རྟ་ནག་སྒྲོག་འགྲོས།

        “ཡ—རོགས་གཅེས།”བང་ཆེན་པས་རྟ་ཐོག་ནས་ཟུར་འདུག་ཅིག་བྱེད་བཞིན་དུ་སྨྲས་པ། “འབའ་ཡི་བྲ་ཐང་རིང་མོ་ཟེར་བ་འདི་ས་རྩེ་གཞུང་སྐྱིད་པའི་སྨན་ལྗོངས་ལས་ཀྱང་མི་རྣམས་ཀྱི་ཡིད་དུ་འོང་ཞིང་དགའ་སྤྲོ་བསྐྱེད་པའི་ས་ཆ་མཐོང་བ་ཀུན་སྨོན་ཞིག་ཡིན་རབས་ཀྱི་ལོ་རྒྱུས་མང་བོ་བཤད་རྒྱུ་ཡོད་མོད་ཀྱང༌ །དེ་རིང་མི་མེད་འབྲོག་དགོན་ཕྱི་མའི་ཡུལ་ལ་སླེབས་པ་ལྟར་གྱུར་པ་འདི་ལ་ལྟོས་དང༌ ”ཟེར། དེར་འུ་ལག་པས་རྟ་རྒན་ལ་སྲབ་མདས་བྲབས་ཏེ་བང་ཆེན་པའི་རྩར་བཅར་ནས་སྤང་ལྗོངས་ཆེན་པོ་དེར་བལྟས་པ་ན། འབྲོག་པ་རྣམས་ཀྱི་རུ་བཀལ་ཤུལ་ན། ཐང་གཤོངས་ཆེན་པོའི་ལྟོངས་དེ་རྟ་ནོར་ལུག་གསུམ་སོགས་སེམས་ཅན་གང་ཡང་མེད་པའི་ཡུལ་དབེན་པ། རླུང་དམར་གྱི་ཤུ་སྒྲ་ལས་གོ་རྒྱུ་དང་ཐོས་རྒྱུ་གཞན་ཅི་ཡང་མེད་པའི་མྱ་ངམ་ཐང་ཆེན་པོ་ཞིག་ཏུ་གྱུར་འདུག་པ་མཐོང་བས། ཁོའི་སེམས་ལ་སྐྱོ་བ་དང་དུངས་པ་ཞིག་སྐྱེས་ཏེ་འདི་ལྟར་ལན་བཏབ་པ།
  “འོ་ལེ། སྤང་ལ་རྩྭ་སྔོན་ཡོད་ན་སྤང་གི་བཅུད་ཡིན་མོད། འོན་ཀྱང་ད་ལྟ་དེ་ནི་ཁ་བས་བཅོམ་སྟེ་མེད། ལྗོངས་སུ་མེ་ཏོག་བཞད་ན་མཛེས་མོད། འོན་ཀྱང་ད་ལྟ་དེ་རྣམས་སད་ཀྱིས་བསད་ནས་མེད། ཡང་ན་ས་ཆ་ཡོངས་ལ་རྟ་ནོར་ལུག་གསུམ་གྱིས་བརྒྱན་མོད། འོན་ཀྱང་ད་ལྟ་དུས་ཀྱི་དབང་གིས་འདི་གར་འདུག་ས་མེད། དེས་ན་བཅུད་མཛེས་རྒྱན་གསུམ་གང་ཡང་མེད་པའི་ས་སྟོང་ནི་མྱ་ངམ་ཐང་ཡིན་པ་ལས་མཐོང་བ་ཀུན་སྨོན་ཞིག་ག་ལ་ཡིན།”
  “ཨ—ཁྱོད་ནི་ཤེད་ཅན་རོ་གླ་ལེན་པ་ཞིག་ཨེ་ཡིན་མི་ཤེས་མོད་ཀྱང༌། ཁ་བདེ་གྱོད་གླ་ལེན་པ་ཞིག་ཡིན་ཤས་ཆེ”ཞེས་ཀུ་རེ་བྱེད་བཞིན་དུ། “ཨ་ལེ་ཀུ་རེ་ཡིན། སྨྱོ་བཤད་ཀྱིས་ཅི་བྱེད། རྟ་ལ་སྐུལ་དང་མགྱོགས་པོར་འགྲོ”
  དེ་ནས་ཐང་འགོར་བསླེབས་པ་ན། བསོད་བཀྲ་སྡེ་བའི་མཚེར་ཤུལ་དུ་སྦྲ་ཆུང་གྲུ་དར་ནི་རི་རྩེའི་དར་ལྕོག་དང་མཚུངས་པ། ཡུན་རིང་བོར་ཆར་གྱིས་གདུངས་པའམ་ཉི་འོད་ཀྱིས་བསྐམས་པས་མདོག་ལ་སེར་ཞད་འདྲེས་པ་ཞིག་ནག་ཙོག་གེར་ལུས་འདུག་པ་མཐོང་སྟེ་བང་ཆེན་པས་སྨྲས་པ།
  “ཡ—འུ་ལག་ཁ་བདེ། ངེད་གཉིས་དམིགས་ཡུལ་དུ་སླེབས་སོང༌། ཁྲ་ཤུལ་རྟ་རྡོར་ཚང་ཕ་གི་མ་རེད་དམ།”ཟེར་བཞིན་འུ་ལག་ལ། “རོང་ཚ་བཀྲ་ཤིས་མཚོ་ཟེར་བ་དེར་ཡག་མོ་སྒོ་ཡོད་རབས་ཞེས་གྲགས་པ་ས་གཞིའི་ཁྱོན་ལ་མ་ཤོང་བར་ཡོད་པ་ཐོས་པ་ཙམ་ལས་དངོས་སུ་མཐོང་མ་མྱོང༌། ངོ་མ་དེ་འདྲ་ཞིག་རེད་དམ། དེའི་ཆེད་དུ་སྲོག་དམར་བོ་འབེན་ལ་འཇོག་དགོས་པ་ཞིག་རེད་དམ། ཁྱོད་ཀྱིས་རིག་ཨེ་མྱོང༌།”ཞེས་དྲིས་པས། དེར་འུ་ལག་གིས་ལན་བཏབ་པ།
  “རོང་ཚ་བཀྲ་ཤིས་མཚོ་ཟེར་བ་དེ་མཆོད་པའི་ལྷ་མོ་ལྟར་མཛེས་མ་ལྟ་བས་ཆོག་མི་ཤེས་པ་ཞིག་རེད་ཅེས་བཤད་པ་ངས་ཀྱང་མི་ཤེས་ཏེ། ད་ཅི་བཤད་ཀྱང༌། མོའི་ཁྲ་ཆུང་མིག་གི་གཟི་མདངས་ལ་བལྟས་ན། ཐོ་རངས་སྐར་ཆེན་ཡིན་རུང་འོད་མི་གསལ། མོའི་དུང་སོ་སུམ་ཅུའི་དཀར་མདངས་ལ་བལྟས་ན། སྟོད་གངས་རི་ཡིན་རུང་དཀར་ཉམས་མེད། མོའི་ཤ་དཀར་པགས་པའི་དམར་མདངས་ལ་བལྟས་ན། དམར་ཆུང་བྱུ་རུ་ཡིན་རུང་སྐྱ་ཞད་འདྲེས། དེ་མིན……”
  “ཧ་ཧ་ཧ། ཁ་བདེ་མི་ཟེར་ཀ་མེད། ཁ་བདེ་ནས་རིན་ཆེན་ཚིག་ལ་མགོ་རྒྱན། དེ་ལྟ་བུ་ཞིག་གང་ན་སྣང༌།  སྐྱ་ལོའི་སེང་ལྕམ་འབྲུག་མོ་ནི་བུད་མེད་ཀུན་གྱི་གཙུག་གི་རྒྱན་ཡིན་མོད་ཀྱང༌། དེ་ལྟ་བའི་ཡག་མོ་སྒོ་ཡོད་རབས་གཅིག་ཀྱང་བཤད་རྒྱུ་མེད།”བང་ཆེན་པས་དེ་ལྟར་ཁ་བཀག་ནས་བཤད་པ་ན།
  “ཡ་ཡ་ཡ། ཁྱོད་ཀྱིས་མ་རེད་བསམ་ན་ངེད་གཉིས་རྩོད་དགོས་དོན་མེད། ཁྱོད་ཀྱིས་མཐོང་བ་ཙམ་དུ་མིག་གི་དབང་བོ་དང་ཡིད་ཀྱི་བརྟན་པ་ཅིག་ཅར་འཕྲོག་སྟེ། ཁྱོད་དགུན་གྱི་ཁུ་བྱུག་བཞིན་ངག་མེད་དུ་འགྱུར་བའམ་ཁ་ནས་བཤད་ལམ་བཞིན་ཅི་འཆོར་ལ་གནས་ལུགས་མེད་ན་ཅི་ཤེས”ཟེར།
  དེའི་དུས་སུ་ཁོ་གཉིས་རྟ་རྡོར་ཚང་གི་ཉེ་འདབས་སུ་སླེབས་འདུག་པས། འུ་ལག་གིས་བཤད་པར་ལན་འདེབས་ལོང་མ་བྱུང་བར་བལྟས་པ་ན། འབྲི་རོག་བེའུ་ཁྲིད་པ་གཅིག ནོར་ནག་ཁ་ཤས། རྟ་རྒོད་མ་མ་བུ་འགའ་ཞིག་གིས་རུ་མཐའ་ན་དལ་བྲེལ་གྱི་ཉམས་འགྱུར་མེད་པར་བག་ཕེབས་པའི་ངང་ནས་རྩྭ་ཟ་བཞིན་པ་དང༌། སྦྲའི་སྒོ་འགྲམ་ན་གཡག་ནག་ཡུ་ཐོད་པ་ན་འཛི་ཅན་དང་མཛོ་ལྟག་ཁྲ་རྭ་གཡོན་པ་ཐུར་དུ་གུག་པ་གཅིག་སྒ་འབྲེང་དང་བཅས་ཏེ་ལྕང་ཕུང་ཞིག་ལ་བཏགས་ཡོད་པ་ལས་གཞན་ཅི་ཡང་མ་མཐོང་༌།
  བང་ཆེན་པ་དང་འུ་ལག་གཉིས་སླེབས་བྱུང་བ་དང་བོར་རྟ་རྡོར་ཚང་གི་ཁྱི་རྒན་རྒྱ་དམར་གྱིས་མཐོང་མོད། འོན་ཀྱང་ཁྱི་དེ་ཐང་གཤོངས་ཆེན་པོའི་ལྟོངས་སུ་མི་ཕྱུགས་གཅིག་ཀྱང་མེད་པར་སྟོང་ཧང་ངེར་གྱུར་པ་ལ་སྐྲག་ནས་ལུས་ཀྱི་རྩལ་དང་དྲག་ཤུལ་སོགས་ཡལ། མི་རྒྱུས་མེད་མཐོང་ཚེ་མི་བཟོད་པའི་ཁོང་ཁྲོ་ཡོད་པ་སོགས་ཀྱང་ཞི་ནས་རྔ་མ་སྒྱིད་ཁུག་ལ་དྲངས་ཏེ་སྦྲ་ནང་དུ་འཛུལ་བྱུང་བ་རོང་ཚ་བཀྲ་ཤིས་མཚོས་མཐོང་ནས། ཅི་ཡིན་སྙམ་སྟེ་སྒོར་བུད་ནས་བལྟས་པས། རྟ་སྔོ་ནག་ཆུ་རྡོ་འདྲ་བ་ཞིག་ལ་ཞོན་པའི་གཞོན་ནུ་ཤ་དར་ཁྲག་རྒྱས། དངུལ་དཀར་གྱི་རྣ་རྒྱན་ཅན།མདུན་
སོ་གཡས་པ་གསེར་གྱིས་ཤན་པ། སྐེད་ལ་ཤང་ལང་བཏགས་པ། རྒྱབ་ལ་རྭ་རྩེ་དངུལ་དཀར་གྱིས་ཤན་པའི་མེ་མདའ་ཁུར་བ་ཞིག་སྒོ་འགྲམ་དུ་སླེབས་འདུག་པ་མཐོང་བ་དང་ཆབས་ཅིག བང་ཆེན་པས་སྐད་གསེང་མཐོན་པོས་འདི་སྐད་སྨྲས་པ།
  “ཀྱེ—རོང་ཚ་བཀྲ་ཤིས་མཚོ། སང་ཉིན་ཉི་མའི་གུང་རོལ་ཚུན་ཆད་ལ་ཁྱོད་ཅིས་ཀྱང་གཉེར་ཚང་ལ་འབྱོར་དགོས། གལ་ཏེ་ཉི་ཆད་ལྟར་མ་སླེབས་ན་ཚེ་དང་སྲོག་གི་ཆད་པ་འབབ་ནའང་ཐང་གསུང་གི”ཞེས་བཤད་ཞོར་ལ་དེར་ཞིབ་ཏུ་བལྟས་པས། བང་ཆེན་པའི་སེམས་ལ། འདི་ནི་གཞི་མེད་པ་ལ་སྒྲོ་བཏགས་པ་ཞིག་ག་ལ་ཡིན། མིང་དང་དོན་མཚུངས་པ་ཟེར་བ་འདི་ལས་ཅི་ཡོད། ཨ་ཧ་ཧ། འདི་ནི་རྒྱུ་སྐར་གྱི་དབུས་སུ་ཟླ་བའི་དཀྱིལ་འཁོར་ཉ་གང་བ་ལྟར་ཁྱད་དུ་མཛེས་པ་ཞིག་མ་རེད་དམ། འདིའི་ཆེད་དུ་ངས་ཀྱང་རང་སྲོག་བློས་གཏོང་ཐུབ་སྙམ་ནས་ཅི་བྱས་རང་གིས་ཀྱང་མ་ཚོར་བར་རྟ་ལས་བབས་ཏེ་མོའི་འཁྲིས་སུ་བཅར་ནས་ངག་འཇམ་ཞིང་འཛུམ་ཉམས་དང་བཅས་ཏེ་ཡང་འདི་སྐད་སྨྲས་པ།
   “ངས་བལྟས་ན་གཉེར་ཚང་གི་བཀའ་ལྟར་སོང་ནས་རྒྱུ་མཚན་ཐམས་ཅད་ཇི་བཞིན་དུ་གསལ་བོར་བཤད་ན། མཐར་དོན་དག་རང་གི་བསམ་ཚུལ་ལྟར་འགྲུབ་པར་ཕན་པས་འགྲོ་གྲབས་བྱས་ན་ལེགས་སྙམ།”ཟེར་ནས་དེ་གར་གདོང་ཐམས་ཅད་འཛུམ་གྱིས་གང༌།   མིག་གིས་ཀེམ་ཀེམ་དུ་ལྟ་བཞིན་སྒྱིད་པ་ཞུམ་ཞུམ་གྱིས་ལངས་བསྡད་པ་ན། བཀྲ་ཤིས་མཚོའི་ཁ་ནས་ཡིན་མིན་དང་འགྲིག་མིན་གྱི་ལན་གང་ཡང་མ་ཐོན་པར་མ་ཟད། ཐ་ན་ཁྱིམ་ལ་ཕེབས་ཞེས་པའི་མཐོ་དམན་ཉེ་རིང་ཀུན་ལ་བཤད་དགོས་པའི་ཁ་ཡག་ཙམ་ཡང་མེད་པར་གསིག་སྐོར་ཞིག་བྱས་ཏེ་ནང་དུ་འཛུལ་ལོ། །
  དེ་ནས་འུ་ལག་གིས”ཡ—ཕོ་བྱིས། ཁྱོད་རོ་ལངས་བརྒྱབ་པ་བཞིན་དེ་གར་ སྒྱིད་པ་ཞུམ་ཞུམ་གྱིས་ལངས་བསྡད་ནས་ཅི་བྱེད། “ཅེས་པས། བང་ཆེན་པ་གཉིད་ལས་སད་པ་ལྟར་དེ་མ་ཐག་ཏུ་བཞིན་རས་སུ་ངུ་མ་དགོད་ཀྱི་རྣམ་འགྱུར་དང་བཅས་ཏེ་རྟ་ཐོག་ཏུ་བུད་ནས་རྦབ་འགྲིལ་བ་བཞིན་སོང་༌།
  རོང་ཚ་བཀྲ་ཤིས་མཚོ་ཟེར་བ་ནི་ངོ་མ་ས་འདིར་སྙན་གྲགས་ཡོད་པའི་བུད་མེད་མཛེས་མ་ལྟ་བས་ཆོག་མི་ཤེས་པ་ཞིག་ཡིན་ཏེ། ཕྱིའི་སྐྱེ་གཟུགས་ལྟ་ན་སྡུག་པའམ་ནང་གི་རྣམ་རིག་ཤེལ་དཀར་གྱི་མེ་ལོང་ལྟར་གསལ་བས་གཞན་རྣམས་ཀུན་ལས་ཁྱད་དུ་འཕགས་པ་ཙམ་དུ་མ་ཟད། མཉེས་གཤིན་པ། གཤིས་བཟང་བ། ཀུན་ ལ་བྱམས་པ་ཞིག་ཀྱང་ཡིན་པས། དངུལ་དཀར་གྱི་གའུ་ལ་བྱུར་དམར་གྱི་ཕྲ་བཏབ་པ་ལྟར་ཀུན་གྱི་མིག་ལམ་དུ་མཛེས།
  མོའི་སེམས་ལ། ངས་ཁྲིམས་འགལ་ལུགས་གཏོར་གྱི་ལས་ཀ་སྤུ་རྩེ་ཙམ་ཡང་མ་བྱས་པས་ཁྲིམས་སྒོར་འགྲོ་དགོས་པའི་ཆ་ནི་ཅུང་ཟད་ཙམ་ཡང་མ་མཆིས་སྙམ་ནས་རང་གིས་རང་ལ་དཔའ་སྐྱེད་བཞིན་པའི་སྐབས་དེར་བྱིས་པའི་ངུ་སྐད་ཅིག་མདའ་མོ་ལྟར་མོའི་སྙིང་ཁར་ཟུག་བྱུང་བས། མོ་གཉིད་ལས་སད་པ་ལྟར་དེ་མ་ཐག་ཡར་ལངས་ནས་གསོད་སར་ཁྲིད་པ་ལྟར་ངུ་རྒྱངས་བྱེད་བཞིན་པའི་བྱིས་པ་པང་དུ་བླངས་ནས། “ལོ—ལོ—ཨ་མའི་གཅེས་ཕྲུག་མ་ངུ—ཡ”ཟེར་བཞིན་སྦྲའི་མར་རྒྱུད་ནས་ཕར་འགྲོ་ཚུར་འགྲོ་བྱས་པས། བྱིས་པའི་རྣ་ལམ་དུ་ཨ་མའི་བརྩེ་དུང་དང་ལྡན་པའི་
སྐད་གྲགས་བྱུང་བ་དང་མཉམ་དུ་ངུ་སྐད་ཆད་དེ་ཧ་ཅང་ཉམ་ཐག་པའི་བཞིན་རས་སུ་རིམ་གྱིས་བག་ཕེབས་པའི་ཉམས་ཤར། ཤིན་ཏུ་ཕྲ་བའི་ལག་པ་གཉིས་ཀ་བརྐྱངས་ནས་ཨ་མའི་མིག་དང་མཁུར་ཚོས་ཡོངས་སུ་ཁེབས་པའི་གནག་སྣུམ་སྲིན་སྐུད་ལྟ་བུའི་སྐྲ་ལོ་རྩེ་སྤྱད་བྱས་བྱུང་བར། བཀྲ་ཤིས་མཚོས་རང་གི་སེམས་གཏིང་གི་སྡུག་བསྔལ་མནན་ཏེ་ཁ་ནས་བྱིས་པར་གཉིད་འགུགས་པའི་གླུ་ཆུང་ཞིག་བླངས་བྱུང་བ་འདི་ལྟ་སྟེ།
   “ལོ—ལོ—”
  གཉིད་ལ་སྡོད་དང་རྟ་ཞིག་སྟེར།།
  རྟ་ལ་སྒ་ཞིག་བསྟད་ནས་སྟེར།།
  སྲབ་མདའ་དར་ཞིག་བཏགས་ནས་སྟེར།།
  ས་ནས་མེ་ཏོག་བལ་ནས་སྟེར།།
  གནམ་ནས་སྐར་མ་བླངས་ནས་སྟེར།།
  སྐྱ་ཀ་ཁྲ་མོ་བཟུང་ནས་སྟེར།།
               … …
  དེའི་དུས་སུ་ནད་ཀྱིས་མནར་བཞིན་པའི་ཨ་ནེས་མལ་ནས་མགོ་བཀྱགས་ཏེ“ད་སོ་མ་སྐྱ་མི་ཞིག་འོངས་པ་དེས་ཅི་ཟེར”ཞེས་དྲིས་པས། དེར་མནའ་མས་ལན་བཏབ་པ།
  “དེ་གཉེར་ཚང་གི་བང་ཆེན་རེད།? སང་ཉིན་ཉི་མའི་གུང་རོལ་ཚུན་ཆད་ལ་གཉེར་ཚང་དུ་མ་འབྱོར་ན་ཚེ་སྲོག་གི་ཆད་པ་འབབ་ནའང་ཐང་ཟེར།”
  བཀྲ་ཤིས་མཚོའི་ཨ་ནེ་ནི་རྒ་དང་ན་བའི་ཆོམ་རྐུན་གྱིས་བློ་དང་ལང་ཚོ་མ་ལུས་པར་བཅོམ་ཟིན་པའི་རྒན་མོ་ཞིག་ཡིན་ལ།  ལྷག་པར་དུ་ཉེ་ཆར་ནད་ཇེ་ཐུ་ལ་སོང་བའི་དབང་གིས། མོའི་གདོང་ནི་ཧ་ལམ་ས་ནག་གི་འདམ་ལས་བཟོས་པ་ཞིག་དང་འདྲ།  བཞིན་རས་དང་ཡན་ལག་རྩྭ་ཡི་ཞགས་པས་བཅིངས་པ་དང་དེ་ཡང་གཉེར་མའི་དྲ་ཕད་དུ་བཅུག་པ་ཞིག་དང་འདྲ།
  དེ་ནས་ཡང་ཁ་ཤ་འདར་ལྷབ་ལྷབ་བྱེད་བཞིན་སྨྲས་པ།
  “རྟ་མགྲིན་རྡོ་རྗེ་བཟུང་བས་མི་ཆོག ཁྱོད་ཀྱང་ཤོག་ཟེར་བ་དེ་ཅི་ཡིན། རུའི་རྗེས་ལའང་མ་ཆོད་པར་མཚེར་དུ་ལུས་འདུག་པ་ཞིག་སང་ཉིན་ཇི་ལྟར་འབྱོར།”
  དེར་བཀྲ་ཤིས་མཚོས་ཡིན་མིན་གྱི་ལན་ཅི་ཡང་མ་བཏང༌་།
  ཡང་ཅུང་ཙམ་བསྡད་ནས། མོའི་རིད་ཅིང་ཉམ་ཆུང་བ། ཡི་དྭགས་ཀྱི་གཟུགས་ལ་འགྲན་པ་ལྟ་བུའི་ལུས་མི་སྡུག་པ་དེ་འདར་ཞུམ་ཞུམ་བྱེད་བཞིན་སྨྲས་པ།
   “ཁྱོད་ཀྱང་འགྲོ་དགོས་ན། ང་སྤྱང་ལྟོགས་ཀྱི་ཟས་སུ་འགྱུར་བའམ་ཡང་ན་མུ་གེར་འཆི་བ་ལས་གཞན་ཅི་ཡོད།?? ཁྱོད་ཀྱིས་དེ་ལྟར་བང་ཆེན་ལ་རྒྱུ་མཚན་ཞིག་མ་ཞུས་སམ།”ཟེར།
  དེར་མནའ་མས་ལན་བཏབ་པ།
  “དེ་ཚོའི་ཡ་ཁོག་ན་མི་སེམས་མེད། ཡོད་ཀྱང་འཕངས་པའི་མདའ། མངགས་པའི་མི་ཡིན་པས་དབང་ཆ་མེད།དེ་ཚོར་ཞུ་བ་བྱས་ནས་ཅི་ཕན། ཨ་མ་ལགས། ཁྱོད་ཀྱི་སེམས་བདེ་མོ་གྱིས་དང་ང་མི་འགྲོ ཁོ་ཚོར་བཤད་རྒྱུ་འདྲི་རྒྱུ་ཅི་ཡོད་ན་རྟ་མགྲིན་རྡོ་རྗེར་དྲིས་པས་ལོས་ཆོག ང་འགྲོ་དགོས་དོན་མེད།”ཟེར།
  དེར་རྒན་མོས་གཏིང་ནས་ཤུགས་རིང་ཞིག་འཐེན་བཞིན་མགོ་སྔས་ཐོག་ཏུ་བཞག་སྟེ་དབུགས་ཆད་པ་ལྟར་འཇམ་ཅག་གེར་ཅུང་ཟད་ཙམ་བསྡད་ནས་ཡང་སྨྲས་པ།
  “ཅི་བྱས་ལམ་དུ་མི་འགྲོ་བ་དེས། ཁྱོད་ལའང་གྲིབ་མ་གནག་ནས་འགྲོ་ལམ་མེད་པའི་མཚམས་འདིར་གཏུགས།”ཞེས་ཐབས་ཟད་པས་རང་གི་དཔྲལ་བའི་མིག་དང་མཚུངས་པའི་སྙིང་གི་ནོར་བུ་ལའང་དགྲ་ཆོག་བྱས་བྱུང་བར། བཀྲ་ཤིས་མཚོའི་སེམས་ལ། ཨ་མ་ནི་ཐབས་ཟད་ནས་ཅི་བཤད་ལ་གནས་ལུགས་མེད་པ་ཡིན་མོད། འོན་ཀྱང་ད་ལྟ་རྟ་མགྲིན་རྡོ་རྗེ་དགྲ་ལག་ཏུ་ཤོར་ནས་སྲོག་ཀྱང་འཚམས་ཐུབ་མིན་ལ་ཐུག་ཡོད་པའི་སྐབས་འདིར། ཅི་བྱས་ལམ་དུ་མི་འགྲོ་བ་ཞེས་ཚིག་ངན་གྱིས་དམོད་མོ་བྱས་ན་ཧ་ཅང་མི་འོས་སོ་སྙམ་མོད་ཀྱང༌། དེ་མ་ཐག་ལན་ཅི་ཡང་མ་བཏབ།
   ཉེ་སྔོན་གཉེར་ཚང་གིས་རྟ་མགྲིན་རྡོ་རྗེར་ལག་ལྕགས་བརྒྱབ་ནས་འཁྲིད་དུས་མོས་མིག་ཆུ་མ་ཤོར་མོད། འོན་ཀྱང་ད་ལྟ་ཨ་མས་གོང་ལྟར་ཚིག་ངན་གྱིས་དམོད་པས་མོའི་མཆི་མ་ནི་མུ་ཏིག་གི་ཕྲེང་བའི་རྒྱུན་ཐག་ཆད་པ་བཞན་རང་དབང་མེད་པར་ཁྲ་ཐར་ཐར་བབས་བྱུང༌།
  བཀྲ་ཤིས་མཚོའི་སྐྱེ་ས་འཁྲུངས་ཡུལ་བཤད་ན་སྟག་ལུང་རོང་ཚ་ཞེས་བྱ་བའི་ས་ཆ་དེ་གའི་ཡིན། འདི་ནས་ཕལ་ཆེར་ཉིན་ལམ་གཉིས་ཙམ་ཡོད། ལོ་གསུམ་གྱི་སྔོན་ཏེ་བླ་མའི་ལུང་བསྟན་ལྟར་མེ་མོ་ཕག་གི་ལོའི་བཞི་བའི་ཚེས་བརྒྱད་ཉིན་གྱི་ཉི་མ་རྩེ་ཤར་ལ་རི་མོ་ཅན་གྱི་གོས་གོན། གོམ་པ་ཅན་གྱི་རྟར་ཞོན།  རྒྱབ་ན་སྐྱེལ་མ། མདུན་ན་བསུ་མ་དང་བཅས་པ་ས་འདིར་རྟ་མགྲིན་རྡོ་རྗེའི་བག་མར་ཡོང་བ་ཡིན།  དུས་དེ་ནས་བཟུང་སྟེ་རྟ་མགྲིན་རྡོ་རྗེ་ནི་མོ་རང་གི་ཡ་ཐོད་ཀྱི་མིག་དང་ཡ་ཁོག་གི་སྙིང་ཡིན་ལ། མོའི་བདེ་སྐྱིད་དང་ཁ་རྗེ་དབང་ཐང་ཀུན་གྱི་འབྱུང་གནས་ཀྱང་ཁོ་ཡིན་པས། ཁོ་
ལ་གཞན་གྱིས་ཚིག་ངནབརྗོད་པ་སོགས་ཐོས་ན་སེམས་གཏིང་ནས་མི་དགའ། ཁྱད་པར་དུ་ཉེ་སྔོན་ཁོས་མི་བསད་ནས་བཙོན་དུ་བཅུག་པ་ཡིན་པས་གཞན་རྣམས་ཕར་ཞོག རང་གི་ཨ་མས་དེ་ལྟར་བཤད་ནའང་སེམས་གཏིང་ནས་བཟོད་དཀའ།  དེའི་ཕྱིར་སྨྲས་པ།
   “ཨ་མ་ལགས།  ཁྱོད་ཀྱིས་རྟ་མགྲིན་རྡོ་རྗེའི་ཆེད་དུ་སྐྱབས་འཇུག་ཚིག་ཀ་གསུམ་ཞུ་མི་ཐུབ་ནའང་དམོད་པ་འདོར་བ་ག་ལ་རུང༌།”
  “ཨ—ཁྱོད་ཀྱི་དེའང་བདེན།”རྒན་མོའི་སྐད་འདར་བཞིན་སྨྲས་པ།”དམོད་ག་ལ་རུང༌། དཀོན་མཆོག་གསུམ་པོས་མཁྱེན། ཚེ་ལ་བར་ཆད་མེད་པར་ཤོག”
  རྒན་མོས་དེ་ལྟར་གསོལ་བ་འདེབས་སྐབས། སོར་བཅུ་ཐལ་མོ་སྦྱར་ཏེ་སྤྱི་བོར་བཀོད། སེམས་གཏིང་ནས་དད་པ་དག་སྣང་བྱས་པའི་དབང་གིས་ཨེ་ཡིན། སྐད་འཕང་དམའ་ནས་སྦྲང་བུ་ཞིག་གྲག་བཞིན་པ་དང་མཚུངས། དེ་ནས་ཡུད་ཙམ་བསྡད་ནས་ཡང་སྨྲས་པ།
  “བཙན་པོས་གཉོམ་ཆུང་ལ་ཐུབ་ཚོད་བྱེད་པའམ་ཕྱུག་པོས་མེད་པོར་བརྙས་བཅོས་བྱེད་པ་ནི་འཇིག་རྟེན་འདིའི་འགྲོ་ལུགས་རེད།  ང་ཚོས་མཛུབ་མོས་གནམ་འདེགས་ག་ལ་ནུས།  མེད་པོ་མེད་ས་ནས་འདུག་ཤེས་བྱས་པ་ཏེ་མགོ་སྒུར་ནས་ཉི་མ་འཁྱོལ་ཐབས་བྱེད་དགོས་པ་ལས་མགོ་འཕང་གནམ་ལ་བཟུང་ནས་མི་གསོད་ལག་དམར་སོགས་ཀྱི་བྱ་བ་བྱེད་ག་ལ་རུང༌། འཇིག་རྟེན་གཏམ་དཔེ་ལ།   གཉོམ་ཆུང་འདུག་ཤེས་ན་བཙན་པོས་སྒུལ་མི་ཚུགས”ཟེར།
  རྒན་མོ་ད་དུང་སྔར་བཞིན་པུས་མོ་བཙུགས་ནས་ཁ་སྦུབ་ཀྱིས་ཀུམ་སྟེ་བསྡད་ཡོད།སྐད་ཆ་བཤད་ཚར་བ་ན་ཐོད་པ་ལག་མཐིལ་དུ་བཞག་ནས་བསྡད་ཡོད་པའི་སྐབས་དེར་མོའི་སྐྲ་ལོ་ནི་གཡག་རྔ་ཟད་པོ་ཞིག་དེ་གར་བདག་མེད་དུ་གཡུགས་བཞག་པ་དང་འདྲ།
  རྒན་མོའི་སེམས་ལ།  ད་ང་ཚོ་ནི་ནག་མེད་ནག་ཅན་དུ་གྱུར།  ཉེས་མེད་ཉེས་ཅན་དུ་གྱུར། དཀོན་མཆོག་གསུམ་པོ་མི་བསླུ་བ་ཡིན་རྒྱུ་རེད། ང་ཚོ་འགྲོ་སའི་ལམ་ནི་མེད།འདི་ནི་སྐྱེ་བ་སྔོན་མས་ཚོགས་མ་བསགས་པས་རང་གི་ལས་དབང་དུ་གྱུར་པ་ཡིན་རྒྱུ་རེད་སྙམ།
  དེར་མནའ་མའི་སེམས་ལ།  གཉོམ་ཆུང་འདུག་ཤེས་ན་བཙན་པོས་སྒུལ་མི་ཚུགས་ཟེར་ཡང་དེ་ལྟར་ག་ལ་ཡིན། གཉོམ་ཆེ་ན་བརྙས་བཅོས་བྱེད་པ་ཇེ་ཐུ་ཇེ་སྡུག་ལས་མེད། སྐྱིད་ཀྱི་མགོ་འཕང་དམའ་དགོས། སྡུག་གི་མགོ་འཕངས་མཐོ་དགོས་ཞེས་པའི་དཔེ་ལྟར་སེམས་ཁྲལ་གྱིས་མི་ཕན། ད་ཨ་མ་ལ་སེམས་གསོ་རེ་བྱེད་རྒྱུ་གལ་ཆེ་སྙམ་ནས་སྨྲས་པ།
  “ཨ་མ་ལགས། ང་ཚོ་གཉོམ་ཆུང་འདུག་མ་ཤེས་པ་མིན། ཁོ་ཚོ་བཙན་པོར་བཙན་ཚོད་མེད་པ་ཡིན། བདེན་ང་ཚོའི་ལག་ཏུ་ཡོད་པས། ནམ་ཞིག་ཉི་མའི་དུས་ཀྱི་མཐའ་ན། བདེན་ལུང་བ་གཉིས་ལ་ཕུ་ཐག་རིང་བའི་སྐབས་ཤིག་ལོས་ཡོད།”
  དེར་ཨ་མས་ལན་ཅི་ཡང་མ་བཏབ། དེ་ནས་ཡང་བཀྲ་ཤིས་མཚོས་སྨྲས་པ།
  “ངས་སྔོན་ཆད་རྟ་མགྲིན་རྡོ་རྗེར་ཁ་ཏ་བྱས་མྱོང༌། དེ་ནི་ཕྱུག་པོ་སྟོབས་ཅན་གྱི་བུ་ཡིན་པས་ང་ཚོས་དེའི་དོ་ཟླར་མི་ཡོང༌།  ང་ཚོར་དཔའ་ཡོད་ཀྱང་རྒྱུ་མེད། རྒྱུ་མེད་ན་རྟ་ཕོ་ཤ་མེད་གོང་ཆུང༌་། རྒྱུ་མེད་བུ་བྱིས་ངོ་ཆུང་ཞེས་པའི་དཔེ་ལྟར་ཡིན། དེ་ལས་ང་ཚོ་ས་ཆ་གཞན་ཞིག་ཏུ་སོང་ན་ཨེ་མི་དགའ་ཞེས་དྲིས་ཀྱང༌།  ཁོས་ས་ཆ་གཞན་པ་གང་ལ་སོང་ནའང་འདི་དང་འདྲ་མཚུངས་རེད། བྲོས་ནས་ཐར་ས་མེད། འབྲོ་དགོས་པའི་རྒྱུ་མཚན་ཡང་མེད། ང་ཚོར་རྒྱུ་མེད་ན་དཔའ་ཡང་མེད་དགོས་པ་ཅི་ཡོད། ང་ཚོའང་མི་ཡིན་པས་གཞན་གྱིས་གང་བསམ་ཅི་འདོད་ལྟར་ཐུབ་ཚོད་བྱེད་པ་འཁུར་དགོས་དོན་མེད། གཉེན་ཟས་ནོར་གྱིས་སྐྱོང་བ་དང་དགྲ་དཔའ་རྩལ་གྱིས་འདུལ་བ་ནི་ང་ཚོ་བོད་ཀྱི་ལུགས་རེད་ཟེར་ནས་དཔའ་སྐད་འདོན་པ་ལས་ངས་བཤད་པའི་སྐད་ཆར་མ་ཉན།”
  དེར་རྒན་མོས་སྨྲས་པ།
  “ཁྱོད་ཁ་མ་མང་བར་བསྡད་ན། ད་སྐབས་ང་ཚོའི་མགོར་སྡུག་འདི་ཡོང་དགོས་དོན་མེད། རྟ་མགྲིན་རྡོ་རྗེའི་མཛད་པ་ཤེས་བཞིན་དུ་དགོས་མི་དགོས་བཤད་མི་ཉན་པ་ལོས་ཤེས།”
  དེ་ནས་བཀྲ་ཤིས་མཚོའི་སེམས་ལ། སྔོན་ཆད་གནས་ཚུལ་ཚང་མ་གསལ་བོར་མ་བཤད་པ་ནི་དེ་ཙམ་མ་ལེགས། ད་ནི་སྐབས་འདི་དང་བསྟུན་ནས་གལ་ཆེ་བ་རྣམས་ཞིབ་ཏུ་བཤད་ན། མོའི་སེམས་ལའང་འབབ་རྒྱུ་ཞིག་ཡོད་ལ། ལས་ཕྱི་འདེད་ཀྱང་མེད་སྙམ་ནས་སྨྲས་པ།
  “ང་ཁ་མང་བ་མིན། བཀྲ་མ་ཤིས་པ་དེས་ཐེངས་གཅིག་མིན་གཉིས་མིན། གར་སོང་གར་ཐུག་ནས་འགྲོ་དབང་འདུག་དབང་མི་སྟེར། དང་བོར་ཁ་ཡག་ངོ་བསྟོད་ཀྱི་གཡོ་ཟོལ་གྱིས་བློ་ཁ་བསྒྱུར་ཐབས་ཅི་ནུས་བྱས་མོད། དེ་ཐམས་ཅད་ངལ་བ་འབྲས་མེད་དུ་གྱུར་རྗེས། ཉ་བ་གཡོ་སྒྱུ་ཅན་གྱིས་ཐོག་མར་ཉ་ལ་ཟས་ཅི་དང་ཅི་འདོད་པ་བྱིན་ནས་ཁ་བྲིད་པ་བཞིན་རྒྱུ་འབྱོར་བ་དང་གཡུ་བྱུ་རུ་སོགས་ཀྱིས་བསླུ་བྲིད་གང་ཐུབ་ཐུབ་བྱས། དེའང་འབྲས་མེད་དུ་གྱུར་རྗེས། མཐར། ཁྱོད་ཀྱིས་གལ་ཏེ་ངའི་རེ་བ་མི་སྐོང་ན། ངས་དྲག་པོའི་ལས་ལ་བརྟེན་ནས་ཁྲ་ཤུལ་རྟ་མགྲིན་རྡོ་རྗེ་ཚང་ཟེར་
བའི་ཐབ་ཤུལ་ཙམ་ཡང་མི་བསྐྱུར་བར་མིང་མེད་དུ་གཏོང་ངེས་ཡིན། དེ་དུས་འགྱོད་ཀྱང་བྱ་ཐབས་མེད་ཟེར་ནས་འཇིགས་སྣང་ཡང་བསྐུལ། དེའི་ཕྱིར་ཁ་རོག་པར་འདུག་ཐབས་བྲལ་ནས་གོང་གི་གནས་ལུགས་ཚང་མ་དྲང་བོར་བཤད་པ་ཡིན།”
  འདིར་བཀྲ་ཤིས་མཚོའི་སེམས་ལ། མིའི་རྒྱུད་ཀྱི་བག་ཡོད་དང་ངོ་ཚ་བའི་འདུ་ཤེས་སོགས་དོར་ནས་འདོད་གཏམ་རྣ་བས་ཐོས་ན་ཤ་ཡང་འདར་བ་མང་བོ་བཤད་པའི་སྐོར་དང༌།   རི་མགོ་དང་ཆུ་འགྲམ་སོགས་ནས་ཉི་མ་དཀར་ལ་ཁྱི་ཕག་བཞིན་འབྱར་ཚུལ་གྱི་ལོ་རྒྱུས་སོགས་ཞིབ་ཏུ་བཤད་ན་ལེགས་བསམས་མོད་ཀྱང༌། མ་སྨད་གཉིས་ཀྱི་བར་ཡིན་རུང་ངོ་ཚ་བའི་དབང་གིས་ཚང་མ་ཁ་ནས་མ་ཐོན།
  དེར་རྒན་མོས”དེ་ཡིན་རུང་སེམས་རྒྱ་བསྐྱེད་ནས་བཟོད་པ་བསྒོམ་དགོས། ང་ཚོས་བཟོད་པ་བསྒོམ་པ་ལས་འགྲོ་ལམ་གཞན་གང་དུའང་མེད།གང་ནས་ཀྱང་མི་རྙེད”ཟེར།
  རྒན་མོས་དེ་ལྟར་བཤད་པས་བཀྲ་ཤིས་མཚོའི་སེམས་ལ། ཐུབ་ཚོད་བྱས་ན་གཉོམ་ཁུར། བརྙས་བཅོས་བྱས་ནས་བཟོད་པ་བསྒོམས། དེ་འདྲ་བྱས་ནས་ཉི་མ་མི་འཁྱོལ་བ་མིག་ཐོག་ཏུ་ཤར་འདུག་པ་འདི་རེད་སྙམ་ནས་སྨྲས་པ།
   “ཨ་མ་ལགས། ཁྱོད་ཀྱིས་ནམ་ཡིན་རུང་བཟོད་པ་སྒོམས། བཟོད་པ་སྒོམས་ཟེར་མོད། འོན་ཀྱང་བཟོད་པ་བསྒོམས་ནས་ཡོང་རྒྱུ་ཅི་ཡོད། ལྷག་པར་ཅི་བྱེད་ལ་གནས་ལུགས་མེད་པའི་མི་ཐ་ཤལ་བར་བཟོད་པ་བསྒོམས་ན་འཕར་སྤྱང་ལ་སྙིང་རྗེ་བསྒོམས་པ་ལྟར་ཇེ་ཐུ་ཇེ་སྡུག་ལས་མེད། མཐར་ཁྱོད་ཀྱིས་མ་བསད་ཀྱང་ཁྱོད་ཉིད་གསོད་ངེས་པས། བྱོལ་སོང་བཞིན་གཞན་གྱིས་སྲོག་ལེན་ས་ལ་ལག་ཡ་ཙམ་ཡང་མི་བྱེད་པ་སུ་ཡོད། གལ་ཏེ་མི་ངན་དེ་ཚར་མ་བཅད་ན་ང་ཚོ་ནམ་ཡིན་རུང་བདེ་བར་ འདུག་པའི་གོ་སྐབས་ཡོད་མི་སྲིད། འདི་བྱས་པས་དེང་ཕྱིན་ཆད་གཞན་གྱིས་ཀྱང་ཐུབ་ཚོད་བྱེད་
མི་ཕོད། བུ་རང་སྐྱེས་ཀྱིས་རང་མདོག་སྟོན་མ་ཐུབ་ན་སྐྱིད་གཞན་ན་རེ་ས་མེད།”
  རོང་ཚ་བཀྲ་ཤིས་མཚོས་དེ་ལྟར་བཤད་སྐབས་འཕང་མི་མཐོ་མོད་ཀྱང༌།  མོའི་མིག་གི་ནང་ན་འོད་ཁྱད་པར་ཅན་ཏེ་ནམ་རྒྱུན་མཐོང་དཀའ་བ་ཞིག་འཕྲོ་བཞིན་འདུག
  རྒན་མོས་དེ་ལྟར་བཤད་པ་ཐོས་པས་དབུགས་སྟོད་དུ་འཚང་བཞིན་སྨྲས་པ། “ངས་ཁྱོད་གཉིས་ལ་རྒྱུན་པར་འགྲོ་ཤེས་ཀྱི་ཝ་མོ་ལྟ་བུ། འདུག་ཤེས་ཀྱི་རི་བོང་ལྟ་བུ་བྱེད་དགོས་ཞེས་ཡང་ཡང་བཤད་ཀྱང་ངའི་ཁ་ནི་མི་ལེན། ནམ་ཡིན་རུང་དཔའ་སྐད་མཐོ། ལུགས་སྲོལ་བཤད་རྒྱུར་དགའ། ད་ཁྱོད་ཀྱང་ཁྲིམས་སྒོར་ཤོག་ཟེར་ན་སོང༌། རྒྱུ་མཚན་མཐའ་དག་པོ་མགོ་མཇུག་བར་གསུམ་དང་བཅས་ཏེ་བཤད་ཡག་གྱིས། ངའི་ཕྱོགས་ལ་སེམས་མ་འཁོར། ང་མཚེར་དུ་ལུས་ན་ལུས། སྤྱང་ཁུས་ཟོས་ན་ཟོས། ཅི་བྱས་རུང་ལ་རྩེའི་ཉི་མ་ལྟ་བུ་རེད། ཚེ་ཕྱི་མའི་ཡུལ་ལ་སྐེ་སོ་བྱས་ཡོད་པ་འདི་རེད། ཤུལ་
དུ་འདུག་མཁན་ཁྱོད་གཉིས་ཡིན་པས། བདེན་གང་ཐོབ་ཐོབ། རྒྱལ་ཁ་ཅི་ལོན་ལོན་ལ་ལྟོས།”
  “ཨ་མ་ལགས། ཁྱོད་ཀྱི་ཁ་མ་བླངས་པ་ག་ལ་ཡིན། ཁ་བླངས་ཀྱང་མ་ཕན་པ་རེད།ཝ་མོ་འདུག་ཤེས་རུང་རིག་རིག་ཚང་མས་ཨེ་སོད་སོད་བལྟ་བ་མ་ཡིན་ནམ།”
  དེར་ཨ་མས་ལན་མ་བཏབ་པས་ན་ཡང་སྨྲས་པ།
   “དེའི་སྐོར་ཞིབ་པར་བཤད་ན། རྟ་མགྲིན་རྡོ་རྗེ་ཕར་ཞོག ཁྱེད་ཀྱིས་ཀྱང་བཟོད་དཀའ། ད་ལོ་དྲུག་པའི་ལབ་རྩེ་སྟོད་སྐབས། མི་མང་བརྒྱ་ཚོགས་སྟོང་འདུས་དེའི་ནང་ནས་ཕྱུག་པོའི་རྟ་ཤེད་དང་ཡོད་པོའི་ནོམ་ཤེད་ཀྱིས་བརྙས་བཅོས་གང་མང་བྱས་པར་མ་ཟད། དེ་རིང་རང་སྡེ་མཚོ་མོ་འཚོགས་པའི་ཁྲོམ་ཆེན་འདིའི་མདུན་ནས་ངེད་གཉིས་ཀྱིས་ཀྱང་འགག་བཟའི་ཇོ་རུ་ལྟར་རྟ་འདོ་བའི་བང་ཁ་འགྲན་ནས། རྒྱལ་ཁ་སུ་ཐོབ་ལ་རོང་ཚ་བཀྲ་ཤིས་མཚོ་དབང་བའི་རྟ་རྒྱུག་རྒྱལ་འཇོག་ཅིག་བྱེད་རྒྱུ་བྱས་ན། ཁྱོད་ལ་དེའི་སྤོབས་པ་ཨེ་ཡོད། ཡོད་ན་ཤོག་དང་ད་ལྟ་རྟིང་ཐག་གཅོད། གལ་ཏེ་མེད་ན་ཁྱོད་ཀྱི་སྙིང་སྡུག་དེ་ཞག་གསུམ་ལ་ངའི་ཉལ་རོགས་བྱེད་པར་མངག་དགོས་ཟེར་ནས་མི་མང་དེའི་ནང་ནས་ཁྱད་གསོད་ཀྱི་སྐད་ཆ་མང་བོ་གྱ་ཚོམ་དུ་སྨྲས་རབས་མང༌།  དེར་རྟ་མགྲིན་རྡོ་རྗེ་ཚིག་པ་ཟོས་ཏེ། རྟའི་བཟང་ངན་ལ་ཁྱད་པར་ཅི་འདྲ་ཡོད་མི་ཤེས། བང་རྩལ་ཧ་ལམ་འདྲ་ཡང༌། དེ་ལྟ་བུའི་ལེགས་ཉེས་བསྡུར་དགོས་པའི་རྒྱུ་མཚན་ཅིའང་མ་མཆིས་བསམས་ནས། རྟའི་བང་ཁ་འགྲན་ནས་ཅི་བྱ། དེ་ནི་དོན་མེད་འཆོལ་བོ་དང་སྙིང་མེད་སྡར་མ་རྣམས་ཀྱི་ལས་ཀ་ཡིན་པས་ཡ་མཚར་བ་ཅི་ཡང་མེད། ཁྱོད་ཀྱི་རྟ་བཟང་ན་དེ་ནི་ཕྱུག་པོའི་ནོམ་སྟོབས་ལས་བྱུང་བ་ཡིན་པ་ལས་ཁྱོད་རང་ལ་མཐུ་དང་ནུས་པའམ་དཔའ་རྩལ་གཞན་དང་མི་མཐུན་པ་ཞིག་ཡོད་པ་ག་ལ་ཡིན་ཞེས་པ་ལ། ཨོ—ཁྱོད་དེ་འདྲའི་དཔའ་བོ་སྙིང་སྟོབས་ཅན་ཞིག་ཡིན་ན། ངེད་གཉིས་དཔའ་བོའི་དཔུང་ཁ་དང་རྣོན་པོའི་མཚོན་ཁ་འགྲན་ནས་སུ་དཔའ་གང་ངར་ལ་བལྟས་ནའང་ཆོག་ཟེར་ནས་རལ་གྲི་བཏོན་ནས་མཆོངས་བྱུང་བ་ཉེར་འཁོད་པ་རྣམས་ཀྱིས་བཟུང་ནས་བར་བཤོལ། དེ་ནས་ལོ་ལོན་དང་བསམ་ཤེས་ཚང་མས་ཀྱང་དེ་རིང་ཡུལ་ལྷ་གཞི་བདག་ལ་བསང་མཆོད་བྱས་ནས་རྟེན་འབྲེལ་གྱི་མགོ་སྒྲིག་སྐབས་འདིར་གྱོད་སྣ་ཁ་མཆུ་ལ་གཏུགས་ན་ཁྱོད་གཉིས་ཕར་ཞོག སྲིད་སྡེ་ཡོངས་ཀྱི་བྱ་བ་ལམ་དུ་མི་འགྲོ་བའི་ཉེན་ཁ་ཡོད་ཟེར་ནས་ཁ་ཏ་སློབ་གསོ་ཡང་ཡང་བྱས་ཀྱང༌།  དེ་བཟུང་ནས་མ་ཐུབ་
པར་དཀའ་རབས་མང་བོ་བཤད་རྒྱུ་ཡོད།”
  དེར་རྒན་མོས་མནའ་མ་ལ་ལས་ཕྱི་འདེད་སོགས་བྱེད་རྒྱུ་ཕར་བཞག་ནས་ “བཙན་པོར་བཙན་ཚོད་མེད་ན་མི་གསོན་པོའི་སྟེང་ནས་དུང་བརྐོ་ཟེར་བ་འདི་ལྟ་བུ་ལ་ཟེར། ལས་བཅོལ་སའི་ལྷ་མེད། བདེན་བཤད་སའི་དཔོན་ཡང་མེད་པ་འདི་འཇིག་རྟེན་གང་གི་ལུགས་རེད”ཟེར།
  བཀྲ་ཤིས་མཚོས་ཨ་ནེའི་བློ་ཁ་ཅུང་ཙམ་འགྱུར་བ་ཤེས་ཏེ་སྨྲས་པ།
  “ཨ་མ་ལགས། བཟོད་པ་བསྒོམས་ནས་བསྒོམ་ཚོད་མེད། ད་ལོ་བལ་འབྲེག་སྐབས། རྐང་བསོད(རྐང་ཚ་བསོད་ནམས་གྲགས་པ)ཚང་ལ་བལ་འབྲེག་རོགས་བྱེད་དུ་སོང་ཉིན་དེར་ཡང༌། ཨ—ཁྲ་ཤུལ་རྟ་རྡོར་ཞེས་པའི་དཔའ་བོ་འདི་ལ་ལྟོས་དང༌། རང་ཁ་ཙམ་ཡང་མི་སོས་པར་གཞན་ལ་གཡོག་བྱེད་པ་འདི་ཡ་མཚར། གཡོག་ཟས་གཡོག་ཆུ་ལ་བརྟེན་ནས་ཆུང་མ་གསོ་བ་འདི་དཔའ་བོའི་དཔའ་རྟགས་ཡིན་ནམ། ཟེར་ནས་ངོ་མཚང་འབྲུ་བའི་སྐད་ཆ་མང་བོ་བཤད་རབས་ཟེར། དེར་རྟ་མགྲིན་རྡོ་རྗེས་ངས་ལས་ཅི་བྱེད་ཁྱོད་ལ་སྐབས་སུ་མ་བབ། འཕྲོག་བཅོམ་གྱི་ལས་ལ་བརྟེན་
ནས་རང་ཁ་གསོ་མཁན་རྣམས་ངོ་མི་ཚ་ན། ངས་གཡོག་ཟས་གཡོག་ཆུ་ལ་བརྟེན་ནས་ཆུང་མ་གསོས་པར་མི་བཟང་བ་ཅི་ཡོད། ཅེས་ཏེ་ཕན་ཚུན་གཉིས་ཀས་འབྲས་བུ་མེད་པའི་ཁ་འཐབ་མང་བོ་བྱས་སྐད། དེར་སྟག་ལུང་ཆོས་སྐྱབས་ཀྱིས་དཔའ་ཡོད་ན་ཁེར་གཏུག་བྱེད་ཆོག དེ་རིང་མི་མང་ས་འདིར་ངོ་མཚང་བྲུས་པ་དཔའ་རྟགས་ག་ལ་ཡིན། བྱ་བྱེད་མང་ན་རང་ཉིད་འཕུང་བའི་རྒྱུ་རུ་འགྱུར་སྲིད། ངེད་ཅག་ཚང་མ་ཡོད་ས་ནས་དེ་འདྲ་མ་བྱེད། ཅེས་བར་བཤོལ་ཡང༌། དེས་ཁ་ཏ་ལ་མི་ཉན་པར་མ་ཟད།  ཆ་ཆོ་མེདཔའི་སྟོང་བཤད་ཀྱིས་ཅི་ཕན།  བང་ཁ་འགྲན་བྱེད་ཀྱི་རྟ་ནི་
སྤྲང་་ཕྲུག་ཁྱོད་ལ་མེད། དེས་ན་ངེད་གཉིས་གྲི་ཁ་འགྲན་ན་ཁྱོད་ལ་གྲི་ཆག་ཅིག་ཨེ་ཡོད། ང་སོད་ན་གཟུ་སྒོ་ཁྲིམས་སྒོ་ཕར་ཞོག  སྐར་གང་གི་སྟོང་ཡང་མི་དགོས་པ་ངས་ཁས་ལེན་དམ་བཅའ་བྱེད། གལ་ཏེ་ངས་སོད་ན་སྟོང་གཉིས་ལོག་འཇལ་བྱེད་རྒྱུའང་ངས་ཁས་ལེན་དམ་བཅའ་བྱེད། ཟེར་ནས་རལ་གྲིའི་ཡུ་བ་ནས་བཟུང་སྟེ་རྫིག་རྫིག་བྱས་རབས་ཟེར། དེར་ཨ་མེས་བསྟན་པ་ཡར་འཕེལ་གྱིས་ཁ་ཏ་ནན་ཏུ་བྱས་པས། མཐར་འབྲས་མེད་དུ་ལུས། ད་ཅི་བཤད་ཀྱང་བཟོད་པ་བསྒོམས་ནས་བསྒོམ་ཚོད་མེད།”
  འདིར་བཀྲ་ཤིས་མཚོའི་སེམས་ལ། ཚོགས་མཆོད་སེར་ཕྲེང་གི་ཉིན་དང་དྲུག་པའི་ཤིང་སློང་གི་སྐབས་སོགས་སུ་བརྙས་བཅོས་བྱས་ཚུལ་དང་ངོ་མཚང་བྲུས་ཚུལ་སོགས་རེ་རེ་བཞིན་བཤད་དགོས་བསམས་ཀྱང༌། མང་ཆེ་ན་ཨ་ནེའི་ནད་ལ་གནོད་པར་དོགས་ཏེ་མདོར་བསྡུས་ནས་བཤད།
  “ངས་དེ་སོགས་ཐོས་ནས། མ་རབས་ཀྱི་སྲོལ་ལ་དེ་ཡིན་འདི་མིན་གྱི་གནས་ལུགས་མེད་པས་ཡང་བློ་མ་བདེ་བར། དེང་རབས་ཀྱི་དུས་འདིར། རྒྱུ་ཡོད་ན་སྟོབས་ཡོད། སྟོབས་ཆེ་ན་འཕོང་བཙན། རྒྱུ་འབྲས། དགེ་སྡིག དཀར་ནག བདེན་རྫུན་ སོགས་དེ་ཚོས་ཁ་ནས་བཤད་པ་ཙམ་དུ་མ་གཏོགས་མེད། དེ་བས་ཡག་ཐོག་བཟང་ཐོག་འདི་ནས་ས་གཞན་ཞིག་ཏུ་སོང་ན་གྱོད་སྣ་ཁ་མཆུ་མི་འབྱུང་བ་དེ་ཡིན། ཞེས་བཤད་ཀྱང་ངལ་བ་འབྲས་མེད་དུ་གྱུར་ཏེ་མ་ཕན།”
  དེར་རྒན་མོ་ཅུང་ཟད་འགྱོད་སེམས་ཀྱི་ཚུལ་གྱིས་སྨྲས་པ།
  “འོ་ན་ངའི་རྣ་ལམ་དུ་དེ་འདྲའི་ཚིག་ཟུར་ཙམ་ཡང་མི་འཇོག་པ་ཅི་ཡིན། དེའི་སྐབས་ཁྱོད་ཀྱི་བསམ་ཚུལ་ལྟར་བྱས་ཡོད་ན། དོན་དག་འདི་བྱུང་མེད་ཤས་ཆེ།”
  “བཤད་རྒྱུ་མང་ན་ཁྱེད་ཀྱི་སེམས་ཁ་དཀྲུག་པར་དོགས་ནས་མ་བཤད། དོན་དག་འདི་ལྟ་བུ་ཞིག་ཏུ་འགྱུར་འགྲོ་བ་ངའི་སེམས་ཀྱི་དགུ་ཡུལ་དུའང་མ་ཤར།”
  དེ་སྐད་ཟེར་བཞིན་ཡར་ལངས་ནས་འོ་ཇ་ཚ་མོ་གང་བླུགས་ནས་ཨ་ནེའི་ལག་ཏུ་བཞག་སྟེ་ཡང་སྨྲས་པ།
  “གལ་ཏེ་ངའི་ཆེད་དུ་དོན་དག་ཅིག་བྱུང་ན།  གྱོད་འདྲེ་དང་འཕུང་གཞིའི་བུད་མེད་སྣ་ནག་མའི་གྲས་སུ་འཇོག་སྲིད། དེས་ན་ཁ་མི་དྲོ། བཀྲ་ཡང་མི་ཤིས། རླུང་རྟ་རྒུད་ནས་རྟིང་སོར་ཅི་བྱས་ལམ་དུ་མི་འགྲོ་བ་ཁྱོད་ཀྱིས་མི་ཤེས་པ་ག་ལ་སྲིད།  དེས་ན་ཤེས་བཞིན་དུ་ང་ཚོ་ཕྱེ་ལེབ་ལྕེབ་འདྲེ་མ་ལྟར་གྱོད་སྣ་ཁ་མཆུའི་མེ་འོབས་སུ་ཇི་མི་སྙམ་པར་ལྕེབ་དོན་ཅི་ཡོད་ཅེས་ཡང་ཡང་ཞུ་བ་བྱས་ཀྱང༌། ངས་ཕ་ཡུལ་དོར་ནས་འགྲོ་དགོས་དོན་མེད། མི་སྲོག་ལེན་པའི་གཤེད་མ་ང་མིན། གཞན་ནོར་འཕྲོག་པའི་ཆོམ་རྐུན་ཡང་ང་མིན། ནག་ཉེས་བ་སྤུ་ཙམ་ཡང་མེད་ས་ན། རང་གི་སྐྱེ་ས་སྐྱེ་ཡུལ་རྒྱབ་ཏུ་བསྐྱུར་ནས་ཁྱི་ལྡོམ་བཞིན་དུ་མི་ཡུལ་འཁྱམ་དོན་གཏན་ནས་མེད་ཟེར་ནས། ཉན་རྒྱུ་ཕར་ཞོག རྣ་བ་ཙམ་ཡང་མི་གཡོར།”
  དེ་རྣམས་ཐོས་པས་རྒན་མོའི་སེམས་ལའང་དཔའ་ངར་ཅུང་ཟད་སྐྱེས་ནས་སྨྲས་པ།
  “འོ་ལེ། སྤྱིར་ན་ང་ཚོས་ཕ་ཡུལ་སྤངས་ནས་མི་ཡུལ་འགྲིམ་དགོས་དོན་མེད། ཕ་ཡུལ་ལ་ཞེ་མི་ཆགས་པ་སུ་ཡོད། ཕ་ཡུལ་གྲོག་མོའི་འགྲམ་ཡིན་རུང་སྐྱིད་ཟེར་བའི་ཁ་དཔེའང་ཡོད།  འོན་ཀྱང་གཉོམ་ཆུང་གིས་བཙན་པོའི་དོ་ཡ་མི་ཡོང་བར་ཐབས་ཟད་པའི་ཉིན་མོར་ས་མཐའ་སྡེ་མཐའ་ཡིན་རུང་མི་འགྲིམ་ཀ་མེད་རེད།”
  བཀྲ་ཤིས་མཚོས་ཨ་ནེར་དཔའ་སེམས་ཅུང་སྐྱེས་ཡོད་པ་ཤེས་ཏེ། ད་དུང་སྙིང་ཕུར་རེ་གདབ་ཐུབ་ན་མོའི་སེམས་ཀྱི་སྡུག་བསྔལ་ཇེ་ཉུང་དུ་འགྲོ། དེས་ན་ནད་ལའང་ཕན། ད་ཅི་བཤད་ཀྱང་དོན་དག་བྱུང་ཚར་བས་ཕྱི་འགྱོད་ནི་ལུས་སེམས་འཇོམས་བྱེད་ཀྱི་རྒྱུ་རུ་འགྱུར་བ་ལས་དོན་དག་ལ་མི་ཕན་སྙམ་ནས་ཡང་སྨྲས་པ།
  “ཕོ་ལས་ངན་ལ་ཁ་མཆུ་རང་འཁོར་ཡིན་ནའང་འདྲ། མོ་ལས་ངན་ལ་མུ་གེ་རང་འགྲུབ་ཡིན་ནའང་འདྲ།  དོན་དག་འདི་ང་ཚོའི་མགོར་བཙན་གྱིས་བཞག་པ་ཡིན་པ་ནི་རྒན་སྐྲ་དཀར་མན་ཆད།  གཞོན་སོ་དཀར་ཡན་ཆད་ན་མི་ཤེས་མཁན་གཅིག་ཀྱང་མེད། ཁོས་རྒྱུ་ཡོད་ན་དཔའ་ཡང་རང་ཤུགས་སུ་ལོས་ཡོད་སྙམ་པས། ཅི་བྱས་ཀྱང་གཡོལ་ཐབས་ཟད་ནས།  མཐར་ཁོའི་བསམ་སྲོལ་ལྟར་གྲི་ཁ་འགྲན་ཏེ་རྟིང་ཐག་གཅོད་དགོས་བྱུང༌། དེ་ཡང་ཁོས་བཤད་པ་བཞིན་ཏེ་ཡུལ་གྱི་དཔེ་ལུགས་ལྟར་སུས་སུ་བསད་ཀྱང་ཁྲིམས་སྒོར་གྱོད་མི་རྒྱག་རྒྱུའི་འབའ་ཡིག་བྲིས། ཁྲ་ཤུལ་བསོད་བཀྲ་དང་རྟ་རྫོང་ཐར་འབུམ་གཉིས་དཔང་པོར་བཞག་ནས་གྲི་ཁ་འགྲན་པས་སྣ་འདི་ལ་གཏུགས། སྤྱིར་ན་རྒྱ་ཡིག་ཐོག་དང་བོད་ཚིག་ཐོག་ཟེར་བའི་ཁ་དཔེ་ཡོད་མོད། འོན་ཀྱང་ད་སྐབས་དེ་ཚང་ཚིག་ཐོག་ནས་མ་བསྡད་པར་གཉེར་ཚང་ལ་གཏུགས་པ་འདི་ལྟར་རེད། ཨ་མ་ལགས། ཁྱོད་ཀྱིས་དེ་འདྲའི་སེམས་ཁྲལ་བྱེད་མི་དགོས། ཧ་ལས་ན་སྟོང་རྒྱག་དགོས་པ་ལས་གཞན་ཅི་བྱེད།”
  དེར་རྒན་མོས”སྲོག་སྐྱིན་ལ་སྲོག་མ་ཤོར་ན། སྟོང་ནི་ལོས་རྒྱག”ཟེར།
  དེ་མིན་ད་དུང་ཚིག་འགའ་རེ་བཤད་བྱུང་བའི་ཚུགས་ཀ་ཡོད་ཀྱང༌། འབྲོག་དགོན་ཐང་གི་རླུང་དམར་གྱིས་ཁྱེར་བས་ཅི་བཤད་སུས་ཀྱང་མ་ཐོས། མོའི་རིད་ཅིང་གཉེར་མས་གང་བའི་གདོང་དུ་མཆི་མ་ཉིལ་ལེ་བ་སྟེ། དཔེར་ན་དབྱར་གྱི་དུས་སུ་ཆར་རྒྱུན་དལ་གྱིས་བབས་པ་ན་སྦྲའི་རེ་ལྟའི་སྲུབས་ནས་ཐིགས་ཆུ་ཁྲ་ལམ་ལམ་འཛུམ་བྱུང་བ་དང་འདྲ།
  རོང་ཚ་བཀྲ་ཤིས་མཚོ་སྒོར་བུད་ནས་ལག་པ་ཐོད་པར་བཞག་སྟེ་བར་སྣང་ལ་བལྟས་པས། ཉི་མ་ནི་ཐག་པས་ཐུང་བརྟོད་བྱས་པ་ལྟར་འགུལ་མེད་དུ་དམར་ཀོར་རེར་འདུག དེ་ནས་ཕ་ཡུལ་གྱི་ཕྱོགས་སུ་བལྟས་པས། བྲ་ཐང་རིང་མོའི་ཐང་དཀྱིལ་དུ་བསེར་འཚུབ་ཆེན་པོ་ཞིག་གིས་ས་རྡུལ་བར་སྣང་དུ་དྲངས་ཏེ་གནམ་ལ་ཀ་བ་བཙུགས་པ་བཞིན་ནག་ཡོར་ཡོར་ལྷོ་ཕྱོགས་སུ་འགྲོ་བཞིན་པ་དང༌། བྱིའུ་དམག་དཔུང་ཆེན་པོ་ཞིག་ནག་སོག་སོག་ཡར་འཕུར། ནག་སོག་སོག་མར་བབས་ནས་དལ་མེད་དུ་ལས་ལ་བརྩོན་བཞིན་པའམ་ཁྱིམ་མཚེས་གཡས་གཡོན་གྱི་མཚེར་
ཤུལ་ན་ཕོ་རོག་ལྟོགས་པ་ཁ་ཤས་ཀྱིས་རུས་པ་སོགས་ལྟོ་འཚོལ་ཕྱིར་གཤོག་ལྷབ་ཀྱིས་ཕར་འགྲོ་ཚུར་ལྡིང་བྱེད་བཞིན་པ་ལས་གཞན་སུ་དང་གང་ཡང་མ་མཐོང༌།

  

 

རྩོམ་ཁུངས། <<སྦྲང་ཆར>>

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

རྟ་ནག་སྒྲོག་འགྲོས།

2008-10-30 ལྷུན་འགྲུབ། ཀློག་གྲངས། མཆན ཡོད།

        “ཡ—རོགས་གཅེས།”བང་ཆེན་པས་རྟ་ཐོག་ནས་ཟུར་འདུག་ཅིག་བྱེད་བཞིན་དུ་སྨྲས་པ། “འབའ་ཡི་བྲ་ཐང་རིང་མོ་ཟེར་བ་འདི་ས་རྩེ་གཞུང་སྐྱིད་པའི་སྨན་ལྗོངས་ལས་ཀྱང་མི་རྣམས་ཀྱི་ཡིད་དུ་འོང་ཞིང་དགའ་སྤྲོ་བསྐྱེད་པའི་ས་ཆ་མཐོང་བ་ཀུན་སྨོན་ཞིག་ཡིན་རབས་ཀྱི་ལོ་རྒྱུས་མང་བོ་བཤད་རྒྱུ་ཡོད་མོད་ཀྱང༌ །དེ་རིང་མི་མེད་འབྲོག་དགོན་ཕྱི་མའི་ཡུལ་ལ་སླེབས་པ་ལྟར་གྱུར་པ་འདི་ལ་ལྟོས་དང༌ ”ཟེར། དེར་འུ་ལག་པས་རྟ་རྒན་ལ་སྲབ་མདས་བྲབས་ཏེ་བང་ཆེན་པའི་རྩར་བཅར་ནས་སྤང་ལྗོངས་ཆེན་པོ་དེར་བལྟས་པ་ན། འབྲོག་པ་རྣམས་ཀྱི་རུ་བཀལ་ཤུལ་ན། ཐང་གཤོངས་ཆེན་པོའི་ལྟོངས་དེ་རྟ་ནོར་ལུག་གསུམ་སོགས་སེམས་ཅན་གང་ཡང་མེད་པའི་ཡུལ་དབེན་པ། རླུང་དམར་གྱི་ཤུ་སྒྲ་ལས་གོ་རྒྱུ་དང་ཐོས་རྒྱུ་གཞན་ཅི་ཡང་མེད་པའི་མྱ་ངམ་ཐང་ཆེན་པོ་ཞིག་ཏུ་གྱུར་འདུག་པ་མཐོང་བས། ཁོའི་སེམས་ལ་སྐྱོ་བ་དང་དུངས་པ་ཞིག་སྐྱེས་ཏེ་འདི་ལྟར་ལན་བཏབ་པ།
  “འོ་ལེ། སྤང་ལ་རྩྭ་སྔོན་ཡོད་ན་སྤང་གི་བཅུད་ཡིན་མོད། འོན་ཀྱང་ད་ལྟ་དེ་ནི་ཁ་བས་བཅོམ་སྟེ་མེད། ལྗོངས་སུ་མེ་ཏོག་བཞད་ན་མཛེས་མོད། འོན་ཀྱང་ད་ལྟ་དེ་རྣམས་སད་ཀྱིས་བསད་ནས་མེད། ཡང་ན་ས་ཆ་ཡོངས་ལ་རྟ་ནོར་ལུག་གསུམ་གྱིས་བརྒྱན་མོད། འོན་ཀྱང་ད་ལྟ་དུས་ཀྱི་དབང་གིས་འདི་གར་འདུག་ས་མེད། དེས་ན་བཅུད་མཛེས་རྒྱན་གསུམ་གང་ཡང་མེད་པའི་ས་སྟོང་ནི་མྱ་ངམ་ཐང་ཡིན་པ་ལས་མཐོང་བ་ཀུན་སྨོན་ཞིག་ག་ལ་ཡིན།”
  “ཨ—ཁྱོད་ནི་ཤེད་ཅན་རོ་གླ་ལེན་པ་ཞིག་ཨེ་ཡིན་མི་ཤེས་མོད་ཀྱང༌། ཁ་བདེ་གྱོད་གླ་ལེན་པ་ཞིག་ཡིན་ཤས་ཆེ”ཞེས་ཀུ་རེ་བྱེད་བཞིན་དུ། “ཨ་ལེ་ཀུ་རེ་ཡིན། སྨྱོ་བཤད་ཀྱིས་ཅི་བྱེད། རྟ་ལ་སྐུལ་དང་མགྱོགས་པོར་འགྲོ”
  དེ་ནས་ཐང་འགོར་བསླེབས་པ་ན། བསོད་བཀྲ་སྡེ་བའི་མཚེར་ཤུལ་དུ་སྦྲ་ཆུང་གྲུ་དར་ནི་རི་རྩེའི་དར་ལྕོག་དང་མཚུངས་པ། ཡུན་རིང་བོར་ཆར་གྱིས་གདུངས་པའམ་ཉི་འོད་ཀྱིས་བསྐམས་པས་མདོག་ལ་སེར་ཞད་འདྲེས་པ་ཞིག་ནག་ཙོག་གེར་ལུས་འདུག་པ་མཐོང་སྟེ་བང་ཆེན་པས་སྨྲས་པ།
  “ཡ—འུ་ལག་ཁ་བདེ། ངེད་གཉིས་དམིགས་ཡུལ་དུ་སླེབས་སོང༌། ཁྲ་ཤུལ་རྟ་རྡོར་ཚང་ཕ་གི་མ་རེད་དམ།”ཟེར་བཞིན་འུ་ལག་ལ། “རོང་ཚ་བཀྲ་ཤིས་མཚོ་ཟེར་བ་དེར་ཡག་མོ་སྒོ་ཡོད་རབས་ཞེས་གྲགས་པ་ས་གཞིའི་ཁྱོན་ལ་མ་ཤོང་བར་ཡོད་པ་ཐོས་པ་ཙམ་ལས་དངོས་སུ་མཐོང་མ་མྱོང༌། ངོ་མ་དེ་འདྲ་ཞིག་རེད་དམ། དེའི་ཆེད་དུ་སྲོག་དམར་བོ་འབེན་ལ་འཇོག་དགོས་པ་ཞིག་རེད་དམ། ཁྱོད་ཀྱིས་རིག་ཨེ་མྱོང༌།”ཞེས་དྲིས་པས། དེར་འུ་ལག་གིས་ལན་བཏབ་པ།
  “རོང་ཚ་བཀྲ་ཤིས་མཚོ་ཟེར་བ་དེ་མཆོད་པའི་ལྷ་མོ་ལྟར་མཛེས་མ་ལྟ་བས་ཆོག་མི་ཤེས་པ་ཞིག་རེད་ཅེས་བཤད་པ་ངས་ཀྱང་མི་ཤེས་ཏེ། ད་ཅི་བཤད་ཀྱང༌། མོའི་ཁྲ་ཆུང་མིག་གི་གཟི་མདངས་ལ་བལྟས་ན། ཐོ་རངས་སྐར་ཆེན་ཡིན་རུང་འོད་མི་གསལ། མོའི་དུང་སོ་སུམ་ཅུའི་དཀར་མདངས་ལ་བལྟས་ན། སྟོད་གངས་རི་ཡིན་རུང་དཀར་ཉམས་མེད། མོའི་ཤ་དཀར་པགས་པའི་དམར་མདངས་ལ་བལྟས་ན། དམར་ཆུང་བྱུ་རུ་ཡིན་རུང་སྐྱ་ཞད་འདྲེས། དེ་མིན……”
  “ཧ་ཧ་ཧ། ཁ་བདེ་མི་ཟེར་ཀ་མེད། ཁ་བདེ་ནས་རིན་ཆེན་ཚིག་ལ་མགོ་རྒྱན། དེ་ལྟ་བུ་ཞིག་གང་ན་སྣང༌།  སྐྱ་ལོའི་སེང་ལྕམ་འབྲུག་མོ་ནི་བུད་མེད་ཀུན་གྱི་གཙུག་གི་རྒྱན་ཡིན་མོད་ཀྱང༌། དེ་ལྟ་བའི་ཡག་མོ་སྒོ་ཡོད་རབས་གཅིག་ཀྱང་བཤད་རྒྱུ་མེད།”བང་ཆེན་པས་དེ་ལྟར་ཁ་བཀག་ནས་བཤད་པ་ན།
  “ཡ་ཡ་ཡ། ཁྱོད་ཀྱིས་མ་རེད་བསམ་ན་ངེད་གཉིས་རྩོད་དགོས་དོན་མེད། ཁྱོད་ཀྱིས་མཐོང་བ་ཙམ་དུ་མིག་གི་དབང་བོ་དང་ཡིད་ཀྱི་བརྟན་པ་ཅིག་ཅར་འཕྲོག་སྟེ། ཁྱོད་དགུན་གྱི་ཁུ་བྱུག་བཞིན་ངག་མེད་དུ་འགྱུར་བའམ་ཁ་ནས་བཤད་ལམ་བཞིན་ཅི་འཆོར་ལ་གནས་ལུགས་མེད་ན་ཅི་ཤེས”ཟེར།
  དེའི་དུས་སུ་ཁོ་གཉིས་རྟ་རྡོར་ཚང་གི་ཉེ་འདབས་སུ་སླེབས་འདུག་པས། འུ་ལག་གིས་བཤད་པར་ལན་འདེབས་ལོང་མ་བྱུང་བར་བལྟས་པ་ན། འབྲི་རོག་བེའུ་ཁྲིད་པ་གཅིག ནོར་ནག་ཁ་ཤས། རྟ་རྒོད་མ་མ་བུ་འགའ་ཞིག་གིས་རུ་མཐའ་ན་དལ་བྲེལ་གྱི་ཉམས་འགྱུར་མེད་པར་བག་ཕེབས་པའི་ངང་ནས་རྩྭ་ཟ་བཞིན་པ་དང༌། སྦྲའི་སྒོ་འགྲམ་ན་གཡག་ནག་ཡུ་ཐོད་པ་ན་འཛི་ཅན་དང་མཛོ་ལྟག་ཁྲ་རྭ་གཡོན་པ་ཐུར་དུ་གུག་པ་གཅིག་སྒ་འབྲེང་དང་བཅས་ཏེ་ལྕང་ཕུང་ཞིག་ལ་བཏགས་ཡོད་པ་ལས་གཞན་ཅི་ཡང་མ་མཐོང་༌།
  བང་ཆེན་པ་དང་འུ་ལག་གཉིས་སླེབས་བྱུང་བ་དང་བོར་རྟ་རྡོར་ཚང་གི་ཁྱི་རྒན་རྒྱ་དམར་གྱིས་མཐོང་མོད། འོན་ཀྱང་ཁྱི་དེ་ཐང་གཤོངས་ཆེན་པོའི་ལྟོངས་སུ་མི་ཕྱུགས་གཅིག་ཀྱང་མེད་པར་སྟོང་ཧང་ངེར་གྱུར་པ་ལ་སྐྲག་ནས་ལུས་ཀྱི་རྩལ་དང་དྲག་ཤུལ་སོགས་ཡལ། མི་རྒྱུས་མེད་མཐོང་ཚེ་མི་བཟོད་པའི་ཁོང་ཁྲོ་ཡོད་པ་སོགས་ཀྱང་ཞི་ནས་རྔ་མ་སྒྱིད་ཁུག་ལ་དྲངས་ཏེ་སྦྲ་ནང་དུ་འཛུལ་བྱུང་བ་རོང་ཚ་བཀྲ་ཤིས་མཚོས་མཐོང་ནས། ཅི་ཡིན་སྙམ་སྟེ་སྒོར་བུད་ནས་བལྟས་པས། རྟ་སྔོ་ནག་ཆུ་རྡོ་འདྲ་བ་ཞིག་ལ་ཞོན་པའི་གཞོན་ནུ་ཤ་དར་ཁྲག་རྒྱས། དངུལ་དཀར་གྱི་རྣ་རྒྱན་ཅན།མདུན་
སོ་གཡས་པ་གསེར་གྱིས་ཤན་པ། སྐེད་ལ་ཤང་ལང་བཏགས་པ། རྒྱབ་ལ་རྭ་རྩེ་དངུལ་དཀར་གྱིས་ཤན་པའི་མེ་མདའ་ཁུར་བ་ཞིག་སྒོ་འགྲམ་དུ་སླེབས་འདུག་པ་མཐོང་བ་དང་ཆབས་ཅིག བང་ཆེན་པས་སྐད་གསེང་མཐོན་པོས་འདི་སྐད་སྨྲས་པ།
  “ཀྱེ—རོང་ཚ་བཀྲ་ཤིས་མཚོ། སང་ཉིན་ཉི་མའི་གུང་རོལ་ཚུན་ཆད་ལ་ཁྱོད་ཅིས་ཀྱང་གཉེར་ཚང་ལ་འབྱོར་དགོས། གལ་ཏེ་ཉི་ཆད་ལྟར་མ་སླེབས་ན་ཚེ་དང་སྲོག་གི་ཆད་པ་འབབ་ནའང་ཐང་གསུང་གི”ཞེས་བཤད་ཞོར་ལ་དེར་ཞིབ་ཏུ་བལྟས་པས། བང་ཆེན་པའི་སེམས་ལ། འདི་ནི་གཞི་མེད་པ་ལ་སྒྲོ་བཏགས་པ་ཞིག་ག་ལ་ཡིན། མིང་དང་དོན་མཚུངས་པ་ཟེར་བ་འདི་ལས་ཅི་ཡོད། ཨ་ཧ་ཧ། འདི་ནི་རྒྱུ་སྐར་གྱི་དབུས་སུ་ཟླ་བའི་དཀྱིལ་འཁོར་ཉ་གང་བ་ལྟར་ཁྱད་དུ་མཛེས་པ་ཞིག་མ་རེད་དམ། འདིའི་ཆེད་དུ་ངས་ཀྱང་རང་སྲོག་བློས་གཏོང་ཐུབ་སྙམ་ནས་ཅི་བྱས་རང་གིས་ཀྱང་མ་ཚོར་བར་རྟ་ལས་བབས་ཏེ་མོའི་འཁྲིས་སུ་བཅར་ནས་ངག་འཇམ་ཞིང་འཛུམ་ཉམས་དང་བཅས་ཏེ་ཡང་འདི་སྐད་སྨྲས་པ།
   “ངས་བལྟས་ན་གཉེར་ཚང་གི་བཀའ་ལྟར་སོང་ནས་རྒྱུ་མཚན་ཐམས་ཅད་ཇི་བཞིན་དུ་གསལ་བོར་བཤད་ན། མཐར་དོན་དག་རང་གི་བསམ་ཚུལ་ལྟར་འགྲུབ་པར་ཕན་པས་འགྲོ་གྲབས་བྱས་ན་ལེགས་སྙམ།”ཟེར་ནས་དེ་གར་གདོང་ཐམས་ཅད་འཛུམ་གྱིས་གང༌།   མིག་གིས་ཀེམ་ཀེམ་དུ་ལྟ་བཞིན་སྒྱིད་པ་ཞུམ་ཞུམ་གྱིས་ལངས་བསྡད་པ་ན། བཀྲ་ཤིས་མཚོའི་ཁ་ནས་ཡིན་མིན་དང་འགྲིག་མིན་གྱི་ལན་གང་ཡང་མ་ཐོན་པར་མ་ཟད། ཐ་ན་ཁྱིམ་ལ་ཕེབས་ཞེས་པའི་མཐོ་དམན་ཉེ་རིང་ཀུན་ལ་བཤད་དགོས་པའི་ཁ་ཡག་ཙམ་ཡང་མེད་པར་གསིག་སྐོར་ཞིག་བྱས་ཏེ་ནང་དུ་འཛུལ་ལོ། །
  དེ་ནས་འུ་ལག་གིས”ཡ—ཕོ་བྱིས། ཁྱོད་རོ་ལངས་བརྒྱབ་པ་བཞིན་དེ་གར་ སྒྱིད་པ་ཞུམ་ཞུམ་གྱིས་ལངས་བསྡད་ནས་ཅི་བྱེད། “ཅེས་པས། བང་ཆེན་པ་གཉིད་ལས་སད་པ་ལྟར་དེ་མ་ཐག་ཏུ་བཞིན་རས་སུ་ངུ་མ་དགོད་ཀྱི་རྣམ་འགྱུར་དང་བཅས་ཏེ་རྟ་ཐོག་ཏུ་བུད་ནས་རྦབ་འགྲིལ་བ་བཞིན་སོང་༌།
  རོང་ཚ་བཀྲ་ཤིས་མཚོ་ཟེར་བ་ནི་ངོ་མ་ས་འདིར་སྙན་གྲགས་ཡོད་པའི་བུད་མེད་མཛེས་མ་ལྟ་བས་ཆོག་མི་ཤེས་པ་ཞིག་ཡིན་ཏེ། ཕྱིའི་སྐྱེ་གཟུགས་ལྟ་ན་སྡུག་པའམ་ནང་གི་རྣམ་རིག་ཤེལ་དཀར་གྱི་མེ་ལོང་ལྟར་གསལ་བས་གཞན་རྣམས་ཀུན་ལས་ཁྱད་དུ་འཕགས་པ་ཙམ་དུ་མ་ཟད། མཉེས་གཤིན་པ། གཤིས་བཟང་བ། ཀུན་ ལ་བྱམས་པ་ཞིག་ཀྱང་ཡིན་པས། དངུལ་དཀར་གྱི་གའུ་ལ་བྱུར་དམར་གྱི་ཕྲ་བཏབ་པ་ལྟར་ཀུན་གྱི་མིག་ལམ་དུ་མཛེས།
  མོའི་སེམས་ལ། ངས་ཁྲིམས་འགལ་ལུགས་གཏོར་གྱི་ལས་ཀ་སྤུ་རྩེ་ཙམ་ཡང་མ་བྱས་པས་ཁྲིམས་སྒོར་འགྲོ་དགོས་པའི་ཆ་ནི་ཅུང་ཟད་ཙམ་ཡང་མ་མཆིས་སྙམ་ནས་རང་གིས་རང་ལ་དཔའ་སྐྱེད་བཞིན་པའི་སྐབས་དེར་བྱིས་པའི་ངུ་སྐད་ཅིག་མདའ་མོ་ལྟར་མོའི་སྙིང་ཁར་ཟུག་བྱུང་བས། མོ་གཉིད་ལས་སད་པ་ལྟར་དེ་མ་ཐག་ཡར་ལངས་ནས་གསོད་སར་ཁྲིད་པ་ལྟར་ངུ་རྒྱངས་བྱེད་བཞིན་པའི་བྱིས་པ་པང་དུ་བླངས་ནས། “ལོ—ལོ—ཨ་མའི་གཅེས་ཕྲུག་མ་ངུ—ཡ”ཟེར་བཞིན་སྦྲའི་མར་རྒྱུད་ནས་ཕར་འགྲོ་ཚུར་འགྲོ་བྱས་པས། བྱིས་པའི་རྣ་ལམ་དུ་ཨ་མའི་བརྩེ་དུང་དང་ལྡན་པའི་
སྐད་གྲགས་བྱུང་བ་དང་མཉམ་དུ་ངུ་སྐད་ཆད་དེ་ཧ་ཅང་ཉམ་ཐག་པའི་བཞིན་རས་སུ་རིམ་གྱིས་བག་ཕེབས་པའི་ཉམས་ཤར། ཤིན་ཏུ་ཕྲ་བའི་ལག་པ་གཉིས་ཀ་བརྐྱངས་ནས་ཨ་མའི་མིག་དང་མཁུར་ཚོས་ཡོངས་སུ་ཁེབས་པའི་གནག་སྣུམ་སྲིན་སྐུད་ལྟ་བུའི་སྐྲ་ལོ་རྩེ་སྤྱད་བྱས་བྱུང་བར། བཀྲ་ཤིས་མཚོས་རང་གི་སེམས་གཏིང་གི་སྡུག་བསྔལ་མནན་ཏེ་ཁ་ནས་བྱིས་པར་གཉིད་འགུགས་པའི་གླུ་ཆུང་ཞིག་བླངས་བྱུང་བ་འདི་ལྟ་སྟེ།
   “ལོ—ལོ—”
  གཉིད་ལ་སྡོད་དང་རྟ་ཞིག་སྟེར།།
  རྟ་ལ་སྒ་ཞིག་བསྟད་ནས་སྟེར།།
  སྲབ་མདའ་དར་ཞིག་བཏགས་ནས་སྟེར།།
  ས་ནས་མེ་ཏོག་བལ་ནས་སྟེར།།
  གནམ་ནས་སྐར་མ་བླངས་ནས་སྟེར།།
  སྐྱ་ཀ་ཁྲ་མོ་བཟུང་ནས་སྟེར།།
               … …
  དེའི་དུས་སུ་ནད་ཀྱིས་མནར་བཞིན་པའི་ཨ་ནེས་མལ་ནས་མགོ་བཀྱགས་ཏེ“ད་སོ་མ་སྐྱ་མི་ཞིག་འོངས་པ་དེས་ཅི་ཟེར”ཞེས་དྲིས་པས། དེར་མནའ་མས་ལན་བཏབ་པ།
  “དེ་གཉེར་ཚང་གི་བང་ཆེན་རེད།? སང་ཉིན་ཉི་མའི་གུང་རོལ་ཚུན་ཆད་ལ་གཉེར་ཚང་དུ་མ་འབྱོར་ན་ཚེ་སྲོག་གི་ཆད་པ་འབབ་ནའང་ཐང་ཟེར།”
  བཀྲ་ཤིས་མཚོའི་ཨ་ནེ་ནི་རྒ་དང་ན་བའི་ཆོམ་རྐུན་གྱིས་བློ་དང་ལང་ཚོ་མ་ལུས་པར་བཅོམ་ཟིན་པའི་རྒན་མོ་ཞིག་ཡིན་ལ།  ལྷག་པར་དུ་ཉེ་ཆར་ནད་ཇེ་ཐུ་ལ་སོང་བའི་དབང་གིས། མོའི་གདོང་ནི་ཧ་ལམ་ས་ནག་གི་འདམ་ལས་བཟོས་པ་ཞིག་དང་འདྲ།  བཞིན་རས་དང་ཡན་ལག་རྩྭ་ཡི་ཞགས་པས་བཅིངས་པ་དང་དེ་ཡང་གཉེར་མའི་དྲ་ཕད་དུ་བཅུག་པ་ཞིག་དང་འདྲ།
  དེ་ནས་ཡང་ཁ་ཤ་འདར་ལྷབ་ལྷབ་བྱེད་བཞིན་སྨྲས་པ།
  “རྟ་མགྲིན་རྡོ་རྗེ་བཟུང་བས་མི་ཆོག ཁྱོད་ཀྱང་ཤོག་ཟེར་བ་དེ་ཅི་ཡིན། རུའི་རྗེས་ལའང་མ་ཆོད་པར་མཚེར་དུ་ལུས་འདུག་པ་ཞིག་སང་ཉིན་ཇི་ལྟར་འབྱོར།”
  དེར་བཀྲ་ཤིས་མཚོས་ཡིན་མིན་གྱི་ལན་ཅི་ཡང་མ་བཏང༌་།
  ཡང་ཅུང་ཙམ་བསྡད་ནས། མོའི་རིད་ཅིང་ཉམ་ཆུང་བ། ཡི་དྭགས་ཀྱི་གཟུགས་ལ་འགྲན་པ་ལྟ་བུའི་ལུས་མི་སྡུག་པ་དེ་འདར་ཞུམ་ཞུམ་བྱེད་བཞིན་སྨྲས་པ།
   “ཁྱོད་ཀྱང་འགྲོ་དགོས་ན། ང་སྤྱང་ལྟོགས་ཀྱི་ཟས་སུ་འགྱུར་བའམ་ཡང་ན་མུ་གེར་འཆི་བ་ལས་གཞན་ཅི་ཡོད།?? ཁྱོད་ཀྱིས་དེ་ལྟར་བང་ཆེན་ལ་རྒྱུ་མཚན་ཞིག་མ་ཞུས་སམ།”ཟེར།
  དེར་མནའ་མས་ལན་བཏབ་པ།
  “དེ་ཚོའི་ཡ་ཁོག་ན་མི་སེམས་མེད། ཡོད་ཀྱང་འཕངས་པའི་མདའ། མངགས་པའི་མི་ཡིན་པས་དབང་ཆ་མེད།དེ་ཚོར་ཞུ་བ་བྱས་ནས་ཅི་ཕན། ཨ་མ་ལགས། ཁྱོད་ཀྱི་སེམས་བདེ་མོ་གྱིས་དང་ང་མི་འགྲོ ཁོ་ཚོར་བཤད་རྒྱུ་འདྲི་རྒྱུ་ཅི་ཡོད་ན་རྟ་མགྲིན་རྡོ་རྗེར་དྲིས་པས་ལོས་ཆོག ང་འགྲོ་དགོས་དོན་མེད།”ཟེར།
  དེར་རྒན་མོས་གཏིང་ནས་ཤུགས་རིང་ཞིག་འཐེན་བཞིན་མགོ་སྔས་ཐོག་ཏུ་བཞག་སྟེ་དབུགས་ཆད་པ་ལྟར་འཇམ་ཅག་གེར་ཅུང་ཟད་ཙམ་བསྡད་ནས་ཡང་སྨྲས་པ།
  “ཅི་བྱས་ལམ་དུ་མི་འགྲོ་བ་དེས། ཁྱོད་ལའང་གྲིབ་མ་གནག་ནས་འགྲོ་ལམ་མེད་པའི་མཚམས་འདིར་གཏུགས།”ཞེས་ཐབས་ཟད་པས་རང་གི་དཔྲལ་བའི་མིག་དང་མཚུངས་པའི་སྙིང་གི་ནོར་བུ་ལའང་དགྲ་ཆོག་བྱས་བྱུང་བར། བཀྲ་ཤིས་མཚོའི་སེམས་ལ། ཨ་མ་ནི་ཐབས་ཟད་ནས་ཅི་བཤད་ལ་གནས་ལུགས་མེད་པ་ཡིན་མོད། འོན་ཀྱང་ད་ལྟ་རྟ་མགྲིན་རྡོ་རྗེ་དགྲ་ལག་ཏུ་ཤོར་ནས་སྲོག་ཀྱང་འཚམས་ཐུབ་མིན་ལ་ཐུག་ཡོད་པའི་སྐབས་འདིར། ཅི་བྱས་ལམ་དུ་མི་འགྲོ་བ་ཞེས་ཚིག་ངན་གྱིས་དམོད་མོ་བྱས་ན་ཧ་ཅང་མི་འོས་སོ་སྙམ་མོད་ཀྱང༌། དེ་མ་ཐག་ལན་ཅི་ཡང་མ་བཏབ།
   ཉེ་སྔོན་གཉེར་ཚང་གིས་རྟ་མགྲིན་རྡོ་རྗེར་ལག་ལྕགས་བརྒྱབ་ནས་འཁྲིད་དུས་མོས་མིག་ཆུ་མ་ཤོར་མོད། འོན་ཀྱང་ད་ལྟ་ཨ་མས་གོང་ལྟར་ཚིག་ངན་གྱིས་དམོད་པས་མོའི་མཆི་མ་ནི་མུ་ཏིག་གི་ཕྲེང་བའི་རྒྱུན་ཐག་ཆད་པ་བཞན་རང་དབང་མེད་པར་ཁྲ་ཐར་ཐར་བབས་བྱུང༌།
  བཀྲ་ཤིས་མཚོའི་སྐྱེ་ས་འཁྲུངས་ཡུལ་བཤད་ན་སྟག་ལུང་རོང་ཚ་ཞེས་བྱ་བའི་ས་ཆ་དེ་གའི་ཡིན། འདི་ནས་ཕལ་ཆེར་ཉིན་ལམ་གཉིས་ཙམ་ཡོད། ལོ་གསུམ་གྱི་སྔོན་ཏེ་བླ་མའི་ལུང་བསྟན་ལྟར་མེ་མོ་ཕག་གི་ལོའི་བཞི་བའི་ཚེས་བརྒྱད་ཉིན་གྱི་ཉི་མ་རྩེ་ཤར་ལ་རི་མོ་ཅན་གྱི་གོས་གོན། གོམ་པ་ཅན་གྱི་རྟར་ཞོན།  རྒྱབ་ན་སྐྱེལ་མ། མདུན་ན་བསུ་མ་དང་བཅས་པ་ས་འདིར་རྟ་མགྲིན་རྡོ་རྗེའི་བག་མར་ཡོང་བ་ཡིན།  དུས་དེ་ནས་བཟུང་སྟེ་རྟ་མགྲིན་རྡོ་རྗེ་ནི་མོ་རང་གི་ཡ་ཐོད་ཀྱི་མིག་དང་ཡ་ཁོག་གི་སྙིང་ཡིན་ལ། མོའི་བདེ་སྐྱིད་དང་ཁ་རྗེ་དབང་ཐང་ཀུན་གྱི་འབྱུང་གནས་ཀྱང་ཁོ་ཡིན་པས། ཁོ་
ལ་གཞན་གྱིས་ཚིག་ངནབརྗོད་པ་སོགས་ཐོས་ན་སེམས་གཏིང་ནས་མི་དགའ། ཁྱད་པར་དུ་ཉེ་སྔོན་ཁོས་མི་བསད་ནས་བཙོན་དུ་བཅུག་པ་ཡིན་པས་གཞན་རྣམས་ཕར་ཞོག རང་གི་ཨ་མས་དེ་ལྟར་བཤད་ནའང་སེམས་གཏིང་ནས་བཟོད་དཀའ།  དེའི་ཕྱིར་སྨྲས་པ།
   “ཨ་མ་ལགས།  ཁྱོད་ཀྱིས་རྟ་མགྲིན་རྡོ་རྗེའི་ཆེད་དུ་སྐྱབས་འཇུག་ཚིག་ཀ་གསུམ་ཞུ་མི་ཐུབ་ནའང་དམོད་པ་འདོར་བ་ག་ལ་རུང༌།”
  “ཨ—ཁྱོད་ཀྱི་དེའང་བདེན།”རྒན་མོའི་སྐད་འདར་བཞིན་སྨྲས་པ།”དམོད་ག་ལ་རུང༌། དཀོན་མཆོག་གསུམ་པོས་མཁྱེན། ཚེ་ལ་བར་ཆད་མེད་པར་ཤོག”
  རྒན་མོས་དེ་ལྟར་གསོལ་བ་འདེབས་སྐབས། སོར་བཅུ་ཐལ་མོ་སྦྱར་ཏེ་སྤྱི་བོར་བཀོད། སེམས་གཏིང་ནས་དད་པ་དག་སྣང་བྱས་པའི་དབང་གིས་ཨེ་ཡིན། སྐད་འཕང་དམའ་ནས་སྦྲང་བུ་ཞིག་གྲག་བཞིན་པ་དང་མཚུངས། དེ་ནས་ཡུད་ཙམ་བསྡད་ནས་ཡང་སྨྲས་པ།
  “བཙན་པོས་གཉོམ་ཆུང་ལ་ཐུབ་ཚོད་བྱེད་པའམ་ཕྱུག་པོས་མེད་པོར་བརྙས་བཅོས་བྱེད་པ་ནི་འཇིག་རྟེན་འདིའི་འགྲོ་ལུགས་རེད།  ང་ཚོས་མཛུབ་མོས་གནམ་འདེགས་ག་ལ་ནུས།  མེད་པོ་མེད་ས་ནས་འདུག་ཤེས་བྱས་པ་ཏེ་མགོ་སྒུར་ནས་ཉི་མ་འཁྱོལ་ཐབས་བྱེད་དགོས་པ་ལས་མགོ་འཕང་གནམ་ལ་བཟུང་ནས་མི་གསོད་ལག་དམར་སོགས་ཀྱི་བྱ་བ་བྱེད་ག་ལ་རུང༌། འཇིག་རྟེན་གཏམ་དཔེ་ལ།   གཉོམ་ཆུང་འདུག་ཤེས་ན་བཙན་པོས་སྒུལ་མི་ཚུགས”ཟེར།
  རྒན་མོ་ད་དུང་སྔར་བཞིན་པུས་མོ་བཙུགས་ནས་ཁ་སྦུབ་ཀྱིས་ཀུམ་སྟེ་བསྡད་ཡོད།སྐད་ཆ་བཤད་ཚར་བ་ན་ཐོད་པ་ལག་མཐིལ་དུ་བཞག་ནས་བསྡད་ཡོད་པའི་སྐབས་དེར་མོའི་སྐྲ་ལོ་ནི་གཡག་རྔ་ཟད་པོ་ཞིག་དེ་གར་བདག་མེད་དུ་གཡུགས་བཞག་པ་དང་འདྲ།
  རྒན་མོའི་སེམས་ལ།  ད་ང་ཚོ་ནི་ནག་མེད་ནག་ཅན་དུ་གྱུར།  ཉེས་མེད་ཉེས་ཅན་དུ་གྱུར། དཀོན་མཆོག་གསུམ་པོ་མི་བསླུ་བ་ཡིན་རྒྱུ་རེད། ང་ཚོ་འགྲོ་སའི་ལམ་ནི་མེད།འདི་ནི་སྐྱེ་བ་སྔོན་མས་ཚོགས་མ་བསགས་པས་རང་གི་ལས་དབང་དུ་གྱུར་པ་ཡིན་རྒྱུ་རེད་སྙམ།
  དེར་མནའ་མའི་སེམས་ལ།  གཉོམ་ཆུང་འདུག་ཤེས་ན་བཙན་པོས་སྒུལ་མི་ཚུགས་ཟེར་ཡང་དེ་ལྟར་ག་ལ་ཡིན། གཉོམ་ཆེ་ན་བརྙས་བཅོས་བྱེད་པ་ཇེ་ཐུ་ཇེ་སྡུག་ལས་མེད། སྐྱིད་ཀྱི་མགོ་འཕང་དམའ་དགོས། སྡུག་གི་མགོ་འཕངས་མཐོ་དགོས་ཞེས་པའི་དཔེ་ལྟར་སེམས་ཁྲལ་གྱིས་མི་ཕན། ད་ཨ་མ་ལ་སེམས་གསོ་རེ་བྱེད་རྒྱུ་གལ་ཆེ་སྙམ་ནས་སྨྲས་པ།
  “ཨ་མ་ལགས། ང་ཚོ་གཉོམ་ཆུང་འདུག་མ་ཤེས་པ་མིན། ཁོ་ཚོ་བཙན་པོར་བཙན་ཚོད་མེད་པ་ཡིན། བདེན་ང་ཚོའི་ལག་ཏུ་ཡོད་པས། ནམ་ཞིག་ཉི་མའི་དུས་ཀྱི་མཐའ་ན། བདེན་ལུང་བ་གཉིས་ལ་ཕུ་ཐག་རིང་བའི་སྐབས་ཤིག་ལོས་ཡོད།”
  དེར་ཨ་མས་ལན་ཅི་ཡང་མ་བཏབ། དེ་ནས་ཡང་བཀྲ་ཤིས་མཚོས་སྨྲས་པ།
  “ངས་སྔོན་ཆད་རྟ་མགྲིན་རྡོ་རྗེར་ཁ་ཏ་བྱས་མྱོང༌། དེ་ནི་ཕྱུག་པོ་སྟོབས་ཅན་གྱི་བུ་ཡིན་པས་ང་ཚོས་དེའི་དོ་ཟླར་མི་ཡོང༌།  ང་ཚོར་དཔའ་ཡོད་ཀྱང་རྒྱུ་མེད། རྒྱུ་མེད་ན་རྟ་ཕོ་ཤ་མེད་གོང་ཆུང༌་། རྒྱུ་མེད་བུ་བྱིས་ངོ་ཆུང་ཞེས་པའི་དཔེ་ལྟར་ཡིན། དེ་ལས་ང་ཚོ་ས་ཆ་གཞན་ཞིག་ཏུ་སོང་ན་ཨེ་མི་དགའ་ཞེས་དྲིས་ཀྱང༌།  ཁོས་ས་ཆ་གཞན་པ་གང་ལ་སོང་ནའང་འདི་དང་འདྲ་མཚུངས་རེད། བྲོས་ནས་ཐར་ས་མེད། འབྲོ་དགོས་པའི་རྒྱུ་མཚན་ཡང་མེད། ང་ཚོར་རྒྱུ་མེད་ན་དཔའ་ཡང་མེད་དགོས་པ་ཅི་ཡོད། ང་ཚོའང་མི་ཡིན་པས་གཞན་གྱིས་གང་བསམ་ཅི་འདོད་ལྟར་ཐུབ་ཚོད་བྱེད་པ་འཁུར་དགོས་དོན་མེད། གཉེན་ཟས་ནོར་གྱིས་སྐྱོང་བ་དང་དགྲ་དཔའ་རྩལ་གྱིས་འདུལ་བ་ནི་ང་ཚོ་བོད་ཀྱི་ལུགས་རེད་ཟེར་ནས་དཔའ་སྐད་འདོན་པ་ལས་ངས་བཤད་པའི་སྐད་ཆར་མ་ཉན།”
  དེར་རྒན་མོས་སྨྲས་པ།
  “ཁྱོད་ཁ་མ་མང་བར་བསྡད་ན། ད་སྐབས་ང་ཚོའི་མགོར་སྡུག་འདི་ཡོང་དགོས་དོན་མེད། རྟ་མགྲིན་རྡོ་རྗེའི་མཛད་པ་ཤེས་བཞིན་དུ་དགོས་མི་དགོས་བཤད་མི་ཉན་པ་ལོས་ཤེས།”
  དེ་ནས་བཀྲ་ཤིས་མཚོའི་སེམས་ལ། སྔོན་ཆད་གནས་ཚུལ་ཚང་མ་གསལ་བོར་མ་བཤད་པ་ནི་དེ་ཙམ་མ་ལེགས། ད་ནི་སྐབས་འདི་དང་བསྟུན་ནས་གལ་ཆེ་བ་རྣམས་ཞིབ་ཏུ་བཤད་ན། མོའི་སེམས་ལའང་འབབ་རྒྱུ་ཞིག་ཡོད་ལ། ལས་ཕྱི་འདེད་ཀྱང་མེད་སྙམ་ནས་སྨྲས་པ།
  “ང་ཁ་མང་བ་མིན། བཀྲ་མ་ཤིས་པ་དེས་ཐེངས་གཅིག་མིན་གཉིས་མིན། གར་སོང་གར་ཐུག་ནས་འགྲོ་དབང་འདུག་དབང་མི་སྟེར། དང་བོར་ཁ་ཡག་ངོ་བསྟོད་ཀྱི་གཡོ་ཟོལ་གྱིས་བློ་ཁ་བསྒྱུར་ཐབས་ཅི་ནུས་བྱས་མོད། དེ་ཐམས་ཅད་ངལ་བ་འབྲས་མེད་དུ་གྱུར་རྗེས། ཉ་བ་གཡོ་སྒྱུ་ཅན་གྱིས་ཐོག་མར་ཉ་ལ་ཟས་ཅི་དང་ཅི་འདོད་པ་བྱིན་ནས་ཁ་བྲིད་པ་བཞིན་རྒྱུ་འབྱོར་བ་དང་གཡུ་བྱུ་རུ་སོགས་ཀྱིས་བསླུ་བྲིད་གང་ཐུབ་ཐུབ་བྱས། དེའང་འབྲས་མེད་དུ་གྱུར་རྗེས། མཐར། ཁྱོད་ཀྱིས་གལ་ཏེ་ངའི་རེ་བ་མི་སྐོང་ན། ངས་དྲག་པོའི་ལས་ལ་བརྟེན་ནས་ཁྲ་ཤུལ་རྟ་མགྲིན་རྡོ་རྗེ་ཚང་ཟེར་
བའི་ཐབ་ཤུལ་ཙམ་ཡང་མི་བསྐྱུར་བར་མིང་མེད་དུ་གཏོང་ངེས་ཡིན། དེ་དུས་འགྱོད་ཀྱང་བྱ་ཐབས་མེད་ཟེར་ནས་འཇིགས་སྣང་ཡང་བསྐུལ། དེའི་ཕྱིར་ཁ་རོག་པར་འདུག་ཐབས་བྲལ་ནས་གོང་གི་གནས་ལུགས་ཚང་མ་དྲང་བོར་བཤད་པ་ཡིན།”
  འདིར་བཀྲ་ཤིས་མཚོའི་སེམས་ལ། མིའི་རྒྱུད་ཀྱི་བག་ཡོད་དང་ངོ་ཚ་བའི་འདུ་ཤེས་སོགས་དོར་ནས་འདོད་གཏམ་རྣ་བས་ཐོས་ན་ཤ་ཡང་འདར་བ་མང་བོ་བཤད་པའི་སྐོར་དང༌།   རི་མགོ་དང་ཆུ་འགྲམ་སོགས་ནས་ཉི་མ་དཀར་ལ་ཁྱི་ཕག་བཞིན་འབྱར་ཚུལ་གྱི་ལོ་རྒྱུས་སོགས་ཞིབ་ཏུ་བཤད་ན་ལེགས་བསམས་མོད་ཀྱང༌། མ་སྨད་གཉིས་ཀྱི་བར་ཡིན་རུང་ངོ་ཚ་བའི་དབང་གིས་ཚང་མ་ཁ་ནས་མ་ཐོན།
  དེར་རྒན་མོས”དེ་ཡིན་རུང་སེམས་རྒྱ་བསྐྱེད་ནས་བཟོད་པ་བསྒོམ་དགོས། ང་ཚོས་བཟོད་པ་བསྒོམ་པ་ལས་འགྲོ་ལམ་གཞན་གང་དུའང་མེད།གང་ནས་ཀྱང་མི་རྙེད”ཟེར།
  རྒན་མོས་དེ་ལྟར་བཤད་པས་བཀྲ་ཤིས་མཚོའི་སེམས་ལ། ཐུབ་ཚོད་བྱས་ན་གཉོམ་ཁུར། བརྙས་བཅོས་བྱས་ནས་བཟོད་པ་བསྒོམས། དེ་འདྲ་བྱས་ནས་ཉི་མ་མི་འཁྱོལ་བ་མིག་ཐོག་ཏུ་ཤར་འདུག་པ་འདི་རེད་སྙམ་ནས་སྨྲས་པ།
   “ཨ་མ་ལགས། ཁྱོད་ཀྱིས་ནམ་ཡིན་རུང་བཟོད་པ་སྒོམས། བཟོད་པ་སྒོམས་ཟེར་མོད། འོན་ཀྱང་བཟོད་པ་བསྒོམས་ནས་ཡོང་རྒྱུ་ཅི་ཡོད། ལྷག་པར་ཅི་བྱེད་ལ་གནས་ལུགས་མེད་པའི་མི་ཐ་ཤལ་བར་བཟོད་པ་བསྒོམས་ན་འཕར་སྤྱང་ལ་སྙིང་རྗེ་བསྒོམས་པ་ལྟར་ཇེ་ཐུ་ཇེ་སྡུག་ལས་མེད། མཐར་ཁྱོད་ཀྱིས་མ་བསད་ཀྱང་ཁྱོད་ཉིད་གསོད་ངེས་པས། བྱོལ་སོང་བཞིན་གཞན་གྱིས་སྲོག་ལེན་ས་ལ་ལག་ཡ་ཙམ་ཡང་མི་བྱེད་པ་སུ་ཡོད། གལ་ཏེ་མི་ངན་དེ་ཚར་མ་བཅད་ན་ང་ཚོ་ནམ་ཡིན་རུང་བདེ་བར་ འདུག་པའི་གོ་སྐབས་ཡོད་མི་སྲིད། འདི་བྱས་པས་དེང་ཕྱིན་ཆད་གཞན་གྱིས་ཀྱང་ཐུབ་ཚོད་བྱེད་
མི་ཕོད། བུ་རང་སྐྱེས་ཀྱིས་རང་མདོག་སྟོན་མ་ཐུབ་ན་སྐྱིད་གཞན་ན་རེ་ས་མེད།”
  རོང་ཚ་བཀྲ་ཤིས་མཚོས་དེ་ལྟར་བཤད་སྐབས་འཕང་མི་མཐོ་མོད་ཀྱང༌།  མོའི་མིག་གི་ནང་ན་འོད་ཁྱད་པར་ཅན་ཏེ་ནམ་རྒྱུན་མཐོང་དཀའ་བ་ཞིག་འཕྲོ་བཞིན་འདུག
  རྒན་མོས་དེ་ལྟར་བཤད་པ་ཐོས་པས་དབུགས་སྟོད་དུ་འཚང་བཞིན་སྨྲས་པ། “ངས་ཁྱོད་གཉིས་ལ་རྒྱུན་པར་འགྲོ་ཤེས་ཀྱི་ཝ་མོ་ལྟ་བུ། འདུག་ཤེས་ཀྱི་རི་བོང་ལྟ་བུ་བྱེད་དགོས་ཞེས་ཡང་ཡང་བཤད་ཀྱང་ངའི་ཁ་ནི་མི་ལེན། ནམ་ཡིན་རུང་དཔའ་སྐད་མཐོ། ལུགས་སྲོལ་བཤད་རྒྱུར་དགའ། ད་ཁྱོད་ཀྱང་ཁྲིམས་སྒོར་ཤོག་ཟེར་ན་སོང༌། རྒྱུ་མཚན་མཐའ་དག་པོ་མགོ་མཇུག་བར་གསུམ་དང་བཅས་ཏེ་བཤད་ཡག་གྱིས། ངའི་ཕྱོགས་ལ་སེམས་མ་འཁོར། ང་མཚེར་དུ་ལུས་ན་ལུས། སྤྱང་ཁུས་ཟོས་ན་ཟོས། ཅི་བྱས་རུང་ལ་རྩེའི་ཉི་མ་ལྟ་བུ་རེད། ཚེ་ཕྱི་མའི་ཡུལ་ལ་སྐེ་སོ་བྱས་ཡོད་པ་འདི་རེད། ཤུལ་
དུ་འདུག་མཁན་ཁྱོད་གཉིས་ཡིན་པས། བདེན་གང་ཐོབ་ཐོབ། རྒྱལ་ཁ་ཅི་ལོན་ལོན་ལ་ལྟོས།”
  “ཨ་མ་ལགས། ཁྱོད་ཀྱི་ཁ་མ་བླངས་པ་ག་ལ་ཡིན། ཁ་བླངས་ཀྱང་མ་ཕན་པ་རེད།ཝ་མོ་འདུག་ཤེས་རུང་རིག་རིག་ཚང་མས་ཨེ་སོད་སོད་བལྟ་བ་མ་ཡིན་ནམ།”
  དེར་ཨ་མས་ལན་མ་བཏབ་པས་ན་ཡང་སྨྲས་པ།
   “དེའི་སྐོར་ཞིབ་པར་བཤད་ན། རྟ་མགྲིན་རྡོ་རྗེ་ཕར་ཞོག ཁྱེད་ཀྱིས་ཀྱང་བཟོད་དཀའ། ད་ལོ་དྲུག་པའི་ལབ་རྩེ་སྟོད་སྐབས། མི་མང་བརྒྱ་ཚོགས་སྟོང་འདུས་དེའི་ནང་ནས་ཕྱུག་པོའི་རྟ་ཤེད་དང་ཡོད་པོའི་ནོམ་ཤེད་ཀྱིས་བརྙས་བཅོས་གང་མང་བྱས་པར་མ་ཟད། དེ་རིང་རང་སྡེ་མཚོ་མོ་འཚོགས་པའི་ཁྲོམ་ཆེན་འདིའི་མདུན་ནས་ངེད་གཉིས་ཀྱིས་ཀྱང་འགག་བཟའི་ཇོ་རུ་ལྟར་རྟ་འདོ་བའི་བང་ཁ་འགྲན་ནས། རྒྱལ་ཁ་སུ་ཐོབ་ལ་རོང་ཚ་བཀྲ་ཤིས་མཚོ་དབང་བའི་རྟ་རྒྱུག་རྒྱལ་འཇོག་ཅིག་བྱེད་རྒྱུ་བྱས་ན། ཁྱོད་ལ་དེའི་སྤོབས་པ་ཨེ་ཡོད། ཡོད་ན་ཤོག་དང་ད་ལྟ་རྟིང་ཐག་གཅོད། གལ་ཏེ་མེད་ན་ཁྱོད་ཀྱི་སྙིང་སྡུག་དེ་ཞག་གསུམ་ལ་ངའི་ཉལ་རོགས་བྱེད་པར་མངག་དགོས་ཟེར་ནས་མི་མང་དེའི་ནང་ནས་ཁྱད་གསོད་ཀྱི་སྐད་ཆ་མང་བོ་གྱ་ཚོམ་དུ་སྨྲས་རབས་མང༌།  དེར་རྟ་མགྲིན་རྡོ་རྗེ་ཚིག་པ་ཟོས་ཏེ། རྟའི་བཟང་ངན་ལ་ཁྱད་པར་ཅི་འདྲ་ཡོད་མི་ཤེས། བང་རྩལ་ཧ་ལམ་འདྲ་ཡང༌། དེ་ལྟ་བུའི་ལེགས་ཉེས་བསྡུར་དགོས་པའི་རྒྱུ་མཚན་ཅིའང་མ་མཆིས་བསམས་ནས། རྟའི་བང་ཁ་འགྲན་ནས་ཅི་བྱ། དེ་ནི་དོན་མེད་འཆོལ་བོ་དང་སྙིང་མེད་སྡར་མ་རྣམས་ཀྱི་ལས་ཀ་ཡིན་པས་ཡ་མཚར་བ་ཅི་ཡང་མེད། ཁྱོད་ཀྱི་རྟ་བཟང་ན་དེ་ནི་ཕྱུག་པོའི་ནོམ་སྟོབས་ལས་བྱུང་བ་ཡིན་པ་ལས་ཁྱོད་རང་ལ་མཐུ་དང་ནུས་པའམ་དཔའ་རྩལ་གཞན་དང་མི་མཐུན་པ་ཞིག་ཡོད་པ་ག་ལ་ཡིན་ཞེས་པ་ལ། ཨོ—ཁྱོད་དེ་འདྲའི་དཔའ་བོ་སྙིང་སྟོབས་ཅན་ཞིག་ཡིན་ན། ངེད་གཉིས་དཔའ་བོའི་དཔུང་ཁ་དང་རྣོན་པོའི་མཚོན་ཁ་འགྲན་ནས་སུ་དཔའ་གང་ངར་ལ་བལྟས་ནའང་ཆོག་ཟེར་ནས་རལ་གྲི་བཏོན་ནས་མཆོངས་བྱུང་བ་ཉེར་འཁོད་པ་རྣམས་ཀྱིས་བཟུང་ནས་བར་བཤོལ། དེ་ནས་ལོ་ལོན་དང་བསམ་ཤེས་ཚང་མས་ཀྱང་དེ་རིང་ཡུལ་ལྷ་གཞི་བདག་ལ་བསང་མཆོད་བྱས་ནས་རྟེན་འབྲེལ་གྱི་མགོ་སྒྲིག་སྐབས་འདིར་གྱོད་སྣ་ཁ་མཆུ་ལ་གཏུགས་ན་ཁྱོད་གཉིས་ཕར་ཞོག སྲིད་སྡེ་ཡོངས་ཀྱི་བྱ་བ་ལམ་དུ་མི་འགྲོ་བའི་ཉེན་ཁ་ཡོད་ཟེར་ནས་ཁ་ཏ་སློབ་གསོ་ཡང་ཡང་བྱས་ཀྱང༌།  དེ་བཟུང་ནས་མ་ཐུབ་
པར་དཀའ་རབས་མང་བོ་བཤད་རྒྱུ་ཡོད།”
  དེར་རྒན་མོས་མནའ་མ་ལ་ལས་ཕྱི་འདེད་སོགས་བྱེད་རྒྱུ་ཕར་བཞག་ནས་ “བཙན་པོར་བཙན་ཚོད་མེད་ན་མི་གསོན་པོའི་སྟེང་ནས་དུང་བརྐོ་ཟེར་བ་འདི་ལྟ་བུ་ལ་ཟེར། ལས་བཅོལ་སའི་ལྷ་མེད། བདེན་བཤད་སའི་དཔོན་ཡང་མེད་པ་འདི་འཇིག་རྟེན་གང་གི་ལུགས་རེད”ཟེར།
  བཀྲ་ཤིས་མཚོས་ཨ་ནེའི་བློ་ཁ་ཅུང་ཙམ་འགྱུར་བ་ཤེས་ཏེ་སྨྲས་པ།
  “ཨ་མ་ལགས། བཟོད་པ་བསྒོམས་ནས་བསྒོམ་ཚོད་མེད། ད་ལོ་བལ་འབྲེག་སྐབས། རྐང་བསོད(རྐང་ཚ་བསོད་ནམས་གྲགས་པ)ཚང་ལ་བལ་འབྲེག་རོགས་བྱེད་དུ་སོང་ཉིན་དེར་ཡང༌། ཨ—ཁྲ་ཤུལ་རྟ་རྡོར་ཞེས་པའི་དཔའ་བོ་འདི་ལ་ལྟོས་དང༌། རང་ཁ་ཙམ་ཡང་མི་སོས་པར་གཞན་ལ་གཡོག་བྱེད་པ་འདི་ཡ་མཚར། གཡོག་ཟས་གཡོག་ཆུ་ལ་བརྟེན་ནས་ཆུང་མ་གསོ་བ་འདི་དཔའ་བོའི་དཔའ་རྟགས་ཡིན་ནམ། ཟེར་ནས་ངོ་མཚང་འབྲུ་བའི་སྐད་ཆ་མང་བོ་བཤད་རབས་ཟེར། དེར་རྟ་མགྲིན་རྡོ་རྗེས་ངས་ལས་ཅི་བྱེད་ཁྱོད་ལ་སྐབས་སུ་མ་བབ། འཕྲོག་བཅོམ་གྱི་ལས་ལ་བརྟེན་
ནས་རང་ཁ་གསོ་མཁན་རྣམས་ངོ་མི་ཚ་ན། ངས་གཡོག་ཟས་གཡོག་ཆུ་ལ་བརྟེན་ནས་ཆུང་མ་གསོས་པར་མི་བཟང་བ་ཅི་ཡོད། ཅེས་ཏེ་ཕན་ཚུན་གཉིས་ཀས་འབྲས་བུ་མེད་པའི་ཁ་འཐབ་མང་བོ་བྱས་སྐད། དེར་སྟག་ལུང་ཆོས་སྐྱབས་ཀྱིས་དཔའ་ཡོད་ན་ཁེར་གཏུག་བྱེད་ཆོག དེ་རིང་མི་མང་ས་འདིར་ངོ་མཚང་བྲུས་པ་དཔའ་རྟགས་ག་ལ་ཡིན། བྱ་བྱེད་མང་ན་རང་ཉིད་འཕུང་བའི་རྒྱུ་རུ་འགྱུར་སྲིད། ངེད་ཅག་ཚང་མ་ཡོད་ས་ནས་དེ་འདྲ་མ་བྱེད། ཅེས་བར་བཤོལ་ཡང༌། དེས་ཁ་ཏ་ལ་མི་ཉན་པར་མ་ཟད།  ཆ་ཆོ་མེདཔའི་སྟོང་བཤད་ཀྱིས་ཅི་ཕན།  བང་ཁ་འགྲན་བྱེད་ཀྱི་རྟ་ནི་
སྤྲང་་ཕྲུག་ཁྱོད་ལ་མེད། དེས་ན་ངེད་གཉིས་གྲི་ཁ་འགྲན་ན་ཁྱོད་ལ་གྲི་ཆག་ཅིག་ཨེ་ཡོད། ང་སོད་ན་གཟུ་སྒོ་ཁྲིམས་སྒོ་ཕར་ཞོག  སྐར་གང་གི་སྟོང་ཡང་མི་དགོས་པ་ངས་ཁས་ལེན་དམ་བཅའ་བྱེད། གལ་ཏེ་ངས་སོད་ན་སྟོང་གཉིས་ལོག་འཇལ་བྱེད་རྒྱུའང་ངས་ཁས་ལེན་དམ་བཅའ་བྱེད། ཟེར་ནས་རལ་གྲིའི་ཡུ་བ་ནས་བཟུང་སྟེ་རྫིག་རྫིག་བྱས་རབས་ཟེར། དེར་ཨ་མེས་བསྟན་པ་ཡར་འཕེལ་གྱིས་ཁ་ཏ་ནན་ཏུ་བྱས་པས། མཐར་འབྲས་མེད་དུ་ལུས། ད་ཅི་བཤད་ཀྱང་བཟོད་པ་བསྒོམས་ནས་བསྒོམ་ཚོད་མེད།”
  འདིར་བཀྲ་ཤིས་མཚོའི་སེམས་ལ། ཚོགས་མཆོད་སེར་ཕྲེང་གི་ཉིན་དང་དྲུག་པའི་ཤིང་སློང་གི་སྐབས་སོགས་སུ་བརྙས་བཅོས་བྱས་ཚུལ་དང་ངོ་མཚང་བྲུས་ཚུལ་སོགས་རེ་རེ་བཞིན་བཤད་དགོས་བསམས་ཀྱང༌། མང་ཆེ་ན་ཨ་ནེའི་ནད་ལ་གནོད་པར་དོགས་ཏེ་མདོར་བསྡུས་ནས་བཤད།
  “ངས་དེ་སོགས་ཐོས་ནས། མ་རབས་ཀྱི་སྲོལ་ལ་དེ་ཡིན་འདི་མིན་གྱི་གནས་ལུགས་མེད་པས་ཡང་བློ་མ་བདེ་བར། དེང་རབས་ཀྱི་དུས་འདིར། རྒྱུ་ཡོད་ན་སྟོབས་ཡོད། སྟོབས་ཆེ་ན་འཕོང་བཙན། རྒྱུ་འབྲས། དགེ་སྡིག དཀར་ནག བདེན་རྫུན་ སོགས་དེ་ཚོས་ཁ་ནས་བཤད་པ་ཙམ་དུ་མ་གཏོགས་མེད། དེ་བས་ཡག་ཐོག་བཟང་ཐོག་འདི་ནས་ས་གཞན་ཞིག་ཏུ་སོང་ན་གྱོད་སྣ་ཁ་མཆུ་མི་འབྱུང་བ་དེ་ཡིན། ཞེས་བཤད་ཀྱང་ངལ་བ་འབྲས་མེད་དུ་གྱུར་ཏེ་མ་ཕན།”
  དེར་རྒན་མོ་ཅུང་ཟད་འགྱོད་སེམས་ཀྱི་ཚུལ་གྱིས་སྨྲས་པ།
  “འོ་ན་ངའི་རྣ་ལམ་དུ་དེ་འདྲའི་ཚིག་ཟུར་ཙམ་ཡང་མི་འཇོག་པ་ཅི་ཡིན། དེའི་སྐབས་ཁྱོད་ཀྱི་བསམ་ཚུལ་ལྟར་བྱས་ཡོད་ན། དོན་དག་འདི་བྱུང་མེད་ཤས་ཆེ།”
  “བཤད་རྒྱུ་མང་ན་ཁྱེད་ཀྱི་སེམས་ཁ་དཀྲུག་པར་དོགས་ནས་མ་བཤད། དོན་དག་འདི་ལྟ་བུ་ཞིག་ཏུ་འགྱུར་འགྲོ་བ་ངའི་སེམས་ཀྱི་དགུ་ཡུལ་དུའང་མ་ཤར།”
  དེ་སྐད་ཟེར་བཞིན་ཡར་ལངས་ནས་འོ་ཇ་ཚ་མོ་གང་བླུགས་ནས་ཨ་ནེའི་ལག་ཏུ་བཞག་སྟེ་ཡང་སྨྲས་པ།
  “གལ་ཏེ་ངའི་ཆེད་དུ་དོན་དག་ཅིག་བྱུང་ན།  གྱོད་འདྲེ་དང་འཕུང་གཞིའི་བུད་མེད་སྣ་ནག་མའི་གྲས་སུ་འཇོག་སྲིད། དེས་ན་ཁ་མི་དྲོ། བཀྲ་ཡང་མི་ཤིས། རླུང་རྟ་རྒུད་ནས་རྟིང་སོར་ཅི་བྱས་ལམ་དུ་མི་འགྲོ་བ་ཁྱོད་ཀྱིས་མི་ཤེས་པ་ག་ལ་སྲིད།  དེས་ན་ཤེས་བཞིན་དུ་ང་ཚོ་ཕྱེ་ལེབ་ལྕེབ་འདྲེ་མ་ལྟར་གྱོད་སྣ་ཁ་མཆུའི་མེ་འོབས་སུ་ཇི་མི་སྙམ་པར་ལྕེབ་དོན་ཅི་ཡོད་ཅེས་ཡང་ཡང་ཞུ་བ་བྱས་ཀྱང༌། ངས་ཕ་ཡུལ་དོར་ནས་འགྲོ་དགོས་དོན་མེད། མི་སྲོག་ལེན་པའི་གཤེད་མ་ང་མིན། གཞན་ནོར་འཕྲོག་པའི་ཆོམ་རྐུན་ཡང་ང་མིན། ནག་ཉེས་བ་སྤུ་ཙམ་ཡང་མེད་ས་ན། རང་གི་སྐྱེ་ས་སྐྱེ་ཡུལ་རྒྱབ་ཏུ་བསྐྱུར་ནས་ཁྱི་ལྡོམ་བཞིན་དུ་མི་ཡུལ་འཁྱམ་དོན་གཏན་ནས་མེད་ཟེར་ནས། ཉན་རྒྱུ་ཕར་ཞོག རྣ་བ་ཙམ་ཡང་མི་གཡོར།”
  དེ་རྣམས་ཐོས་པས་རྒན་མོའི་སེམས་ལའང་དཔའ་ངར་ཅུང་ཟད་སྐྱེས་ནས་སྨྲས་པ།
  “འོ་ལེ། སྤྱིར་ན་ང་ཚོས་ཕ་ཡུལ་སྤངས་ནས་མི་ཡུལ་འགྲིམ་དགོས་དོན་མེད། ཕ་ཡུལ་ལ་ཞེ་མི་ཆགས་པ་སུ་ཡོད། ཕ་ཡུལ་གྲོག་མོའི་འགྲམ་ཡིན་རུང་སྐྱིད་ཟེར་བའི་ཁ་དཔེའང་ཡོད།  འོན་ཀྱང་གཉོམ་ཆུང་གིས་བཙན་པོའི་དོ་ཡ་མི་ཡོང་བར་ཐབས་ཟད་པའི་ཉིན་མོར་ས་མཐའ་སྡེ་མཐའ་ཡིན་རུང་མི་འགྲིམ་ཀ་མེད་རེད།”
  བཀྲ་ཤིས་མཚོས་ཨ་ནེར་དཔའ་སེམས་ཅུང་སྐྱེས་ཡོད་པ་ཤེས་ཏེ། ད་དུང་སྙིང་ཕུར་རེ་གདབ་ཐུབ་ན་མོའི་སེམས་ཀྱི་སྡུག་བསྔལ་ཇེ་ཉུང་དུ་འགྲོ། དེས་ན་ནད་ལའང་ཕན། ད་ཅི་བཤད་ཀྱང་དོན་དག་བྱུང་ཚར་བས་ཕྱི་འགྱོད་ནི་ལུས་སེམས་འཇོམས་བྱེད་ཀྱི་རྒྱུ་རུ་འགྱུར་བ་ལས་དོན་དག་ལ་མི་ཕན་སྙམ་ནས་ཡང་སྨྲས་པ།
  “ཕོ་ལས་ངན་ལ་ཁ་མཆུ་རང་འཁོར་ཡིན་ནའང་འདྲ། མོ་ལས་ངན་ལ་མུ་གེ་རང་འགྲུབ་ཡིན་ནའང་འདྲ།  དོན་དག་འདི་ང་ཚོའི་མགོར་བཙན་གྱིས་བཞག་པ་ཡིན་པ་ནི་རྒན་སྐྲ་དཀར་མན་ཆད།  གཞོན་སོ་དཀར་ཡན་ཆད་ན་མི་ཤེས་མཁན་གཅིག་ཀྱང་མེད། ཁོས་རྒྱུ་ཡོད་ན་དཔའ་ཡང་རང་ཤུགས་སུ་ལོས་ཡོད་སྙམ་པས། ཅི་བྱས་ཀྱང་གཡོལ་ཐབས་ཟད་ནས།  མཐར་ཁོའི་བསམ་སྲོལ་ལྟར་གྲི་ཁ་འགྲན་ཏེ་རྟིང་ཐག་གཅོད་དགོས་བྱུང༌། དེ་ཡང་ཁོས་བཤད་པ་བཞིན་ཏེ་ཡུལ་གྱི་དཔེ་ལུགས་ལྟར་སུས་སུ་བསད་ཀྱང་ཁྲིམས་སྒོར་གྱོད་མི་རྒྱག་རྒྱུའི་འབའ་ཡིག་བྲིས། ཁྲ་ཤུལ་བསོད་བཀྲ་དང་རྟ་རྫོང་ཐར་འབུམ་གཉིས་དཔང་པོར་བཞག་ནས་གྲི་ཁ་འགྲན་པས་སྣ་འདི་ལ་གཏུགས། སྤྱིར་ན་རྒྱ་ཡིག་ཐོག་དང་བོད་ཚིག་ཐོག་ཟེར་བའི་ཁ་དཔེ་ཡོད་མོད། འོན་ཀྱང་ད་སྐབས་དེ་ཚང་ཚིག་ཐོག་ནས་མ་བསྡད་པར་གཉེར་ཚང་ལ་གཏུགས་པ་འདི་ལྟར་རེད། ཨ་མ་ལགས། ཁྱོད་ཀྱིས་དེ་འདྲའི་སེམས་ཁྲལ་བྱེད་མི་དགོས། ཧ་ལས་ན་སྟོང་རྒྱག་དགོས་པ་ལས་གཞན་ཅི་བྱེད།”
  དེར་རྒན་མོས”སྲོག་སྐྱིན་ལ་སྲོག་མ་ཤོར་ན། སྟོང་ནི་ལོས་རྒྱག”ཟེར།
  དེ་མིན་ད་དུང་ཚིག་འགའ་རེ་བཤད་བྱུང་བའི་ཚུགས་ཀ་ཡོད་ཀྱང༌། འབྲོག་དགོན་ཐང་གི་རླུང་དམར་གྱིས་ཁྱེར་བས་ཅི་བཤད་སུས་ཀྱང་མ་ཐོས། མོའི་རིད་ཅིང་གཉེར་མས་གང་བའི་གདོང་དུ་མཆི་མ་ཉིལ་ལེ་བ་སྟེ། དཔེར་ན་དབྱར་གྱི་དུས་སུ་ཆར་རྒྱུན་དལ་གྱིས་བབས་པ་ན་སྦྲའི་རེ་ལྟའི་སྲུབས་ནས་ཐིགས་ཆུ་ཁྲ་ལམ་ལམ་འཛུམ་བྱུང་བ་དང་འདྲ།
  རོང་ཚ་བཀྲ་ཤིས་མཚོ་སྒོར་བུད་ནས་ལག་པ་ཐོད་པར་བཞག་སྟེ་བར་སྣང་ལ་བལྟས་པས། ཉི་མ་ནི་ཐག་པས་ཐུང་བརྟོད་བྱས་པ་ལྟར་འགུལ་མེད་དུ་དམར་ཀོར་རེར་འདུག དེ་ནས་ཕ་ཡུལ་གྱི་ཕྱོགས་སུ་བལྟས་པས། བྲ་ཐང་རིང་མོའི་ཐང་དཀྱིལ་དུ་བསེར་འཚུབ་ཆེན་པོ་ཞིག་གིས་ས་རྡུལ་བར་སྣང་དུ་དྲངས་ཏེ་གནམ་ལ་ཀ་བ་བཙུགས་པ་བཞིན་ནག་ཡོར་ཡོར་ལྷོ་ཕྱོགས་སུ་འགྲོ་བཞིན་པ་དང༌། བྱིའུ་དམག་དཔུང་ཆེན་པོ་ཞིག་ནག་སོག་སོག་ཡར་འཕུར། ནག་སོག་སོག་མར་བབས་ནས་དལ་མེད་དུ་ལས་ལ་བརྩོན་བཞིན་པའམ་ཁྱིམ་མཚེས་གཡས་གཡོན་གྱི་མཚེར་
ཤུལ་ན་ཕོ་རོག་ལྟོགས་པ་ཁ་ཤས་ཀྱིས་རུས་པ་སོགས་ལྟོ་འཚོལ་ཕྱིར་གཤོག་ལྷབ་ཀྱིས་ཕར་འགྲོ་ཚུར་ལྡིང་བྱེད་བཞིན་པ་ལས་གཞན་སུ་དང་གང་ཡང་མ་མཐོང༌།

  

 

རྩོམ་ཁུངས། <<སྦྲང་ཆར>>

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།