རོལ་མོ་ལ་དགའ་བའི་བུ་ཆུང་འདི

ཕ་ཡུལ་ལ་ལོག་དགོས་ཟེར་གྱིན་འདུག  དགའ་མ

ཡིད་མ་སྐྱོ   སྐྲ་ལོ་དེ་ཁྱོད་དང་ང་ཡི་ཟིན་ཐོ་ཡིན

ཁ་བ་བབས་པའི་དུས་འདི་ནས་ང་བུད་སོང་ཡང

མེ་ཏོག་བཞད་པའི་དུས་ཤིག་དང་ལྷན་དུ་ང་ཕྱིར་འོང་སྲིད

དེ་དུས    ང་ལ་ཆང་དང་སྙན་ངག་གི་མགྲོན་བསུ་བྱེད་རོགས

ས་ཆ་འདི་ང་དང་ཁྱོད་ཁོ་ནའི་མིན་ཡང

ང་དང་ཁྱོད་ཁོ་ནའི་སྙིང་གཏམ་བཤད་ས་ཡིན་ཆོག

མི་འདི་ཚོ་ཁ་མང་པོ་འདུག    ཡིན་ན་ཡང

སུ་ཞིག་གིས་ང་ནོར་འདུག་ཟེར་ན

ཁྱོད་ཀྱིས་ཁོ་ལ་ང་ནོར་འདུག་ཟེར་རོགས

མི་དེ་ནོར་མི་འདུག་པ་སུ་ཞིག་གིས་གསལ་བཤད་བྱེད་ཐུབ

རེ་བ་དེ་རི་ལ་མ་ཤོར་གོང་ལ

ངས་སེམས་པ་འདི་རྡོ་ལ་བརྐོས་ཡོད

ཁྱོད་ཀྱིས་ང་ལ་མིག་ཆུའི་བདེ་མོ་མ་ཟེར

ངས་ཁྱོད་ལ་ཉི་འོད་ལྟ་བུའི་སྙན་ངག་གི་མཆོད་པ་འབུལ་གྱིན་ཡོད

སྙིང་གཏམ་འདི་སུ་ལ་མ་བཤད 

གདུང་བ་ཞིག་གིས་ང་བཟི་འགྲོ

སུ་ལ་མ་བཤད   ང་མགྱོགས་པོར་གྱུགས་ཡོང

༢༠༡༠ལོའི་ཟླ་༡་པའི་ཚེས་༡༧་ཉིན་ལྷ་ས་ནས་དགའ་མ་ཕུལ་བའོ།

རྩོམ་ཁུངས། ངེད་དྲ་བ།