སང་ཉིན་ནི་ཅི་ཞིག་ཡིན།

ཚེ་དབང་རྣམ་རྒྱལ། མཆོད་མེ་བོད་ཀྱི་རྩོམ་རིག་དྲ་བ། 2011-05-14

 

མཐོང་ཡུལ་ལས་འདས་པའི་སང་ཉིན་ལ།
གློ་བར་བའི་ལག་སྙོབ་བྱེད་ཐེངས་རེར།
ལག་ཏུ་ཡོང་བ་ནི་ནམ་ཡང་མུན་པ་རེད།
ངོ་མ།  སང་ཉིན་ནི་མ་གཞི་ནས་མུན་པ་ཞིག་ཡིན་ནམ། 
སང་ཉིན་དུ།  དོན་ངོ་མ་ཅི་ཞིག་ཡོད། 
ཨ་མའི་ཁ་ན་འཕུར་བའི་ཡིག་དྲུག་གི་གཤོག་ཟུང་བཀན་མོ་དེ་ཡོད་དམ།
ཨ་ཕའི་སེམས་སུ་བཞེངས་པའི་དག་ཞིང་གི་རྐང་ལམ་ཕྲ་མོ་དེ་ཡོད་དམ།
ཡང་ན། 
ཁྱོས་འཐུང་བསམས་པ་ཞིག་འཁྱིལ་ནས་ཡོད།
ཁྱོས་བཟའ་སྙམ་པ་ཞིག་བསྒྲིགས་ནས་ཡོད།
དེ་མིན་ན། 
གསང་བ་ཞིག་གཅེར་བུར་མངོན་ནས་ཡོད་དགོས། 
མངོན་སུམ་ཞིག་ཐུམ་གྱིས་བཏུམས་ནས་ཡོད་དགོས། 
དེའང་མེད་ན། 
ང་ཚོས་རྒྱུས་མངའ་ཡོད་ཁུལ་གྱིས་སང་ཉིན་དུ་འཚང་དོན་ཅི། 
ང་ཚོས་ཅི་ཞིག་རྙེད་མདོག་གིས་སང་ཉིན་དུ་ཕྱོགས་དོན་ཅི།
ང་ཚོས་ཅི་ཞིག་འཚོལ་ཁུལ་གྱིས་སང་ཉིན་དུ་བཞུར་དོན་ཅི། 
ང་ཚོ་གནམ་སའི་བར་མཚམས་དེ་ནས། 
གོག་ནུར་གྱི་འགུལ་བསྐྱོད་ལ་ཞུགས་པ་ནས་བཟུང་སང་ཉིན་ལ་སོང་། 
ཡིན་ཡང་།  ང་ཚོ་ད་དུང་བསླེབས་མེད།
ཡང་ན།     ང་ཚོ་ནམ་ཡང་སླེབ་བཞིན་ཡོད། 
རེད་ཨ།  ང་ཚོ་སང་ཉིན་ལ་སླེབ་བཞིན་ཡོད་ཀྱང་། 
ད་དུང་སང་ཉིན་ལ་བཙལ་ནས་འགྲོ་དོན་ཅི། 
དོན་ངོ་མ་ང་ཚོ་འགྲོ་དགོས་པའི་སང་ཉིན་ག་ཚོད་ཡོད། 
ང་ཚོ་འགྲོ་དགོས་པའི་སང་ཉིན་གྱི་བར་ཐག་ག་ཚོད་ཡིན། 
ང་ཚོ་འགྲོ་དགོས་པའི་སང་ཉིན་གྱི་ལྗིད་ཚད་ཅི་ཙམ་ཡིན། 
ངོ་མ།  སང་ཉིན་ནི་ཅི་ཞིག་ཡིན།
བསྒྲགས་གཏམ་ཞིག་ཐུ་འོག་ན་གཉོར་བའི་དར་ཆ་ཞིག་ཡིན་ནམ། 
ཕུགས་བསམ་ཞིག་རྗེས་ཤུལ་དུ་འཁྱིལ་བའི་སྨྱུག་རྩེ་ཞིག་ཡིན་ནམ། 
སྤྲོ་སྐྱིད་ཅིག་ཐབ་ཟངས་ན་གདུ་བའི་སྦྲ་ནག་ཅིག་ཡིན་ནམ། 
ཡང་ན།
ལག་ཟུང་གཉོམ་པོ་ཞིག་གི་སེར་ག་ཡིན།
ལྟོ་བ་ཚོན་པོ་ཞིག་གི་ལྟེབ་གཉེར་ཡིན། 
ཡང་ན། 
བརྒྱ་ཤོག་དམར་བོས་ཁྲི་བརྒྱབ་པ་ཞིག་ཡིན། 
རྒྱབ་གོས་རལ་བོས་འཕོངས་མི་ཁེབས་པ་ཞིག་ཡིན། 
གང་ལྟར།  ང་ཚོ་སང་ཉིན་ལ་འགྲོ་བཞིན་ཡོད། 
འོན་ཏེ།   ང་ཚོ་བསླེབས་ཡུལ་ནི་ནམ་ཡང་དེ་རིང་ཡིན།
ང་ཚོས་མུ་མཐུད་དུ་སང་ཉིན་འཚོལ་བཞིན་ཡོད་པས། 
ང་ཚོ་ནམ་ཡང་དེ་རིང་ལ་སླེབ་བཞིན་ཡོད།
ང་ཚོ་གཙང་བོ་བཞིན་སང་ཉིན་ལ་བཞུར་བས། 
མེ་ཏོག་འདྲ་བ་མང་བོ་ཞིག་དེ་རིང་གི་གཙང་འགྲམ་ནས་ལུས་སོང་།
ང་ཚོ་སྐར་མདའ་བཞིན་སང་ཉིན་ལ་བཞུར་བས། 
ཉི་ཟླ་འདྲ་བ་མང་བོ་ཞིག་དེ་རིང་གི་མཁའ་དབྱིངས་ནས་བསྐྱུར་སོང་། 
སང་ཉིན་ལ་ལྐོག་ཉན་བྱེད་དུས། 
སང་ཉིན་ལ་ནམ་ཡང་གྲག་འགུལ་མེད། 
སང་ཉིན་ལ་ལྐོག་ལྟ་བྱེད་དུས། 
སང་ཉིན་ནི་ནམ་ཡང་རབ་རིབ་ཡིན།
སང་ཉིན་ལ་ལག་སྙོབ་བྱེད་དུས།
སང་ཉིན་ནམ་ཡང་མུན་པ་རེད། 
འོན་ཏེ།  ང་ཚོ་ནམ་ཡང་སང་ཉིན་ལ་བྲེལ་ནས་ཡོད། 
རེད་དེ།  སང་ནི་ཅི་ཞིག་ཡིན།  གང་ན་ཡོད། 
 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

སང་ཉིན་ནི་ཅི་ཞིག་ཡིན།

2011-05-14 ཚེ་དབང་རྣམ་རྒྱལ། ཀློག་གྲངས། མཆན ཡོད།

 

མཐོང་ཡུལ་ལས་འདས་པའི་སང་ཉིན་ལ།
གློ་བར་བའི་ལག་སྙོབ་བྱེད་ཐེངས་རེར།
ལག་ཏུ་ཡོང་བ་ནི་ནམ་ཡང་མུན་པ་རེད།
ངོ་མ།  སང་ཉིན་ནི་མ་གཞི་ནས་མུན་པ་ཞིག་ཡིན་ནམ། 
སང་ཉིན་དུ།  དོན་ངོ་མ་ཅི་ཞིག་ཡོད། 
ཨ་མའི་ཁ་ན་འཕུར་བའི་ཡིག་དྲུག་གི་གཤོག་ཟུང་བཀན་མོ་དེ་ཡོད་དམ།
ཨ་ཕའི་སེམས་སུ་བཞེངས་པའི་དག་ཞིང་གི་རྐང་ལམ་ཕྲ་མོ་དེ་ཡོད་དམ།
ཡང་ན། 
ཁྱོས་འཐུང་བསམས་པ་ཞིག་འཁྱིལ་ནས་ཡོད།
ཁྱོས་བཟའ་སྙམ་པ་ཞིག་བསྒྲིགས་ནས་ཡོད།
དེ་མིན་ན། 
གསང་བ་ཞིག་གཅེར་བུར་མངོན་ནས་ཡོད་དགོས། 
མངོན་སུམ་ཞིག་ཐུམ་གྱིས་བཏུམས་ནས་ཡོད་དགོས། 
དེའང་མེད་ན། 
ང་ཚོས་རྒྱུས་མངའ་ཡོད་ཁུལ་གྱིས་སང་ཉིན་དུ་འཚང་དོན་ཅི། 
ང་ཚོས་ཅི་ཞིག་རྙེད་མདོག་གིས་སང་ཉིན་དུ་ཕྱོགས་དོན་ཅི།
ང་ཚོས་ཅི་ཞིག་འཚོལ་ཁུལ་གྱིས་སང་ཉིན་དུ་བཞུར་དོན་ཅི། 
ང་ཚོ་གནམ་སའི་བར་མཚམས་དེ་ནས། 
གོག་ནུར་གྱི་འགུལ་བསྐྱོད་ལ་ཞུགས་པ་ནས་བཟུང་སང་ཉིན་ལ་སོང་། 
ཡིན་ཡང་།  ང་ཚོ་ད་དུང་བསླེབས་མེད།
ཡང་ན།     ང་ཚོ་ནམ་ཡང་སླེབ་བཞིན་ཡོད། 
རེད་ཨ།  ང་ཚོ་སང་ཉིན་ལ་སླེབ་བཞིན་ཡོད་ཀྱང་། 
ད་དུང་སང་ཉིན་ལ་བཙལ་ནས་འགྲོ་དོན་ཅི། 
དོན་ངོ་མ་ང་ཚོ་འགྲོ་དགོས་པའི་སང་ཉིན་ག་ཚོད་ཡོད། 
ང་ཚོ་འགྲོ་དགོས་པའི་སང་ཉིན་གྱི་བར་ཐག་ག་ཚོད་ཡིན། 
ང་ཚོ་འགྲོ་དགོས་པའི་སང་ཉིན་གྱི་ལྗིད་ཚད་ཅི་ཙམ་ཡིན། 
ངོ་མ།  སང་ཉིན་ནི་ཅི་ཞིག་ཡིན།
བསྒྲགས་གཏམ་ཞིག་ཐུ་འོག་ན་གཉོར་བའི་དར་ཆ་ཞིག་ཡིན་ནམ། 
ཕུགས་བསམ་ཞིག་རྗེས་ཤུལ་དུ་འཁྱིལ་བའི་སྨྱུག་རྩེ་ཞིག་ཡིན་ནམ། 
སྤྲོ་སྐྱིད་ཅིག་ཐབ་ཟངས་ན་གདུ་བའི་སྦྲ་ནག་ཅིག་ཡིན་ནམ། 
ཡང་ན།
ལག་ཟུང་གཉོམ་པོ་ཞིག་གི་སེར་ག་ཡིན།
ལྟོ་བ་ཚོན་པོ་ཞིག་གི་ལྟེབ་གཉེར་ཡིན། 
ཡང་ན། 
བརྒྱ་ཤོག་དམར་བོས་ཁྲི་བརྒྱབ་པ་ཞིག་ཡིན། 
རྒྱབ་གོས་རལ་བོས་འཕོངས་མི་ཁེབས་པ་ཞིག་ཡིན། 
གང་ལྟར།  ང་ཚོ་སང་ཉིན་ལ་འགྲོ་བཞིན་ཡོད། 
འོན་ཏེ།   ང་ཚོ་བསླེབས་ཡུལ་ནི་ནམ་ཡང་དེ་རིང་ཡིན།
ང་ཚོས་མུ་མཐུད་དུ་སང་ཉིན་འཚོལ་བཞིན་ཡོད་པས། 
ང་ཚོ་ནམ་ཡང་དེ་རིང་ལ་སླེབ་བཞིན་ཡོད།
ང་ཚོ་གཙང་བོ་བཞིན་སང་ཉིན་ལ་བཞུར་བས། 
མེ་ཏོག་འདྲ་བ་མང་བོ་ཞིག་དེ་རིང་གི་གཙང་འགྲམ་ནས་ལུས་སོང་།
ང་ཚོ་སྐར་མདའ་བཞིན་སང་ཉིན་ལ་བཞུར་བས། 
ཉི་ཟླ་འདྲ་བ་མང་བོ་ཞིག་དེ་རིང་གི་མཁའ་དབྱིངས་ནས་བསྐྱུར་སོང་། 
སང་ཉིན་ལ་ལྐོག་ཉན་བྱེད་དུས། 
སང་ཉིན་ལ་ནམ་ཡང་གྲག་འགུལ་མེད། 
སང་ཉིན་ལ་ལྐོག་ལྟ་བྱེད་དུས། 
སང་ཉིན་ནི་ནམ་ཡང་རབ་རིབ་ཡིན།
སང་ཉིན་ལ་ལག་སྙོབ་བྱེད་དུས།
སང་ཉིན་ནམ་ཡང་མུན་པ་རེད། 
འོན་ཏེ།  ང་ཚོ་ནམ་ཡང་སང་ཉིན་ལ་བྲེལ་ནས་ཡོད། 
རེད་དེ།  སང་ནི་ཅི་ཞིག་ཡིན།  གང་ན་ཡོད། 
 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།