ཁྱེད་ལ་མཐུན་སྦྱོར་གྱི་ལེགས་སྐྱེས།
ནམ་ཞིག་ནས་འབྲེལ་བ་ཡོད་པ་ནི་མི་ཤེས
ནམ་ཞིག་ནས་འབྲེལ་ཐག་མེད་པའང་མི་ཤེས
སེམས་ཀྱི་གདན་ཆ་དཀར་པོ
ཁྱོད་ཀྱིས་ང་ལ་བཏེགས་པའི་སེམས་འདུན་དང་ལྷན་དུ
ཕྱོགས་གང་ཞིག་ནས་ངེས་མེད་དུ་གཏིང་དགོས་བྱུང
སུ་ཞིག་གི་བསྐོ་གནང་མཛད་མེད་པའི
ཁ་དོག་མེད་པའི་ང་ཡི་ལམ་བུ་འདྲ་བའི་ཁྱེད
གཡུ་ཆུང་དྲུག་དཀར་ལྟ་བུའི་ཁྱེད
འབབ་ཞོད་ཐེངས་ཤིག་གི་རྗེས་ནས
ངས་རང་གི་གམ་གྱི་འདམ་རུལ་དག་ཀྱང
ཁྱེད་དང་ལྷན་དུ་བྲང་ལ་སྦྱོར་དགོས་བྱུུང
གནའ་བོའི་ཐག་པ་ཞིག
གཡུག་གཡུག་པའི་མཐའ་མར
རང་གི་སྙིང་རྩ་བསྡམས་བྱེད་ཙམ་ལས་ཅི་ཡང་འཛིན་མ་ཐུབ
བསྟུད་མར་བཤད་པའི་སྐད་ཆ་དག་གི་བསྣོལ་མཚམས་ལས
ངའི་ཟམ་པ་ཞིག་གཞི་ནས་ཁྱེར་འོང་དགོས་པ་དྲ ན
ཡུན་གུར་ཉན་ན
འུ་གཉིས་ཀྱི་བར་ལ་ཁ་པར་མི་དགོས
ས་ཁྲ་མི་དགོས
ཐ་ན་སིལ་ཁུ་ཀྱང་མི་དགོས
བཞི་སྲང་ནས་མ་འཕྲད་པ་ནི
མེ་འཁོར་གྱི་བཀའ་དྲིན་པ་ཡིན་པ་བརྗེད་གིན་མེད
ལུང་གྱོག་ནང་གི་དེའུ་འབུར་རེའི་མགོ་ནས
ངའི་མེ་ལོང་ཆེན་པོ་ཞིག་བཟུང་ཏེ
ལྡོག་འཕྲོའི་འོད་ཟེར་ཀྱིས་ཁྱེད་ཕྱོགས་སུ་གཏད་ཚེ གྱོ་མོག་ཁང་བ་དེའི་ནང་ནས་ཕྱི་རུ་འབུད་མ་ཐུབ་པ་དེ་སུ
སེམས་ནང་དུ་སྦས་རྐོང་བྱས་པའི་སྐར་ཚོགས
ཁྱེད་ཀྱི་སེམས་ངོས་སུ་ཤར་ཐུབ་ན
དེ་ནི་ང་ཡི་གཟུགས་བརྙན་ཡིན
1.7
རྩོམ་ཁུངས། ངེད་དྲ་བ།