བསམ་གཞིག

བསམ་གཞིག་གི་མགོ་བོ།
ནམ་མཁའ་ནས་དཔྱངས་པས།
བྱིས་པའི་གཏན་ཚིགས་སིལ་བུར་འཐོར།
འཇིག་རྟེན་བླ་འོག་བརྗེ་བར་མ་ནུས་ཀྱང༌།
རང་ལུས་མགོ་རྟིང་སློག་ན་ཅིས་མི་ཆོག
ཆགས་ཐོགས་མེད་པའི་རྟོག་པ་ཁོ་ནས།
ལྐོག་གྱུར་གྱི་གདོང་ཤུན་བཤུ་ནུས་ཤིང༌།
མངོན་སུམ་གྱི་བྲང་ཁོག་གཤག་ཕོད།

བསེར་བུས་བདས་པའི་ཤིང་ལོ་འཁྱམ་པོ་དག་གིས།
ས་གཞིའི་ཚེ་སྲོག་ལ་རྫོགས་ཚིག་འགོད་པ་དེར།
འབྲས་ལྡན་དུས་ཞེས་ཅི་ལ་འབོད།
དཔྱིད་ཀྱི་དཔལ་མོའམ་དེ་ཡང༌།
ལང་ཚོས་རྒྱགས་པའི་སློང་མོ་བ་ཁོ་ན་སྟེ།
སྤྲོ་ཉམས་མཚར་པོ་ཞིག་འདུག་ཀྱང༌།
ལག་པ་སྟོང་བ་ཉིད།
ཉིན་མོར་བྱེད་པས་ཀྱང༌།
སྐྱ་རེངས་མོག་པོ་དེ་ཕར་ལ་བསྐྲད་མཐར།
མུག་ནག་གི་མཚན་མོ་རིང་བོ་རེ།
ཚུར་ལ་དྲུད་དེ་འོངས་པས་ན།
ད་ནི་འོད་སྣང་གི་བསླུ་བྲིད་ལའང་ཡིད་ཆེས་བྲལ་སོང༌།

སྦྲང་མའི་ཤུལ་ལམ་ན།
བརྩོན་འགྲུས་འབའ་ཞིག་ལས་ཅི་ཞིག་སྣང༌།
ད་ལྟ་བསམས་ན།
ཁྭ་ཏ་རོག་པོའི་བྱ་སྐད་གཟན་པོ་དེས་ནི།
འདི་སྣང་གི་རང་གཤིས་ངོ་མ།
གྱེར་འདོན་བྱེད་པ་ཡིན་འདུག

ལར་སྐྱེ་བ་ཡོད་ཚད་འཆི་བའི་སྡོང་རྩ་ན་གྲིབ་བསིལ་བསྟེན་ཅིང༌།
དར་བ་ཡོད་ཚད་རྒུད་པའི་བྲག་སྐྱིབས་ན་རྐང་མལ་གསོ།

ཨ་ཁ་ཁ།
ཡང་ན་མེ་ལོང་འགྱུར་འདུག
ཡང་ན་བཞིན་རས་འགྱུར་སོང༌།

ལྕགས་དྲའི་ཁང་མིག་གཅིག་ཏུ།
རྒྱ་སྟག་དམར་བོས་བགྲོད་མི་ཚར་བའི་རྒྱལ་ཁམས་ཤིག་ཤོང་ལ།
མུ་མཐའ་བྲལ་བའི་འཇིག་རྟེན་ན།
སྦྲང་ནག་ཆུང་ངུ་གར་སོང་ས་རུ་གདོང་ཐུག་རྒྱག
མིའུ་ཐུང་གཅིག་གི་སོར་རྩེ་ཡིས།
ཡངས་པའི་ས་ཆེན་འདེགས་ནུས་ཤིང༌།
རྡུལ་ཕྲན་གཅིག་གི་དཀྱིལ་འཁོར་ན།
ཙུ་ཏ་པ་ཡི་འཇིག་རྟེན་རེ།
ཡ་གིའི་ཞིང་ཁམས་ན་མིག་ཆུ་མེད་པར་བློ་མི་གཏོད་ལ།
མ་གིའི་དམྱལ་ཁམས་ན་གླུ་སྒྲ་མེད་པར་ཡིད་མི་ཆེས།
འདི་ན་ཕོ་ཚོད་ཀྱིས་བཟོས་པའི་རྣམ་གཞག་འགའ་ཞིག
མུན་པ་ནག་པོ་ཚལ་བར་གཤགས་པའི་ཤམ་བུ་བཞིན།
མཚན་མོའི་རླུང་གིས་ག་སར་བསྐྱོད།

ཨ་ཁ་ཁ།
ཡང་ན་མེ་ལོང་འགྱུར་འདུག
ཡང་ན་བཞིན་རས་འགྱུར་སོང༌།
 

རྩོམ་ཁུངས།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

བསམ་གཞིག

2008-10-30 འཇུ་སྐལ་བཟང་། ཀློག་གྲངས། མཆན ཡོད།

བསམ་གཞིག་གི་མགོ་བོ།
ནམ་མཁའ་ནས་དཔྱངས་པས།
བྱིས་པའི་གཏན་ཚིགས་སིལ་བུར་འཐོར།
འཇིག་རྟེན་བླ་འོག་བརྗེ་བར་མ་ནུས་ཀྱང༌།
རང་ལུས་མགོ་རྟིང་སློག་ན་ཅིས་མི་ཆོག
ཆགས་ཐོགས་མེད་པའི་རྟོག་པ་ཁོ་ནས།
ལྐོག་གྱུར་གྱི་གདོང་ཤུན་བཤུ་ནུས་ཤིང༌།
མངོན་སུམ་གྱི་བྲང་ཁོག་གཤག་ཕོད།

བསེར་བུས་བདས་པའི་ཤིང་ལོ་འཁྱམ་པོ་དག་གིས།
ས་གཞིའི་ཚེ་སྲོག་ལ་རྫོགས་ཚིག་འགོད་པ་དེར།
འབྲས་ལྡན་དུས་ཞེས་ཅི་ལ་འབོད།
དཔྱིད་ཀྱི་དཔལ་མོའམ་དེ་ཡང༌།
ལང་ཚོས་རྒྱགས་པའི་སློང་མོ་བ་ཁོ་ན་སྟེ།
སྤྲོ་ཉམས་མཚར་པོ་ཞིག་འདུག་ཀྱང༌།
ལག་པ་སྟོང་བ་ཉིད།
ཉིན་མོར་བྱེད་པས་ཀྱང༌།
སྐྱ་རེངས་མོག་པོ་དེ་ཕར་ལ་བསྐྲད་མཐར།
མུག་ནག་གི་མཚན་མོ་རིང་བོ་རེ།
ཚུར་ལ་དྲུད་དེ་འོངས་པས་ན།
ད་ནི་འོད་སྣང་གི་བསླུ་བྲིད་ལའང་ཡིད་ཆེས་བྲལ་སོང༌།

སྦྲང་མའི་ཤུལ་ལམ་ན།
བརྩོན་འགྲུས་འབའ་ཞིག་ལས་ཅི་ཞིག་སྣང༌།
ད་ལྟ་བསམས་ན།
ཁྭ་ཏ་རོག་པོའི་བྱ་སྐད་གཟན་པོ་དེས་ནི།
འདི་སྣང་གི་རང་གཤིས་ངོ་མ།
གྱེར་འདོན་བྱེད་པ་ཡིན་འདུག

ལར་སྐྱེ་བ་ཡོད་ཚད་འཆི་བའི་སྡོང་རྩ་ན་གྲིབ་བསིལ་བསྟེན་ཅིང༌།
དར་བ་ཡོད་ཚད་རྒུད་པའི་བྲག་སྐྱིབས་ན་རྐང་མལ་གསོ།

ཨ་ཁ་ཁ།
ཡང་ན་མེ་ལོང་འགྱུར་འདུག
ཡང་ན་བཞིན་རས་འགྱུར་སོང༌།

ལྕགས་དྲའི་ཁང་མིག་གཅིག་ཏུ།
རྒྱ་སྟག་དམར་བོས་བགྲོད་མི་ཚར་བའི་རྒྱལ་ཁམས་ཤིག་ཤོང་ལ།
མུ་མཐའ་བྲལ་བའི་འཇིག་རྟེན་ན།
སྦྲང་ནག་ཆུང་ངུ་གར་སོང་ས་རུ་གདོང་ཐུག་རྒྱག
མིའུ་ཐུང་གཅིག་གི་སོར་རྩེ་ཡིས།
ཡངས་པའི་ས་ཆེན་འདེགས་ནུས་ཤིང༌།
རྡུལ་ཕྲན་གཅིག་གི་དཀྱིལ་འཁོར་ན།
ཙུ་ཏ་པ་ཡི་འཇིག་རྟེན་རེ།
ཡ་གིའི་ཞིང་ཁམས་ན་མིག་ཆུ་མེད་པར་བློ་མི་གཏོད་ལ།
མ་གིའི་དམྱལ་ཁམས་ན་གླུ་སྒྲ་མེད་པར་ཡིད་མི་ཆེས།
འདི་ན་ཕོ་ཚོད་ཀྱིས་བཟོས་པའི་རྣམ་གཞག་འགའ་ཞིག
མུན་པ་ནག་པོ་ཚལ་བར་གཤགས་པའི་ཤམ་བུ་བཞིན།
མཚན་མོའི་རླུང་གིས་ག་སར་བསྐྱོད།

ཨ་ཁ་ཁ།
ཡང་ན་མེ་ལོང་འགྱུར་འདུག
ཡང་ན་བཞིན་རས་འགྱུར་སོང༌།
 

རྩོམ་ཁུངས།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།