ལྷད་བྲལ་དྭངས་གཙང་ངང༌།   མངོན་ཆུང་འཛེམ་བག་ངང༌།

མཚམས་ལན་རེར་སྐར་མའི་ཁོང་འཛུམ་འོག་གི་ཟློས་གར་དེ་དྲན་འོང༌།
དེའི་དུས། བརྡ་རྟགས་གསལ་བའི་སྟབས་བདེ་ཁ་པར་དེ་མེད་ལ། 
ངོ་མཚར་ཡིད་དབང་འགུག་པའི་དྲན་པའི་རྟེན་གྱི་ལེགས་སྐྱེས་དེའང་མེད།

མཚམས་ལན་རེར་འུག་པའི་འཕུར་མཆོངས་འོག་གི་ཟློས་གར་དེ་དྲན་འོང༌།
དེའི་དུས། དབྱངས་འགྲོས་སྙན་པའི་རྒྱབ་ལྗོངས་རོལ་མོ་དེ་མེད་ལ།
ཆེམ་ཆེམ་བཀྲ་བའི་སྣ་ཚོགས་གློག་འོད་དེའང་མེད།

དག་གཙང་རྣམ་དག་ངང༌།    དྲོད་ཁོལ་སྙོམས་པོའི་ངང༌།

རྩོམ་ཁུངས། ངེད་དྲ་བ།