འོག་གི་རྡུལ་ཕྲན་འཕྱུར་འཕྱུར

བར་གྱི་རླུང་བུ་གཡུག་གཡུག

གོང་གི་མེ་སྟག་འཁྱུག་ན

གཤིས་བཟང་བུ་མོ་ཞིག་ལ

བདེན་པའི་སྐད་ཆ་ཨེ་དགོས

རྒྱ་མཚོའི་རབ་ཁ་ཞིག་ནས་རེ་སྒུག་བྱས་པའི་ཉ་མོ

མིག་ཤེལ་མ་གྱོན་པའི་ཡར་སྔོན་ཞིག་གི་གཏམ་རྒྱུད

ང་རང་ད་དུང་འཚོ་བ་དེའི་གསེབ་དུ་འཚང་བ་ཡིན་ནམ

འཚོ་བ་དེ་ང་ཡི་བྲང་འོག་ནས་འཕག་འཚག་རྒྱག་པ་ཡིན

སྐབས་དེར་སྐྲ་ལོ་ང་ཡི་སྙིང་དུ་སྡུག་པའི་སྙན་ངག

སྙན་ངག་ང་ཡི་ཡིད་ཆས་བྱས་ཆོག་པའི་ཆུང་མ

ཆུང་མ་ང་ཡི་གོམས་གཤིས་སུ་སོང་བའི་འཚོ་བ

ལོ་རྒྱུས་མ་ཤེས་པའི་ནག་ཉེས

དེང་རབས་མ་མཁྱེན་པའི་སྡུག་བསྔལ

ད་དུང་ང་ཡིས་ནག་ཉེས་དང་སྡུག་བསྔལ་འཁུར་དགོས་སམ

བདག་གི་མགོ་བ

ང་ཡི་མགོ་བ

སྐྲ་ལོ་དེ་ནི་བཞར་དགོས་མ་ཟེར

ང་ཡི་ཆང་མ

ཝུ་ཆང་དེ་ནི་གཅོད་དགོས་མ་ཟེར

ང་ཡི་ལྟད་མོ་བ

གཤིས་ཀ་འདི་ནི་བསྒྱུར་དགོས་མ་གསུངས

               སྤྱི་ལོ༢༠༡༠ལོའི་ཟླ༡བོའི་ཚེས༢༣ཉིན་དཔྱིའི་མེ་ཏོག་ཐང་ནས།

རྩོམ་ཁུངས། ངེད་དྲ་བ།