ཐག་རིང་ནས་ཡོང་བའི་ཁྱོད ཡུན་རིང་དུ་སྒུག
རྨི་ལམ་གྱི་ངོ་གདོང་དུ་འཕུར་བའི་ཁྱོད་ཀྱི་སྐྲ་ལོ
རེ་སྒུག་གི་ཟབ་སར་ཉར་བའི་ཁྱོད་ཀྱི་གོམ་འགྲོས
རྒྱང་རིང་གི་མགྲོན་པོ་རྙིང་བ་དེས
ནམ་ཡང་སེམས་ཀྱི་ཟབ་སར་ཉར སྙིང་གི་གཏིང་སར་བཟུང
བདག་གི་སྙིང་ཉེ་བའི་ནོར་མིང་བ།
ཁྱོད་རང་མེ་ཏོག་ཅིག་ཡིན་ན
བདག་པོ་བྱེད་མཁན་གྱི་སྦྲང་མ་དེ་སུ་ཡིན
ཁྱོད་རངཝུ་ཆང་ཞིག་ཡིན་ན
གཙང་བཞེས་གནང་མཁན་གྱི་ཕོ་གསར་དེ་སུ་ཡིན།
ཐག་རིང་ནས་ཡོང་བའི་ཁྱོད ཡུན་རིང་དུ་སྒུག
བདག་གི་སྙིང་ཉེ་བའི་ནོར་མིང་བ
གལ་ཏེ་ང་རང་གློག་བརྙན་ཞིག་ཡིན་ན
ངས་ཁྱོད་ལ་རེ་སྒུག་ཅེས་པའི་འོད་སྡེར་ཞིག་སྟོན་ངེས
གལ་ཏེ་ང་རང་སྒྲ་ཕབ་ཅིག་ཡིན་ན
ངས་ཁྱོད་ལ་དུང་སེམས་ཞེས་པའི་སྒྲ་ཐག་ཅིག་སྐོར་ངེས
བདག་གི་སྙིང་ཉེ་བའི་ནོར་མིང་བ
ངས་ཡུན་རིང་ཉར་བའི་བརྩེ་ཞེན་གྱི་འོད་ཐིག
དུས་ནམ་ཡང་ཁྱོད་ཀྱི་ཕྱོགས་སུ་འཕྲོས་ཡོད།
རྩོམ་ཁུངས། ངེད་དྲ་བ།