བསྔོ་ཡིག
མེ་ཏོག་གི་ནང་ནས་ཉལ་བའི་སྦྲ་ནག
གཡག་རྒོད་ཀྱིས་རྭ་བར་དུ་འཁུར་བའི་ནམ་མཁའ་དང་སྤྲིན་དཀར
རལ་བ་རྒྱབ་ལ་འཕངས་པའི་གནའ་མྱི་ལྷག་མ
སུ་ཞིག་དགའ་བར་བྱེད་ལ་སུ་ཞིག་སྐྱོ་རུ་འཇུག་པའི་གཞས་ཆུང་ལེན་ས
བདག་གི་པ་ལགས་ཀྱིས་ཁྱོད་ལ་ཁྱུང་མཆུ་ཞེས་བོས་པ་དྲན་ནམ
ཟི་ཁྲོན་ཞེང་ཆེན་གྱིས་ངའི་ཁྱུང་མཆུར“ཧུང་ཡོན”ཞེས་འབོད་སྐད
ངའི་སྐད་ཆ་དང་བརྩེ་དུངས་ངའི་སེམས་ཁོང་ནས་ལུས་སོང
ང་རང་ཁྱུང་མཆུ་ན་ཡོད
ཁྱུང་མཆུ་ནི་ད་ལྟ་ཨར་འདམ་གྱི་ཁང་མིག་ནང་གི་ “ཧུང་ཡོན”ཡིན
ཁྱུང་མཆུ་ནི་རྟ་ཕོ་འདོགས་ས་མེད་པའི་སྲང་ལམ་ཞིག་ཡིན
ཁྱུང་མཆུ་ནི་བོར་སོང་བའི་གསེར་གྱི་གདུ་བུ་ཞིག་ཡིན
ང་རང་ཁྱུང་མཆུ་ན་ཡོད
ངས་ད་དུང་ཡང་ལོ་མང་པོ་མང་པོའི་སྔོན་གྱི་སྦྲ་ནག་དང
ནམ་མཁའ སྤྲིན་དཀར གནའ་མྱི་ལྷག་མ
གཞས་ཆུང་ལེན་ས་དག་ལ་ཁྱུང་མཆུ་ཞེས་ཡང་ཡང་བོས
རྩོམ་ཁུངས། ༢༠༠༨ལོའི་གངས་རྒྱན་མེ་ཏོག