རྨི་ལམ་ལྟ་བུའི་ཉིན་གཅིག
ད་ནངས།
ས་ཆེན་པོ་དལ་ཅག་གེར།
སྡེ་འདིའི་གྲག་འགུལ་ལ་རྣ་བ་བླགས་འདུག
སྔ་དྲོ།
བྱིས་པ་བསྐོར་ཞིག་གིས་ས་རྡོ་བསྒྲུགས་ནས་ཁྱིམ་གཞི་བཅས་ཤིང་།
སུ་ཞིག་ཚང་ཟེར་བའི་མིང་ཡང་བཏགས་འདུག
ཉིན་གུང་།
རྩྭ་ཐང་ཚ་བས་གདུང་ཞིང་།
རྟ་ནོར་ལུག་གསུམ་སྐོམ་པས་གཟིར།
ཕྱི་དྲོ།
རླུང་ཆེན་པོ་ལྡང་སྟེ།
ཆེས་མཇུག་མཐའི་སྦྲ་ནག་རལ་བོ་དེ་འཁུར་སོང་།
སྲོད་དུས།
ཁང་མིག་གྲུ་བཞི་རེ་རེར།
འབྲོག་མི་ཚོས་སྦྲ་ནག་དང་ནོར་ལུག་གི་གཏམ་རྒྱུད་འཆད་ཀྱིན་མཆིས།
རྩོམ་ཁུངས། ངེད་དྲ་བ།