བདག་གི་བྱིས་པའི་ལོ་རབས།(བཅུ་བ)

 

                           གྲངས་རིག་དགེ་རྒན་དང་ཕ་ཡར།  

   བསླབ་བྱ་དག་གི་ནང་ནས།   ང་རང་ཆེས་དགའ་བ་ནི་བོད་ཡིག་དང་དབྱིན་ཡིག་ཡིན་ལ།   དེ་ཙམ་མི་དགའ་ཞིང་བསླབ་འབྲས་བཟང་རྒྱུ་མེད་པ་ནི་གྲངས་རིག་ཡིན།   གྲངས་རིག་སློབ་ཁྲིད་འཚོགས་ལ་ཉེ་སྐབས།  ངའི་སེམས་སུ།   ཁ་སང་བྲིས་པའི་ལས་བྱ་དེ་དག་འགྲིག་ཡོད་དམ།  དགེ་རྒན་གྱིས།  དེ་རིང་ཡང་ང་རང་སྒོ་སམ་སྟེང་དུ་བོས་ནས་སྡུག་ལ་གཏོད་སྲིད་དམ་སྙམ་ནས།  སེམས་ཁུར་དང་སེམས་ཚེགས་མང་བོ་བྱས་པ་ཡིན།  

    གྲངས་རིག་གི་ལས་བྱ་གཏན་ནས་མ་ཤེས་པའི་སྐབས་སུ།  ངས་གཞན་གྱི་ལས་བྱ་འབྲི་དེབ་ཁྱེར་ཡོང་ནས་བཤུ་འབྲི་མི་བྱེད་ག་མེད་བྱུང་།  ལས་བྱ་བཤུ་འབྲི་བྱས་པའི་རྐྱེན་གྱིས།   གྲངས་རིག་དགེ་རྒན་གྱིས་བཀའ་བཀྱོན་མང་བོ་གནང་བ་དང་།  སློབ་ཁང་གི་གྲལ་མགོར་བརྩེངས་ནས་ལག་མཐིལ་ལ་དབྱུག་པས་མང་བོ་བྲབས་མྱོང་།  དེ་ལྟ་ནའང་།   གྲངས་རིག་དགེ་རྒན་ནི།  གྲི་ཚོད་མེད་གཡུགས་ནས་གྲོགས་པོ་གསོད་མཁན་དང་།   གཏམ་ཚོད་མེད་བཤད་ནས་མྱི་སེམས་གཅོག་མཁན་ཞིག་མ་ཡིན་པར།   བཀའ་བཀྱོན་དང་ཕྱག་འཇུག་གནང་བའི་རྗེས་སུ།   མྱུར་དུ་ཐབས་ལམ་སྣ་ཚོགས་སྤྱད་ནས།  སློབ་མ་ཚོའི་སེམས་ཁམས་གསོ་བ་དང་སྐུལ་ལྕག་ཐེབས་པའི་བསླབ་བྱ་ཡང་ཡང་གནང་བ་ཡིན།  

   མོས་བཤད་རྒྱུར།   "ལས་བྱ་མི་ཤེས་པའི་སྐབས་སུ།  མྱུར་བ་མྱུར་དུ་གཞན་གྱི་ལས་བྱ་བཤུ་འབྲི་བྱེད་མི་རུང་བར་བསམ་བློ་ཡང་ཡང་གཏོང་བ་དང་།  གྲོགས་པོ་ཕན་ཚུན་ལ་གྲོས་སྡུར་བྱེད་པ།  དེ་མིན་ན།  དགེ་རྒན་ལ་འདྲི་རུ་འོངས་ན་འོས།   མི་རིག་ན་སྒང་ལ་འབུད་པ་དང་མི་ཤེས་ན་རྒན་ལ་འདྲི་བ་ནི་བྱ་བ་ཡག་པོ་ཞིག་ཡིན་པ་མ་གཏོགས།   ངོ་ཚ་ཞིག་གཏན་ནས་མིན།"ཞེས་དང་།   "ངས་བལྟས་ན།  ཁྱོད་རང་བྱིས་པ་གཞུང་དྲང་ཞིག་རེད།   ལས་བྱ་བཤུ་འབྲི་བྱེད་པ་ནི་ཁྱོད་ཀྱི་གནས་སྐབས་ཀྱི་སྐྱོན་ཆ་ཙམ་ཡིན།  ཤུ་རེ་བྱོས་དང་ཡར་ཐོན་ལོས་ཡོད།"ཅེས་དང་།    ཡང་ཁོ་མོས།   "བྱ་བ་གང་ཞིག་བསྒྲུབ་དགོས་ཀྱང་།   བྱ་བ་དེ་སྡུག་མེད་བདེ་ལེགས་ཀྱིས་འགྲུབ་པའི་ཆ་རྐྱེན་གཙོ་བོ་གཅིག་ནི།   ཐབས་ལམ་གྱི་བཟང་ངན་ལ་རག་ལས་ཡོད།   ངས་ཁྱོད་ལ་གྲངས་རིག་སྦྱོང་བའི་མན་ངག་འགའ་ངོ་སྤྲོད་བྱེད།"ཟེར་ནས།   གྲངས་རིག་སྦྱོང་སྐབས་བསམ་བློ་ཅི་ལྟར་གཏོང་བ་དང་དཀའ་གནད་ཅི་ལྟར་སེལ་བའི་ཐབས་ལམ་སྐོར་ཞིག་གསུངས་མྱོང་།

    ང་ལ་གྲངས་རིག་གི་དཀའ་གནད་སྐོར་ནས།   མཛུབ་སྟོན་དང་བློ་འབྱེད་བྱེད་མཁན་གཞན་ཞིག་ནི་བདག་གི་ཕ་ཡར་ལགས་ཡིན།   ཨ་ཕ་ཚེ་ལས་འདས་པའི་ལོ་གསུམ་པར།  ཨ་མས་ཡང་བསྐྱར་སྐྱེས་པ་ཞིག་བཙལ་ཞིང་།   ཁོ་ནི་སྔོན་ཆད་དགེ་རྒན་གྱི་ལས་ཀར་འཇུས་མྱོང་མཁན་ཞིག་རེད།   ཐོག་དང་པོར་ཁོ་ངེད་ཚང་ལ་ཡོང་དུས།   ངས་ནི་ཁོ་རང་།   མི་ཅི་འདྲའི་ངོ་གནག་ཅིག་དང་བཙན་པོ་ཞིག   ང་ལ་འདང་མེད་པ་ཞིག་རེད་འདོད་མོད།   རྟ་ཡི་བཟང་ངན་བརྒྱུགས་ན་ཤེས།   མི་ཡི་བཟང་ངན་འགྲོགས་ན་ཤེས་ཟེར་བ་ལྟར།   བསྡད་ཀྱིན་བསྡད་ཀྱིན།   ཁོ་ནི་ང་ལ་ཤ་ཚ་བའི་ཁར།   ངའི་གྲངས་རིག་ལས་བྱ་ལ་ཕྱོགས་སྟོན་བྱེད་པའི་དགེ་རྒན་བཟང་བོ་ཞིག་རེད།

    ངས་གྲངས་རིག་ལས་བྱ་མི་ཤེས་པའི་སྐབས་སུ།    ཁོས་ང་ལ་ཁོང་ཁྲོ་སློང་བའི་གཤེ་གཤེ་གང་ཡང་མི་གཏོང་བར།   ཐོག་མར་ཁྲེ་ཙེ་དང་ཟླུམ་གོར།   རྩིས་ཕྲེང་སོགས་གྲ་སྒྲིག་བྱས་ནས་ལག་ལེན་བྱེད་དུ་འཇུག་པ་དང་།   དེ་ནས་མི་ཤེས་ན།   རི་མོ་འབྲི་བ་དང་དངོས་པོའི་དབྱིབས་གཟུགས་ལས་ནས་ང་ཡི་བློ་སྒོ་འབྱེད་པར་བྱེད།   མཚམས་ལ་རེར།   ངས་ལས་བྱ་མ་ཚར་བར་ནམ་གུང་གི་ཆུ་ཚོད་བཅུ་གཅིག་བཅུ་གཉིས་ལ་ཐོན་ནའང་།    ཁོ་ལ་སུན་སྣང་གང་ཡང་མེད་པར།   ང་ལ་ཚད་མེད་པའི་རོགས་རམ་དང་མཐའ་མེད་པའི་རྒྱབ་སྐྱོར་གང་མང་བྱས་པ་ཡིན།  

     ཡང་མཚམས་རེར་ལས་བྱ་མེད་པའི་ངལ་གསོའི་དགོང་མོར།   ཁོས་ང་དང་མཉམ་དུ་འགུལ་རིས་བརྙན་འཕྲིན་ལ་ལྟ་བ་དང་བོད་ཡིག་དང་རྒྱ་ཡིག་གི་སྒྲུང་གཏམ་ཀློག་པ་ཡིན།    མ་ཟད།   ཁོས་གནའ་གཏམ་མང་བོ་བཤད་ཤེས་པ་དང་།   སྒོས་སུ་རོ་སྒྲུང་དང་གླིང་སྒྲུང་མང་བོ་བཤད་པས།  ངའི་བོད་ཡིག་གི་རྩོམ་ཡིག་འབྲི་བར་ནུས་པ་ཆེན་པོ་ཐོན་ཅིང་།   ད་ལྟ།  ང་རྩོམ་པ་པོ་ཞིག་ཏུ་གྱུར་བ་ཡང་ཁོང་གི་བཀའ་དྲིན་དང་འབྲེལ་ཐབས་མེད་པ་ཡིན།  

                              བདག་གི་ཨ་མ།
     

    བཤད་སྒྲོས་ཤིག་ལ།   མ་མཛངས་མར་ཡོན་ཏན་བརྒྱད་ཚང་ཡིན་ཟེར་ནས།  བུད་མེད་ཡ་རབས་ཤིག་ཡིན་ན་ཁྱད་ཆོས་བརྒྱད་ཚང་དགོས་པ་བཤད།  གལ་སྲིད།  དེ་ལྟར་གྲངས་ཀ་ཞིག་བརྩི་དགོས་པའི་དབང་དུ་བཏང་ན།  ངའི་ཨ་མ་ལ་ནི།   བརྒྱད་གཉིས་བཅུ་དྲུག་དང་བརྒྱད་གསུམ་ཉེར་བཞི་བརྩི་དགོས་ཀྱང་བརྩི་རྒྱུ་ཡོད་མེད་ལ་འདང་རྒྱག་མི་དགོས་སྙམ།

    ངའི་ཨ་མའི་ཁྱད་ཆོས་གཙོ་བོ་གཅིག་ནི།   བྱ་བ་གང་བསྒྲུབས་ཀྱང་གོ་རིམ་ཡོད་པ་དང་འཆར་གཞི་ལྡན་པ་དེ་ཡིན།   ནངས་སྔ་མོར་མལ་ལས་ལངས་རྗེེས།  མོས་ཐོག་མར་ཁ་ལག་གཙང་མར་འཁྲུད་པ་དང་།  དེ་ནས་མཆོད་པ་གཤོམ་པ་དང་ཕྱག་འཚལ་བ།  ཁྱིམ་ལ་གཙང་སྦྲ་བྱེད་པ།  ནངས་ཇ་སྐོལ་བ་སོགས་ཡིན།  མོའི་བྱ་བ་སྒྲུབ་སྟངས་ལ་གོ་རིམ་དང་འཆར་གཞི་ཡོད་པས།   ལས་ཀ་ཇི་ལྟར་མང་ཡང་མི་འགྲུབ་པ་དང་མི་ཚར་བ་མེད་ཅིང་།   དཀའ་སྡུག་ཅི་འདྲར་ཐུག་ཀྱང་།  དེ་ལ་ཕྱིར་སྣུར་དང་དཔའ་ཞུམ་སྤ་བཀོང་བྱེད་མཁན་ཞིག་ཀྱང་གཏན་ནས་མིན།   མོས་རྒྱུན་དུ།   "འཇིག་རྟེན་ཁམས་ན་དཀའ་ལས་རྒྱག་མི་དགོས་པའི་ལས་ཀ་ཞིག་གང་དུ་ཡོད།   སློབ་མ་ཞིག་གིས་སློབ་སྦྱོང་བྱས་ནའང་དཀའ་ཁག་ཏན་ཏན་ཡོད་མོད།   དཀའ་ཁག་ལ་མགོ་མི་སྒུར་བ་ནི་ད་གཟོད་སློབ་མ་བཟང་བོ་ཡིན།"ཟེར།  

    བྱིས་པ་རང་གི་བྱིས་པ་ཡག   ལོ་ཏོག་གཞན་གྱི་ལོ་ཏོག་ཡག་ཟེར་བའི་ཁ་དཔེ་ལྟར།   འཇིག་རྟེན་གྱི་ཨ་མ་ཡོད་ཚད་རང་གི་བྱིས་པ་ལ་འདང་མི་ཆེ་མཁན་དང་།   ཤ་མི་ཚ་མཁན་ཞིག་མེད་མོད།   ངས་བལྟས་ན།   བདག་གི་ཨ་མ་ནི་ཨ་མ་གཞན་པ་དག་ལས་ཀྱང་ཐབས་མཁས་ཐུགས་རྗེ་མངའ་བ་ཞིག་རེད་སྙམ།   ནངས་དགོང་གི་ལས་བྱ་བྲིས་ཚར་བ་དང་དཔེ་ཆར་མི་ལྟ་བའི་སྐབས་སུ།   ངས་ཀྱང་མོ་དང་མཉམ་དུ་ཁྱིལ་ལས་སྣ་ཚོགས་ལས་པ་ཡིན།   མོས་ང་ལ་དཀར་ཡོལ་དང་ཐུར་མ།  དབུགས་རྡིག   ཟངས་ང་།   ཇ་དེམ།   ནང་མི་རྣམས་ཀྱི་གོན་པ་སོགས་བཀྲུ་ཚུལ་དང་།   ཚོད་མ་དང་ཐུག་པ།  གོ་རེ་སོགས་ཇི་ལྟར་བཅའ་དགོས་པ་སློབ་ཅིང་།  སྒོས་སུ།   སྡེ་གཞུང་དང་རུ་ཁ་ཁྱིམ་མཚེས་བར་ལ་རོགས་རམ་བྱེད་དགོས་པ་བཤད།  

    སྐབས་འགའ་རེར།  ང་རང་ལྗིད་མོ་དང་དཀའ་ཁག་ཅན་གྱི་ལས་ཀར་འཕྲད་དུས་ཀྱང་།   ཁོ་མོས་ཟུར་བཤད་ཙམ་དང་མཛུབ་སྟོན་ཙམ་གནང་བ་ལས་རོགས་རམ་མི་བྱེད་པ་ཡིན།   དང་ཐོག   ངས་ཁོ་མོས་དེ་ལྟར་བྱེད་དགོས་པའི་རྒྱུ་མཚན་མ་ཤེས་མོད།  རྗེས་ནས་འདང་བརྒྱབ་ན།   ཡིན་རྒྱུ་ནི།   ང་རང་ཆུང་དུས་ནས་ལས་ཀ་ལས་ཤེས་པ་དང་།   དཀའ་ཁག་གདོང་གིས་བསུ་ནུས་པའི་བྱིས་པ་ཞིག་ཏུ་སྐྱེད་སྲིང་བྱེད་འདོད་པ་ཡིན་འདུག  

    ངའི་ཨ་མའི་ཁྱད་ཆོས་གཞན་ཞིག་ནི།   དུས་ཚོད་དམ་འཛིན་བྱེད་ཤེས་པ་དེ་ཡིན།   དུས་ཚོད་དམ་འཛིན་བྱེད་དགོས་པའི་ཕྱོགས་ནས།  མོས་ང་ལ་གཏམ་རྒྱུད་ཅིག་བཤད་མྱོང་བ་གཤམ་དུ་བཀོད་པ་འདི་ཡིན་ལ།   "སྐར་མ་གང་ཡང་དམ་འཛིན་བྱེད་དགོས།"ཟེར་བ་ནི།   གཏམ་རྒྱུད་འདིའི་ཁ་བྱང་ཡིན།  

    "གནའ་སྔ་མོར།  མིང་ལ་རིག་ལྡན་ཟེར་བའི་བྱིས་པ་ཞིག་ཡོད།   ཁོ་རང་སློབ་གྲྭར་འགྲོ་དགོས་པའི་ནངས་མོ་ཞིག་ལ།   དུས་ཚོད་ཀྱི་བརྡ་དྲིལ་སིང་སིང་གྲག་ནའང་།  ཁོས་སྐར་མ་གཅིག་ཕྱིར་འགྱངས་བྱས་ཀྱང་སྐྱོན་མི་འདུག་སྙམ་ཏེ་ཉལ་ནས་བསྡད།   ཁོས་ཉལ་སའི་ནང་ནས་སྐར་མ་གཅིག་ཆུད་ཟོས་བཏང་རྗེས།  མྱུར་དུ་ཡར་ལངས་ནས་སློབ་གྲྭར་སོང་།   ཁོ་མི་བགྲོད་འཕྲེད་ལམ་ནས་ཕར་ལ་འགྲོ་རན་དུས།   ཏག་ཏག་བརྡ་སྟོན་གློག་དམར་ཤར་བྱུང་བས།  ཁོས་དེ་ནས།  སྐར་མ་གཅིག་ལ་བསྒུགས་རྗེས་ད་གཟོད་ཕར་ལ་འགྲོ་ཐུབ་པ་བྱུང་།  

    ཡང་ཁོ་རང་།   སྤྱི་འགྲུལ་རླངས་འཁོར་སྡོད་སར་ཐོན་ནས།   རླངས་འཁོར་གྱི་འགྲམ་དུ་བརྒྱུགས་ཏེ་ནང་དུ་འབུད་འདོད་དུས།   དུས་ཚོད་ཐོན་པའི་རྐྱེན་གྱིས།   རླངས་འཁོར་དེ་སྐར་ཆ་གཅིག་ཙམ་ལ་ཡང་མི་སྒུག་པར།   ཁོའི་མིག་ལམ་ནས་ཕར་ལ་བུད་སོང་བས།   ཁོས་ཡང་བསྐྱར་སྐར་མ་འགའ་ལ་རླངས་འཁོར་རྗེས་མར་མི་སྒུག་ག་མེད་བྱུང་།   དེ་ལྟར།   ཁོ་རང་སློབ་གྲྭར་ཐོན་དུས།   ནངས་སྦྱོང་འཚོགས་ནས་སྐར་མ་ཉི་ཤུ་འགོར་ཟིན་པ་དང་།    དགེ་རྒན་གྱིས་སློབ་ཁང་དུ།   སློབ་གྲོགས་གཞན་པ་དག་ལ་ཟུར་ཁྲིད་བྱེད་བཞིན་འདུག   སྐབས་དེར།  རིག་ལྡན་གྱི་སེམས་སུ།   ཉལ་སའི་ནང་ནས་སྐར་མ་གཅིག་འགོར་འགྱངས་བྱས་པར་འགྱོད་པ་ཆེན་པོ་སྐྱེས།"


རྩོམ་སྒྲིག་པ། དབང་མོ།


(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

བདག་གི་བྱིས་པའི་ལོ་རབས།(བཅུ་བ)

2017-03-15 གཞི་རིམ་པ། ཀློག་གྲངས། མཆན ཡོད།

 

                           གྲངས་རིག་དགེ་རྒན་དང་ཕ་ཡར།  

   བསླབ་བྱ་དག་གི་ནང་ནས།   ང་རང་ཆེས་དགའ་བ་ནི་བོད་ཡིག་དང་དབྱིན་ཡིག་ཡིན་ལ།   དེ་ཙམ་མི་དགའ་ཞིང་བསླབ་འབྲས་བཟང་རྒྱུ་མེད་པ་ནི་གྲངས་རིག་ཡིན།   གྲངས་རིག་སློབ་ཁྲིད་འཚོགས་ལ་ཉེ་སྐབས།  ངའི་སེམས་སུ།   ཁ་སང་བྲིས་པའི་ལས་བྱ་དེ་དག་འགྲིག་ཡོད་དམ།  དགེ་རྒན་གྱིས།  དེ་རིང་ཡང་ང་རང་སྒོ་སམ་སྟེང་དུ་བོས་ནས་སྡུག་ལ་གཏོད་སྲིད་དམ་སྙམ་ནས།  སེམས་ཁུར་དང་སེམས་ཚེགས་མང་བོ་བྱས་པ་ཡིན།  

    གྲངས་རིག་གི་ལས་བྱ་གཏན་ནས་མ་ཤེས་པའི་སྐབས་སུ།  ངས་གཞན་གྱི་ལས་བྱ་འབྲི་དེབ་ཁྱེར་ཡོང་ནས་བཤུ་འབྲི་མི་བྱེད་ག་མེད་བྱུང་།  ལས་བྱ་བཤུ་འབྲི་བྱས་པའི་རྐྱེན་གྱིས།   གྲངས་རིག་དགེ་རྒན་གྱིས་བཀའ་བཀྱོན་མང་བོ་གནང་བ་དང་།  སློབ་ཁང་གི་གྲལ་མགོར་བརྩེངས་ནས་ལག་མཐིལ་ལ་དབྱུག་པས་མང་བོ་བྲབས་མྱོང་།  དེ་ལྟ་ནའང་།   གྲངས་རིག་དགེ་རྒན་ནི།  གྲི་ཚོད་མེད་གཡུགས་ནས་གྲོགས་པོ་གསོད་མཁན་དང་།   གཏམ་ཚོད་མེད་བཤད་ནས་མྱི་སེམས་གཅོག་མཁན་ཞིག་མ་ཡིན་པར།   བཀའ་བཀྱོན་དང་ཕྱག་འཇུག་གནང་བའི་རྗེས་སུ།   མྱུར་དུ་ཐབས་ལམ་སྣ་ཚོགས་སྤྱད་ནས།  སློབ་མ་ཚོའི་སེམས་ཁམས་གསོ་བ་དང་སྐུལ་ལྕག་ཐེབས་པའི་བསླབ་བྱ་ཡང་ཡང་གནང་བ་ཡིན།  

   མོས་བཤད་རྒྱུར།   "ལས་བྱ་མི་ཤེས་པའི་སྐབས་སུ།  མྱུར་བ་མྱུར་དུ་གཞན་གྱི་ལས་བྱ་བཤུ་འབྲི་བྱེད་མི་རུང་བར་བསམ་བློ་ཡང་ཡང་གཏོང་བ་དང་།  གྲོགས་པོ་ཕན་ཚུན་ལ་གྲོས་སྡུར་བྱེད་པ།  དེ་མིན་ན།  དགེ་རྒན་ལ་འདྲི་རུ་འོངས་ན་འོས།   མི་རིག་ན་སྒང་ལ་འབུད་པ་དང་མི་ཤེས་ན་རྒན་ལ་འདྲི་བ་ནི་བྱ་བ་ཡག་པོ་ཞིག་ཡིན་པ་མ་གཏོགས།   ངོ་ཚ་ཞིག་གཏན་ནས་མིན།"ཞེས་དང་།   "ངས་བལྟས་ན།  ཁྱོད་རང་བྱིས་པ་གཞུང་དྲང་ཞིག་རེད།   ལས་བྱ་བཤུ་འབྲི་བྱེད་པ་ནི་ཁྱོད་ཀྱི་གནས་སྐབས་ཀྱི་སྐྱོན་ཆ་ཙམ་ཡིན།  ཤུ་རེ་བྱོས་དང་ཡར་ཐོན་ལོས་ཡོད།"ཅེས་དང་།    ཡང་ཁོ་མོས།   "བྱ་བ་གང་ཞིག་བསྒྲུབ་དགོས་ཀྱང་།   བྱ་བ་དེ་སྡུག་མེད་བདེ་ལེགས་ཀྱིས་འགྲུབ་པའི་ཆ་རྐྱེན་གཙོ་བོ་གཅིག་ནི།   ཐབས་ལམ་གྱི་བཟང་ངན་ལ་རག་ལས་ཡོད།   ངས་ཁྱོད་ལ་གྲངས་རིག་སྦྱོང་བའི་མན་ངག་འགའ་ངོ་སྤྲོད་བྱེད།"ཟེར་ནས།   གྲངས་རིག་སྦྱོང་སྐབས་བསམ་བློ་ཅི་ལྟར་གཏོང་བ་དང་དཀའ་གནད་ཅི་ལྟར་སེལ་བའི་ཐབས་ལམ་སྐོར་ཞིག་གསུངས་མྱོང་།

    ང་ལ་གྲངས་རིག་གི་དཀའ་གནད་སྐོར་ནས།   མཛུབ་སྟོན་དང་བློ་འབྱེད་བྱེད་མཁན་གཞན་ཞིག་ནི་བདག་གི་ཕ་ཡར་ལགས་ཡིན།   ཨ་ཕ་ཚེ་ལས་འདས་པའི་ལོ་གསུམ་པར།  ཨ་མས་ཡང་བསྐྱར་སྐྱེས་པ་ཞིག་བཙལ་ཞིང་།   ཁོ་ནི་སྔོན་ཆད་དགེ་རྒན་གྱི་ལས་ཀར་འཇུས་མྱོང་མཁན་ཞིག་རེད།   ཐོག་དང་པོར་ཁོ་ངེད་ཚང་ལ་ཡོང་དུས།   ངས་ནི་ཁོ་རང་།   མི་ཅི་འདྲའི་ངོ་གནག་ཅིག་དང་བཙན་པོ་ཞིག   ང་ལ་འདང་མེད་པ་ཞིག་རེད་འདོད་མོད།   རྟ་ཡི་བཟང་ངན་བརྒྱུགས་ན་ཤེས།   མི་ཡི་བཟང་ངན་འགྲོགས་ན་ཤེས་ཟེར་བ་ལྟར།   བསྡད་ཀྱིན་བསྡད་ཀྱིན།   ཁོ་ནི་ང་ལ་ཤ་ཚ་བའི་ཁར།   ངའི་གྲངས་རིག་ལས་བྱ་ལ་ཕྱོགས་སྟོན་བྱེད་པའི་དགེ་རྒན་བཟང་བོ་ཞིག་རེད།

    ངས་གྲངས་རིག་ལས་བྱ་མི་ཤེས་པའི་སྐབས་སུ།    ཁོས་ང་ལ་ཁོང་ཁྲོ་སློང་བའི་གཤེ་གཤེ་གང་ཡང་མི་གཏོང་བར།   ཐོག་མར་ཁྲེ་ཙེ་དང་ཟླུམ་གོར།   རྩིས་ཕྲེང་སོགས་གྲ་སྒྲིག་བྱས་ནས་ལག་ལེན་བྱེད་དུ་འཇུག་པ་དང་།   དེ་ནས་མི་ཤེས་ན།   རི་མོ་འབྲི་བ་དང་དངོས་པོའི་དབྱིབས་གཟུགས་ལས་ནས་ང་ཡི་བློ་སྒོ་འབྱེད་པར་བྱེད།   མཚམས་ལ་རེར།   ངས་ལས་བྱ་མ་ཚར་བར་ནམ་གུང་གི་ཆུ་ཚོད་བཅུ་གཅིག་བཅུ་གཉིས་ལ་ཐོན་ནའང་།    ཁོ་ལ་སུན་སྣང་གང་ཡང་མེད་པར།   ང་ལ་ཚད་མེད་པའི་རོགས་རམ་དང་མཐའ་མེད་པའི་རྒྱབ་སྐྱོར་གང་མང་བྱས་པ་ཡིན།  

     ཡང་མཚམས་རེར་ལས་བྱ་མེད་པའི་ངལ་གསོའི་དགོང་མོར།   ཁོས་ང་དང་མཉམ་དུ་འགུལ་རིས་བརྙན་འཕྲིན་ལ་ལྟ་བ་དང་བོད་ཡིག་དང་རྒྱ་ཡིག་གི་སྒྲུང་གཏམ་ཀློག་པ་ཡིན།    མ་ཟད།   ཁོས་གནའ་གཏམ་མང་བོ་བཤད་ཤེས་པ་དང་།   སྒོས་སུ་རོ་སྒྲུང་དང་གླིང་སྒྲུང་མང་བོ་བཤད་པས།  ངའི་བོད་ཡིག་གི་རྩོམ་ཡིག་འབྲི་བར་ནུས་པ་ཆེན་པོ་ཐོན་ཅིང་།   ད་ལྟ།  ང་རྩོམ་པ་པོ་ཞིག་ཏུ་གྱུར་བ་ཡང་ཁོང་གི་བཀའ་དྲིན་དང་འབྲེལ་ཐབས་མེད་པ་ཡིན།  

                              བདག་གི་ཨ་མ།
     

    བཤད་སྒྲོས་ཤིག་ལ།   མ་མཛངས་མར་ཡོན་ཏན་བརྒྱད་ཚང་ཡིན་ཟེར་ནས།  བུད་མེད་ཡ་རབས་ཤིག་ཡིན་ན་ཁྱད་ཆོས་བརྒྱད་ཚང་དགོས་པ་བཤད།  གལ་སྲིད།  དེ་ལྟར་གྲངས་ཀ་ཞིག་བརྩི་དགོས་པའི་དབང་དུ་བཏང་ན།  ངའི་ཨ་མ་ལ་ནི།   བརྒྱད་གཉིས་བཅུ་དྲུག་དང་བརྒྱད་གསུམ་ཉེར་བཞི་བརྩི་དགོས་ཀྱང་བརྩི་རྒྱུ་ཡོད་མེད་ལ་འདང་རྒྱག་མི་དགོས་སྙམ།

    ངའི་ཨ་མའི་ཁྱད་ཆོས་གཙོ་བོ་གཅིག་ནི།   བྱ་བ་གང་བསྒྲུབས་ཀྱང་གོ་རིམ་ཡོད་པ་དང་འཆར་གཞི་ལྡན་པ་དེ་ཡིན།   ནངས་སྔ་མོར་མལ་ལས་ལངས་རྗེེས།  མོས་ཐོག་མར་ཁ་ལག་གཙང་མར་འཁྲུད་པ་དང་།  དེ་ནས་མཆོད་པ་གཤོམ་པ་དང་ཕྱག་འཚལ་བ།  ཁྱིམ་ལ་གཙང་སྦྲ་བྱེད་པ།  ནངས་ཇ་སྐོལ་བ་སོགས་ཡིན།  མོའི་བྱ་བ་སྒྲུབ་སྟངས་ལ་གོ་རིམ་དང་འཆར་གཞི་ཡོད་པས།   ལས་ཀ་ཇི་ལྟར་མང་ཡང་མི་འགྲུབ་པ་དང་མི་ཚར་བ་མེད་ཅིང་།   དཀའ་སྡུག་ཅི་འདྲར་ཐུག་ཀྱང་།  དེ་ལ་ཕྱིར་སྣུར་དང་དཔའ་ཞུམ་སྤ་བཀོང་བྱེད་མཁན་ཞིག་ཀྱང་གཏན་ནས་མིན།   མོས་རྒྱུན་དུ།   "འཇིག་རྟེན་ཁམས་ན་དཀའ་ལས་རྒྱག་མི་དགོས་པའི་ལས་ཀ་ཞིག་གང་དུ་ཡོད།   སློབ་མ་ཞིག་གིས་སློབ་སྦྱོང་བྱས་ནའང་དཀའ་ཁག་ཏན་ཏན་ཡོད་མོད།   དཀའ་ཁག་ལ་མགོ་མི་སྒུར་བ་ནི་ད་གཟོད་སློབ་མ་བཟང་བོ་ཡིན།"ཟེར།  

    བྱིས་པ་རང་གི་བྱིས་པ་ཡག   ལོ་ཏོག་གཞན་གྱི་ལོ་ཏོག་ཡག་ཟེར་བའི་ཁ་དཔེ་ལྟར།   འཇིག་རྟེན་གྱི་ཨ་མ་ཡོད་ཚད་རང་གི་བྱིས་པ་ལ་འདང་མི་ཆེ་མཁན་དང་།   ཤ་མི་ཚ་མཁན་ཞིག་མེད་མོད།   ངས་བལྟས་ན།   བདག་གི་ཨ་མ་ནི་ཨ་མ་གཞན་པ་དག་ལས་ཀྱང་ཐབས་མཁས་ཐུགས་རྗེ་མངའ་བ་ཞིག་རེད་སྙམ།   ནངས་དགོང་གི་ལས་བྱ་བྲིས་ཚར་བ་དང་དཔེ་ཆར་མི་ལྟ་བའི་སྐབས་སུ།   ངས་ཀྱང་མོ་དང་མཉམ་དུ་ཁྱིལ་ལས་སྣ་ཚོགས་ལས་པ་ཡིན།   མོས་ང་ལ་དཀར་ཡོལ་དང་ཐུར་མ།  དབུགས་རྡིག   ཟངས་ང་།   ཇ་དེམ།   ནང་མི་རྣམས་ཀྱི་གོན་པ་སོགས་བཀྲུ་ཚུལ་དང་།   ཚོད་མ་དང་ཐུག་པ།  གོ་རེ་སོགས་ཇི་ལྟར་བཅའ་དགོས་པ་སློབ་ཅིང་།  སྒོས་སུ།   སྡེ་གཞུང་དང་རུ་ཁ་ཁྱིམ་མཚེས་བར་ལ་རོགས་རམ་བྱེད་དགོས་པ་བཤད།  

    སྐབས་འགའ་རེར།  ང་རང་ལྗིད་མོ་དང་དཀའ་ཁག་ཅན་གྱི་ལས་ཀར་འཕྲད་དུས་ཀྱང་།   ཁོ་མོས་ཟུར་བཤད་ཙམ་དང་མཛུབ་སྟོན་ཙམ་གནང་བ་ལས་རོགས་རམ་མི་བྱེད་པ་ཡིན།   དང་ཐོག   ངས་ཁོ་མོས་དེ་ལྟར་བྱེད་དགོས་པའི་རྒྱུ་མཚན་མ་ཤེས་མོད།  རྗེས་ནས་འདང་བརྒྱབ་ན།   ཡིན་རྒྱུ་ནི།   ང་རང་ཆུང་དུས་ནས་ལས་ཀ་ལས་ཤེས་པ་དང་།   དཀའ་ཁག་གདོང་གིས་བསུ་ནུས་པའི་བྱིས་པ་ཞིག་ཏུ་སྐྱེད་སྲིང་བྱེད་འདོད་པ་ཡིན་འདུག  

    ངའི་ཨ་མའི་ཁྱད་ཆོས་གཞན་ཞིག་ནི།   དུས་ཚོད་དམ་འཛིན་བྱེད་ཤེས་པ་དེ་ཡིན།   དུས་ཚོད་དམ་འཛིན་བྱེད་དགོས་པའི་ཕྱོགས་ནས།  མོས་ང་ལ་གཏམ་རྒྱུད་ཅིག་བཤད་མྱོང་བ་གཤམ་དུ་བཀོད་པ་འདི་ཡིན་ལ།   "སྐར་མ་གང་ཡང་དམ་འཛིན་བྱེད་དགོས།"ཟེར་བ་ནི།   གཏམ་རྒྱུད་འདིའི་ཁ་བྱང་ཡིན།  

    "གནའ་སྔ་མོར།  མིང་ལ་རིག་ལྡན་ཟེར་བའི་བྱིས་པ་ཞིག་ཡོད།   ཁོ་རང་སློབ་གྲྭར་འགྲོ་དགོས་པའི་ནངས་མོ་ཞིག་ལ།   དུས་ཚོད་ཀྱི་བརྡ་དྲིལ་སིང་སིང་གྲག་ནའང་།  ཁོས་སྐར་མ་གཅིག་ཕྱིར་འགྱངས་བྱས་ཀྱང་སྐྱོན་མི་འདུག་སྙམ་ཏེ་ཉལ་ནས་བསྡད།   ཁོས་ཉལ་སའི་ནང་ནས་སྐར་མ་གཅིག་ཆུད་ཟོས་བཏང་རྗེས།  མྱུར་དུ་ཡར་ལངས་ནས་སློབ་གྲྭར་སོང་།   ཁོ་མི་བགྲོད་འཕྲེད་ལམ་ནས་ཕར་ལ་འགྲོ་རན་དུས།   ཏག་ཏག་བརྡ་སྟོན་གློག་དམར་ཤར་བྱུང་བས།  ཁོས་དེ་ནས།  སྐར་མ་གཅིག་ལ་བསྒུགས་རྗེས་ད་གཟོད་ཕར་ལ་འགྲོ་ཐུབ་པ་བྱུང་།  

    ཡང་ཁོ་རང་།   སྤྱི་འགྲུལ་རླངས་འཁོར་སྡོད་སར་ཐོན་ནས།   རླངས་འཁོར་གྱི་འགྲམ་དུ་བརྒྱུགས་ཏེ་ནང་དུ་འབུད་འདོད་དུས།   དུས་ཚོད་ཐོན་པའི་རྐྱེན་གྱིས།   རླངས་འཁོར་དེ་སྐར་ཆ་གཅིག་ཙམ་ལ་ཡང་མི་སྒུག་པར།   ཁོའི་མིག་ལམ་ནས་ཕར་ལ་བུད་སོང་བས།   ཁོས་ཡང་བསྐྱར་སྐར་མ་འགའ་ལ་རླངས་འཁོར་རྗེས་མར་མི་སྒུག་ག་མེད་བྱུང་།   དེ་ལྟར།   ཁོ་རང་སློབ་གྲྭར་ཐོན་དུས།   ནངས་སྦྱོང་འཚོགས་ནས་སྐར་མ་ཉི་ཤུ་འགོར་ཟིན་པ་དང་།    དགེ་རྒན་གྱིས་སློབ་ཁང་དུ།   སློབ་གྲོགས་གཞན་པ་དག་ལ་ཟུར་ཁྲིད་བྱེད་བཞིན་འདུག   སྐབས་དེར།  རིག་ལྡན་གྱི་སེམས་སུ།   ཉལ་སའི་ནང་ནས་སྐར་མ་གཅིག་འགོར་འགྱངས་བྱས་པར་འགྱོད་པ་ཆེན་པོ་སྐྱེས།"


རྩོམ་སྒྲིག་པ། དབང་མོ།


(མཆོད་མེའི་པར་དབང་གཞན་གྱིས་དགོལ་མི་རུང)

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།