རྔུལ་ཁྲག་གིས་གྲུབ་པའི་གསེར་གྱི་ལུ་མ  མི་རབས་དུ་མའི་རྨི་ལམ་དུ་སྦྲུམ་པའི་ཁྱེའུ་དཀར་པོ    སུས་ཀྱང་རུམ་ཆོག་པའི་བྱེའུ་གཤོག་མེད    མིག་ཟུང་རིལ་རིལ་ངང་སུ་ཞིག་ལ་བལྟས་ཡོད

        སྐད་ཆ་བཤད་མི་འདོད་པའི་ང      ལུས་སེམས་སྨྲེང་དོན       ནམ་ཞིག་ཁྱོད་ཀྱི་ངོ་གདོང་དེ་གཞན་ཞིག་ལ     འགྱུར་འགྲོ་བའི་སྐྲག་སྣང་འཆོར་ངེས

        ཉི་འོད་ཀྱིས་དཀྲུས་པའི་ངོ་གདོང་ལས      བོད་མི་ཚོའི་སེམས་པ་ཕྱེས་མྱོང        གཅེས་ལངས་ཏུ་བཏང་བའི་ཁྱོད་རང       སྨུག་པ་ཞིག་གིས་ཡོངས་སུ་བཏུམས་འདུག     

          མཚན་མོའི་སྲིན་འབུ་ཆུང་ཆུང་དག་གིས    ཁྱོད་རང་དུར་སར་གཏད      གཡས་གཡོན་གང་རུང་ན     ང་རང་འཕྲེད་དུ་ཉལ་ཡོད   

       ཁྱོད་ནི་ཁྲག་གིས་བྲིས་པའི་ཡིག་འབྲུ་རྡོག་ཅིག     ཨ་ཕའི་སྒལ་གཞུང་དུ་བཙུགས་པའི་དར་ལྕོག་ཟད་པོ    ངའི་རྨ་ཁར་བཏང་པའི་སྨན་ཐལ་སེར་པོ     ས་སྲོད་ཀྱི་དུས་སྐབས་འདི་ལ    ང་ཚོའང་གྲུ་ཆུང་ཞིག་ལ་བསྡད་དེ    ཁྱོད་ལ་བསྐོར་བ་ཐེངས་འགའ་བྱེད་ན་འདོད

རྩོམ་ཁུངས། ངེད་དྲ་བ།