སྟོང་ལྷང་ལྷང་།

 
དེ་དུས།
སེར་འོད་རབ་ཏུ་འཕྲོ་བའི་ཉི་མ་དེ་ཡང་།
རང་ཉིད་ཀྱི་ལང་ཚོ་ཡོངས་སུ་ཟད་དེ།
ཆེས་མཐོ་བའི་ལ་ཁར།
འཁར་བ་ཞིག་བཟུང་སྟེ་བཞུད་བཞིན་འདའ།
བྲལ་གདུང་གི་ཡོངས་སུ་བཅོམ་པས།
ངའི་རྣམ་ཤེས་དེ་ཡང་།
སྟོང་ལྷང་ལྷང་ངང་།
ཨ་མའི་རྡོ་ཁང་དང་བྲལ་སོང།

དེ་དུས།
ནུབ་རླུང་གྲང་བསིལ་བསིལ་འགའ།
དཔུང་ཐང་སྒྲིག་སྟེ།
ཆེས་སྲབ་པའི་ངའི་སེམས་པ་རྨས་མ་དེ།
དུབ་བུར་དྲས་ནས།
ཕྱོགས་བཞི་མཚམས་བརྒྱད་ལ་འཁྱེར།
དགོང་ག་དེར།
ངའི་སེམས་པ་སྟོང་ལྷང་ལྷང་ངང་།
ཕ་ཡུལ་དང་བྲལ་དགོས་བྱུང་།
 
དེ་དུས།
ཆེས་ནག་པའི་མུན་ནག་གི་ཁྲོད་ལ།
ངས་ཟུར་དྲུག་ཁ་བ་འབབ་བའི་ཕ་ཡུལ་དེར།
རྒྱབ་ཕྱོགས་ཏེ།
རྐང་ལམ་ཀྱག་ཀྱོག་ཞིག་གི་སྟེང་དུ།
ཆེས་མྱུར་བའི་གོམ་པའི་རྡོག་སྒྲ་དང་།
འཇིགས་སྐྱོ་ཡི་བཟུང་བས་སྙིང་གི་རྡིག་སྒྲ་ལྷན་དུ།
ཁ་བས་གཡོགས་པའི་རི་བོ་ཧི་མ་ལ།
ངའི་སེམས་པ་སྟོང་ལྷང་ལྷང་ངང་།
བརྒལ་དགོས་བྱུང་།
 
དེ་ནས་བཟུང་།
མི་ལོ་བཅུ་ཕྲག་འགར།
ངའི་འཇིག་རྟེན་ལ།
དགའ་སྐྱོའི་སྒྲུང་གཏམ་མང་རུང་།
རྨས་ཟིན་པའི་ངའི་སེམས་པ་རྨས་མ་དེ།
སླར་གསོ་བའི་སྨན་མཆོག་གི་བདུད་རྩི་ཞིག་མ་ཐོབ་པར།
ད་དུང་ཡང་། 
ངའི་སེམས་པ་འདི་སྟོང་ལྷང་ལྷང་།
 
                            ༢༠༡༡ ༤ ༣། དགོང་མོར།
 
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སྟོང་ལྷང་ལྷང་།

2011-04-14 རིག་འཛིན། ཀློག་གྲངས། མཆན ཡོད།

 
དེ་དུས།
སེར་འོད་རབ་ཏུ་འཕྲོ་བའི་ཉི་མ་དེ་ཡང་།
རང་ཉིད་ཀྱི་ལང་ཚོ་ཡོངས་སུ་ཟད་དེ།
ཆེས་མཐོ་བའི་ལ་ཁར།
འཁར་བ་ཞིག་བཟུང་སྟེ་བཞུད་བཞིན་འདའ།
བྲལ་གདུང་གི་ཡོངས་སུ་བཅོམ་པས།
ངའི་རྣམ་ཤེས་དེ་ཡང་།
སྟོང་ལྷང་ལྷང་ངང་།
ཨ་མའི་རྡོ་ཁང་དང་བྲལ་སོང།

དེ་དུས།
ནུབ་རླུང་གྲང་བསིལ་བསིལ་འགའ།
དཔུང་ཐང་སྒྲིག་སྟེ།
ཆེས་སྲབ་པའི་ངའི་སེམས་པ་རྨས་མ་དེ།
དུབ་བུར་དྲས་ནས།
ཕྱོགས་བཞི་མཚམས་བརྒྱད་ལ་འཁྱེར།
དགོང་ག་དེར།
ངའི་སེམས་པ་སྟོང་ལྷང་ལྷང་ངང་།
ཕ་ཡུལ་དང་བྲལ་དགོས་བྱུང་།
 
དེ་དུས།
ཆེས་ནག་པའི་མུན་ནག་གི་ཁྲོད་ལ།
ངས་ཟུར་དྲུག་ཁ་བ་འབབ་བའི་ཕ་ཡུལ་དེར།
རྒྱབ་ཕྱོགས་ཏེ།
རྐང་ལམ་ཀྱག་ཀྱོག་ཞིག་གི་སྟེང་དུ།
ཆེས་མྱུར་བའི་གོམ་པའི་རྡོག་སྒྲ་དང་།
འཇིགས་སྐྱོ་ཡི་བཟུང་བས་སྙིང་གི་རྡིག་སྒྲ་ལྷན་དུ།
ཁ་བས་གཡོགས་པའི་རི་བོ་ཧི་མ་ལ།
ངའི་སེམས་པ་སྟོང་ལྷང་ལྷང་ངང་།
བརྒལ་དགོས་བྱུང་།
 
དེ་ནས་བཟུང་།
མི་ལོ་བཅུ་ཕྲག་འགར།
ངའི་འཇིག་རྟེན་ལ།
དགའ་སྐྱོའི་སྒྲུང་གཏམ་མང་རུང་།
རྨས་ཟིན་པའི་ངའི་སེམས་པ་རྨས་མ་དེ།
སླར་གསོ་བའི་སྨན་མཆོག་གི་བདུད་རྩི་ཞིག་མ་ཐོབ་པར།
ད་དུང་ཡང་། 
ངའི་སེམས་པ་འདི་སྟོང་ལྷང་ལྷང་།
 
                            ༢༠༡༡ ༤ ༣། དགོང་མོར།
 
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།