འབད་འབད་པའི་ཐ་མ།

བརྒྱུགས་བརྒྱུགས་པའི་ཐ་མ།

ངའི་ལག་ཏུ་བྱ་བ་ཐོན་སོང་།

ངའི་ལག་ཏུ་ཆུང་མ་རེག་སོང་།

ད་ནི།  ངས་རང་ཉིད་ལ་ར་སྐོར་ཞིག་ཀྱང་རྒྱག་ཐུབ་སོང་།

ར་སྐོར་འདི་ནི་ངས་རང་ཉིད་ལ་བརྒྱབ་པ་ཡིན།

རླངས་འཁོར་གྱི་ལྡེ་མིག་ཨ་མའི་ལག་ན་ཡོད།

ཟླ་ཕོགས་ཀྱི་དངུལ་བྱང་ཆུང་མའི་ལག་ན་ཡོད།

སྙན་ངག་གི་སྨྱུག་ཁ་དཔོན་པོའི་ལག་ན་ཡོད།

ད་ནི་རང་སེམས་བདེ་ལ་འབབ་ཐུབ་སོང་།

མི་རྣམས་ཀྱིས་མི་ཚེ་ཞིག་ལ།

འབད་འབད་པའི་དམིགས་ཡུལ་ནི།

རང་ཉིད་ལ་ར་སྐོར་ཞིག་རྒྱག་རྒྱུ་དེའོ། །

                           2010. 6. 3

རྩོམ་ཁུངས། ངེད་དྲ་བ།