ཆུ་སྐྱེས་མ་འཛུམ་འདབ་མ་མ་གྲོལ་ཀྱང་། །
      གེ་སར་འཛིན་པ་མི་གནས་འཁོར་འགྲོ་དག །
      བྱ་བྲལ་པདྨའི་སྐྱེད་ཚལ་དུ་འཕུར་ཏེ། །
      མངར་ལྡན་འཐུང་ཆེད་གཤོག་ཟུང་ལྡེམ་ལ་ལྟོས། །

      ལྟ་བས་ཆོག་མི་ཤེས་པའི་མཛེས་སྡུག་དང་། །
      ཞིམ་པོའི་དྲི་བསུང་སྣོམ་བྱེད་ལམ་དུ་འཐུལ། །
      རང་བཞིན་འདི་འདྲ་ལྡན་པའི་དཔལ་གྱི་གོས། །
      འདོད་ལྡན་ཀུན་ཡིད་འཕྲོག་པའི་གཞི་རུ་གྱུར། །

      འཇམ་ཞིང་དཀར་དམར་དག་གི་མདངས་ལྡན་ཞིང་། །
      གེ་སར་འདབ་མ་རྣམ་བཀྲ་ཡིད་དུ་འོང་། །
      སྦྲང་རྩའི་རྒྱལ་མཚན་འདི་ཉིད་ངལ་བ་ལ། །
      མ་བསྟེན་བཅུད་འཛིན་ཟིལ་གྱིས་བསྡུས་པ་མཚར།།
      
      ཁྱབ་བྱེད་མཐོང་ཚེ་དགའ་འཛུམ་མི་སྟོན་ཞིང་། །
      དྲི་བཞོན་ལྷགས་པས་གཡོ་འགུལ་གཏོང་མིན་ཏེ། །
      ལང་ཚོ་རང་བཞིན་དར་བའི་འདབ་སྟོང་འདི། །
      མཐོང་བ་ཙམ་གྱིས་འདོད་པའི་སྤུ་ལོང་རྒྱས། །

                                  ༢༠༡༡.༥.༡༠ཉིན།
 

རྩོམ་ཁུངས། ངེད་དྲ་བ།