ང་ཚོས་སྙན་ངག་འབྲི།
སྙན་ངག་ལ་དགའ་མཁན་ཚོར
སེམས་ནས་ཕུལ་བའི་སྐད་ཆ་ཐུང་ཐུང་མ།
ཡོད་ཚད་བག་ཕེབས་ངང་འདུག་སྐབས
ལག་ཏུ་སྨྱུ་གུ་བཟུང འབྲི་དེབ་མདུན་ལ་ལོང
ཡང་ན
ཡོད་ན་ཚད་ཧ་ཅང་ལྷང་འཇགས་མིན་དུས
ལག་པའི་འབྲི་དེབ་དང་སྨྱུ་གུ་ལེན་པར་གྲ་སྒྲིགས་གྱིས
སེམས་པས་གང་ཚོར་བ་དེ་མ་འབོར་དང
རིག་པས་སེམས་ཀྱིས་གང་ཚོར་བ་དེ་རེམ་རེམ་སྒོས
སྨྱུག་རྩེ་ནས་གཏན་ལ་ཕོབ་དང
དེ་ནི་སེམས་དང་ཐག་ཉེ་བའི
སེམས་ཚོར་དང་ཐག་ཉེ་བའི
ཕ་སྐད་དག་མའི་སྙན་ངག་ཅིག་ག་ལ་མིན
ཡིན་ཏེ
སང་ཉིན་ཨང་་་
འདི་ལྟར་མདུན་དུ་ཆས་དང
ང་ཚོས་རང་གི་མོས་ཕྱོགས་ལྟར་ སྙན་ངག་འབྲི
ལ་ལའི་དགའ་སྤྲོའི་དུས་དང ལ་ལའི་སྡུག་དུས
ད་དུང འགའ་ཤས་ཀྱིས་སུན་ཁྲོད་ཨང
སྙན་ངག་འབྲི་ངེས
དེ་ལྟར
སྙན་ངག་གིས་ང་ཚོར
དགོད་གྲོགས་དང ངུ་གྲོགས་བྱེད་པས
ང་ཚོས་སྙན་ངག་འབྲི་ སྙན་ངག་ནི་ང་ཚོའི
མི་ཚེ་གྲལ་གྱི་ཆེས་བཟང་པའི་གྲོགས་པོ་དེ་ག་ནས་མིན
ཡིན་ཏེ ཡིན་ཏེ ཡིན་ཏེ་་་
ང་ཚོས་སྙན་ངག་འབྲི
༢༠༡༡.༠༩.༡༤
རྩོམ་ཁུངས། ངེད་དྲ་བ།