ང་ཁྱེད་ལ་དགའ་བ་དེ་དགའ་བ་གང་ལས་ཀྱང་ལྷག
གཉིད་མི་ཁུག་པའི་མཚན་མོ་འདིར
ངས་ཁ་མི་གྲག་པའི་བུ་མོ་ཁྱེད་བསམ
སྟོང་འདང་གི་ཁྲོད་ནས
ངེད་གཉིས་ཀྱིས་མཁར་གཞིས་བརྩིགས་ཤིང་བུ་ཕྲུག་བཙས་ཏེ
ཁྱིམ་ཚང་ཞིག་གི་དབུ་ཁྱུད་བྲིས
ངེད་གཉིས་ཀྱི་བར་དུ་འགལ་རྐྱེན་གྱི་ཕུང་པོ་སྤུངས་སྲིད་པ་དང
སྡུག་བསྔལ་གྱི་བང་རིམ་བརྩེགས་སྲིད་པ
ངའི་སྟོང་འདང་གི་ཡོལ་གོར་ན་མེད
ང་ཁྱེད་ལ་དགའ་བ་དེ་དགའ་བ་གང་ལས་ཀྱང་ལྷག་པས
ངེད་གཉིས་ཀྱི་མདུན་ལམ་ནི
སྐར་ཚོགས་བཀྲ་བའི་དོ་དགོང་གི་ནམ་མཁའ་བཞིན
ཆེས་གསལ་ལ་གུ་ཡངས་པ་ཞིག
སྟོང་འདང་གི་ཁྲོད་ནས་ངས་དེ་ལྟར་བསམ
བུ་མོ་ལགས
ད་ལྟ་ནི་མཚན་གུང་ཡོལ་ཟིན་མོད
ང་རྟོག་བཏགས་ཀྱི་འཇིག་རྟེན་འདི་ནས་ཕྱིར་ལོག་མི་འདོད
ངས་ཁྱེད་ལ་སྐད་ཆ་ཞིག་བཤད་འདོད་པ་ནི
ང་ཁྱེད་ལ་དགའ་བ་དེ་དགའ་བ་གང་ལས་ཀྱང་ལྷག
༢༠༡༢ ༣ ༢༣
རྩོམ་ཁུངས། ངེད་དྲ་བ།