སྙན་ཞུའི་ཡི་གེ།
ཕུགས་བསམ་གྱི་ཡུལ་དེར
ལོ་ལེགས་མ་བྱུང་བའི
དེ་རིང་གི་སློབ་ཆེན་པ་ནི
བརྡ་སྤྲོད་ཀྱི་གཞུང་ལ་མ་ཕྱིན་པའི
ཡིག་རྨོངས་ཞིག་གི
ངོ་གདོང་དང་མཚུངས་པར
ཡིག་ཕོར་དེ་དག་གི་སྙན་ཞུ་གྱིས
སློབ་དཔོན་དེ་དག་གི་ངོ་ཚ་སློག་པ་མ་ཡིན་ནམ
ཕ་ཡུལ་ཡང་དེ་དང་མཚུངས་པར
མུ་གེ་ཐེབས་ནས་ཡོད་པས
ཀ་ངོ་མི་ཆོད་པའི
སྡེ་དཔོན་དེ་ཐབས་ཤེས་ནི
བར་ཆད་ཐེབས་པའི
ས་ཞིང་དེ་དག་པར་ལ་བཏབ་ཏེ
རྫོང་སྲིད་གཞུང་ལ་ཕུལ་ཏེ
ང་ཚོས ལོ་རྒྱུས་ལ་གཡོལ་བའི་ལས་ཀ་ཞིག་བྱེད་མི་འདོད་ཟེར
ཞོར་ཏུ རྫོང་དཔོན་ལགས
དོན་ངོ་མར སློབ་ཆེན་པ་དང
ངེད་སྡེ་བའི་བར་ལ
འདི་ལྟ་བུའི་ཁྱད་པར་ལས་མེད་པ་ཅིའི་བྱུང་བ་རེད
ཉིད་ཀྱིས་ཉིན་གསུམ་ལ་མནོ་བསམ་བཏང་རྗེས
ཞིང་ཆེན་གྱི་བརྙན་འཕྲིན་ཁང་གི་ལེ་ཚན་ཞིག་གི་ནང
ང་ཚོ་ལ ཁྱོད་རང་ཉིད་ཐེ་བའི་ལན་ཡག་པོ་ཞིག་སྐྱོན་རོགས
2010/ 3/ 30
རྩོམ་ཁུངས། ངེད་དྲ་བ།