2023-01-14 སྨྱུག་སྨྱོན།(ལྷ་ས) ཀློག་གྲངས། མཆན ཡོད།

འཕྲང་ལམ་རིང་མོ་འདི་ནས་ཅི་ཞིག་མཐོང་བྱུང

ནགས་ཚལ་སྟུག་པོའི་གསེབ་ཀྱི་གཡེར་བག
ངམ་གྲོག་ཆུ་ཀླུང་ཟུག་པའི་འཇིགས་དངངས
སྐབས་དང་སྐབས་སུ་རྒྱུ་བའི་ཡུལ་དང་ཡུལ་ཅན་གྱི་བསླུ་བྲིད
དབྱར་གཞུང་གི་ཆུ་འཛིན་དཀར་ནག་གི་འདུ་འགོད་ཀྱི་འཕྱང་འཕྲུལ

ལྟོས་དང  ལམ་འགྲུལ་བ་ཆེས་མང་ཤོས་ཤིག
གཡུ་ལོ་བཀོད་པའི་རྨི་ལམ་གྱི་ཞིང་ཁམས་ལ་རོལ་ཏེ
རྐང་འོག་གི་དུས་ཚིགས་རྗེན་པ་འདི་ནས་ཐར་མ་ཐུབ

ཉིན་སྲིབ་གྱོ་མོ་བརྩིགས་པའི་གནས་ཁང་ཟུར་གསུམ་མ་འདིར
གད་པ་དང་ཆུ་མོའི་མཐོ་དམའ་མཉམ་པ་ཞིག་དཔེ་སྲིད་དམ
སྣང་བ་དང་མུན་པའི་དཀྱིལ་འཁོར་རྫོགས་པ་ཞིག་ཅང་ཡོད་དམ

བསྐྱོད་མི་ཚར་བའི་འཕྲང་ལམ་རིང་མོ
བརྗོད་མི་ཚར་བའི་ཨ་མཚར་མཚར་དགུ
                 ༢༠༢༣/༡/༧

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

རུས་མིང་།

གསང་ཨང་། མིང་མི་འགོད་པར་སྤེལ།

ར་སྤྲོད་ཨང་།

དཔྱད་མཆན།