྱི་དུས་ཚིགས་གཉིས་པོར་ཁ་ཆར་གྱི་དངོས་གྲུབ་བསྟུད་མར་བསྩལ
ཡིན་ནའང དཀོན་མཆོག་གི་བཀོད་འདོམས་བཞིན་གནམ་གཤིས་ལ་འགྱུར་བ་ཐེབས་དུས
ཁྱེད་རང་དུས་ཚོད་ཀྱི་སྐར་ཆ་རེ་རེ་དང་འགྲོག་ནས་དམིགས་མེད་སྟོང་དབྱིངས་སུ་འཐིམ་གྱིན་འདུག
དེ་བས ཛ་དྲག་དང་བྲེལ་འཚུབ་ཀྱི་རོལ་དབྱངས་བསྟུད་མར་གྲག་བཞིན་པའི་ཁྲོད་དུ
དབྱར་ཁ་སླེབས་ཐེངས་རེར། ངས་ཡལ་བཞིན་པའི་འཇའ་ཚོན་དེ་བསྙེགས་ནས་ཁྱེད་ཀྱི་རྣམ་ཤེས་ཀྱི་འགྲུལ་བཞུད་བཀླགས་ཤིང
དགུན་ཁ་ཐོན་དུས་རེ་རེར། ང་ཞུ་བཞིན་པའི་གངས་རི་དེའི་མདུན་དུ་འགྲེང་སྟེ་ཁྱེད་ཀྱི་བླ་སྲོག་གི་ཉམས་ཉེན་གླེང

བདག་གིས སྤྲིན་པ་མཁའ་དབྱིངས་སུ་རྒྱུ་ཚུལ་ལས་ཚེ་སྲོག་གི་མཛེས་སྡུག་མཐོང་གི
བདག་གིས དུས་བཞིའི་རང་བྱུང་ཁམས་ཆེན་མོའི་འཕོ་འགྱུར་ལས་འཁོར་བའི་དར་རྒུད་རྟོགས་ཀི

ཁྱེད་ནི་མཁའ་དབྱིངས་ནས་མཆེད་ཅིང་མཁའ་དབྱིངས་སུ་ཐིམ་པའི་གློག་ཞགས་འཁྱུག་ཐེངས་ཤིག་ཡིན་ནམ
ཁྱེད་ནི་མཚོ་ཀློང་ན་འཕྱོ་ཞིང་རང་འཇགས་མཚོ་ཀློང་དུ་ཐིམ་པའི་རྦ་རླབས་འཕྱུར་ཐེངས་ཤིག་ཡིན་ནམ
ཁྱེད་ནི་མྱུ་གུ་རྩྭ་ཐང་ནས་འབུས་ཤིང་འདབ་ལོ་རྩྭ་ཐང་དུ་འཐོར་གྱིན་པའི་མེ་ཏོག་རྐང་གཅིག་ཡིན་ནམ
ཁྱེད་ནི་རྟེན་འབྱུང་གིས་དབུ་བརྩམས་ཤིང་རྟེན་འབྱུང་གིས་མཇུག་བསྡུས་པའི་མཐར་ཐུག་གི་གནས་ལུགས་དེ་ཡིན་ནམ

གང་ལྟར ངས དཔྱིད་འགོའི་མེ་ཏོག་བཞད་སྟངས་ལས་ཁྱོད་རང་མཐོང་གི
གང་ལྟར ངས སྟོན་ཁའི་ལོ་འདབ་འཐོར་ཚུལ་ལས་ཁྱོད་རང་དྲན་གི
                      ༢༠༠༥ལོའི་དཔྱིད་ཀར་བྲིས།
 

 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།