ཤོ་རྒྱག་རྒྱལ་སྐུགས་བྱ་བ་ཚར་བཅད་དེ།། རིགས་ཀྱི་ཡར་བསྐྱེད་སྙིང་སྟོབས་ཤུགས་ཀྱིས་གསོ།།

སྡེ་རོང་ཚེ་རིང་དོན་གྲུབ། མཆོད་མེ་བོད་ཀྱི་རྩོམ་རིག་དྲ་བ། 2011-04-06

 

                                           ——བོད་རིགས་སྤུན་ཟླ་ཡོངས་ལ་ཕུལ་བའི་གྲོས་གཞིའི་ཡི་གེ
    མྰ་ཅང་དང་། ཤོ་རྩེད་དེ་རྒྱལ་སྐུགས་པའི་རླུང་འཚུབ་ཅིག་གིས་བོད་ཁམས་ཀྱི་གྲོང་དང་གྲོང་བརྡལ་ཕལ་ཆེར་བཏུམ་འགྲོ་བཞིན་པའི་སྣང་ཚུལ་འདི་འགྲེང་བརྒྱ་ཀུན་གྱིས་འཚལ་བ་ཞིག་རེད་ལ། མྰ་ཅང་རྩེད་ནས་དངུལ་ལོར་རྒྱན་དུ་འཇོག་པ་ཡང་མངོན་སུམ་གྱི་དོན་ཞིག་ཏུ་གྱུར་འདུག མྰ་ཅང་རྩེད་པ་ནི་ལྐོག་རྔན་སྤྲོད་པ་དང་གསུག་བརྫངས་པའི་ཐབས་ལམ་ཞིག་ཏུ་གྱུར་ཡོད་པའང་ཀུན་ལ་གསལ་ཆ་ཆེ་བའི་ཡོངས་ཁྱབ་ཀྱི་སྣང་ཚུལ་ཞིག་རེད་ལ།བོད་ཁམས་ཡོངས་ཀྱི་ཕོ་མོ་རྒན་གཞོན་མང་བོས་དུས་ཚོད་དང་སེམས་ཤུགས། ཡོང་སྒོ་ཚང་མ་མྰ་ཅང་ཅོག་ཙེའི་ཐོག་ཏུ་འཕེན་བཞིན་པའང་ཚང་མར་ཆ་རྒྱུས་ཡོད་པའི་དོན་ཞིག་རེད།མྰ་ཅང་དང་ཤོ་སོགས་རྒྱལ་སྐུགས་ལ་མགོ་འཁོར་བའི་རྐྱེན་གྱིས་རུལ་སུངས་ཀྱི་དོན་བསྒྲུབས་ཏེ་ཁྲིམས་མུན་དུ་ཚུད་པ་དང་། ཁྱིམ་ཚང་མ་མཐུན་པ། བུ་ཕྲུག་ལ་ཕ་མའི་བྱམས་བརྩེ་མ་ཐོབ་པར་སེམས་ཁམས་ཡ་མ་བརླ་རུ་གྱུར་བ། འགའ་རེའི་སློབ་གཉེར་མར་འགྲིབ་པ་དང་། ཚོང་གི་མ་རྩ་རྒྱན་ལ་བཞག་སྟེ་ཚར་སོང་བ། ག་ས་གང་དུ་རྒྱལ་སྐུགས་ཀྱི་བུ་ལོན་ཆད་པས་ཁྱིམ་ཚང་ཡང་བཙོངས་པ་སོགས་ནི་འུ་ཅག་གི་མིག་སྔར་བཤམས་པའི་དོན་དངོས་རང་རེད། མྰ་ཅང་དང་ཤོ་ལ་གཡེང་བའི་རྐྱེན་གྱིས་བྱ་བ་འཛོལ་བ་དང་། ལས་ཀ་དང་མི་སྒེར་གྱི་འཕེལ་རྒྱས་དང་མདུན་ལམ་ལ་ཤུགས་རྐྱེན་ཐེབས་པའི་སྣང་ཚུལ་ཡོད་པ་ཡང་མི་རེ་རེའི་སེམས་སུ་གསལ། མྰ་ཅང་དང་ཤོ་རྩེད་ནས་རྒྱལ་སྐུགས་ན་ཐོབ་བྱ་ཅི་ཞིག་ཡོད་པ་དཔེ་རེ་གཉིས་ཀྱང་འདྲེན་རྒྱུ་མི་འདུག་མོད། མི་རེ་འགས། མྰ་ཅང་དང་ཤོ་རྩེས་ན་མིའི་སེམས་ཤུགས་ཁ་འཐོར་དུ་གཏོང་ཐུབ་པས་སྤྱི་ཚོགས་བརྟན་འཇགས་ལ་ཕན་ཞེས་བརྗོད་ཀྱི་འདུག  སྐད་ཆ་འདི་ནི་དབང་འཛིན་སྲིད་གཞུང་གི་བདག་དམ་ནུས་པར་ཟུར་ཟ་འཕྱ་སྨོད་དང་རྫུན་བཟོ་འགྲེལ་བརྗོད་བྱས་པ་ཞིག་རེད།
     བོད་ཁུལ་དུ་ལས་རིགས་སྣ་མང་གསར་དུ་དར་དགོས་ལ། འཛུགས་སྐྲུན་གྱི་ལས་རིགས་ཁག་ལམ་ལ་ཆས་མ་ཐག་ཡིན་པས། རྒྱལ་ཡོངས་མི་དམངས་ཀྱི་རོགས་སྐྱོར་མཁོ་ལ། ང་ཚོས་བསྒྲུབ་དགོས་པའི་བྱ་བ་ཤིན་ཏུ་མང་ཞིང་། གསར་གཏོད་གསར་བསྐྲུན་དང་།འཛུགས་སྐྲུན་དོ་དམ་གྱི་བྱ་བའང་རབ་ཏུ་མོད་པས། རང་ཅག་གིས་མྰ་ཅང་ཅོག་ཙེའི་སྟེང་ལ་བཀོལ་བའི་དུས་ཚོད་དང་སེམས་ཤུགས། མ་དངུལ་ཚང་མ་དཔེ་ཀློག་སློབ་སྦྱོང་དང་ལས་རིགས་ཞིབ་དཔྱོད། བརྟག་དཔྱད་ཞིབ་འཇུག་དང་འཛུགས་སྐྲུན་བྱ་བ། ལས་ཀ་དང་བྱ་བ་སོགས་ཀྱི་ཐད་དུ་བཀོལ་ན་ཇི་འདྲའི་བཟང་ཨང་། འདི་ཡང་ལས་རིགས་ཀྱི་འདུ་ཤེས་ལྡན་ལ། འགན་འཁྲིའི་བསམ་བློ་དང་། ལས་ཀའི་བསམ་བློ། ཉེན་ཚབས་ཀྱི་བསམ་བློ་མངའ་བའི་མི་རྣམས་ཀྱིས་ཉིན་མཚན་ལྟོས་མེད་དུ་ངང་སྒུག་བྱེད་བཞིན་པའི་རེ་སྨོན་ནོ།།
    སྲིད་གཞུང་གི་མིག་ལམ་དང་གསར་འགྱུར་བརྒྱུད་ལམ་ཁག་གི་དྲིལ་བསྒྲགས་ལྟར་ན། བོད་རིགས་ལས་བྱེད་མི་སྣ་དག་གི་རིག་གནས་ཀྱི་ཆུ་ཚད་དང་། ཤེས་བྱའི་ཆུ་ཚད། སྲིད་ཇུས་དང་ཁྲིམས་ལུགས་ཀྱི་ཆུ་ཚད། ལས་རིགས་ཀྱི་ཆུ་ཚད། ཆེད་ལས་ལག་རྩལ་གྱི་ཆུ་ཚད་དང་སྤྱིའི་སྤུས་ཚད་བཅས་བཟང་བར་འདོད་ཀྱི་ཡོད་ཀྱང་། བློ་ཞིབ་མོས་རྒྱུས་ལོན་དང་རྩད་ཞིབ་བྱས་ཚེ། སྤྱི་ཁྱབ་ཏུ་ད་དུང་ཆུ་ཚད་དམའ་བའི་གནས་སུ་ཡོད། ལྷག་པར་དུ་ལས་བྱེད་པའི་ཚོགས་ཀྱིས་རང་མི་རིགས་ཀྱི་སྲོལ་རྒྱུན་རིག་གནས་དང་། སྐད་ཡིག ལོ་རྒྱུས་ཤེས་བྱའི་ཆུ་ཚད་དང་མི་རིགས་རིག་གནས་ལ་བཟུང་བའི་རང་རྟོགས་ཀྱི་འདུ་ཤེས་སོགས་ཇེ་དམའ་དང་ཇེ་སྲབ་ཏུ་འགྲོ་བཞིན་པ་མངོན་ལ། མི་ཁ་ཤས་དེ་དག་ལ་ཡོངས་སུ་རྨོངས་འདུག་ཅེས་ཀྱང་བཤད་ཆོག འདི་ལྟར་ན། འུ་ཅག་དུས་རབས་ཀྱི་རྗེས་ལུས་པ་དང་རང་གི་རིག་གནས་ཀྱི་རྒྱུན་གཅོད་མཁན་ཞིག་ཏུ་འགྱུར་འགྲོ་བར་སྐྲག་སྣང་མི་སྐྱེས་སམ།
    ཀྲུང་དབྱང་གི་བོད་ལྗོངས་བྱ་བའི་ཚོགས་འདུ་ཐེངས་ལྔ་བའི་དགོངས་དོན་ནན་ཏིག་གིས་ལག་བསྟར་དང་། བོད་ཁུལ་གྱི་རྒྱང་མཆོང་ལྟ་བུའི་འཕེལ་རྒྱས་དང་ཡུན་རིང་བརྟན་འཇགས་སྐུལ་སྤེལ། ལོ་ལྔའི་འཆར་གཞི་ཨང་བཅུ་གཉིས་པའི་འཆར་གཞིའི་དམིགས་ཚད་སོགས་ཚང་མ་མྰ་ཅང་ཅོག་ཙེའི་སྟེང་དང་ཇ་ཁང་གར་ཁང་དག་ནས་ལག་བསྟར་ལེགས་འགྲུབ་ཐུབ་པ་ཞིག་ཡིན་སྲིད་དམ། ཁོ་བོས་བལྟས་ན། མྰ་ཅང་ཅོག་ཙེའི་ཐོག་ནས་སྲིད་དོན་མི་འགྲུབ་ཅིང་། ཤོ་ཡི་རྩེད་མོའི་ཁྲོད་ནས་ཤེས་བྱ་སློབ་མི་ཐུབ་ལ།ཇ་ཁང་གར་ཁང་ནང་ནས་གྲུབ་འབྲས་མི་ཐོན་ཞིང་། གཞན་མིའི་ཡིན་མིན་བརྗོད་དེ་ཕན་འབྲས་མི་མངོན་ནོ།།བོད་ཁུལ་གྱི་དཔལ་འབྱོར་འཕེལ་རྒྱས་དང་། རིག་གནས་དར་རྒྱས། སྤྱི་ཚོགས་ཡར་ཐོན། བརྟན་འཇགས་འཆམ་མཐུན་བཅས་འབྱུང་དགོས་ན། དཀའ་སྤྱད་སློབ་སྦྱོང་དང་། ལས་ཀར་སྡུག་རུས། ཧུར་བརྩོན་རྒྱལ་སྐྱོང་། རང་དོན་བློས་བཏང་གིས་བྱས་རྗེས་བཞག་ན་ད་གཟོད་རེ་བ་ཡོད་པ་ལས། དེ་ལས་གཞན་པའི་ཐབས་ལམ་གང་ཡང་མི་འདུག་གོ།
ཤོ་རྒྱག་རྒྱལ་སྐུགས་འགོག་ཐབས་ཀྱི་གྲོས་གཞི་འགའ།
གཅིག  ཏང་དང་སྲིད་གཞུང་གིས་སྲིད་འཛིན་གྱི་ལག་ཐབས་སྤྱད་དེ་དྲག་རྩུབ་ཀྱིས་བཀག་སྡོམ་དང་རྩ་རྫོགས་བྱ་དགོས་པ་དང་། མི་མང་འདུ་ས་དང་གསར་འགྱུར་བརྒྱུད་ལམ་ཁག་ནས་བཀག་སྡོམ་བྱ་དགོས་པའི་དྲིལ་བསྒྲགས་རྒྱ་ཆེན་པོ་བྱས་ཏེ། མི་ཚང་མར་ཤེས་སུ་འཇུག་དགོས།
གཉིས། ཁ་ཏར་མི་ཉན་པའམ་ཉེས་པ་བཟོ་མཁན་ལ་དཔོན་གནས་དང་ལས་གནས་ལས་ཕབ་པ་དང་། ཟླ་ཕོགས་གཅོག་པ། སྒོར་མོའི་ཆད་པ་རྒྱག་པ། གསར་ལམ་དུ་མངོན་བསྒྲགས་བྱེད་པ་སོགས་གཏའ་མ་བྱས་ན་ད་གཟོད་མངོན་གསལ་གྱི་གྲུབ་འབྲས་ཐོན་ཐུབ།
གསུམ། ཁྲིམས་འཛིན་ལྟ་རྟོག་ལས་ཁུངས་ཀྱིས་གནས་དངོས་སུ་ཞིབ་བཤེར་བྱེད་པའི་ཐབས་ཤེས་བསྒྱུར་ཏེ། ཇ་ཁང་དང་ཆང་ཁང་སོགས་སུ་ལྟ་རྟོག་འཕྲུལ་ཆས་བཞག་ནས་དངོས་དཔང་ར་སྤྲོད་བྱེད་པ་དང་རྒྱལ་སྐུགས་མཁན་བྲོས་བྱོལ་གྱི་གོ་སྐབས་སྟེར་མི་རུང་།
ཤོ་དང་མྰ་ཅང་གི་ཚབ་ཏུ་དཔལ་ཡོན་གྱི་རོལ་རྩེད་འཚོ་བ་བསྒྱུར་བའི་བྱ་ཐབས་དང་གྲོས་གཞི།
གཅིག བོད་མི་རིགས་ཀྱི་སྲོལ་རྒྱུན་གྱི་རྩལ་སྦྱོང་རོལ་རྩེད་ཀྱི་རྣམ་གྲངས་སླར་གསོ་བྱ་བ།
   བོད་མི་རིགས་ལ་རང་ཉིད་ཀྱི་ཁྱད་ཆོས་ལྡན་པའི་མིག་མངས་ཀྱི་རིགས་དང་། ཤོ ཐེ་གེ རྟ་རྒྱུགས་འགྲན་སྡུར། གཡག་རྒྱུགས་འགྲན་སྡུར། ཐག་འཐེན་འགྲན་སྡུར། ས་རྡོ་འཇོག་པ། མདའ་རྩེད། ཐག་མཆོང་། རྒྱང་མཆོང་། ཆུ་རྐྱལ། ཤོག་བྱ་སྤུར་བ་སོགས་རོལ་རྩེད་དང་། རྩལ་སྦྱོང་། རིག་རྩལ་སོགས་གཅིག་ཏུ་གྲུབ་པའི་རྩེད་མོའི་རྣམ་གྲངས་ཤིན་ཏུ་མང་བ་ཡོད་པ་དེ་དག་སླར་གསོ་བྱས་ཚེ། མི་རྣམས་ལ་རོལ་རྩེད་དང་རྩལ་སྦྱོང་གི་སྟེགས་བུ་ཞིག་བསྐྲུན་ཐུབ་པ་མ་ཟད། རྒྱུན་ཆད་པའི་སྲོལ་རྒྱུན་གྱི་རིག་རྩལ་རྩལ་སྣ་ཀུན་སླར་གསོ་ཡོང་བར་ཡང་སྐུལ་འདེད་ཐུབ་པ་དང་། དེ་དང་ཆབས་ཅིག ཐུན་མོང་མ་ཡིན་པའི་རོལ་རྩེད་དང་རྩལ་སྦྱོང་གི་རྣམ་གྲངས་འདི་དག་རྒྱལ་ཁབ་ཕྱི་ནང་གི་འགྲན་སྡུར་དུའང་གཞུག་ཆོག
གཉིས། འཛད་མཐའ་མེད་པའི་གླུ་གར་གྱི་རྒྱ་མཚོ་ནི་ངལ་དུབ་སེལ་བའི་སྨན་མཆོག་དང་།སྤྲོ་སྣང་ཡོང་བའི་གཞི་མ། སེམས་ཁམས་བག་ཡངས་ཐེབས་པའི་ཁྱད་འཕགས་ཀྱི་རོལ་རྩེད་ཡིན།
  གླུ་གར་ལ་མཁས་པ་ནི་བོད་མི་རིགས་ཀྱི་ཁྱད་རྟགས་ཤིག་ཏུ་གྱུར་ཡོད་པ་དང་། བོད་ཀྱི་གླུ་གར་དེ་མིའི་རིགས་ཀྱི་འཚོ་བར་སྤྲོ་སྣང་ཡོང་བྱེད་ཀྱི་སྨན་མཆོག་ཅིག་ཏུའང་གྱུར་འདུག་ལ། སྐོར་བྲོ་དང་། སྒྲ་སྙན། དམངས་གླུ། ལ་གཞས། ཆང་གླུ། ཇ་གླུ། ངལ་རྩོལ་གྱི་གླུ། ཟློས་གར་སོགས་ནི་འགྲན་ཚོགས་དང་བྲོ་ཚོགས། འཁྲབ་སྟོན། འགྲན་སྡུར་སོགས་ཀྱི་རྣམ་པར་བརྟེན་ནས་སྤེལ་ཚེ། མི་རྣམས་ཀྱི་ངལ་དུབ་སེལ་ཞིང་། སྤྲོ་སྣང་ལྡན་ལ། སེམས་ཁམས་བག་ཡངས་སུ་ཡོང་བའི་ཁྱད་འཕགས་ཀྱི་རོལ་རྩེད་སྟེགས་བུ་ཞིག་བསྐྲུན་ཐུབ།
གསུམ། ས་གནས་སོ་སོར་དཔེ་མཛོད་ཁང་འབོར་ཆེན་བཙུགས་ཏེ། མི་རྣམས་ལ་དཔེ་ཆ་ལེགས་པོར་བལྟ་རྒྱུ་ཡོད་པ་བྱ་དགོས།
མིག་སྔར་བོད་ཁུལ་གྱི་དཔེ་མཛོད་ཁང་དེ་ཆང་ཁང་མགྲོན་ཁང་དང་། ཇ་ཁང་གར་ཁང་། གཞུང་སྒྲུབ་ཐོག་ཁང་སོགས་དང་བསྡུར་ན། ས་ཁམས་ཀྱི་གནས་ཡུལ་དང་། ཕྱི་ནང་གི་བཀོད་པ། རྒྱ་ཁྱོན་དང་མཛེས་ཆས་བདེ་ཉམས་སོགས་ནས་མགོ་ཁྲིད་ཀྱིས་མཐོང་ཆེན་དང་སྲིད་གཞུང་གིས་རྒྱབ་སྐྱོར་ཐོབ་ཚད། མི་གྲངས་འདུ་ཚད་སོགས་ཕྱོགས་གང་ནས་ཀྱང་ཤུགས་ཞན་སྣང་མེད་ཀྱི་གནས་སུ་ལྷུང་ཡོད་པ་འདིས་ཡང་སྙིང་ཅི་ཞིག་མཚོན་གྱི་ཡོད་དམ། འདིས་ཅི་ཞིག་གསལ་བཤད་བྱས་ཡོད་པ་གནས་སྐབས་བཏང་སྙོམས་སུ་བཞག་ཤོག ད་ལྟ་སྲིད་གཞུང་དང་མང་ཚོགས་ཀྱིས་མཐོང་ཆེན་བྱ་དགོས་པ་ནི། ལྗོངས་དང་ཁུལ། རྫོང་རིམ་པའི་དཔེ་མཛོད་ཁང་གི་གནས་ཡུལ་དེ་གྲོང་ཁྱེར་གྱི་ལྟེ་བའི་ཁུལ་དུ་གཟུག་དགོས་པ་དང་། རྒྱ་ཁྱོན་ཡངས་ཤིང་ཉི་འོད་འཕྲོ་ས་དང་། འཛེར་སྒྲ་དབེན་ས། སྒྲིག་ཆས་སོགས་ཀྱི་ཐད་ཆ་རྐྱེན་ཡོད་དགོས་ཤིང་། དཔེ་དེབ་བླུ་བའི་མ་དངུལ་ལ་ཁག་ཐེག་ཡོད་དགོས་པ་དང་ཞབས་ཞུའི་དུས་ཚོད་ཇེ་རིང་དུ་གཏོང་དགོས་པ།  དཔེ་དེབ་དང་ཚགས་དེབ་ཀྱི་རིགས་ཕུན་སུམ་ཚོགས་པ་དང་། བོད་རྒྱ་ཡིག་རིགས་གཉིས་འདྲ་མཉམ་དུ་བལྟ་དགོས་པ་བཅས་སོ།།
བཞི། ཇ་ཁང་ཆང་ཁང་སོགས་སྤྲོ་བསང་གི་གནས་དང་མགྲོན་ཁང་སོགས་སུ་ཚགས་དེབ་ཀྱི་རིགས་བཤམས་དགོས་པ་དང་། བག་ཡངས་ཀྱི་མི་རྣམས་ལ་སྟབས་བདེ་ལ་ཕུན་སུམ་ཚོགས་པའི་བསམ་པའི་རྒྱགས་ཕྱེ་ཞིག་མཁོ་སྤྲོད་བྱ་དགོས།
    ཇ་ཁང་ཆང་ཁང་སོགས་སྤྲོ་བསང་གི་གནས་དང་མགྲོན་ཁང་སོགས་ནི་མི་རྣམས་འགྲོ་འོང་གི་གནས་གཙོ་བོ་ཡིན་པས། གནས་འདི་དག་ཏུ་ཏང་གི་ཚགས་དེབ་དང་། ཁྲིམས་ལུགས་ཤེས་བྱ། ཀྲུང་གོའི་བོད་ལྗོངས། ཀྲུང་གོའི་མི་རིགས་ཚགས་པར། ཀྲུང་གོའི་བོད་རིག་པ། ཀྲུང་གོའི་མི་རིགས། བོད་ལྗོངས་ཞིབ་འཇུག ལྗོངས་དང་ཁུལ། རྫོང་བཅས་ཀྱི་ལོ་རྒྱུས་དཔེ་ཆ། ལས་རིགས་ལས་ཁུངས་བཅས་ཀྱི་ཚགས་དེབ་སོགས་བཤམས་རྒྱུ་ནི་སྒྲུབ་ཐུབ་པ་ཞིག་ཡིན་ཞིང་། འདི་ནི་བག་ཡངས་སྤྲོ་རྩེད་རིགས་ཤིག་དང་། དཔེ་ཀློག་སློབ་སྦྱོང་། ཤེས་བྱ་གོང་མཐོར། ཆ་འཕྲིན་རྒྱུས་ལོན། བོད་ཁུལ་དྲིལ་བསྒྲགས་སོགས་ལ་ཕན་པའི་བྱ་ཐབས་རྨད་དུ་བྱུང་བ་ཞིག་གོ །
                                                                                                                         སྡེ་རོང་ཚེ་རིང་དོན་གྲུབ་ཀྱིས། 
                                                                                                                                         2011ལོའི་ཟླ3པའི21ཉིན། 
                                                                                                                                                                   ༼བླ་མ་བཀྲ་ཤིས་ཀྱིས་བསྒྱུར༽

   སྡེ་རོང་ཚེ་རིང་དོན་གྲུབ་ཀྱི་ལོ་རྒྱུས་མདོར་བསྡུས། ༡༩༥༤ལོར་སི་ཁྲོན་སྡེ་རོང་དུ་འཁྲུངས། ཀྲུང་གོ་ཏང་ཡོན་དང་། ཞིབ་འཇུག་པ། རྒྱལ་ཁབ་ཕྱི་ནང་གི་མཁས་པ་གྲགས་ཅན་བཅས་ཡིན། ད་ལྟ་དཀར་མཛེས་ཁུལ་ཡིག་ཚགས་ལས་ཁུངས་སུ་ཕྱག་ལས་གནང་བཞིན་ཡོད། བརྩམས་ཆོས་ལ། 《བོད་ཀྱི་ལོ་རྒྱུས་བཀྲ་ཤིས་གཏེར་བུམ།》དང་།《བདག་གི་རེ་སྨོན》《གནའ་བོའི་ཧྲུའུ་མིའི་འབྱུང་ཁུངས་ཀྱི་མཐིལ་བརྟོལ་བ》སོགས་ཡོད་པ་མ་ཟད། སྔ་ཕྱིར་《འཆམ་མཐུན་བརྟན་བརླིང་གི་བོད་ཁུལ་འཛུགས་སྐྲུན་བྱེད་པའི་ཐད་ཀྱི་གྲོས་འཆར་འགའ》ཞེས་པ་དང་《མདོ་དབུས་མཐོ་སྒང་གི་སྐྱེ་ཁམས་ཁོར་ཡུག་སྲུང་སྐྱོབ་འཛུགས་སྐྲུན་ཐད་བཏོན་པའི་བྱ་ཐབས་བཅོ་ལྔ》སོགས་ཀྱི་གྲོས་འཆར་ཡི་གེ་བྲིས་ཏེ་ཏང་དང་རྒྱལ་ཁབ་ཀྱི་མགོ་ཁྲིད་གཙོ་བོ་དག་ལ་ཕུལ།

རྩོམ་ཁུངས། ངེད་དྲ་བ།

གཟིམས་པ་མེད་པའི་མཆོད་མེ། དབྱངས་གསལ་སོ་བཞིའི་མཛེས་སྡུག  RSSསྔོན་མངག

ཤོ་རྒྱག་རྒྱལ་སྐུགས་བྱ་བ་ཚར་བཅད་དེ།། རིགས་ཀྱི་ཡར་བསྐྱེད་སྙིང་སྟོབས་ཤུགས་ཀྱིས་གསོ།།

2011-04-06 སྡེ་རོང་ཚེ་རིང་དོན་གྲུབ། ཀློག་གྲངས། མཆན ཡོད།

 

                                           ——བོད་རིགས་སྤུན་ཟླ་ཡོངས་ལ་ཕུལ་བའི་གྲོས་གཞིའི་ཡི་གེ
    མྰ་ཅང་དང་། ཤོ་རྩེད་དེ་རྒྱལ་སྐུགས་པའི་རླུང་འཚུབ་ཅིག་གིས་བོད་ཁམས་ཀྱི་གྲོང་དང་གྲོང་བརྡལ་ཕལ་ཆེར་བཏུམ་འགྲོ་བཞིན་པའི་སྣང་ཚུལ་འདི་འགྲེང་བརྒྱ་ཀུན་གྱིས་འཚལ་བ་ཞིག་རེད་ལ། མྰ་ཅང་རྩེད་ནས་དངུལ་ལོར་རྒྱན་དུ་འཇོག་པ་ཡང་མངོན་སུམ་གྱི་དོན་ཞིག་ཏུ་གྱུར་འདུག མྰ་ཅང་རྩེད་པ་ནི་ལྐོག་རྔན་སྤྲོད་པ་དང་གསུག་བརྫངས་པའི་ཐབས་ལམ་ཞིག་ཏུ་གྱུར་ཡོད་པའང་ཀུན་ལ་གསལ་ཆ་ཆེ་བའི་ཡོངས་ཁྱབ་ཀྱི་སྣང་ཚུལ་ཞིག་རེད་ལ།བོད་ཁམས་ཡོངས་ཀྱི་ཕོ་མོ་རྒན་གཞོན་མང་བོས་དུས་ཚོད་དང་སེམས་ཤུགས། ཡོང་སྒོ་ཚང་མ་མྰ་ཅང་ཅོག་ཙེའི་ཐོག་ཏུ་འཕེན་བཞིན་པའང་ཚང་མར་ཆ་རྒྱུས་ཡོད་པའི་དོན་ཞིག་རེད།མྰ་ཅང་དང་ཤོ་སོགས་རྒྱལ་སྐུགས་ལ་མགོ་འཁོར་བའི་རྐྱེན་གྱིས་རུལ་སུངས་ཀྱི་དོན་བསྒྲུབས་ཏེ་ཁྲིམས་མུན་དུ་ཚུད་པ་དང་། ཁྱིམ་ཚང་མ་མཐུན་པ། བུ་ཕྲུག་ལ་ཕ་མའི་བྱམས་བརྩེ་མ་ཐོབ་པར་སེམས་ཁམས་ཡ་མ་བརླ་རུ་གྱུར་བ། འགའ་རེའི་སློབ་གཉེར་མར་འགྲིབ་པ་དང་། ཚོང་གི་མ་རྩ་རྒྱན་ལ་བཞག་སྟེ་ཚར་སོང་བ། ག་ས་གང་དུ་རྒྱལ་སྐུགས་ཀྱི་བུ་ལོན་ཆད་པས་ཁྱིམ་ཚང་ཡང་བཙོངས་པ་སོགས་ནི་འུ་ཅག་གི་མིག་སྔར་བཤམས་པའི་དོན་དངོས་རང་རེད། མྰ་ཅང་དང་ཤོ་ལ་གཡེང་བའི་རྐྱེན་གྱིས་བྱ་བ་འཛོལ་བ་དང་། ལས་ཀ་དང་མི་སྒེར་གྱི་འཕེལ་རྒྱས་དང་མདུན་ལམ་ལ་ཤུགས་རྐྱེན་ཐེབས་པའི་སྣང་ཚུལ་ཡོད་པ་ཡང་མི་རེ་རེའི་སེམས་སུ་གསལ། མྰ་ཅང་དང་ཤོ་རྩེད་ནས་རྒྱལ་སྐུགས་ན་ཐོབ་བྱ་ཅི་ཞིག་ཡོད་པ་དཔེ་རེ་གཉིས་ཀྱང་འདྲེན་རྒྱུ་མི་འདུག་མོད། མི་རེ་འགས། མྰ་ཅང་དང་ཤོ་རྩེས་ན་མིའི་སེམས་ཤུགས་ཁ་འཐོར་དུ་གཏོང་ཐུབ་པས་སྤྱི་ཚོགས་བརྟན་འཇགས་ལ་ཕན་ཞེས་བརྗོད་ཀྱི་འདུག  སྐད་ཆ་འདི་ནི་དབང་འཛིན་སྲིད་གཞུང་གི་བདག་དམ་ནུས་པར་ཟུར་ཟ་འཕྱ་སྨོད་དང་རྫུན་བཟོ་འགྲེལ་བརྗོད་བྱས་པ་ཞིག་རེད།
     བོད་ཁུལ་དུ་ལས་རིགས་སྣ་མང་གསར་དུ་དར་དགོས་ལ། འཛུགས་སྐྲུན་གྱི་ལས་རིགས་ཁག་ལམ་ལ་ཆས་མ་ཐག་ཡིན་པས། རྒྱལ་ཡོངས་མི་དམངས་ཀྱི་རོགས་སྐྱོར་མཁོ་ལ། ང་ཚོས་བསྒྲུབ་དགོས་པའི་བྱ་བ་ཤིན་ཏུ་མང་ཞིང་། གསར་གཏོད་གསར་བསྐྲུན་དང་།འཛུགས་སྐྲུན་དོ་དམ་གྱི་བྱ་བའང་རབ་ཏུ་མོད་པས། རང་ཅག་གིས་མྰ་ཅང་ཅོག་ཙེའི་སྟེང་ལ་བཀོལ་བའི་དུས་ཚོད་དང་སེམས་ཤུགས། མ་དངུལ་ཚང་མ་དཔེ་ཀློག་སློབ་སྦྱོང་དང་ལས་རིགས་ཞིབ་དཔྱོད། བརྟག་དཔྱད་ཞིབ་འཇུག་དང་འཛུགས་སྐྲུན་བྱ་བ། ལས་ཀ་དང་བྱ་བ་སོགས་ཀྱི་ཐད་དུ་བཀོལ་ན་ཇི་འདྲའི་བཟང་ཨང་། འདི་ཡང་ལས་རིགས་ཀྱི་འདུ་ཤེས་ལྡན་ལ། འགན་འཁྲིའི་བསམ་བློ་དང་། ལས་ཀའི་བསམ་བློ། ཉེན་ཚབས་ཀྱི་བསམ་བློ་མངའ་བའི་མི་རྣམས་ཀྱིས་ཉིན་མཚན་ལྟོས་མེད་དུ་ངང་སྒུག་བྱེད་བཞིན་པའི་རེ་སྨོན་ནོ།།
    སྲིད་གཞུང་གི་མིག་ལམ་དང་གསར་འགྱུར་བརྒྱུད་ལམ་ཁག་གི་དྲིལ་བསྒྲགས་ལྟར་ན། བོད་རིགས་ལས་བྱེད་མི་སྣ་དག་གི་རིག་གནས་ཀྱི་ཆུ་ཚད་དང་། ཤེས་བྱའི་ཆུ་ཚད། སྲིད་ཇུས་དང་ཁྲིམས་ལུགས་ཀྱི་ཆུ་ཚད། ལས་རིགས་ཀྱི་ཆུ་ཚད། ཆེད་ལས་ལག་རྩལ་གྱི་ཆུ་ཚད་དང་སྤྱིའི་སྤུས་ཚད་བཅས་བཟང་བར་འདོད་ཀྱི་ཡོད་ཀྱང་། བློ་ཞིབ་མོས་རྒྱུས་ལོན་དང་རྩད་ཞིབ་བྱས་ཚེ། སྤྱི་ཁྱབ་ཏུ་ད་དུང་ཆུ་ཚད་དམའ་བའི་གནས་སུ་ཡོད། ལྷག་པར་དུ་ལས་བྱེད་པའི་ཚོགས་ཀྱིས་རང་མི་རིགས་ཀྱི་སྲོལ་རྒྱུན་རིག་གནས་དང་། སྐད་ཡིག ལོ་རྒྱུས་ཤེས་བྱའི་ཆུ་ཚད་དང་མི་རིགས་རིག་གནས་ལ་བཟུང་བའི་རང་རྟོགས་ཀྱི་འདུ་ཤེས་སོགས་ཇེ་དམའ་དང་ཇེ་སྲབ་ཏུ་འགྲོ་བཞིན་པ་མངོན་ལ། མི་ཁ་ཤས་དེ་དག་ལ་ཡོངས་སུ་རྨོངས་འདུག་ཅེས་ཀྱང་བཤད་ཆོག འདི་ལྟར་ན། འུ་ཅག་དུས་རབས་ཀྱི་རྗེས་ལུས་པ་དང་རང་གི་རིག་གནས་ཀྱི་རྒྱུན་གཅོད་མཁན་ཞིག་ཏུ་འགྱུར་འགྲོ་བར་སྐྲག་སྣང་མི་སྐྱེས་སམ།
    ཀྲུང་དབྱང་གི་བོད་ལྗོངས་བྱ་བའི་ཚོགས་འདུ་ཐེངས་ལྔ་བའི་དགོངས་དོན་ནན་ཏིག་གིས་ལག་བསྟར་དང་། བོད་ཁུལ་གྱི་རྒྱང་མཆོང་ལྟ་བུའི་འཕེལ་རྒྱས་དང་ཡུན་རིང་བརྟན་འཇགས་སྐུལ་སྤེལ། ལོ་ལྔའི་འཆར་གཞི་ཨང་བཅུ་གཉིས་པའི་འཆར་གཞིའི་དམིགས་ཚད་སོགས་ཚང་མ་མྰ་ཅང་ཅོག་ཙེའི་སྟེང་དང་ཇ་ཁང་གར་ཁང་དག་ནས་ལག་བསྟར་ལེགས་འགྲུབ་ཐུབ་པ་ཞིག་ཡིན་སྲིད་དམ། ཁོ་བོས་བལྟས་ན། མྰ་ཅང་ཅོག་ཙེའི་ཐོག་ནས་སྲིད་དོན་མི་འགྲུབ་ཅིང་། ཤོ་ཡི་རྩེད་མོའི་ཁྲོད་ནས་ཤེས་བྱ་སློབ་མི་ཐུབ་ལ།ཇ་ཁང་གར་ཁང་ནང་ནས་གྲུབ་འབྲས་མི་ཐོན་ཞིང་། གཞན་མིའི་ཡིན་མིན་བརྗོད་དེ་ཕན་འབྲས་མི་མངོན་ནོ།།བོད་ཁུལ་གྱི་དཔལ་འབྱོར་འཕེལ་རྒྱས་དང་། རིག་གནས་དར་རྒྱས། སྤྱི་ཚོགས་ཡར་ཐོན། བརྟན་འཇགས་འཆམ་མཐུན་བཅས་འབྱུང་དགོས་ན། དཀའ་སྤྱད་སློབ་སྦྱོང་དང་། ལས་ཀར་སྡུག་རུས། ཧུར་བརྩོན་རྒྱལ་སྐྱོང་། རང་དོན་བློས་བཏང་གིས་བྱས་རྗེས་བཞག་ན་ད་གཟོད་རེ་བ་ཡོད་པ་ལས། དེ་ལས་གཞན་པའི་ཐབས་ལམ་གང་ཡང་མི་འདུག་གོ།
ཤོ་རྒྱག་རྒྱལ་སྐུགས་འགོག་ཐབས་ཀྱི་གྲོས་གཞི་འགའ།
གཅིག  ཏང་དང་སྲིད་གཞུང་གིས་སྲིད་འཛིན་གྱི་ལག་ཐབས་སྤྱད་དེ་དྲག་རྩུབ་ཀྱིས་བཀག་སྡོམ་དང་རྩ་རྫོགས་བྱ་དགོས་པ་དང་། མི་མང་འདུ་ས་དང་གསར་འགྱུར་བརྒྱུད་ལམ་ཁག་ནས་བཀག་སྡོམ་བྱ་དགོས་པའི་དྲིལ་བསྒྲགས་རྒྱ་ཆེན་པོ་བྱས་ཏེ། མི་ཚང་མར་ཤེས་སུ་འཇུག་དགོས།
གཉིས། ཁ་ཏར་མི་ཉན་པའམ་ཉེས་པ་བཟོ་མཁན་ལ་དཔོན་གནས་དང་ལས་གནས་ལས་ཕབ་པ་དང་། ཟླ་ཕོགས་གཅོག་པ། སྒོར་མོའི་ཆད་པ་རྒྱག་པ། གསར་ལམ་དུ་མངོན་བསྒྲགས་བྱེད་པ་སོགས་གཏའ་མ་བྱས་ན་ད་གཟོད་མངོན་གསལ་གྱི་གྲུབ་འབྲས་ཐོན་ཐུབ།
གསུམ། ཁྲིམས་འཛིན་ལྟ་རྟོག་ལས་ཁུངས་ཀྱིས་གནས་དངོས་སུ་ཞིབ་བཤེར་བྱེད་པའི་ཐབས་ཤེས་བསྒྱུར་ཏེ། ཇ་ཁང་དང་ཆང་ཁང་སོགས་སུ་ལྟ་རྟོག་འཕྲུལ་ཆས་བཞག་ནས་དངོས་དཔང་ར་སྤྲོད་བྱེད་པ་དང་རྒྱལ་སྐུགས་མཁན་བྲོས་བྱོལ་གྱི་གོ་སྐབས་སྟེར་མི་རུང་།
ཤོ་དང་མྰ་ཅང་གི་ཚབ་ཏུ་དཔལ་ཡོན་གྱི་རོལ་རྩེད་འཚོ་བ་བསྒྱུར་བའི་བྱ་ཐབས་དང་གྲོས་གཞི།
གཅིག བོད་མི་རིགས་ཀྱི་སྲོལ་རྒྱུན་གྱི་རྩལ་སྦྱོང་རོལ་རྩེད་ཀྱི་རྣམ་གྲངས་སླར་གསོ་བྱ་བ།
   བོད་མི་རིགས་ལ་རང་ཉིད་ཀྱི་ཁྱད་ཆོས་ལྡན་པའི་མིག་མངས་ཀྱི་རིགས་དང་། ཤོ ཐེ་གེ རྟ་རྒྱུགས་འགྲན་སྡུར། གཡག་རྒྱུགས་འགྲན་སྡུར། ཐག་འཐེན་འགྲན་སྡུར། ས་རྡོ་འཇོག་པ། མདའ་རྩེད། ཐག་མཆོང་། རྒྱང་མཆོང་། ཆུ་རྐྱལ། ཤོག་བྱ་སྤུར་བ་སོགས་རོལ་རྩེད་དང་། རྩལ་སྦྱོང་། རིག་རྩལ་སོགས་གཅིག་ཏུ་གྲུབ་པའི་རྩེད་མོའི་རྣམ་གྲངས་ཤིན་ཏུ་མང་བ་ཡོད་པ་དེ་དག་སླར་གསོ་བྱས་ཚེ། མི་རྣམས་ལ་རོལ་རྩེད་དང་རྩལ་སྦྱོང་གི་སྟེགས་བུ་ཞིག་བསྐྲུན་ཐུབ་པ་མ་ཟད། རྒྱུན་ཆད་པའི་སྲོལ་རྒྱུན་གྱི་རིག་རྩལ་རྩལ་སྣ་ཀུན་སླར་གསོ་ཡོང་བར་ཡང་སྐུལ་འདེད་ཐུབ་པ་དང་། དེ་དང་ཆབས་ཅིག ཐུན་མོང་མ་ཡིན་པའི་རོལ་རྩེད་དང་རྩལ་སྦྱོང་གི་རྣམ་གྲངས་འདི་དག་རྒྱལ་ཁབ་ཕྱི་ནང་གི་འགྲན་སྡུར་དུའང་གཞུག་ཆོག
གཉིས། འཛད་མཐའ་མེད་པའི་གླུ་གར་གྱི་རྒྱ་མཚོ་ནི་ངལ་དུབ་སེལ་བའི་སྨན་མཆོག་དང་།སྤྲོ་སྣང་ཡོང་བའི་གཞི་མ། སེམས་ཁམས་བག་ཡངས་ཐེབས་པའི་ཁྱད་འཕགས་ཀྱི་རོལ་རྩེད་ཡིན།
  གླུ་གར་ལ་མཁས་པ་ནི་བོད་མི་རིགས་ཀྱི་ཁྱད་རྟགས་ཤིག་ཏུ་གྱུར་ཡོད་པ་དང་། བོད་ཀྱི་གླུ་གར་དེ་མིའི་རིགས་ཀྱི་འཚོ་བར་སྤྲོ་སྣང་ཡོང་བྱེད་ཀྱི་སྨན་མཆོག་ཅིག་ཏུའང་གྱུར་འདུག་ལ། སྐོར་བྲོ་དང་། སྒྲ་སྙན། དམངས་གླུ། ལ་གཞས། ཆང་གླུ། ཇ་གླུ། ངལ་རྩོལ་གྱི་གླུ། ཟློས་གར་སོགས་ནི་འགྲན་ཚོགས་དང་བྲོ་ཚོགས། འཁྲབ་སྟོན། འགྲན་སྡུར་སོགས་ཀྱི་རྣམ་པར་བརྟེན་ནས་སྤེལ་ཚེ། མི་རྣམས་ཀྱི་ངལ་དུབ་སེལ་ཞིང་། སྤྲོ་སྣང་ལྡན་ལ། སེམས་ཁམས་བག་ཡངས་སུ་ཡོང་བའི་ཁྱད་འཕགས་ཀྱི་རོལ་རྩེད་སྟེགས་བུ་ཞིག་བསྐྲུན་ཐུབ།
གསུམ། ས་གནས་སོ་སོར་དཔེ་མཛོད་ཁང་འབོར་ཆེན་བཙུགས་ཏེ། མི་རྣམས་ལ་དཔེ་ཆ་ལེགས་པོར་བལྟ་རྒྱུ་ཡོད་པ་བྱ་དགོས།
མིག་སྔར་བོད་ཁུལ་གྱི་དཔེ་མཛོད་ཁང་དེ་ཆང་ཁང་མགྲོན་ཁང་དང་། ཇ་ཁང་གར་ཁང་། གཞུང་སྒྲུབ་ཐོག་ཁང་སོགས་དང་བསྡུར་ན། ས་ཁམས་ཀྱི་གནས་ཡུལ་དང་། ཕྱི་ནང་གི་བཀོད་པ། རྒྱ་ཁྱོན་དང་མཛེས་ཆས་བདེ་ཉམས་སོགས་ནས་མགོ་ཁྲིད་ཀྱིས་མཐོང་ཆེན་དང་སྲིད་གཞུང་གིས་རྒྱབ་སྐྱོར་ཐོབ་ཚད། མི་གྲངས་འདུ་ཚད་སོགས་ཕྱོགས་གང་ནས་ཀྱང་ཤུགས་ཞན་སྣང་མེད་ཀྱི་གནས་སུ་ལྷུང་ཡོད་པ་འདིས་ཡང་སྙིང་ཅི་ཞིག་མཚོན་གྱི་ཡོད་དམ། འདིས་ཅི་ཞིག་གསལ་བཤད་བྱས་ཡོད་པ་གནས་སྐབས་བཏང་སྙོམས་སུ་བཞག་ཤོག ད་ལྟ་སྲིད་གཞུང་དང་མང་ཚོགས་ཀྱིས་མཐོང་ཆེན་བྱ་དགོས་པ་ནི། ལྗོངས་དང་ཁུལ། རྫོང་རིམ་པའི་དཔེ་མཛོད་ཁང་གི་གནས་ཡུལ་དེ་གྲོང་ཁྱེར་གྱི་ལྟེ་བའི་ཁུལ་དུ་གཟུག་དགོས་པ་དང་། རྒྱ་ཁྱོན་ཡངས་ཤིང་ཉི་འོད་འཕྲོ་ས་དང་། འཛེར་སྒྲ་དབེན་ས། སྒྲིག་ཆས་སོགས་ཀྱི་ཐད་ཆ་རྐྱེན་ཡོད་དགོས་ཤིང་། དཔེ་དེབ་བླུ་བའི་མ་དངུལ་ལ་ཁག་ཐེག་ཡོད་དགོས་པ་དང་ཞབས་ཞུའི་དུས་ཚོད་ཇེ་རིང་དུ་གཏོང་དགོས་པ།  དཔེ་དེབ་དང་ཚགས་དེབ་ཀྱི་རིགས་ཕུན་སུམ་ཚོགས་པ་དང་། བོད་རྒྱ་ཡིག་རིགས་གཉིས་འདྲ་མཉམ་དུ་བལྟ་དགོས་པ་བཅས་སོ།།
བཞི། ཇ་ཁང་ཆང་ཁང་སོགས་སྤྲོ་བསང་གི་གནས་དང་མགྲོན་ཁང་སོགས་སུ་ཚགས་དེབ་ཀྱི་རིགས་བཤམས་དགོས་པ་དང་། བག་ཡངས་ཀྱི་མི་རྣམས་ལ་སྟབས་བདེ་ལ་ཕུན་སུམ་ཚོགས་པའི་བསམ་པའི་རྒྱགས་ཕྱེ་ཞིག་མཁོ་སྤྲོད་བྱ་དགོས།
    ཇ་ཁང་ཆང་ཁང་སོགས་སྤྲོ་བསང་གི་གནས་དང་མགྲོན་ཁང་སོགས་ནི་མི་རྣམས་འགྲོ་འོང་གི་གནས་གཙོ་བོ་ཡིན་པས། གནས་འདི་དག་ཏུ་ཏང་གི་ཚགས་དེབ་དང་། ཁྲིམས་ལུགས་ཤེས་བྱ། ཀྲུང་གོའི་བོད་ལྗོངས། ཀྲུང་གོའི་མི་རིགས་ཚགས་པར། ཀྲུང་གོའི་བོད་རིག་པ། ཀྲུང་གོའི་མི་རིགས། བོད་ལྗོངས་ཞིབ་འཇུག ལྗོངས་དང་ཁུལ། རྫོང་བཅས་ཀྱི་ལོ་རྒྱུས་དཔེ་ཆ། ལས་རིགས་ལས་ཁུངས་བཅས་ཀྱི་ཚགས་དེབ་སོགས་བཤམས་རྒྱུ་ནི་སྒྲུབ་ཐུབ་པ་ཞིག་ཡིན་ཞིང་། འདི་ནི་བག་ཡངས་སྤྲོ་རྩེད་རིགས་ཤིག་དང་། དཔེ་ཀློག་སློབ་སྦྱོང་། ཤེས་བྱ་གོང་མཐོར། ཆ་འཕྲིན་རྒྱུས་ལོན། བོད་ཁུལ་དྲིལ་བསྒྲགས་སོགས་ལ་ཕན་པའི་བྱ་ཐབས་རྨད་དུ་བྱུང་བ་ཞིག་གོ །
                                                                                                                         སྡེ་རོང་ཚེ་རིང་དོན་གྲུབ་ཀྱིས། 
                                                                                                                                         2011ལོའི་ཟླ3པའི21ཉིན། 
                                                                                                                                                                   ༼བླ་མ་བཀྲ་ཤིས་ཀྱིས་བསྒྱུར༽

   སྡེ་རོང་ཚེ་རིང་དོན་གྲུབ་ཀྱི་ལོ་རྒྱུས་མདོར་བསྡུས། ༡༩༥༤ལོར་སི་ཁྲོན་སྡེ་རོང་དུ་འཁྲུངས། ཀྲུང་གོ་ཏང་ཡོན་དང་། ཞིབ་འཇུག་པ། རྒྱལ་ཁབ་ཕྱི་ནང་གི་མཁས་པ་གྲགས་ཅན་བཅས་ཡིན། ད་ལྟ་དཀར་མཛེས་ཁུལ་ཡིག་ཚགས་ལས་ཁུངས་སུ་ཕྱག་ལས་གནང་བཞིན་ཡོད། བརྩམས་ཆོས་ལ། 《བོད་ཀྱི་ལོ་རྒྱུས་བཀྲ་ཤིས་གཏེར་བུམ།》དང་།《བདག་གི་རེ་སྨོན》《གནའ་བོའི་ཧྲུའུ་མིའི་འབྱུང་ཁུངས་ཀྱི་མཐིལ་བརྟོལ་བ》སོགས་ཡོད་པ་མ་ཟད། སྔ་ཕྱིར་《འཆམ་མཐུན་བརྟན་བརླིང་གི་བོད་ཁུལ་འཛུགས་སྐྲུན་བྱེད་པའི་ཐད་ཀྱི་གྲོས་འཆར་འགའ》ཞེས་པ་དང་《མདོ་དབུས་མཐོ་སྒང་གི་སྐྱེ་ཁམས་ཁོར་ཡུག་སྲུང་སྐྱོབ་འཛུགས་སྐྲུན་ཐད་བཏོན་པའི་བྱ་ཐབས་བཅོ་ལྔ》སོགས་ཀྱི་གྲོས་འཆར་ཡི་གེ་བྲིས་ཏེ་ཏང་དང་རྒྱལ་ཁབ་ཀྱི་མགོ་ཁྲིད་གཙོ་བོ་དག་ལ་ཕུལ།

རྩོམ་ཁུངས། ངེད་དྲ་བ།

དཔྱད་མཆན ཡོངས་སུ་གཟིགས།དཔྱད་མཆན།

མིང་མི་འགོད་པར་སྤེལ།