དགུན་རླུང་འུར་གྱིས་ལྡང་བའི་ན་ཟུག་གི་སྒྲ་རེ་རེ

བདག་གི་ལུས་ཡོངས་ལ་བསྡམས་ནས་འདར་གྱིན་ཡོད

མགོ་བོ་སྨད་པའི་ངང་ནས་འ྇ཁུམ་དུས

སེམས་ཁོང་ནས་རྟེན་དུ་བཞག་པའི་མེ་ཏོག་རེ་རེ

ཤུགས་ཀྱིས་འཁུར་གྱིན་ཡོད་པ་མཐོང་སོང

གནམ་གོ་ལ་ནས་ལྷུང་བའི་རླུང་བུ་དེ

གསོག་གསོབ་ཏུ་གྱུར་བ་མིན་པའི་ལྷ་འདྲེ་བཞིན

ཐག་མི་རིང་བའི་ཚོད་དཔག་གི་ལམ་དེ་ན

མེ་ཏོག་འཁུར་གྱིན་ཡོད་པ་མཐོང་སོང

མཐའ་མཇུག་གི་མིག་ཆུས་གྲུབ་པའི་མེ་ཏོག་དེ

ཁྱོན་ཡངས་པའི་རྩྭ་ཐང་ནས་ཅི་ལྟར་བཙལ་ཡང་རྙེད་མི་སྲིད་པའི་ནོར་བུ་བཞིན

བདག་གི་སྔས་མགོ་ནས་གཟིམས་སོང

                      2010  1  6

རྩོམ་ཁུངས། ངེད་དྲ་བ།