དོ་དགོང  ང་རང་ཁེར་རྐྱང་དུ
ཆུང་མའི་ཕ་རོལ་གྱི་མཚན་ངོགས་འདི་ནས
གཞས་གདངས་མེད་པའི་གླུ་ཚིག་ཅིག་སྐྱོར་བཞིན
སུ་ཡི་ཆེད་དུ་མུན་པ་འགམ་གྱིན་འདུག
ལོ་རེ་རེའི་ཟླ་བ་དང་ཉི་མ  ཞག་པོ་འདི་ལ
ངས་ཅི་ཞིག་ལ་སོ་ལྟ་བྱེད་པ་རེད

དོ་དགོང་ལྟ་བུའི་མུན་ནག་པོ་ཞིག
ངའི་མིག་ཟུང་གིས་འཇིག་རྟེན་མི་མཐོང
ཡིད་སེམས་ཀྱིས་ཀྱང་མི་མཐོང
ཕྱོགས་བཞི་དང་སྟེང་འོག་མི་ཤེས་པའི་དོ་དགོང
ངས་ཅི་ཞིག་ལ་སོ་ལྟ་བྱེད་པ་རེད

ཁ་སང་གི་གདོང་ལ་གྲུ་ཤན་ཐེབས་པ་དེར
དེ་རིང་དུས་ལྟར་ན་ཟུག་གསར་བ་ཞིག་ལངས་བྱུང
ས་དང་རྡོ་རིམ་པ་ཆིག་སྟོང་གི་གཏིང་ཞབས་ནས
མནར་གཅོད་མ་བཟོད་པར་འབར་གྱིན་པའི་མེ་ལྕེ་ཕྲ་མོ
མ་འོངས་པར་བསྐལ་བའི་བྲང་གཞུང་གཤག་ཨེ་ཡོང་སྙམ་ན
ངས་ཅི་ཞིག་ལ་སོ་ལྟ་བྱེད་པ་རེད

སང་ཉིན  ཉི་མ་ཁུར་བའི་འགྲོ་བ་སེམས་ཅན
མུན་ནག་ཁྲོད་བོར་བའི་དེ་རིང་གི་གཏམ་རྒྱུད་རུམ་ནས
ཁོ་བོའི་རྨི་ལམ་གྱི་ཆོན་ཐག་སྒང་ལ་འགོས་ཚེ
དར་ལྕོག་དང་རླུང་རྟའི་བར་གསང་རིང་མོ་ནས
ཡོད་ཚད་ཐང་ཆད་ཅིང་ངལ་དུབ་ཀྱིས་གཉིད་དུས
ངས་ཅི་ཞིག་ལ་སོ་ལྟ་བྱེད་པ་རེད