མེ་ཏོག་དཀར་དམར་གཉིས།
མེ་ཏོག་དཀར་པོ
སྤྲིན་པ་དཀར་པོ་ལྟར
བར་སྣང་ནས་རླུང་གིས་བསྐྱོད་དུས
ཞེན་ཆགས་ལྕི་མོ་ཞིག
དགུན་དུས་ཀྱི་ཁ་བ་བཞིན
ཕ་ཡུལ་གྱི་རི་རྩེར་ལྷུང
མེ་ཏོག་དམར་པོ
ཕྱི་དྲོའི་མཚམས་སྤྲིན་ལྟར
ས་སྲོད་ཀྱི་ངོ་གདོང་གཤགས་དུས
སེམས་པ་རྨས་མ་ཞིག
གནམ་སའི་ཧྲག་བར་བཞིན
མུན་ནག་གིས་དལ་བུར་འབྱར
མེ་ཏོག་དཀར་དམར་གཉིས
སྐྱ་རེངས་དང་ཉི་ནུབ་ལྟར
འཇིག་རྟེན་ལ་སྔ་གཞུག་ཏུ་བཞད་དུས
ལོ་རྒྱུས་ཧྲིལ་བོ་ཞིག
དཔྱིད་དུས་ཀྱི་དྲོད་གྲང་བཞིན
བུ་རབས་ཚ་རྒྱུད་ཀྱི་གནའ་གཏམ་ལ་གྱུར
༢༠༡༠ལོའི་ཟླ་༡༢པའི་ཚེས་༡༨ལ།
རྩོམ་ཁུངས། མེ་རིའི་པོད་ཁུག