<<ཨ་མའི་སྙིང་ནས་གདམས་པའི་གླུ་>>དང་མི་ཇུས་ཀྱི་གཏམ།

          <<ཨ་མའི་སྙིང་ནས་གདམས་པའི་གླུ་>>ཞེས་པ་འདི་ནི་རྒྱ་ནག་པོའི་ཡུལ་ལ་གྲགས་པ་ཆེར་རྒྱས་པའི་སྙན་ངག་སྨྲ་བ་ཡི་དམ་ཚེ་ རིང་ལགས་ཀྱིས་བརྩམས་གནང་བའི་སྙན་ངག་ཅིག་ལགས་ཤིང་། ཁག་དྲུག་ཅན་གྱི་སྙན་ངག་འདི་ཉིད་ལས་རྩོམ་པ་པོས་རང་གི་རིགས་རྒྱུད་ཀྱི་འཚོ་བའི་གནས་ལུགས་ལས་ལེགས་པར་བཏུས་པའི་བསླབ་བྱ་དང་།མ་བུའི་བརྩེ་བ།འགན་འཁུར་གྱི་སྣང་བརྙན། ཚོར་འགྱུ་སོགས་རིམ་སྤེལ་བྱས་ཡོད་པ་དང་།སྙན་ངག་གི་མགོ་མཇུག་བར་གསུམ་དུ་བླ་ན་མཐོ་བའི་སྙིང་སྟོབས་ཀྱི་ཁྲག་རྒྱུན་བར་མེད་བཞུར་གྱིན་པ་ནི་རྩོམ་པ་པོ་ཁོང་གི་བརྩམས་ཆོས་ཡོངས་དང་འདྲ་བར་འདུག སྙན་ངག་འདི་ལས་ཁོང་གིས་གྱག་གྱོག་ཅན་གྱི་འཚོ་བའམ་འགལ་འདུའི་སྣང་ཚུལ་གྱིས་ཡོངས་སུ་བཀང་བའི་འཚོ་བ་ལ་ངོས་འཛིན་གནང་ཡོད་པ་དང་། དེ་ཉིད་དང་གདོང་གཏུགས་པའི་ཐབས་བཏོན་ཡོད་པ་མ་ཟད། འཚོ་བའི་འདུན་མར་ངོས་འཛིན་དགོས་པ་གལ་ཆེན་དུ་བརྩིས་ཡོད། སྙན་ངག་པ་རང་གི་འཚོ་བརའཇུག་ཐབས་ཀྱི་ཐད་ནས་བརྗོད་དོན་“བདག་ནི་མདའ་རྣོན་འཆང་བའི་བུང་བ་གྲོགས་སུ་སྡེབ་པར་འདོད་”ཅེས་ཟེར།  སྙན་ངག་འདི་ལས་ཁག་བཞི་བ་ནི་ལོ་རྒྱུས་ཀྱི་འགྱུར་བའི་ཐད་ངོས་འཛིན་བྱས་པ་ལྟ་བུ་ཞིག་ཏུ་སྣང་ཞིང་།དེ་ལྟ་ནའང་དེ་ཉིད་ནི་སྙན་ངག་པ་རང་གང་དུ་གནས་པའི་ལྟ་ཚུལ་གྱི་དབང་དུ་བྱེད་པས་མི་རིགས་ཀྱི་ལོ་རྒྱུས་ཀྱི་འབྱུང་འགྱུར་གང་དུ་གཏོང་བ་སྐབས་དེའི་མི་ཐོག་དེ་ཉིད་ཀྱིས་བྱེད་པ་ལས།འདས་པ་དང་ད་ལྟ་བསྡུར་བ་བྱེད་པ་ནི་འོས་འཚམས་མ་ཡིན་ཞིང་། མི་རབས་གསར་བའི་འཚོ་བའི་བགྲོད་ལམ་ཡངས་པོར་ཕྱེས་པ་ ནི་རིག་གནས་སྣ་མང་གིས་མི་སེམས་གོང་འཕེལ་དུ་བཏང་བའམ་དུས་ཀྱི་འགྱུར་བར་ངེས་སོ།
            སྙན་ངག་འདི་ལས་ཁག་གསུམ་པའི་ནང་དུ་ཆེས་ཐོག་མར་སྤྱི་ཚོགས་འཚོ་བར་ཞུགས་པའི་སྣང་ཚུལ་ནས་མགོ་བརྩམས་ཏེ་དཀའ་རྙོག་ཆེ་བའི་མི་སྒེར་བ་རེ་རེར་འོང་སྲིད་པའི་སེམས་ཚོར་བརྗོད་ཡོད་པ་དང་། དཀའ་ངལ་གྱི་ཁྲོད་ནས་མགོ་བོ་དགྱེ་བའི་རིམ་པ་དེ་རང་ཉིད་གང་ལ་གོམས་པའི་རིག་གནས་ཀྱི་བསླབ་བྱས་ལས་ལེགས་པར་བཏུ་དགོས་པ་དང་། ལེགས་པར་བཏུས་པའི་བསླབ་བྱའམ་དེ་ཉིད་ཀྱིས་བསྟན་པའི་ཐབས་ལམ་ཉིད་ཀྱིས་འཚོ་བར་འཇུག་ཚུལ་ངོས་འཛིན་ཐུབ་པར་བསྟན་ཡོད། སྙན་ངག་འདི་ཉིད་ལས་བོད་ཀྱི་མི་ཆོས་རིག་གནས་ལ་རྣམ་པ་གསར་བའི་མཛེས་བཟོ་བྱས་ཕྱིན་ཡོད་པ་དང་། དེ་སྔའི་རྩོམ་ཡིག་ཁག་ཏུ་བྱུང་བའི་ “བཟོད་བསྲན་”གྱི་ཚབ་ཏུ་“འགོག་རྒོལ་”བརྡ་སྦྱོར་བྱས་ཏེ།གཉོམ་ཆུང་འདུག་ཤེས་ན།། བཙན་པོས་རྒུལ་མི་ཐུབ་"ཅེས་པའི་བཤད་རྒྱུན་གྱི་གདོང་དུ་བུད།  སྤྱིར་ན་སྙན་ངག་འདི་ཉིད་ནི་རྩོམ་པ་པོ་སྒེར་གྱི་བསམ་པའི་འཁྱེར་ཕྱོགས་སུ་བསྟན་པར་གོ་བ་སྤྲོད་པའི་ཚིག་ནུས་ཀྱིས་སྤྲས་ཡོད་ནའང་། བྱུང་རབས་ཀྱི་ཆུ་རྒྱུན་བར་མ་ཆད་པའི་བོད་ཀྱི་རིག་གནས་ཀྱི་ངོས་ནས་བརྗོད་ཚེ་བོད་ཀྱི་མི་ཆོས་རིག་གནས་བསྐྱར་དར་བྱེད་པར་བསྐུལ་བ་ཞིག་ཏུ་ངེས་ཤིང་།གནའ་བོའི་བོད་ཀྱི་གཏམ་དང་།བསྟན་བཅོས་ཁག་ཏུ་དམ་པ་ཁོང་གི་སྙན་ངག་ལས་ཐོན་པའི་འཚོ་བར་འཇུག་ཚུལ་གྱི་གདམས་པ་ལྟ་བུ་མང་དུ་ཐོན་ཡོད་པས་ཕྱིར། དེ་ཉིད་ནི་རྩོམ་པ་ཁོང་གིས་གཞི་རིམ་གྱི་འཚོ་བར་གནས་བའི་མིའི་བཤད་སྒྲོས་དང་།  མ་བུའི་བར་བྱུང་བའི་གཏམ་རྒྱུད་ཀྱིས་མཛེས་སྤྲས་བྱས་ཏེ་རིག་རྩལ་འཕར་མའི་ངོ་བོར་འཁྱེར་ཡོད། རྫོགས་མཐའ་མེད་པའི་མི་ཚེའི་དགོས་འདུན་དེ་དག་གིས་མིའི་འཚོ་གནས་ལ་རིན་ཐང་ཞིག་སྤྲོད་ཀྱི་ཡོད་པ་དང་།རིན་ཐང་དེ་ཉིད་ཀྱིས་ནི་ད་གཟོད་མི་ཚེ་ཞེས་པའི་དུས་ཚོད་འདི་ཏག་ཏག་ཕར་བསྐྱལ་བའི་ལས་ཀ་ཞིག་ངོ་སྤྲོད་བྱེད་ཀྱི་ཡོད། ཡི་དམ་ཚེ་རིང་ལགས་ཀྱི་སྙན་ངག་འདི་ལས་ཤུགས་ཆེར་བསྟན་པའི་མ་བུའི་བརྩེ་འདང་གི་ཆེད་དུ“ཨ་མས་སྙིང་རྩེར་སྦར་བའི་དངུལ་གྱི་ཚེ་འབར་མེར་གྱིས་བཀང་བར་བྱ”ཞེས་ཡིད་བྱེད་ཀྱི་འདུ་ཤེས་ཤིག་བཏང་ཡོད། འདི་ཉིད་ལས་ང་ཚོས་ཨ་མའི་སེམས་ཀྱི་ཚོར་བ་ཉིད་རྟོགས་པའི་ཐབས་བྱས་ཆོག་སྟེ། མི་རེ་རེའི་ཨ་མ་སུ་ཡིན་ཡང་རང་གི་བུ་ཕྲུག་གི་འཚོ་བའི་གནས་བབ་ལ་བསམ་བློ་གཏོང་གི་ཡོད་པ་དང་། དེ་ཉིད་ཀྱིས་འཚོ་བའི་འདུན་པ་དེ་རིམ་བརྒྱུད་སེམས་ཁམས་ཀྱིས་བརྒྱུད་སྤྲོད་ཀྱི་ངོ་བོར་འཁྱེར་ཏེ་ཕ་མ་ནས་བུ་ཕྲུག་གི་བར་དུ་ཡོང་བ་ཞིག་དང་། རིམ་བརྒྱུད་རིག་གནས་འདི་ཉིད་ཀྱི་ཁྲོད་དུ་ཡིད་དུ་འོང་བའི་གཏམ་རྒྱུད་རིག་གནས་སོགས་འཚོ་བར་འཇུག་པའི་ སློབ་གསོའི་རིག་གནས་མང་དུ་འཕེལ་བཞིན་པ་ལགས།  སྐྱེས་པ་ཉིད་ནས་འཚོ་བར་འཇུག་པའི་ལས་འགན་འཁྲི་ཡོད་ནའང་།དེ་ཉིད་ཐབས་སམ་ལམ་མམ།རྣམ་པ་དང་འགུལ་སྐྱོད་གང་ འདྲ་ཞིག་གིས་འཇུག་སྟངས་ནི་ཧ་ཅང་མི་འདྲ་བ་སྟེ། སྣ་མང་པོའི་ལས་རིགས་འདྲ་མིན་ནི་དེ་དག་གི་དཔེར་མཚོན་དུ་ངེས་པར་ འདྲེན་ཆོག་པའོ།བོད་ཀྱི་མི་ཆོས་རིག་པའི་བཤད་རྒྱུན་ལྟར་བྱས་ན“སེམས་ཐག་མ་ཆོད་ན་མྱི་མིན།།བྱང་ལམ་མ་ཆོད་ན་རྟ་མིན།།”ཞེས་ཟེར་སྲོལ་ཡོད་པ་དང་།སེམས་ཐག་ཆོད་པ་ནི་སྙིང་སྟོབས་ཀྱི་འབྲས་བུ་རང་དུ་ངེས་ཕྱིར་འཚོ་བར་འཇུག་པའི་རིག་གནས་ནི་སྙིང་ སྟོབས་ཀྱི་རྨང་གཞི་ནས་མགོ་བརྩམས་ཏེ་གླེང་དགོས་པ་གནད་དུ་མཐོང་།སྙིང་སྟོབས་ནི་མདོར་དྲིལ་ན་སེམས་ཐག་ཆོད་པ་ལ་ཟེར་ དགོས་ཤིང་།སེམས་ཐག་ཆོད་པ་ཉིད་ཀྱིས་འཚོ་བར་འཇུག་པའི་ལམ་གང་དུའང་བདེ་ལེགས་སུ་བགྲོད་པའི་ངེས་པ་འདྲེན་པར་ནུས།དེ་ལྟ་ནའང་། འགོག་རྒོལ་གྱིས་ནི་ང་ཚོ་ལ་སྙིང་སྟོབས་ཀྱི་དཀྱིལ་སྙིང་དུ་ཡོད་པའི་གནད་དོན་དེ་འཆད་ཀྱི་ཡོད་པ་དང་།བྱ་ཚིག་མཉམ་སྦྱོར་གྱི་མིང་ཚིག་འདི་ཉིད་ཀྱིས་མི་རེ་རེས་གང་ལ་གདོང་གཏད་པའི་ལས་སུ་བྱ་བར་སྐབས་བསྟུན་གྱིས་རྣམ་དཔྱོད་འདོན་པའི་བསླབ་བྱ་གནང་བཞིན་པ་དེ་ལགས།  གཞན། འགོག་ནི་གང་ཞིག་གཙོ་གནད་དུ་བཟུང་བའི་ལས་སུ་བྱ་བ་གང་ཡིན་པ་དེ་ལ་གནོད་པས་མ་གོས་པ་བྱེད་པའམ་གནོད་པར་བྱེད་མཁན་ལས་སྲུང་བ་སྟེ་རང་གཅེས་ཀྱི་དོན་དང་ལྡན་པའི་བྱ་ཚིག་དང་།རྒོལ་ནི་འཇུག་པའི་དོན་དུ་གོ་བ་ཡོད་ཅིང་། རང་གི་འཚོ་བའི་འདུན་མ་མཚོན་པའི་ལས་གང་ཞིག་ལ་གནོད་པའི་བྱ་བ་གང་ཡོད་དེ་ དག་ལ་གནོད་པར་བྱེད་པའམ།ལས་དེ་ལ་ཕྱིར་བཤོལ་མེད་པར་འཇུག་པ་སྟེ་རང་སྲུང་སྙིང་སྟོབས་ཀྱི་གོ་དོན་དང་ལྡན་པ་ལའོ།
     མི་ཚེ་ནི་འདི་ལྟར་ལེགས་ཉེས་ཀྱི་རྣམ་དབྱེའི་མིང་དུ་གདགས་སྟངས་ཤིག་གིས་འགྲོ་དགོས་པ་དང་། འགྲོ་བ་ཀུན་པོ་འཛམ་བུ་གླིང་དུ་ཅི་འདོད་འདོད་དུ་འཚོ་བར་སྟབས་བདེ་བའི་ཀུན་སྤྱོད་ཉམས་པ་ནས་སྲིད་ཀྱི་གནས་ལུགས་དང་།སྲིད་གཞུང་གི་སྒྲོམ་གཞི།དབང་བསྒྱུར། སྒྲིག་ལམ།ཁྲིམས་བཅས་བྱུང་བ་ནི་རྣམ་པར་འགྱུར་བའི་འཚོ་བའི་གནས་ལུགས་ཀྱི་འཕེལ་རིམ་ཞིག་ཏུ་ངེས།  བདེན་པའི་གཏམ་ཞིག་སྨྲས་ན་འདི་ལྟ་སྟེ། མི་ཚེ་ནི་ལེགས་པ་ཞིག་མ་ཡིན་པར་ལེགས་པར་བཟུང་བ་ཞིག་གོ། 
                                         ཕྱི་ལོ་༢༠༡༠ ཟླ་༧ཚེས་༩ཉིན།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

&lt;&lt;ཨ་མའི་སྙིང་ནས་གདམས་པའི་གླུ་&gt;&gt;དང་མི་ཇུས་ཀྱི་གཏམ།

2010-11-24 རས་པ། ཀློག་གྲངས། མཆན ཡོད།

          <<ཨ་མའི་སྙིང་ནས་གདམས་པའི་གླུ་>>ཞེས་པ་འདི་ནི་རྒྱ་ནག་པོའི་ཡུལ་ལ་གྲགས་པ་ཆེར་རྒྱས་པའི་སྙན་ངག་སྨྲ་བ་ཡི་དམ་ཚེ་ རིང་ལགས་ཀྱིས་བརྩམས་གནང་བའི་སྙན་ངག་ཅིག་ལགས་ཤིང་། ཁག་དྲུག་ཅན་གྱི་སྙན་ངག་འདི་ཉིད་ལས་རྩོམ་པ་པོས་རང་གི་རིགས་རྒྱུད་ཀྱི་འཚོ་བའི་གནས་ལུགས་ལས་ལེགས་པར་བཏུས་པའི་བསླབ་བྱ་དང་།མ་བུའི་བརྩེ་བ།འགན་འཁུར་གྱི་སྣང་བརྙན། ཚོར་འགྱུ་སོགས་རིམ་སྤེལ་བྱས་ཡོད་པ་དང་།སྙན་ངག་གི་མགོ་མཇུག་བར་གསུམ་དུ་བླ་ན་མཐོ་བའི་སྙིང་སྟོབས་ཀྱི་ཁྲག་རྒྱུན་བར་མེད་བཞུར་གྱིན་པ་ནི་རྩོམ་པ་པོ་ཁོང་གི་བརྩམས་ཆོས་ཡོངས་དང་འདྲ་བར་འདུག སྙན་ངག་འདི་ལས་ཁོང་གིས་གྱག་གྱོག་ཅན་གྱི་འཚོ་བའམ་འགལ་འདུའི་སྣང་ཚུལ་གྱིས་ཡོངས་སུ་བཀང་བའི་འཚོ་བ་ལ་ངོས་འཛིན་གནང་ཡོད་པ་དང་། དེ་ཉིད་དང་གདོང་གཏུགས་པའི་ཐབས་བཏོན་ཡོད་པ་མ་ཟད། འཚོ་བའི་འདུན་མར་ངོས་འཛིན་དགོས་པ་གལ་ཆེན་དུ་བརྩིས་ཡོད། སྙན་ངག་པ་རང་གི་འཚོ་བརའཇུག་ཐབས་ཀྱི་ཐད་ནས་བརྗོད་དོན་“བདག་ནི་མདའ་རྣོན་འཆང་བའི་བུང་བ་གྲོགས་སུ་སྡེབ་པར་འདོད་”ཅེས་ཟེར།  སྙན་ངག་འདི་ལས་ཁག་བཞི་བ་ནི་ལོ་རྒྱུས་ཀྱི་འགྱུར་བའི་ཐད་ངོས་འཛིན་བྱས་པ་ལྟ་བུ་ཞིག་ཏུ་སྣང་ཞིང་།དེ་ལྟ་ནའང་དེ་ཉིད་ནི་སྙན་ངག་པ་རང་གང་དུ་གནས་པའི་ལྟ་ཚུལ་གྱི་དབང་དུ་བྱེད་པས་མི་རིགས་ཀྱི་ལོ་རྒྱུས་ཀྱི་འབྱུང་འགྱུར་གང་དུ་གཏོང་བ་སྐབས་དེའི་མི་ཐོག་དེ་ཉིད་ཀྱིས་བྱེད་པ་ལས།འདས་པ་དང་ད་ལྟ་བསྡུར་བ་བྱེད་པ་ནི་འོས་འཚམས་མ་ཡིན་ཞིང་། མི་རབས་གསར་བའི་འཚོ་བའི་བགྲོད་ལམ་ཡངས་པོར་ཕྱེས་པ་ ནི་རིག་གནས་སྣ་མང་གིས་མི་སེམས་གོང་འཕེལ་དུ་བཏང་བའམ་དུས་ཀྱི་འགྱུར་བར་ངེས་སོ།
            སྙན་ངག་འདི་ལས་ཁག་གསུམ་པའི་ནང་དུ་ཆེས་ཐོག་མར་སྤྱི་ཚོགས་འཚོ་བར་ཞུགས་པའི་སྣང་ཚུལ་ནས་མགོ་བརྩམས་ཏེ་དཀའ་རྙོག་ཆེ་བའི་མི་སྒེར་བ་རེ་རེར་འོང་སྲིད་པའི་སེམས་ཚོར་བརྗོད་ཡོད་པ་དང་། དཀའ་ངལ་གྱི་ཁྲོད་ནས་མགོ་བོ་དགྱེ་བའི་རིམ་པ་དེ་རང་ཉིད་གང་ལ་གོམས་པའི་རིག་གནས་ཀྱི་བསླབ་བྱས་ལས་ལེགས་པར་བཏུ་དགོས་པ་དང་། ལེགས་པར་བཏུས་པའི་བསླབ་བྱའམ་དེ་ཉིད་ཀྱིས་བསྟན་པའི་ཐབས་ལམ་ཉིད་ཀྱིས་འཚོ་བར་འཇུག་ཚུལ་ངོས་འཛིན་ཐུབ་པར་བསྟན་ཡོད། སྙན་ངག་འདི་ཉིད་ལས་བོད་ཀྱི་མི་ཆོས་རིག་གནས་ལ་རྣམ་པ་གསར་བའི་མཛེས་བཟོ་བྱས་ཕྱིན་ཡོད་པ་དང་། དེ་སྔའི་རྩོམ་ཡིག་ཁག་ཏུ་བྱུང་བའི་ “བཟོད་བསྲན་”གྱི་ཚབ་ཏུ་“འགོག་རྒོལ་”བརྡ་སྦྱོར་བྱས་ཏེ།གཉོམ་ཆུང་འདུག་ཤེས་ན།། བཙན་པོས་རྒུལ་མི་ཐུབ་"ཅེས་པའི་བཤད་རྒྱུན་གྱི་གདོང་དུ་བུད།  སྤྱིར་ན་སྙན་ངག་འདི་ཉིད་ནི་རྩོམ་པ་པོ་སྒེར་གྱི་བསམ་པའི་འཁྱེར་ཕྱོགས་སུ་བསྟན་པར་གོ་བ་སྤྲོད་པའི་ཚིག་ནུས་ཀྱིས་སྤྲས་ཡོད་ནའང་། བྱུང་རབས་ཀྱི་ཆུ་རྒྱུན་བར་མ་ཆད་པའི་བོད་ཀྱི་རིག་གནས་ཀྱི་ངོས་ནས་བརྗོད་ཚེ་བོད་ཀྱི་མི་ཆོས་རིག་གནས་བསྐྱར་དར་བྱེད་པར་བསྐུལ་བ་ཞིག་ཏུ་ངེས་ཤིང་།གནའ་བོའི་བོད་ཀྱི་གཏམ་དང་།བསྟན་བཅོས་ཁག་ཏུ་དམ་པ་ཁོང་གི་སྙན་ངག་ལས་ཐོན་པའི་འཚོ་བར་འཇུག་ཚུལ་གྱི་གདམས་པ་ལྟ་བུ་མང་དུ་ཐོན་ཡོད་པས་ཕྱིར། དེ་ཉིད་ནི་རྩོམ་པ་ཁོང་གིས་གཞི་རིམ་གྱི་འཚོ་བར་གནས་བའི་མིའི་བཤད་སྒྲོས་དང་།  མ་བུའི་བར་བྱུང་བའི་གཏམ་རྒྱུད་ཀྱིས་མཛེས་སྤྲས་བྱས་ཏེ་རིག་རྩལ་འཕར་མའི་ངོ་བོར་འཁྱེར་ཡོད། རྫོགས་མཐའ་མེད་པའི་མི་ཚེའི་དགོས་འདུན་དེ་དག་གིས་མིའི་འཚོ་གནས་ལ་རིན་ཐང་ཞིག་སྤྲོད་ཀྱི་ཡོད་པ་དང་།རིན་ཐང་དེ་ཉིད་ཀྱིས་ནི་ད་གཟོད་མི་ཚེ་ཞེས་པའི་དུས་ཚོད་འདི་ཏག་ཏག་ཕར་བསྐྱལ་བའི་ལས་ཀ་ཞིག་ངོ་སྤྲོད་བྱེད་ཀྱི་ཡོད། ཡི་དམ་ཚེ་རིང་ལགས་ཀྱི་སྙན་ངག་འདི་ལས་ཤུགས་ཆེར་བསྟན་པའི་མ་བུའི་བརྩེ་འདང་གི་ཆེད་དུ“ཨ་མས་སྙིང་རྩེར་སྦར་བའི་དངུལ་གྱི་ཚེ་འབར་མེར་གྱིས་བཀང་བར་བྱ”ཞེས་ཡིད་བྱེད་ཀྱི་འདུ་ཤེས་ཤིག་བཏང་ཡོད། འདི་ཉིད་ལས་ང་ཚོས་ཨ་མའི་སེམས་ཀྱི་ཚོར་བ་ཉིད་རྟོགས་པའི་ཐབས་བྱས་ཆོག་སྟེ། མི་རེ་རེའི་ཨ་མ་སུ་ཡིན་ཡང་རང་གི་བུ་ཕྲུག་གི་འཚོ་བའི་གནས་བབ་ལ་བསམ་བློ་གཏོང་གི་ཡོད་པ་དང་། དེ་ཉིད་ཀྱིས་འཚོ་བའི་འདུན་པ་དེ་རིམ་བརྒྱུད་སེམས་ཁམས་ཀྱིས་བརྒྱུད་སྤྲོད་ཀྱི་ངོ་བོར་འཁྱེར་ཏེ་ཕ་མ་ནས་བུ་ཕྲུག་གི་བར་དུ་ཡོང་བ་ཞིག་དང་། རིམ་བརྒྱུད་རིག་གནས་འདི་ཉིད་ཀྱི་ཁྲོད་དུ་ཡིད་དུ་འོང་བའི་གཏམ་རྒྱུད་རིག་གནས་སོགས་འཚོ་བར་འཇུག་པའི་ སློབ་གསོའི་རིག་གནས་མང་དུ་འཕེལ་བཞིན་པ་ལགས།  སྐྱེས་པ་ཉིད་ནས་འཚོ་བར་འཇུག་པའི་ལས་འགན་འཁྲི་ཡོད་ནའང་།དེ་ཉིད་ཐབས་སམ་ལམ་མམ།རྣམ་པ་དང་འགུལ་སྐྱོད་གང་ འདྲ་ཞིག་གིས་འཇུག་སྟངས་ནི་ཧ་ཅང་མི་འདྲ་བ་སྟེ། སྣ་མང་པོའི་ལས་རིགས་འདྲ་མིན་ནི་དེ་དག་གི་དཔེར་མཚོན་དུ་ངེས་པར་ འདྲེན་ཆོག་པའོ།བོད་ཀྱི་མི་ཆོས་རིག་པའི་བཤད་རྒྱུན་ལྟར་བྱས་ན“སེམས་ཐག་མ་ཆོད་ན་མྱི་མིན།།བྱང་ལམ་མ་ཆོད་ན་རྟ་མིན།།”ཞེས་ཟེར་སྲོལ་ཡོད་པ་དང་།སེམས་ཐག་ཆོད་པ་ནི་སྙིང་སྟོབས་ཀྱི་འབྲས་བུ་རང་དུ་ངེས་ཕྱིར་འཚོ་བར་འཇུག་པའི་རིག་གནས་ནི་སྙིང་ སྟོབས་ཀྱི་རྨང་གཞི་ནས་མགོ་བརྩམས་ཏེ་གླེང་དགོས་པ་གནད་དུ་མཐོང་།སྙིང་སྟོབས་ནི་མདོར་དྲིལ་ན་སེམས་ཐག་ཆོད་པ་ལ་ཟེར་ དགོས་ཤིང་།སེམས་ཐག་ཆོད་པ་ཉིད་ཀྱིས་འཚོ་བར་འཇུག་པའི་ལམ་གང་དུའང་བདེ་ལེགས་སུ་བགྲོད་པའི་ངེས་པ་འདྲེན་པར་ནུས།དེ་ལྟ་ནའང་། འགོག་རྒོལ་གྱིས་ནི་ང་ཚོ་ལ་སྙིང་སྟོབས་ཀྱི་དཀྱིལ་སྙིང་དུ་ཡོད་པའི་གནད་དོན་དེ་འཆད་ཀྱི་ཡོད་པ་དང་།བྱ་ཚིག་མཉམ་སྦྱོར་གྱི་མིང་ཚིག་འདི་ཉིད་ཀྱིས་མི་རེ་རེས་གང་ལ་གདོང་གཏད་པའི་ལས་སུ་བྱ་བར་སྐབས་བསྟུན་གྱིས་རྣམ་དཔྱོད་འདོན་པའི་བསླབ་བྱ་གནང་བཞིན་པ་དེ་ལགས།  གཞན། འགོག་ནི་གང་ཞིག་གཙོ་གནད་དུ་བཟུང་བའི་ལས་སུ་བྱ་བ་གང་ཡིན་པ་དེ་ལ་གནོད་པས་མ་གོས་པ་བྱེད་པའམ་གནོད་པར་བྱེད་མཁན་ལས་སྲུང་བ་སྟེ་རང་གཅེས་ཀྱི་དོན་དང་ལྡན་པའི་བྱ་ཚིག་དང་།རྒོལ་ནི་འཇུག་པའི་དོན་དུ་གོ་བ་ཡོད་ཅིང་། རང་གི་འཚོ་བའི་འདུན་མ་མཚོན་པའི་ལས་གང་ཞིག་ལ་གནོད་པའི་བྱ་བ་གང་ཡོད་དེ་ དག་ལ་གནོད་པར་བྱེད་པའམ།ལས་དེ་ལ་ཕྱིར་བཤོལ་མེད་པར་འཇུག་པ་སྟེ་རང་སྲུང་སྙིང་སྟོབས་ཀྱི་གོ་དོན་དང་ལྡན་པ་ལའོ།
     མི་ཚེ་ནི་འདི་ལྟར་ལེགས་ཉེས་ཀྱི་རྣམ་དབྱེའི་མིང་དུ་གདགས་སྟངས་ཤིག་གིས་འགྲོ་དགོས་པ་དང་། འགྲོ་བ་ཀུན་པོ་འཛམ་བུ་གླིང་དུ་ཅི་འདོད་འདོད་དུ་འཚོ་བར་སྟབས་བདེ་བའི་ཀུན་སྤྱོད་ཉམས་པ་ནས་སྲིད་ཀྱི་གནས་ལུགས་དང་།སྲིད་གཞུང་གི་སྒྲོམ་གཞི།དབང་བསྒྱུར། སྒྲིག་ལམ།ཁྲིམས་བཅས་བྱུང་བ་ནི་རྣམ་པར་འགྱུར་བའི་འཚོ་བའི་གནས་ལུགས་ཀྱི་འཕེལ་རིམ་ཞིག་ཏུ་ངེས།  བདེན་པའི་གཏམ་ཞིག་སྨྲས་ན་འདི་ལྟ་སྟེ། མི་ཚེ་ནི་ལེགས་པ་ཞིག་མ་ཡིན་པར་ལེགས་པར་བཟུང་བ་ཞིག་གོ། 
                                         ཕྱི་ལོ་༢༠༡༠ ཟླ་༧ཚེས་༩ཉིན།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།