༡

གོ་ཐོས་སུ

ཁྱེད་ཉིད་གོར་མ་རྡོ་ལས་གྲུབ་སྐད

དེས་ན། ཁྱེད་ནི་རྡོ་ཡི་གྲོང་ཁྱེར་ཞིག་ཡིན་ཤེས་ཆེ།ཡིན་ཤེས་ཆེ

སྲིད་པའི་རྩེ་མོ་རུ་གནས་བཅས་པས

འདི་ཡི་རླུང་ནི་དྲག་ལ་སྤྲིན་ནི་སྟུག་ཅིང་དམའ

ཀྱེ  བདག་གི་གྲོང་ཁྱེར་ལགས

༢

བདག་གི་མཐོང་ཡུལ་དུ

བརྗིད་པའི་མཆོད་རྟེན་ཚང་ཚིང་ནགས་ལྟར་འཁྲིགས

མཚན་མོ་དེ་ལ

མཐིང་མདོག་མཚོ་ལྟར་རྒྱས་པའི་ཟླ་བ་ཁྱེད་ཀྱི་མིག་མདངས་བཞིན་དུ་མུན་པར་གྱུར  མུན་པར་གྱུར

ཁྱེད་ཀྱི་སེམས་བྱུང་ནམ་མཁའི་སྐར་ཚོགས་བཞིན་དུ་བཀྲམ་ནའང

ཨེ བདག་གིས་ཡང་ཡང་དཔྱད་ཀྱང་རྟོགས་དཀའ་ཨང

ཀྱེ  བདག་གི་ཁེར་རྐྱང་གི་གྲོང་ཁྱེར་ལགས

༣

བདག་གི་ལང་ཚོ་དུས་བཞི་ཇི་བཞིན་ཁྱེད་ལ་དབང

-ཡོད་ཚད

ཡར་ཀླུང་གཙང་བོ་དེད་ནས་ཁྱེད་ཀྱི་འགྲམ་དུ་འོངས

ལོ་ངོ་ཅི་ཙམ་འདས་པ་མ་ཤེས་པར

ཕ་ཚ་བུ་རྒྱུད་ཀྱི་ཁྲག་རྩའི་སྦུབས་སུ

ཤ་ཁྲག་འདྲེས་མའི་ཆུ་བོ་ལོ་བཞིན་འཁོར

ཟླ་ལྟར་བཞུར

སྐྱིད་ཆུ་ཡ  ཁྱེད་ཀྱི་འབབ་ཁུངས་གང་ལ་ཐུག

༤

ཕལ་ཆེར ཁྱེད་ནི་ཁ་བ་ལྡང་ཐེངས་ཤིག་གིས་བརྡིབས་ཤིང་ཉིལ

འཛམ་གླིང་ནི་ཅི་འདྲའི་རྒྱ་ཆེ་ཨང

ས་སྒང་འདིའང་ཅི་འདྲའི་དོག

… …

བདག་གི

རྒྱང་ཐག་རིང་བའི་གྲོང་ཁྱེར་ཁེར་རྐྱང་ཞིག

རྩོམ་ཁུངས། 1988ལོའི་མང་ཚོགས་སྒྱུ་རྩལ།