གསེར་གྱི་ཉ་མོ་བཞི་
ལྷོག་ལྷོག་འཁོལ་བའི་དངུལ་ཆུའི་ནང་ན་
རྐྱལ་རྩལ་ངོམ
དུས་ཚིགས་བཞི་
འཁོར་ལོ་ཅན་གྱི་ཤིང་རྟ་ལ་བསྡད་ནས
བུད་མེད་ཅིག་གི་སྒོ་ཁར་སླེབས
 
སྡེ་བའི་མཐའ་ན
སྡོང་ལོ་ཡིས་སྡོང་ལོ་བསྐོར
བརྩེ་དུང་གིས་ཅི་ལ་
ལྐུགས་པའི་བརྟུལ་ཞུགས་འཛིན
གྲིབ་མ་དང་གྲིབ་མ་འཛིང་
དགྲ་ལྷ་ཞིག་རླུང་ལྟར་མྱུར
དགྲ་ལྷ་ཞིག་རླུང་ལྟར་མྱུལ
 
ཟླ་འོད་ཀྱི་ནགས་ཚལ་ན
དུག་སྦྲུལ་རྣམས་ཁེངས་སྐྱུང་གིས་ནུར
སྨུག་པ་ལང་ལོང་
གང་བུ་དང་མྱོས་བུམ་གཉིས
བུད་མེད་ཀྱི་རྒྱན་དུ་གྱུར
 
བདག་མེད་ཀྱི་སྐྲ་ལོ་དེ་ཨང་
 
མེ་ལྕེ་དང་མུན་ནག་མ་འདྲེས
སྐར་མདའ་དང་རྨི་ལྟས་མ་འདྲེས
ཆུ་ཁར་འཁོར་བའི་དབུ་བའི་ལོགས་སུ
ཁྱོད་ཀྱི་རྐང་གདུབ་སིལ་སིལ
ཁྱོད་ཀྱི་མིག་གོང་སོབ་སོབ
 
 

རྩོམ་ཁུངས། ངེད་དྲ་བ།