2020-11-06 དུར་མིག(དཀར་མཛེས) ཀློག་གྲངས། མཆན ཡོད།

ང་ཡི་དཀོན་མཆོག་ནི་ཏིང་ངེ་འཛིན་རྩེ་གཅིག་ཡིན
ཤེས་རབ་ཀྱི་གླེགས་བམ་དཀར་པོ་བགད་བྱུང

རང་བཞིན་གྱིས་ལྷ་ས་དྲན་བྱུང་ན
སེམས་ནང་གི་ཕོ་བྲང་དཀར་དམར་གཉིས་རྔམ་ཟིལ་གྱི་མཐོང་ཡོང
སྐད་ཆས་མཚོན་མི་ཐུབ་པའི་འཆར་ཡན
གཙང་པོ་དང་རང་ཉིད  གླུ་ལེན་ཤེས་པའི་ཡར་ཀླུང་གཙང་པོ
ཡང་ན་ཆུའི་ནང་དུ་ཤར་བའི་གྲིབ་གཟུགས་སྐོར་ལ་བསམ་གཞིག་བྱས  

དེ་ནས་བཟུང  གྱང་ལྡེབས་སུ་མེ་ལོང་བཀལ་ཅིང
ལྷ་ས་ནི་བསུབ་ཏུ་མེད་པའི་བདེན་དཔང་གི་ཐམ་ཀ
ཚོན་མདོག་གིས་བརྒྱན་པའི་ལམ་ཕྲན་དེའི་མིང་ནས་བོས་ན
སྐད་ཅིག་གི་ཚོར་བ་དེས
བདག་གིས་མཁའ་དབུགས་ནི་ཁྱོད་ཀྱི་གཙང་པོ་དང་འབྲེལ་ཡོད་པ་ཤེས
སེམས་ནང་གི་ལྷ་ས་འདི་ཁུ་སིམ་མེར་བརྗེད་ག་ལ་སྲིད
                                2020.9.11
དཀར་ཡོལ་ཆུང་ངུའི་ནང་གི་ཚོན་རྩི་དག་སེམས་ཁྲལ་རེད
ཚོད་ཚོད་ལ་བྲིས་མ་ཚར་བའི་རི་མོ་འདི་དག་གི་ཆེད་དུ
གཙང་པོའི་ནང་དུ་མིག་ཆུ་གཙང་མ་ཞིག་འདྲེས

ཕྲན་གྱིས་མིག་འབྲས་ཀྱི་གཏིང་རིམ་ལ་འཁྱིལ་བའི་གཟུགས་བརྙན་དེས
དྲན་གདུང་གི་རུམ་ཁ་བསྲེས་པའི་ལང་ཚོ་དང་སྣང་བ
འཕྲིན་ཡིག་ཅིག་སེམས་སུ་ལྷུང་བས
ནགས་ཚལ་དེའི་ཁ་གཏད་དུ་གསང་བ་རེ་རེ་ལག་མཐིལ་དུ་བླངས
འདི་ཡང་ནང་སེམས་ཀྱི་ངོས་སུ་རྨི་ལམ་ལྷག་མ་ཞིག་ཡིན
                           2020.9.6 ཕྲན་གྱིས་ཡུན་རིང་ཞིག་ལ་སྒེའུ་ཁུང་གི་ཡོལ་བ་མ་ཕྱེས
རྣམ་རྟོག་ཅིག་ལ
གློག་སྐུད་སྟེང་གི་བྱེའུ་འཕུར་བའི་སྒྲ་ལ་སེམས་ཆགས
ད་ནི་ནང་སེམས་ཀྱི་བརྩེ་བ་ཕྱི་རོལ་དུ་འཁྱམ་འདུག
ཁྱོད་དང་འབྲེལ་བའི་ལྗང་མདོག་གི་གླིང་ཕྲན་ཞིག་བསྟན

མགོ་ཐོག་གི་ཟླ་བ་ལ་བལྟས་ནས་སྙན་ངག་འབྲི་དུས་ཤིག་ལ
རྐང་འོག་གི་འཇག་སྐྱ་དང་ལམ་ཕྲན་གཉིས་མདུན་ཕྱོགས་སུ་བཞུར་འགྲོ
འཚོ་བའི་ཤེལ་སྒོ་དེ་ལ  རྒས་ཟིན་པའི་བགྲེས་པོ་ཞིག་གི་ངོ་གདོང་ལྟར
ལྟ་ཐུབ་པའི་སྤོབས་པ་ནི་ཡོངས་སུ་བྲལ
                             2020.9.28

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

རུས་མིང་།

གསང་ཨང་། མིང་མི་འགོད་པར་སྤེལ།

ར་སྤྲོད་ཨང་།

དཔྱད་མཆན།