༡
བཞིན་རས་དམར་སོང      
མགྲིན་པ་དཀྱུས་སོང    
དབུགས་ཀའང་ཐུང་ལེན་བྱས་སོང  
 ཨོ་ཨོ་ཁོང་ཁྲོ་ལངས་ཟིན
     ༢
 ཁ་པར་ཁ་བརྒྱབ་སོང    
 གཅིག་པུ་ཁེར་བུར་བསྡད་སོང     
 མིག་ཆུའང་མཁུར་མགོར་གཏོར་སོང   
 ཨོ་ཨོ་ཁོང་ཁྲོ་ལངས་ཟིན
      ༣
 སྐད་མགོ་ཆེ་སོང   
ཕྱག་རྒྱངས་བྱས་སོང   
 མིག་རྩའང་དམར་བོར་གྱུར་སོང
 ཨོ་ཨོ   ཁོང་ཁྲོ་ལངས་ཟིན
       ༤
 ཁ་རོག་བསྡད་སོང    
ངོ་གདོང་གནག་སོང   
 གྲག་འགུལ་ཡང་འཇགས་གེར་བུད་སོང
 ཨོ་ཨོ   ཁོང་ཁྲོ་ལངས་ཟིན
         ༥
གོམ་སྟབས་མགྱོགས་སོང   
ཕྱི་མིག་མེད་སོང  
ཨང་གྲངས་ཀྱང་གསུབ་སོང
ཨོ་ཨོ   ཁོང་ཁྲོ་ལངས་ཟིན
        ༦
སྨྲ་བ་ཉུང་སོང   
ཁ་ཡ་མེད་སོང    
ཁ་དབུགས་ཀྱང་འཁྱག་གེར་བུད་སོང
 ཨོ་ཨོ    ཁོང་ཁྲོ་ལངས་ཟིན
        ༧
 གྲིབ་གཟུགས་ཡལ་སོང  
 རྒྱང་ཐག་རིང་སོང   
 མིང་ཡང་གླེང་བ་མེད་སོང   
 ཨོ་ཨོ   ཁོང་ཁྲོ་ལངས་ཟིན       
              ༢༠༡༡  ༥   ༢༥ 

རྩོམ་ཁུངས། ངེད་དྲ་བ།