མཚོ།
ཁྱོད་ཀྱང་ང་ཚོའི་གྲས་ཀྱི་ཉེས་ཅན་རེད
གནམ་ས་བླ་འོག་བརྗེས་འདྲའི་འཐབ་འཛིང་དེས
སྤྲོ་སྐྱིད་ཀྱི་ཆང་ཁང་དང་སེམས་བདེ་མགྲོན་ཁང་བཅོམས་སོང
སྐྱི་བསེར་རླུང་གིས་ཁུར་བའི་སྐྲ་ཉག་རེ་རེ
པོ་ཏ་ལའི་ཐང་ཆེན་དང་སེ་འབྲས་དགེ་གསུམ་གྱི་རྡོ་སྐྱ་སྟེང་ནས
ཁྲག་ལ་འབྱར་འདུག
རྒོད་པོའི་གཤོག་རྩེར་བསྐྱོན་པའི་གླུ་སྐད་ཅིག་ནུབ་སོང
ཇོ་མོ་བླ་རིའི་དབུ་རྩེར་ཕོག་པའི་ཉི་འོད་དེ་ཡལ་སོང
མཚོ ཁྱོད་གཅིག་པུ་གཞན་དང་མི་འདྲ་བར
དོགས་ཟོན་བྱེད་སའི་ཉེས་ཅན་གཅིག་པུར་རྩིས་ཡོད
ཁྱོད་དང་ཁྱོད་ཀྱི་ཤེས་རབ་གཞན་ལ་འཁྱེར་མི་ཐུབ་ཀྱང
ཁྱོད་ཀྱི་མལ་ས་དྲོན་མོ་གཞན་གྱི་རྩལ་སྦྱང་ཐང་དུ་འགྱུར་ཡང་སྲིད
རྩོམ་ཁུངས། ༢༠༠༧ལོའི་གངས་རྒྱན་མེ་ཏོག