མཚན་ཕྱེད་ཀྱི་ཁྱི་སྐད།༼ཞར་བཀོད་གཅིག་ཡོད༽


སྒྱུ་མ་མཁན་ནང་བཞིན་གྱི་ཁྱི་སྐད་དེས
ང་རང་འབྲོག་སྡེ་ཆེན་པོ་ཞིག་གི་མཐར་བསྐྱལ་སོང
ཚོར་བའི་འདབ་གཤོག  འཕུར་ཞིང་ལྡིང
སྣང་བའི་ཆུ་རིས  འཕྱོ་ཞིང་སྐྱོམས
རྣམ་ཤེས་ཀྱི་ལྡེབས་ངོ་ན་བརྙན་རིས་དུ་མ་འཆར་གྱིན་འདུག
མཚན་སྨག་གིས་སྲོད་དུས་ཀྱི་ལྷིང་འཇགས་སྲུང
ཅེ་སྤྱང་དང་ལྦ་མོ  རྐྱང་རྒོད་དང་གནག་ཕྱུགས
སྐར་ཕྲན་དང་ཟླ་འོད  རྩྭ་ལྗང་དང་རི་ཀླུང
རྒྱུས་ཡོད་ཀྱི་གོམ་སྒྲར་སྒུག་མཁན་གྱི་གཞོན་ནུ་མའི་བྲེལ་ཤ
རྟ་ཕོའི་གོང་ན་སྣང་གླུ་རིང་འཐེན་བྱེད་ཀྱིན་པའི་ཕོ་གསར
དཔྱིད་རླུང་གིས་གང་སར་སྟོར་གྱིན་པའི་སོས་ཀའི་དྲི་མ
གཙང་བོས་གཙང་བོ་འབོད་པའི་ཤག་སྒྲ
དུས་འདིར
ང་ཡི་སྣང་བའི་ཁམས་ཆེན་པོ
མེ་ལོང་ངོས་གཉིས་མ་ཞིག་གིས་བཅད་འདུག
ཕྱེད་ཀ་རྨི་ལམ་ཁ་བས་གཡོགས་པའི་སོས་ཀ་ཤིག་རེད
ཕྱེད་ཀ་སྣང་བ་རང་སར་ཤར་བའི་མེ་ལོང་ཞིག་རེད
        ༢༠༡༣ལོའི་ཟླ༤པའི་ཚེས༣༠ཉིན་གྱི་མཚན་མོའི་ཆུ་ཚོད་གཉིས་པའི་སྟེང་དུ།

        མེ་ལོང་ནང་གི་བརྙན་བཟློས།
མེ་ལོང་གི་མདུན་དུ
ངའི་རྣམ་ཤེས་བཙའ་རོས་ཟིན་འདུག
སྤྲོས་བྲལ་དང་བདག་འཛིན་གྱི་ཞེ་ཐག་དམ་པོ
གནམ་གྱི་ཡས་མཐའ་ནས་བསྐལ་བའི་མས་མཐའི་བར་དུ་འཐེན
སྐྱི་པགས་དཔྲལ་སོང  རུས་པ་བཅགས་སོང
སྐྲ་ལོ་བྱི་སོང     མིག་ཟུང་ལྡོངས་སོང

མེ་ལོང་གི་ནང་དུ
ང་ཡི་ལུས་བོངས་ནམ་མཁའི་ཁྱོན་ལ་སྐྱེད་འདུག
དེ་ནི་མེ་ལོང་གིས་མེ་ལོང་གི་རང་གཟུགས་ཕྱིར་མངོན་ཚུལ་དང་འདྲ་བོ་འདུག

ང་རང་མེ་ལོང་ནང་གི
ང་ཡི་མི་སྡུག་པའི་རྣམ་པར་སྐྱུག་མེར་ལངས་བྱུང
མེ་ལོང་གིས་ང་ཡི་གྲིབ་གཟུགས་གྱོན་ཡོད་པའི་བཟོ་ལྟ་དེར
           ༢༠༡༣ལོའི་ཟླ་༥པའི་ཚེས༡ཉིན།




 

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

མཚན་ཕྱེད་ཀྱི་ཁྱི་སྐད།༼ཞར་བཀོད་གཅིག་ཡོད༽

2013-06-09 སྒྲེན་པོ། ཀློག་གྲངས། མཆན ཡོད།


སྒྱུ་མ་མཁན་ནང་བཞིན་གྱི་ཁྱི་སྐད་དེས
ང་རང་འབྲོག་སྡེ་ཆེན་པོ་ཞིག་གི་མཐར་བསྐྱལ་སོང
ཚོར་བའི་འདབ་གཤོག  འཕུར་ཞིང་ལྡིང
སྣང་བའི་ཆུ་རིས  འཕྱོ་ཞིང་སྐྱོམས
རྣམ་ཤེས་ཀྱི་ལྡེབས་ངོ་ན་བརྙན་རིས་དུ་མ་འཆར་གྱིན་འདུག
མཚན་སྨག་གིས་སྲོད་དུས་ཀྱི་ལྷིང་འཇགས་སྲུང
ཅེ་སྤྱང་དང་ལྦ་མོ  རྐྱང་རྒོད་དང་གནག་ཕྱུགས
སྐར་ཕྲན་དང་ཟླ་འོད  རྩྭ་ལྗང་དང་རི་ཀླུང
རྒྱུས་ཡོད་ཀྱི་གོམ་སྒྲར་སྒུག་མཁན་གྱི་གཞོན་ནུ་མའི་བྲེལ་ཤ
རྟ་ཕོའི་གོང་ན་སྣང་གླུ་རིང་འཐེན་བྱེད་ཀྱིན་པའི་ཕོ་གསར
དཔྱིད་རླུང་གིས་གང་སར་སྟོར་གྱིན་པའི་སོས་ཀའི་དྲི་མ
གཙང་བོས་གཙང་བོ་འབོད་པའི་ཤག་སྒྲ
དུས་འདིར
ང་ཡི་སྣང་བའི་ཁམས་ཆེན་པོ
མེ་ལོང་ངོས་གཉིས་མ་ཞིག་གིས་བཅད་འདུག
ཕྱེད་ཀ་རྨི་ལམ་ཁ་བས་གཡོགས་པའི་སོས་ཀ་ཤིག་རེད
ཕྱེད་ཀ་སྣང་བ་རང་སར་ཤར་བའི་མེ་ལོང་ཞིག་རེད
        ༢༠༡༣ལོའི་ཟླ༤པའི་ཚེས༣༠ཉིན་གྱི་མཚན་མོའི་ཆུ་ཚོད་གཉིས་པའི་སྟེང་དུ།

        མེ་ལོང་ནང་གི་བརྙན་བཟློས།
མེ་ལོང་གི་མདུན་དུ
ངའི་རྣམ་ཤེས་བཙའ་རོས་ཟིན་འདུག
སྤྲོས་བྲལ་དང་བདག་འཛིན་གྱི་ཞེ་ཐག་དམ་པོ
གནམ་གྱི་ཡས་མཐའ་ནས་བསྐལ་བའི་མས་མཐའི་བར་དུ་འཐེན
སྐྱི་པགས་དཔྲལ་སོང  རུས་པ་བཅགས་སོང
སྐྲ་ལོ་བྱི་སོང     མིག་ཟུང་ལྡོངས་སོང

མེ་ལོང་གི་ནང་དུ
ང་ཡི་ལུས་བོངས་ནམ་མཁའི་ཁྱོན་ལ་སྐྱེད་འདུག
དེ་ནི་མེ་ལོང་གིས་མེ་ལོང་གི་རང་གཟུགས་ཕྱིར་མངོན་ཚུལ་དང་འདྲ་བོ་འདུག

ང་རང་མེ་ལོང་ནང་གི
ང་ཡི་མི་སྡུག་པའི་རྣམ་པར་སྐྱུག་མེར་ལངས་བྱུང
མེ་ལོང་གིས་ང་ཡི་གྲིབ་གཟུགས་གྱོན་ཡོད་པའི་བཟོ་ལྟ་དེར
           ༢༠༡༣ལོའི་ཟླ་༥པའི་ཚེས༡ཉིན།




 

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།