མི་ཚོགས་ཀྱི་གཟུཊ་དང་གྲིབ་མས་ང་རང་བཏུམས་ཡོང
བཤང་ལྕིའི་དྲི་མས་ང་ཡི་ཁ་སྣ་དག་འཚུབ་ཏུ་བཅུག

ཁ་ལག་སེམས་གསུམ་བར་གྱི་འཁྱུག་རིས་དེས
ང་ལ་དབང་བའི་ཆང་ཕོར་གང་བོའང་སིལ་བུར་བཏང
ངས་དལ་མོར་ཆང་ཕོར་གྱི་ཆག་རོ་དག་བསྒྲུགས་ཏེ
དེ་རུ་མཛེས་ཤིང་ཡིད་དུ་འོང་བའི་མེ་ཏོག་ཅིག་བཏབ་ཡོད

མེ་ཏོག་དེ་ལས་ང་ལ་ང་ཡི་རང་དབང་གི་བར་སྣང་ཞིག
ང་ལ་ང་ཡི་ལོངས་སྤྱོད་ཀྱི་མེ་ལོང་ཞིག་བལྟམས་པར་རེ
འོན་ཀྱང  
དེ་ནི་རྨི་ལམ་ལས་ཐར་བ་ཐོབ་པ་དང་འདྲ་ཚོད་རེད

ང་ཁ་རོག་གེར་ཡོད་དུས
མི་ཚོགས་ཤེད་ཀྱིས་འཁྲིགས
གཏམ་ཡན་ངང་གིས་སྨིན
ཏག་ཏག་ཉིན་འདི་དག་གི་རིང་ལ
རླུང་བུ་འཇམ་པོ་དེ་ཁོ་ན་ང་ཡི་གདོང་གྲོགས་ཡིན
               ༢༠༡༤/༠༧/༠༣ཉིན་ལྷ་ས་ནས།

       (མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།