མཚན་མོའི་གསེབ་ཀྱི་ཁེར་རྐྱང་།
ཁེར་རྐྱང་གི་མཚན་མོའི་གསེབ་ན
ཁྱོད་དྲན་བཞིན་པའི་ངའི་སེམས་པ
རྡོ་བ་བཞིན་ཧ་ཅང་ལྕི
འཁྱག་སིབ་སིབ་ཀྱི་རླུང་བུ་ཡང་མོས
གློ་བུར་དུ་ངའི་སེམས་པ་སྒུལ་ཞིང
རང་ཉིད་ཀྱི་བྲང་ཁ་བསྲོ་བྱེད་ལྟ་བའི
ཁྱོད་ཀྱི་དྲོད་ཁོལ་བསླང་དུ་བཅུག
རུས་རྐང་གི་ཟབ་ས་དང
དྲན་གདུང་གི་གཏིང་རིམ་ན་ཟུག་པའི
ཁྱོད་ཀྱི་རྙིང་རྒྱུ་མེད་པའི་མཛེས་སྡུག
ཁེར་རྐྱང་ངའི་རྨི་ལམ་གྱི་ཁ་དོག་ཁོ་ན
ཟླ་འོད་དང་སྐར་ཚོགས
ད་དུང ངའི་སྔས་འགྲམ་གྱི་འདྲ་པར
ཡོད་ཚད་སྐྱ་ཐང་ཐིང་ལས
ཚོན་མདངས་ཤིག་གང་ནས་འཆར་སྲིད་དམ
སེམས་ཀྱི་ཚེར་མ་ལགས
རྩོམ་ཁུངས། ངེད་དྲ་བ།