ཤོག་བུ་བཀོལ་སྟངས།
༡
སྙན་ངག་པའི་ཁང་ཁྱིམ
ཤོག་བུས་བཀང་འདུག
སྨད་འཚོང་མའི་ཁང་ཁྱིམ་ཡང
ཤོག་བུས་བཀང་འདུག
༢
སྙན་ངག་པས་ཤོག་བུའི་ངོས་སུ
རང་སེམས་ཀྱི་དགའ་སྐྱོ་དག
གླུ་རུ་བཞེངས
སྨད་འཚོང་མས་ཤོག་བུའི་སྟེང་དུ
རང་འགབ་ཀྱི་མྱོས་ཆུ་དག
གཙང་མར་ཕྱིས
༣
སྙན་ངག་པས
ཤོག་བུ་བཀོལ་རྗེས
ཡར་ལ་ཉར་དགོས
སྨད་འཚོང་མས
ཤོག་བུ་སྤྱད་རྗེས
མར་ལ་གཡུག་དགོས
༤
ཤོག་བུ
སྙན་ངག་པའི
སེམས་དགའ་སྐྱོ་ཟུང་གི་ཞིང་ས་ཡིན
ཤོག་བུ
སྨད་འཚོང་མའི
ཁམས་དཀར་དམར་གཉིས་ཀྱི་ཁྲུས་ཁང་ཡིན
༢༠༠༧ ，༦ ，༡༨ ལན་གྲུ།
རྩོམ་ཁུངས། ངེད་དྲ་བ།