ཉི་མ་འདི་དག་གི་མེ་ཏོག་བཞད་ཚུལ་ལས།

ངས་རུས་སྒྲོམ་འདི་ནམ་ཞིག་ཐོར་འགྲོ་བར་བསམ་བློ་གཏོང་དགོས་སོང་།

ངས་བསམ་བློ་གཏོང་གིན་གཏོང་གིན།    མེ་ཏོག་གི་འདབ་མ་ཐོར་བ་མཐོང་བྱུང་།

ཆང་ཁྱེར་ཤོག   ངས་སྙན་ངག་འབྲི་དགོས ། 

འཁོར་བ་འདི་ངུ་བཞིན་འདུག  ངས་ཆང་མཐུང་དགོས ། 

ང་སྐྲག་གི  ང་བཟི་དགོས་འདུག   ངས་སྐྲག་གི་ཟེར་ན་མི་འདོད །  

ཆང་འཐུང་རྗེས་ཀྱི་ང་ །   ང་མ་ཡིན་ཏེ།    ཆང་གིས་བཟི་བའི་མི་ཞིག་ལས་མ་འདས །

དཀོན་མཆོག་ལགས །  མེ་ཏོག་གི་འདབ་མ་འདི་དག་མ་ཐོར་གོང་ལ།

ངའི་མཆོད་པ་འདི་བཞེས་རོགས །  མཆོད་པ་འདི་ངའི་རྣམ་ཤེས་ཀྱི་ཁང་བཟང་ཡིན །

ཁང་བཟང་འདིའི་ནང་ན་འཁོར་བའི་རི་མོ་མང་པོ་ཞིག་ཡོད་པས།

འདི་དག་ངས་མི་ཡུལ་ལ་བཞག་པའི་ཟས་རིན་་ཡིན་ན། ཁྱོད་ལ་ཕུལ་བའི་མཆོད་པ་བྱེད་རོགས།

རྩོམ་ཁུངས། ངེད་དྲ་བ།