གླིང་བུ་འབུད་ཐེངས་རེ་ལ

སྐད་ཆ་དེ་བརྩེ་དུང་གི་སླད་དུ་རླུང་ལ་བསྐུར་མྱོང

འོན་ཀྱང   གོ་བ་ཇི་ལྟར་བླངས་ཀྱང་ཆོག

ནམ་ཞིག་ཁྱོད་ཚོས་གད་སྙིགས་དེའི་ཁྲོད་ནས

འཚོལ་བཞིན་པ་དེ་ང་རང་ཡིན་སྲིད

དོ་ནུབ་ཀྱི་ཁ་བ།

ང་སྒོ་འགྲམ་དུ་ལངས་ཞོར

ཁ་བའི་འདབ་མ་རེ་རེ་ཡི་འཕུར་སྟངས་ལ་བལྟས

སྐབས་དེར  ཤུགས་རིང་ཞིག་གི་སྣེ་ནས

ལག་མཐིལ་དུ་ལྷུང་ཡོད་པའི་ཁ་བ་དྲན་དུས

གློ་བུར་དུ  ངས་གྲང་འདར་ཐེངས་གཅིག་བརྒྱབ

ཨ་ཨ  ཁ་བ  དོ་ནུབ་ཀྱི་ཁ་བ

ངའི་མིག་ཀོང་དུ་བབས་པའི་ཁ་བ

     མེད།

མིག་ཟུང་འདི་མ་བཙུམས་པའི་ཡར་སྔོན་ལ

ང་ལ་སྨྱོ་ནད་ཕོག་པས

ལུས་པོ་འདི་དུར་ཁྲོད་དུ་བསྐྱལ

ལོ་ཟླ  དར་ལྕོག་བཞིན་ཧྲལ་ཧྲུལ་དུ་འཐོར་ཡང

འདྲེ་འདྲེ་མོའི་ཧབ་ཆ་དང་ངུ་འབོད་ཁྲོད

ཝུ་ཆང་ཁམ་གང་གིས་བོར་བའི་ང

སྙིང་རེ་རྗེ  ད་ལྟ་ཅི་ཡང་མེད

ཅི་ཡང་མེད 

རྩོམ་ཁུངས། ༢༠༠༥ལོའི་གངས་རྒྱན་མེ་ཏོག