དུས་བཞི།
དཔྱིད་ཀ
མེ་འོད་ཀྱི་བདེ་དྲོད་བཞིན སྙིང་ཉེ་ཡི་འཛུམ་མདངས་བཞིན
ཆུ་གཙང་པོ་དབྱངས་སྙན་ཁྲོལ་ལེ བྱ་བྱེའུ་དྲུག་འགྱུར་གྱུར་རེ
མི་ཡུལ་ལ་གསོན་ཉམས་འབར་བས
ཏག་ཏག་ཕྱེ་མ་ལེབ་གཉིས ཁྱེད་ཀྱི་སྐྱེད་ཚལ་ན་གར་ལ་རྩེན
དབྱར་ཁ།
ནེའུ་གསིང་ལྗང་མདོག་གིས་བཞུར་བས
གསེར་སྦྲང་གི་འཐམ་འཁྱུད མེ་ཏོག་གི་ལང་ཚོས་སྒུལ
ནགས་ལོ་ལྗང་ཁུའི་བསིལ་འོག་ན
ན་ཆུང་གི་སྙིང་གཏམ་ཤབ་ཤུབ་གླེང
སྟོན་ཁ།
སྙེ་མའི་གསེར་མདོག་གི་ལང་ཚོ་ཁུར་དུ་ལྩི
ཁུག་རྟས་ཀྱང་ལྷོ་ཕྱོགས་སྙེག་དུས
ལོ་མ་སེར་པོའི་གྱེས་ཕྱག་ལས
མི་ཡུལ་གྱི་མཛེས་སྡུག་མཇུག་རྫོགས
དགུན་ཁ།
ཁ་བ་དཀར་པོ་ལྷབ་ལྷུབ་ཏུ་བབས
རི་ལུང་གོས་དཀར་གྱི་མལ་ན་བདེ་བར་གཟིམས
ཆུ་མོའི་ལས་འཕྲོ་གསེར་མིག་གིས་གླེང་བཞིན
འཁྱུག་འགྲོས་ལས་མོད་པའི་མིག་ཆུ
ཁ་བའི་འདབ་མ་བཞིན་འཁྱག
རྩོམ་ཁུངས། སྙན་ངག་དེབ