གོམ་འགྲོས་ཤིག་རྒྱང་ནས་རིང་དུ་བཀྱེད                    
གྲིབ་རིས་ཁོ་ན་ཉིད  བྲང་ངོར་འབྱར་འོང་དུས                
ཁྱེད་དང་ང་འགྲོ་ལམ་ཁ་ཁ་ཡིན                                           
མ་གཞི  སེམས་པ་དེའི་རྐྱེན                                       
 
རང་སེམས་རལ་པོ་ལས་གང་ཡང་མ་གླེང                                            
ཅི་ཡང་མ་མཐོང                                                                        
 
དེ་དུས་སུ   དྲན་མྱོང་བའི་འུ་གཉིས་དབར                        
བརྩེ་འདང་ཟེར་བ་ཞིག་ཡོད་མ་མྱོང་མོད                                                                      
ཚོར་བ་དེས                                               
ཁྱེད་དང་ང་ཁོ་ནའི་སླད  ལྷག་ཏུ་སྐྱོ་འོང    
 
སྤྲང་བོ་བཞིན་ཁྱེད་སོང་སོང་ཡང  ཅི་ཞིག་རྙེད་བྱུང  
ང་ཡུགས་ས་བཞིན་ངུས་ངུས་ཀྱང  ཅི་ཞིག་ཚོར་འོང    
 
མི་ཚེ་འདི   རྨི་ལམ་ཚར་གཅིག་ཏུ་རྫོགས་སོང་ན                            
ལྷན་འཛོམས་ཤིག   སླར་ཡང་དྲན་འདོད
       6/9/2012 བོད་ཀྱི་དཔེ་མཛོད་ཁང་དུ།   

རྩོམ་ཁུངས། ངེད་དྲ་བ།