རས་ལྭ་སྔོ་སྐྱ་གྱོན་པའི་བུ་མོ་ཁྱོད
མི་ཚོགས་གཙང་བོ་ལྟར་བསྐོར་ལམ་དུ་བཞུར་དུས
མ་ནི་འཁོར་ལོ་གཙང་བོའི་ཤུགས་ཀྱིས་སྒུལ
གཙང་བོ་བཞུར འཁོར་ལོ་འཁོར
རས་ལྭ་སྔོ་སྐྱ་གྱོན་པའི་བུ་མོ་ཁྱོད
ཆུ་ཁར་གཡེང་བའི་མེ་ཏོག་གི་འདབ་མ་བཞིན
མི་ཚོགས་ཀྱི་ཁྲོད་ན་ལྷང་ངེར་མངོན
དོ་དགོང
ངས་སྐར་ཚོགས་ཀྱི་ཁྲོད་ནས་སླར་ཡང་ཁྱེད་རང་མཐོང་བྱུང
དེ་རིང་གི་མི་ཚོགས་དེ
འོད་དུ་འཚེར་བའི་སྐར་ཚོགས་འདི་ཡིན་ན ཁྱེད་རང
སྐར་ཚོགས་ཀྱི་དབུས་ན་དལ་གྱིས་རྒྱུ་བའི་ཟླ་བ་འདི་ཅི་ལ་མིན
དངུལ་རྭའི་བུ་མོ་བརྡ་འཕྲིན་སྒྲོལ་མ
ད་ལྟ ངས་མིག་ཟུང་བཙུམ་རུང
སེམས་ཁོང་གི་ངོ་གདོང་མང་བོའི་སྐར་ཚོགས་ཁྲོད་ན
ཁྱེད་རང་ཟླ་བ་ལྟར་དལ་གྱིས་རྒྱུ་བས རྗེས་སུ
ངས་སྨག་རུམ་སྟུག་པའི་མཚན་མོ་རེ་རེར་ཡང
མིག་ཟུང་བཙུམ་སྟེ་ཟླ་བར་ལྟ་སྲིད
ཟླ་བའི་ཞི་དུལ་དང་ཟླ་བའི་འཛུམ་མདངས
ཟླ་བའི་གོམས་འགྲོས་དང་ཟླ་བའི་ཕྱིར་མིག་འཚོ་སྲིད
རྩོམ་ཁུངས། ༢༠༠༩ལོའི་འོད་འབར།