ས་འགུལ་ཤུལ་ན་མི་སེམས་ཀྱི་བརྩེ་བ་འགུལ་གྱིན་ཡོད།

མི་སེམས་ཀྱི་བརྩེ་བ་སྐྱབས་དང་དཔུང་གཉེན་ཡིན།

     ཡུལ་ཤུལ་གྱི་སྤུན་ཟླ་ཚོ། ཡོད་ཚད་མཆོད་མཆོད་བཀུར་བཀུར་གྱིས་གནམ་ལ་རེ་ནས་གནམ་གྱིས་མ་སྲུང༌། ལྷ་ལ་བཅོལ་ནས་ལྷ་ཡིས་མ་སྐྱབས་རུང་མིའི་རིགས་ཀྱི་བརྩེ་སེམས་དང༌། སྙིང་རྗེ། ལ་རྒྱ། མཐུན་སྒྲིལ། སྟོབས་ཤུགས་ནི་ཁྱོད་ཚོའི་མགོན་དཔུང་རེད། མིའི་རིགས་ཀྱི་ངོ་སོ་ལྷ་རུ་བཀུར་སྲོལ་མེད་ཀྱང༌། མི་སེམས་ཀྱི་མཛའ་བརྩེ་ལྷ་ལས་ངོ་མཚར་ཆེ་ཞིང་སྟོབས་ནུས་ཡོད།

                     

                   འདས་པོ་ཚོ། ཁྱོད་ཚོ་བདེ་བར་གཟིམ་ཆོག

     ཁྱོད་ཚོས་མཛུབ་མོ་ནང་བཀུག་གིས་སང་ཉིན་ལ་དམིགས་གཟས་ཀྱིས་འཇིག་རྟེན་གྱི་རྨི་ལམ་རྨིས་མ་ཚོར་གོང༌།ས་ཆེན་པོར་སྙིང་རྗེ་མེད་པར་ཀུ་རེ་རྩེད་བཞིན་ཁྱོད་ཚོ་འཇིག་རྟེན་གཞན་ཞིག་ལ་བཙན་གྱིས་བརྫངས་སོང༌།ཁྱོད་ཚོས་མ་འོངས་པའི་རེ་བཞག་རྗེས་ལ་བསྐྱུར་ནས་མཇུག་མ་རྫོགས།འཆར་སྣང་གི་ཉི་གཞོན་མདུན་ལ་བསུས་ནས་འོད་མ་འཕྲོས་གོང་ས་ཆེན་པོ་སྟོབས་ཀྱིས་འཕག་ནས་ཁྱོད་ཚོ་ཁྱུར་མིད་བཏང་སོང༌།འདས་ཟིན་པའི་སྤུན་ཟླ་ཚོ།སྐྱི་གཡའ་བའི་མི་ཡུལ་འདིར་ཕྱིར་མིག་མེད་པར་ཁྱོད་ཚོ་བདེ་བར་གཟིམ་ཆོགསོང་ཟིན་པའི་ཁྱོད་ཚོའི་རྒྱབ་ལྗོངས་ན་མི་སེམས་ཀྱི་བརྩེ་བ་འོད་དུ་འཚེར་ནས།མྱ་ངན་དང་གདུང་སེམས་ཀྱིས་སྦར་བའི་མར་མེ་ཁྲི་སྟོང་གིས་ས་གཞི་འདིའི་ལྟོ་བ་ལྡབ་འགྱུར་གྱིས་བཀང་སྟེ།ཁྱོད་ཚོའི་བགྲོད་ལམ་ལ་བཞུད་ཆོག་ཆོག་གི་འོད་སྣང་དཀར་པོ་རྟག་ཏུ་སྤྲོ་བཞིན།ཤུལ་དུ་ལྷག་ཟིན་པའི་ཁྱོད་ཚོའི་ནང་མི་དག་ཚོ་བརྩེ་བའི་ལག་ཟུང་གིས་སྐྱོང་བཞིན་ཁོ་ཚོ་དང་ལྷན་དུ་མཆིས།

                      

                   གསོན་པོ་ཚོ། ཁྱོད་ཚོ་སེམས་མ་སྡུག བློ་མ་ཕམ།

     ཕ་མེས་ཡང་མེས་ཀྱི་རིང་ནས་འདུར་འདུར་འབད་འབད་ཀྱིས་དྲོད་ཁོལ་བསྐྱིལ་བའི་ཁྱིམ་གཞི་དེ་བཟང་རུང་ངན་རུང་ཁྱོད་ཚོ་མི་རུ་སྐྱེས་ཏེ་ཚེ་སྲོག་གི་མེ་ཏོག་འབུས་ས་རེད་ལ།ཁྱོད་ཚོས་ཆུང་བྱིས་དུས་ནས་དྲིན་ཕ་མ་ལ་འཁང་ར་དང་ནང་ཕུ་ནུ་ཚོར་ཁ་རྩོད་རྒྱག་ས་སྟེ་སྐྱེ་བ་འདིའི་གནས་མལ་དྲོན་པོ་རེད།གློ་བུར་དུ་ས་ཆེན་པོས་འཕག་འཚག་བརྒྱབ་ནས་ཁྱོད་ཚོ་ལ་དབང་བའི་ཡོད་ཚད་ཐལ་བར་བཏང་ཤུལ་གྱི་བྱེ་རྡུལ་རླུང་གིས་འཁུར་དུས། ཁྱོད་ཚོའི་སེམས་ལོས་སྡུགཁྱོད་ཚོ་ངུ་ལོས་ཤོར།འདྲིས་འདྲིས་ཀྱི་འདང་བརྩེ་ཟབ་མོ་དེ་དམར་པོ་མེ་ཡིས་བསྲེག་མི་ཐུབ་ལ། དུང་དུང་གི་ཞེན་ཆགས་མཐུག་པོ་དེ་གཙང་པོའི་ཆུ་ཡིས་དག་མི་ཐུབ། ཡིན་ཡང༌། ཁྱོད་ཚོ་སེམས་མ་སྡུག བློ་མ་ཕམ།ཡུལ་ཤུལ་གྱི་ངའི་སྤུ་ཟླ་ཚོ།མགོ་བོ་བཀྱག་ནས་རི་ལུང་འདིའི་ཁོངས་གསེང་ན་བརྩེ་སེམས་ཀྱིས་འགུལ་བའི་མི་ཚོགས་ལ་ཅེར་གྱིས་ལྟོས་དང༌།ས་སྒང་འདིའི་སྒལ་གཞུང་ན་ལྷག་བསམ་གྱིས་འགྲེང་བའི་སྤུན་ཟླ་ཚོས་ལག་རྡང་སྦྲེལ་ནས་ཁྱོད་ཚོ་ནི་ཁོ་ཚོའི་སྙིང་རྗེ་བའི་མི་དང་སྐྱོབ་དགོས་པའི་རིགས་མཐུན་གྱི་སྤུན་ཟླ་ཡིན་ཟེར་བཞིན། གཏོང་ཕོད་ཀྱི་ལག་ཟུང་རིང་དུ་བསྲིངས་མཛའ་བརྩེ་ཡི་དར་ཆ་དགུང་ལ་འཕྱར་ནས་ཁྱོད་ཚོའི་ཕྱོགས་ལ་གཙང་པོའི་ཆུ་བཞུར་བཞུར་དང་དམར་པོའི་མེ་འབར་འབར་གྱིས་སླེབས་འོང་གིན་འདུག ཁྱོད་ཚོ་སེམས་མ་སྡུག བློ་མ་ཕམ།ཡུལ་ཤུལ་གྱི་ངའི་སྤུན་ཟླ་ཚོ།རིགས་མཐུན་གྱི་སྤུན་ཟླ་ཚོས་ཁྱོད་ཚོ་ལ་མ་འོངས་པར་བདེ་སྐྱིད་ཀྱི་འོད་སྟོང་གསར་པ་ཞིག་བསྐྲུན་པའི་དམ་བཅའ་རྡོ་ལ་བརྐོས་ཤིང༌།ལག་པ་ལག་པར་བཞག་ནས་སྟོབས་ཀྱིས་འགུལ་གྱིན་པར་ཡིད་ཆེས་བྱས་ཆོགཁྱོད་ཚོ་འགྱེལ་ས་ནས་ཉམ་མི་དམའ་བར་ཤུགས་ཀྱིས་ཡར་ལངས་ཏེ།ཁྱོད་ཚོའི་མཐའ་འཁོར་ན་རྒྱབ་རི་ལྟར་འགྲེང་བའི་སྤུན་ཟླ་ཚོའི་མཛའ་བརྩེའི་ལག་ཟུང་ལ་དམ་པོར་འཇུས་ནས་སང་ཉིན་གྱི་ལམ་ལ་ཆས་ཏེ་སྤོབས་པས་བསྐྱོད་ཅིགསྙིང་ཉེ་བའི་སྤུན་ཟླ་དག་གི་བརྩེ་སེམས་དང་སྟོབས་ཤུགས་ཀྱི་མེ་ལྕེ་ཁྱོད་ཚོའི་ཕྱོགས་ལ་གཅིག་སྒྲིལ་གྱིས་མཆེད་ཀྱིན་འདུགཡུལ་ཤུལ་གྱི་སྤུན་ཟླ་ཚོ།ཁྱོད་ཚོ་ཉམ་མི་དམའ་དཔའ་མི་ཞུམ་པས་སྤོབས་པས་ཡར་ལོངས་ཤོག

                      

              སྤུན་ཟླ་ཚོ། ལག་ཟུང་གི་སྦར་ཁ་ཆེ་རུ་ཕྱེ་རོགས།

རིགས་མཐུན་གྱི་སྤུན་ཟླ་ཚོ།སྙིང་རྗེ་དང་བརྩེ་སེམས་ཀྱི་འོད་སྣང་ལུས་ལ་བགོས་པའི་ཁྱོད་ཚོ་མ་གཞི་ནས་མི་རུ་སྐྱེས་ཀྱང༌།མི་ཡུལ་ལ་དུས་རྟག་ཏུ་བདེ་སྐྱིད་ཀྱི་དྲོད་ཁོལ་སྦྱིན་མཁན་ཁྱོད་ཚོ་ཉག་གཅིག་ཡིན་པ་གཞི་ནས་རྟོགས་སོང༌།འཇིག་རྟེན་འདིར་གནའ་ནས་ཡོད་ཟེར་བའི་བྱང་སེམས་སྟོང་ཕྲག་ལས་ལྷག་པའི་ཁྱོད་ཚོའི་སེམས་གཏིང་གི་བརྩེ་བ་དྲོན་མོ་མི་ཡུལ་ན་གསེར་རྡོག་བཞིན་འོད་ལམ་ལམ་འཕྲོ་བ་མཐོང་དུས། ང་ཁྱོད་ཚོ་ལ་དུང་བའི་དུང་ཞེན་ཆེ་རུ་འཕར་ནས། ས་ཆེན་པོ་སྡོད་མ་བཟོད་པར་ཀུ་རེ་རྩེས་པའི་སྤུན་ཟླ་ཚོར་འཇིགས་སྐྲག་གི་མུན་ཁུང་ལས་བདེ་སྐྱིད་ཀྱི་འོད་སྣང་གསར་པ་སླར་ཡང་སྤྲོ་བར་ཐེ་ཚོམ་མེད་པར་ཡིད་ཆེས་སྐྱེས་ཡོད།  ཁྱོད་ཚོས་སྐྱིད་ཀྱི་རྟ་ཕོ་མཉམ་ཞོན་དང༌།སྡུག་གི་ཁུར་པོ་མཉམ་འཁུར་གྱི་དམ་གདམས་ཡིད་ལ་བཅངས་ནས།ས་ཆེན་པོ་འཕག་ཤུལ་ན་ང་དང་ཁྱོད་ཚོའི་སྤུན་ཟླ་དག་གིས་རོལ་མ་ཚར་བའི་བདེ་སྐྱིད་ཀྱི་འཚོ་བ་ས་ལ་བསྲེས།འབྲལ་མི་ཐུབ་པའི་འདང་བརྩེ་ཟབ་མོ་རྡོ་ལ་བརྡབས་པར་བརྩེ་བའི་འོད་ཞགས་ཀྱིས་དམ་པོར་འཁྱུད་དེ།ཡོད་ནས་ཡོད་འབུལ་སྟོང་འབུལ།མེད་ནས་མེ་ཏོག་མཆོད་འབུལ་ཀྱིས་ལག་ཟུང་གི་སྤར་ཁ་ཆེ་རུ་ཕྱེས་ནས་གོས་ཀྱི་བང་མཛོད་དང་ཟས་ཀྱི་རི་རབ་བརྩིགས་པའི་ངང་ཚུལ་དེས།ས་སྒང་མཐོ་ས་དེའི་འུ་ཚང་གི་དམར་པོ་ཁྲག་རྒྱུན་གཅིག་པའི་འདང་ཞེན་ཟབ་མོའི་རྡོག་རྩ་གོར་མ་རྡོ་ལ་བྲིས་སོང༌།ངའི་སེམས་ཁོང་གི་སྤུན་ཟླ་ཚོ།ངས་ང་རང་གི་སེམས་པ་འདི་ལག་ཏུ་བླངས་ནས་དར་དཀར་ཡུག་གཅིག་གི་ཚུལ་དུ་ཁྱོད་ཚོའི་ཕྱོགས་ལ་རིང་དུ་བསྲིངས་ནས་ཐུགས་རྗེ་ཆེ་ཞུ་བཞིན་ཡོད།སྐྱི་གཡའ་བའི་རི་ཁུལ་དེའི་སྙིང་རྗེ་བའི་སྤུན་ཟླ་དེ་ཚོའི་འདས་སོང་བའི་ཕ་མ་འུ་ཚོས་བྱེད་དགོས་ལ།འདང་ཆེ་བའི་བུ་ཕྲུག་འུ་ཚོས་བྱེད་དགོས།ངའི་རིགས་མཐུན་ཀྱི་སྤུན་ཟླ་ཚོ།ང་དང་ཁྱོད་ཚོ་འཚོ་གཞིས་ཀྱི་ཁྲ་ཁྲ་ཟང་ཟིང་གི་མི་ཡུལ་འདི་རུ་མིའི་བར་གྱི་མཐུན་སྒྲིལ་དང་བརྩེ་སེམས་ནི་བདེ་སྐྱིད་རེད་ཟེར་ཆོགཁྱོད་ཚོས་མུ་མཐུད་དུ་ས་འགུལ་ས་དེའི་སྤུན་ཟླ་ཚོའི་སླད་དུ་རང་སེམས་ཀྱི་བརྩེ་བ་དྲོན་མོ་ཤུགས་ཀྱིས་འགུལ་བའི་རྒྱུན་མ་གཅོད་རོགས། ངའི་སེམས་ཁོང་གི་སྤུན་ཟླ་ཚོ། ནམ་ཡང་ང་ཚོའི་སེམས་པ་གཅིག་ཏུ་སྦྲེལ་ནས་ཡོད།

 

        ཕྱི་ཡུལ་དུ་སློབ་གཉེར་བྱེད་བཞིན་ཡོད་པའི་རྩེ་ཁོག་རྫོང་འགར་རྩེ་སྡེ་བའི་རྩེ་སྐར་གྱིས་གདུང་སེམས་དྲག་པོས་ཕུལ།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ས་འགུལ་ཤུལ་ན་མི་སེམས་ཀྱི་བརྩེ་བ་འགུལ་གྱིན་ཡོད།

2010-05-02 རྩེ་སྐར། ཀློག་གྲངས། མཆན ཡོད།

མི་སེམས་ཀྱི་བརྩེ་བ་སྐྱབས་དང་དཔུང་གཉེན་ཡིན།

     ཡུལ་ཤུལ་གྱི་སྤུན་ཟླ་ཚོ། ཡོད་ཚད་མཆོད་མཆོད་བཀུར་བཀུར་གྱིས་གནམ་ལ་རེ་ནས་གནམ་གྱིས་མ་སྲུང༌། ལྷ་ལ་བཅོལ་ནས་ལྷ་ཡིས་མ་སྐྱབས་རུང་མིའི་རིགས་ཀྱི་བརྩེ་སེམས་དང༌། སྙིང་རྗེ། ལ་རྒྱ། མཐུན་སྒྲིལ། སྟོབས་ཤུགས་ནི་ཁྱོད་ཚོའི་མགོན་དཔུང་རེད། མིའི་རིགས་ཀྱི་ངོ་སོ་ལྷ་རུ་བཀུར་སྲོལ་མེད་ཀྱང༌། མི་སེམས་ཀྱི་མཛའ་བརྩེ་ལྷ་ལས་ངོ་མཚར་ཆེ་ཞིང་སྟོབས་ནུས་ཡོད།

                     

                   འདས་པོ་ཚོ། ཁྱོད་ཚོ་བདེ་བར་གཟིམ་ཆོག

     ཁྱོད་ཚོས་མཛུབ་མོ་ནང་བཀུག་གིས་སང་ཉིན་ལ་དམིགས་གཟས་ཀྱིས་འཇིག་རྟེན་གྱི་རྨི་ལམ་རྨིས་མ་ཚོར་གོང༌།ས་ཆེན་པོར་སྙིང་རྗེ་མེད་པར་ཀུ་རེ་རྩེད་བཞིན་ཁྱོད་ཚོ་འཇིག་རྟེན་གཞན་ཞིག་ལ་བཙན་གྱིས་བརྫངས་སོང༌།ཁྱོད་ཚོས་མ་འོངས་པའི་རེ་བཞག་རྗེས་ལ་བསྐྱུར་ནས་མཇུག་མ་རྫོགས།འཆར་སྣང་གི་ཉི་གཞོན་མདུན་ལ་བསུས་ནས་འོད་མ་འཕྲོས་གོང་ས་ཆེན་པོ་སྟོབས་ཀྱིས་འཕག་ནས་ཁྱོད་ཚོ་ཁྱུར་མིད་བཏང་སོང༌།འདས་ཟིན་པའི་སྤུན་ཟླ་ཚོ།སྐྱི་གཡའ་བའི་མི་ཡུལ་འདིར་ཕྱིར་མིག་མེད་པར་ཁྱོད་ཚོ་བདེ་བར་གཟིམ་ཆོགསོང་ཟིན་པའི་ཁྱོད་ཚོའི་རྒྱབ་ལྗོངས་ན་མི་སེམས་ཀྱི་བརྩེ་བ་འོད་དུ་འཚེར་ནས།མྱ་ངན་དང་གདུང་སེམས་ཀྱིས་སྦར་བའི་མར་མེ་ཁྲི་སྟོང་གིས་ས་གཞི་འདིའི་ལྟོ་བ་ལྡབ་འགྱུར་གྱིས་བཀང་སྟེ།ཁྱོད་ཚོའི་བགྲོད་ལམ་ལ་བཞུད་ཆོག་ཆོག་གི་འོད་སྣང་དཀར་པོ་རྟག་ཏུ་སྤྲོ་བཞིན།ཤུལ་དུ་ལྷག་ཟིན་པའི་ཁྱོད་ཚོའི་ནང་མི་དག་ཚོ་བརྩེ་བའི་ལག་ཟུང་གིས་སྐྱོང་བཞིན་ཁོ་ཚོ་དང་ལྷན་དུ་མཆིས།

                      

                   གསོན་པོ་ཚོ། ཁྱོད་ཚོ་སེམས་མ་སྡུག བློ་མ་ཕམ།

     ཕ་མེས་ཡང་མེས་ཀྱི་རིང་ནས་འདུར་འདུར་འབད་འབད་ཀྱིས་དྲོད་ཁོལ་བསྐྱིལ་བའི་ཁྱིམ་གཞི་དེ་བཟང་རུང་ངན་རུང་ཁྱོད་ཚོ་མི་རུ་སྐྱེས་ཏེ་ཚེ་སྲོག་གི་མེ་ཏོག་འབུས་ས་རེད་ལ།ཁྱོད་ཚོས་ཆུང་བྱིས་དུས་ནས་དྲིན་ཕ་མ་ལ་འཁང་ར་དང་ནང་ཕུ་ནུ་ཚོར་ཁ་རྩོད་རྒྱག་ས་སྟེ་སྐྱེ་བ་འདིའི་གནས་མལ་དྲོན་པོ་རེད།གློ་བུར་དུ་ས་ཆེན་པོས་འཕག་འཚག་བརྒྱབ་ནས་ཁྱོད་ཚོ་ལ་དབང་བའི་ཡོད་ཚད་ཐལ་བར་བཏང་ཤུལ་གྱི་བྱེ་རྡུལ་རླུང་གིས་འཁུར་དུས། ཁྱོད་ཚོའི་སེམས་ལོས་སྡུགཁྱོད་ཚོ་ངུ་ལོས་ཤོར།འདྲིས་འདྲིས་ཀྱི་འདང་བརྩེ་ཟབ་མོ་དེ་དམར་པོ་མེ་ཡིས་བསྲེག་མི་ཐུབ་ལ། དུང་དུང་གི་ཞེན་ཆགས་མཐུག་པོ་དེ་གཙང་པོའི་ཆུ་ཡིས་དག་མི་ཐུབ། ཡིན་ཡང༌། ཁྱོད་ཚོ་སེམས་མ་སྡུག བློ་མ་ཕམ།ཡུལ་ཤུལ་གྱི་ངའི་སྤུ་ཟླ་ཚོ།མགོ་བོ་བཀྱག་ནས་རི་ལུང་འདིའི་ཁོངས་གསེང་ན་བརྩེ་སེམས་ཀྱིས་འགུལ་བའི་མི་ཚོགས་ལ་ཅེར་གྱིས་ལྟོས་དང༌།ས་སྒང་འདིའི་སྒལ་གཞུང་ན་ལྷག་བསམ་གྱིས་འགྲེང་བའི་སྤུན་ཟླ་ཚོས་ལག་རྡང་སྦྲེལ་ནས་ཁྱོད་ཚོ་ནི་ཁོ་ཚོའི་སྙིང་རྗེ་བའི་མི་དང་སྐྱོབ་དགོས་པའི་རིགས་མཐུན་གྱི་སྤུན་ཟླ་ཡིན་ཟེར་བཞིན། གཏོང་ཕོད་ཀྱི་ལག་ཟུང་རིང་དུ་བསྲིངས་མཛའ་བརྩེ་ཡི་དར་ཆ་དགུང་ལ་འཕྱར་ནས་ཁྱོད་ཚོའི་ཕྱོགས་ལ་གཙང་པོའི་ཆུ་བཞུར་བཞུར་དང་དམར་པོའི་མེ་འབར་འབར་གྱིས་སླེབས་འོང་གིན་འདུག ཁྱོད་ཚོ་སེམས་མ་སྡུག བློ་མ་ཕམ།ཡུལ་ཤུལ་གྱི་ངའི་སྤུན་ཟླ་ཚོ།རིགས་མཐུན་གྱི་སྤུན་ཟླ་ཚོས་ཁྱོད་ཚོ་ལ་མ་འོངས་པར་བདེ་སྐྱིད་ཀྱི་འོད་སྟོང་གསར་པ་ཞིག་བསྐྲུན་པའི་དམ་བཅའ་རྡོ་ལ་བརྐོས་ཤིང༌།ལག་པ་ལག་པར་བཞག་ནས་སྟོབས་ཀྱིས་འགུལ་གྱིན་པར་ཡིད་ཆེས་བྱས་ཆོགཁྱོད་ཚོ་འགྱེལ་ས་ནས་ཉམ་མི་དམའ་བར་ཤུགས་ཀྱིས་ཡར་ལངས་ཏེ།ཁྱོད་ཚོའི་མཐའ་འཁོར་ན་རྒྱབ་རི་ལྟར་འགྲེང་བའི་སྤུན་ཟླ་ཚོའི་མཛའ་བརྩེའི་ལག་ཟུང་ལ་དམ་པོར་འཇུས་ནས་སང་ཉིན་གྱི་ལམ་ལ་ཆས་ཏེ་སྤོབས་པས་བསྐྱོད་ཅིགསྙིང་ཉེ་བའི་སྤུན་ཟླ་དག་གི་བརྩེ་སེམས་དང་སྟོབས་ཤུགས་ཀྱི་མེ་ལྕེ་ཁྱོད་ཚོའི་ཕྱོགས་ལ་གཅིག་སྒྲིལ་གྱིས་མཆེད་ཀྱིན་འདུགཡུལ་ཤུལ་གྱི་སྤུན་ཟླ་ཚོ།ཁྱོད་ཚོ་ཉམ་མི་དམའ་དཔའ་མི་ཞུམ་པས་སྤོབས་པས་ཡར་ལོངས་ཤོག

                      

              སྤུན་ཟླ་ཚོ། ལག་ཟུང་གི་སྦར་ཁ་ཆེ་རུ་ཕྱེ་རོགས།

རིགས་མཐུན་གྱི་སྤུན་ཟླ་ཚོ།སྙིང་རྗེ་དང་བརྩེ་སེམས་ཀྱི་འོད་སྣང་ལུས་ལ་བགོས་པའི་ཁྱོད་ཚོ་མ་གཞི་ནས་མི་རུ་སྐྱེས་ཀྱང༌།མི་ཡུལ་ལ་དུས་རྟག་ཏུ་བདེ་སྐྱིད་ཀྱི་དྲོད་ཁོལ་སྦྱིན་མཁན་ཁྱོད་ཚོ་ཉག་གཅིག་ཡིན་པ་གཞི་ནས་རྟོགས་སོང༌།འཇིག་རྟེན་འདིར་གནའ་ནས་ཡོད་ཟེར་བའི་བྱང་སེམས་སྟོང་ཕྲག་ལས་ལྷག་པའི་ཁྱོད་ཚོའི་སེམས་གཏིང་གི་བརྩེ་བ་དྲོན་མོ་མི་ཡུལ་ན་གསེར་རྡོག་བཞིན་འོད་ལམ་ལམ་འཕྲོ་བ་མཐོང་དུས། ང་ཁྱོད་ཚོ་ལ་དུང་བའི་དུང་ཞེན་ཆེ་རུ་འཕར་ནས། ས་ཆེན་པོ་སྡོད་མ་བཟོད་པར་ཀུ་རེ་རྩེས་པའི་སྤུན་ཟླ་ཚོར་འཇིགས་སྐྲག་གི་མུན་ཁུང་ལས་བདེ་སྐྱིད་ཀྱི་འོད་སྣང་གསར་པ་སླར་ཡང་སྤྲོ་བར་ཐེ་ཚོམ་མེད་པར་ཡིད་ཆེས་སྐྱེས་ཡོད།  ཁྱོད་ཚོས་སྐྱིད་ཀྱི་རྟ་ཕོ་མཉམ་ཞོན་དང༌།སྡུག་གི་ཁུར་པོ་མཉམ་འཁུར་གྱི་དམ་གདམས་ཡིད་ལ་བཅངས་ནས།ས་ཆེན་པོ་འཕག་ཤུལ་ན་ང་དང་ཁྱོད་ཚོའི་སྤུན་ཟླ་དག་གིས་རོལ་མ་ཚར་བའི་བདེ་སྐྱིད་ཀྱི་འཚོ་བ་ས་ལ་བསྲེས།འབྲལ་མི་ཐུབ་པའི་འདང་བརྩེ་ཟབ་མོ་རྡོ་ལ་བརྡབས་པར་བརྩེ་བའི་འོད་ཞགས་ཀྱིས་དམ་པོར་འཁྱུད་དེ།ཡོད་ནས་ཡོད་འབུལ་སྟོང་འབུལ།མེད་ནས་མེ་ཏོག་མཆོད་འབུལ་ཀྱིས་ལག་ཟུང་གི་སྤར་ཁ་ཆེ་རུ་ཕྱེས་ནས་གོས་ཀྱི་བང་མཛོད་དང་ཟས་ཀྱི་རི་རབ་བརྩིགས་པའི་ངང་ཚུལ་དེས།ས་སྒང་མཐོ་ས་དེའི་འུ་ཚང་གི་དམར་པོ་ཁྲག་རྒྱུན་གཅིག་པའི་འདང་ཞེན་ཟབ་མོའི་རྡོག་རྩ་གོར་མ་རྡོ་ལ་བྲིས་སོང༌།ངའི་སེམས་ཁོང་གི་སྤུན་ཟླ་ཚོ།ངས་ང་རང་གི་སེམས་པ་འདི་ལག་ཏུ་བླངས་ནས་དར་དཀར་ཡུག་གཅིག་གི་ཚུལ་དུ་ཁྱོད་ཚོའི་ཕྱོགས་ལ་རིང་དུ་བསྲིངས་ནས་ཐུགས་རྗེ་ཆེ་ཞུ་བཞིན་ཡོད།སྐྱི་གཡའ་བའི་རི་ཁུལ་དེའི་སྙིང་རྗེ་བའི་སྤུན་ཟླ་དེ་ཚོའི་འདས་སོང་བའི་ཕ་མ་འུ་ཚོས་བྱེད་དགོས་ལ།འདང་ཆེ་བའི་བུ་ཕྲུག་འུ་ཚོས་བྱེད་དགོས།ངའི་རིགས་མཐུན་ཀྱི་སྤུན་ཟླ་ཚོ།ང་དང་ཁྱོད་ཚོ་འཚོ་གཞིས་ཀྱི་ཁྲ་ཁྲ་ཟང་ཟིང་གི་མི་ཡུལ་འདི་རུ་མིའི་བར་གྱི་མཐུན་སྒྲིལ་དང་བརྩེ་སེམས་ནི་བདེ་སྐྱིད་རེད་ཟེར་ཆོགཁྱོད་ཚོས་མུ་མཐུད་དུ་ས་འགུལ་ས་དེའི་སྤུན་ཟླ་ཚོའི་སླད་དུ་རང་སེམས་ཀྱི་བརྩེ་བ་དྲོན་མོ་ཤུགས་ཀྱིས་འགུལ་བའི་རྒྱུན་མ་གཅོད་རོགས། ངའི་སེམས་ཁོང་གི་སྤུན་ཟླ་ཚོ། ནམ་ཡང་ང་ཚོའི་སེམས་པ་གཅིག་ཏུ་སྦྲེལ་ནས་ཡོད།

 

        ཕྱི་ཡུལ་དུ་སློབ་གཉེར་བྱེད་བཞིན་ཡོད་པའི་རྩེ་ཁོག་རྫོང་འགར་རྩེ་སྡེ་བའི་རྩེ་སྐར་གྱིས་གདུང་སེམས་དྲག་པོས་ཕུལ།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།