ཁ་དོག་དཀར་དམར་ལ་འདྲེས་པའི་བུ་མོ་ཞིག
ཁྱོད་ཀྱི་སྐྱེད་ཚལ་ཟེར་བའི་རྩེད་ར་ཞིག
བུ་མོའི་སྙིང་གཏམ་ཟེར་བའི་སྐད་ཆ་ཞིག
ང་ལ་སྒོ་དང་སྒེའུ་ཁུང་མེད་པ་ཡིན་ནམ
གལ་ཏེ་སྐྲ་ལོ་དེ་དང་དར་ལྕོག་དེ་གཉིས་ནོར་ཡོད་ན
གལ་ཏེ་རྒྱ་མཚོ་དེ་དང་མིག་ཟུང་དེ་གཉིས་འཕྲུལ་ཡོད་ན
གལ་ཏེ་བུ་མོ་དེ་དང་མེ་ཏོག་དེ་གཉིས
གལ་ཏེ་ཁ་དོག་དེ་དང་འཇའ་ཚོན་དེ་གཉིས
ང་ནི་ད་དུང་བྲག་ཁུང་དུ་འཛུལ་ནས་སྡོད་མཁན་དེ་ཡིན་ནམ
ཁྱོད་ལ་འཕྲལ་ཀྱང་ངག་མི་ཁྲོལ་བའི་མི་དེ་ཡིན་ནམ
རྩྭ་ཐང་ན་མིག་ཆུ་ལྷུང་ཡོད་པའི་ཁྱོད་ཀྱི་སྔོན་ཆད
གྲོང་ཁྱེར་ན་འུར་ཟིང་རོལ་གྱིན་པའི་ད་ལྟའི་ཁྱོད་རང
མ་འོངས་ནི་འཕྲུལ་སྣང་གི་ཁྲོད་ཀྱི་རྨི་ལམ་དེའི་ཟེ་འབྲུ
དགུན་ཆང་འཐུང་མེད་པའི་ང་ནི་ར་རོའི་རིམ་པ་དུ་ལ་སླེབས
ཁྱོད་ལ་དགོས་པའི་གསལ་བཤད་དེ་གླེང་བ་ནི
དཀར་པོ་ཞིག དམར་པོ་ཞིག
དཀར་དམར་འདྲ་མ་འདྲེས་ཤིག
སྤྱི་ལོ༢༠༠༩ལོའི་ཟླ༩པའི་ཚེས༡༩ཉིན་ཆུ་ཁ་མ་ནས།
རྩོམ་ཁུངས། ངེད་དྲ་བ།